Alama 7
    Footnotes

    Na vosa nei Alama ka tukuna vei ira na tamata mai Kitioni, me vaka na nona itukutuku.

    Okati ena wase e 7.

    Wase 7

    Ena sucu mai vei Meri na Karisito—Ena tasereka ko koya na ivau ni mate ka colata na nodra ivalavala ca na Nona tamata—Ko ira era veivutuni, ka papitaisotaki, ka maroroya na ivakaro ena nodra na bula tawamudu—Na dukadukali ena sega ni taukena na matanitu ni Kalou—Sa gadrevi na yalomalumalumu, vakabauta, vakanuinui, kei na loloma uasivi. Rauta na 83 B.K.

    1 Raica oi kemuni na wekaqu lomani, ko ni sa raica ni sa vakatarai me’u lako mai vei kemuni, o koya au sa tovolea kina me’u avosa vei kemuni ena noqu vosa; io, mai na gusuqu, me vaka ni sai koya oqo na imatai ni gauna me’u vosa kina vei kemuni mai na vosa ni gusuqu, ni’u sa dau osooso tu ga ena bitikotiko ni veilewai, ena levu ni ka me’u qarava sa sega kina ni rawa me’u lako mai vei kemuni.

    2 Ka ena sega ga ni rawa ni’u lako mai ena gauna oqo ke a sega ni se asoli na itikotiko ni veilewai vua e dua tale, me kequ isosomi; ka ni sa rui yalololoma sara na Turaga ka laiva me’u lako mai vei kemuni.

    3 Ka raica, au sa lako mai ena vakanuinui levu kei na noqu gadreva vakaidina me’u na mai raica ni ko ni sa yalomalumalumu ena mata ni Kalou, ia mo ni sa dau masuta tiko ga na nona loloma soli wale, ia me’u raica ni sa sega ni dua na ka mo ni beitaki rawa kina e matana, ia me’u raica ni ko ni sega ni tiko ena vanua ca sara me vakataki ira na wekada mai Saraemala.

    4 Ia me vakarokorokotaki ga na yaca ni Kalou, ni sa solia vei au me’u kila, io, sa solia ki vei au na marau uasivi ni’u sa kila ni ra sa tauyavutaki tale ena sala ni nona yalododonu.

    5 Ka’u sa nuitaka, me vaka na Yalo ni Kalou sa tu vei au, ni’u na marautaki kemuni; ia au sega ni vinakata me vu ni noqu marautaki kemuni na veivakasewasewani kei na rarawa levu au a vakila me baleti ira na wekada mai Saraemala, ia raica, sa yaco na noqu marautaki ira ni oti na noqu vuto basikata na veivakasewasewani kei na rarawa levu.

    6 Ia raica, au nuitaka ni ko ni sa sega ni vakatitiqa me vakataki ira na wekamuni; au nuitaka ni ko ni sa sega ni laveti cake ena viavialevu ni lomamuni; io, au nuitaka ni ko ni sega ni vagoleya na lomamuni ki na iyau kei na veika wale ni vuravura; io, au nuitaka ni ko ni sa sega ni qarava tiko na amatakau, ia ko ni sa qarava ga na bKalou dina ka bula, ia ko ni sa vakanamata ki liu ki na bokoci ni nomuni ivalavala ca, kei na vakabauta tawavakaiyalayala, o koya ena qai yaco mai.

    7 Ia raica, au sa kaya vei kemuni ena yaco vakaidina e vuqa na veika; ka raica, e dua ga na ka sa uasivi duadua vei ira kece oqo—ia raica, sa sega ni yawa na agauna ka ni bula na Dauveivueti ena lako mai ena kedra maliwa na nona tamata.

    8 Raica, au sega ni kaya ni na lako mai ki na keda maliwa ena gauna e tawana voli kina na nona vale qele; ia raica, na Yalo e sega ni tukuna vei au ni na vakaoqo. Ia me vaka na ka oqo au sega ni kila; ia oqo na ka au sa kila, ni Turaga na Kalou e tu vua na kaukauwa me vakayacora na veika kecega me vaka sa tukuna na nona vosa.

    9 Ia raica, na Yalo sa tukuna vei au na veika oqo, ka kaya: Mo vosa vei ira na tamata oqo, ka kaya—aDou veivutuni, ka vakarautaka na sala ni Turaga, ka lako ena nona sala, ka ni sa dodonu; ia raica, sa voleka na matanitu vakalomalagi, ia na Luve ni Kalou ena blako mai ena delai vuravura.

    10 Ia raica, ena asucu mai vei bMeri, e Jerusalemi, na cnodra vanua na noda qase, ni sa dgoneyalewa savasava ko koya, sa ka talei ka digitaki, ko koya ena vakarurugi ka ekunekune ena kaukauwa ni Yalo Tabu, ka na vakasucuma mai e dua na gonetagane, io, ko koya na Luve ni Kalou.

    11 Ia ena lako yani ko koya, ena vakila na mosi kei na aveivakararawataki kei na veivakatovolei kecega; ia sa yaco na veika oqo me vakayacori kina na vosa sa tukuni ni na colata ko koya na nodra mosi kei na nodra tauvimate na nona tamata.

    12 Ia ena amate ko koya, me tasereka kina na ivau ni mate sa vauci ira tu na nona tamata; ia sa ciqoma ko koya na nodra malumalumu, me vakasinaiti na lomana ena loloma cecere, me vaka na veika vakayago, me rawa kina ni vakila me vaka na veika vakayago na sala me bvukei ira kina na nona tamata me vaka na nodra veimalumalumu.

    13 Sa akila na ka kecega na Yalo; o koya ena vakararawataki kina na Luve ni Kalou me vaka na veika vakayago me bcolata kina na nodra ivalavala ca na nona tamata, me bokoca kina na nodra talaidredre me vaka na kaukauwa ni nona veivueti; ia oqo raica, sa vakaoqo na ivakadinadina sa tu vei au.

    14 Oqo au sa kaya vei kemuni mo ni veivutuni, ka asucu tale; ni sa kaya na Yalo kevaka ko ni sa sega ni sucu tale ko ni na sega ni taukena na matanitu vakalomalagi; o koya mo ni lako mai ka papitaiso ki na veivutuni, mo ni savasava kina mai na nomuni ivalavala ca, mo ni vakabauta kina na Lami ni Kalou, o koya sa kauta tani na ivalavala ca ni vuravura, ko koya sa kaukauwa sara me ia na veivakabulai ka veisavai mai na veika e sega ni dodonu.

    15 Io, au sa kaya vei kemuni mo ni lako mai ka kakua ni rere, mo ni biuta tani na ivalavala ca kecega, o koya ko ni sa avakaleqai rawarawa kina, ka sa dau vesuki kemuni mo ni rusa kina, io, ni lako mai ka lako yani, ka vakaraitaka vua na nomuni Kalou ni ko ni sa vinakata mo ni veivutunitaka na nomuni ivalavala ca ka veiyalayalati vata kaya mo ni na muria na nona ivakaro, ia mo ni vakadinadinataka vei koya edaidai ena nomuni na lako yani ki na wai ni veipapitaisotaki.

    16 Ia ko koya yadua sa kitaka oqo, ka muria na ivakaro ni Kalou mai na gauna oqo ka lako yani, ena nanuma ko koya na ka au sa tukuna vua, io, ena nanuma ko koya ni’u sa tukuna vua, ni na taukena na bula tawamudu, me vaka na nona ivakadinadina na Yalo Tabu, ka sa vakadinadinataka e lomaqu.

    17 Ia oqo oi kemuni na wekaqu lomani, ko ni vakabauta li na veika oqo? Raica, au sa kaya vei kemuni, io, au kila ni ko ni sa vakabauta; au kila rawa ni ko ni sa vakabauta ia na sala au kila rawa kina ni ko ni sa vakabauta sa i koya na veivakatakilai ni Yalo sa tu vei au. Ia me vaka ni sa kaukauwa na nomuni vakabauta me baleta na veika oqori, io, me baleta na veika au sa tukuna oti, sa vuabale kina na noqu marau.

    18 Me vaka au sa tukuna oti vei kemuni mai na ivakatekivu, ni’u a nuitaka vakalevu mo ni kakua ni tu ena nuiqawaqawa me vakataki ira na wekamuni, ia au sa mai raica ni sa vakacegui na noqu gagadre.

    19 Ia au sa raica ni ko ni sa muria tiko na gaunisala dodonu; au sa raica ni ko ni sa muria na sala sa basika ki na matanitu ni Kalou; io, au sa raica ni ko ni sa cakava me dodonu na nona asala.

    20 Au kila ni sa vakatakilai oti vei kemuni, ena ivakadinadina ni nona vosa, ni sega ni dau alakova ko koya na sala tatakelokelo; sa sega talega ni dauveivukiyaki mai na veika sa tukuna oti; sa sega vua na iyaloyalo ni veigoleyaki mai na imatau ki na imawi, se mai na veika dodonu ki na veika cala, o koya sa dua kina na iwavoki tawamudu na nona sala.

    21 Ia sa sega ni dautiko ko Koya ena avaletabu dukadukali; sa sega talega ni curu ki na matanitu ni Kalou e dua na ka sa dukadukali se tawa savasava; o koya au sa kaya kina vei kemuni ena yaco mai na gauna, io, ena siga mai muri, ni na tiko ga ena nona bdukadukali ko koya sa dukadukali.

    22 Ia oqo oi kemuni na wekaqu lomani, au sa tukuna vei kemuni na veika oqo me rawa ni’u vakayadrati kemuni kina ki na nomuni itavi vua na Kalou, mo ni lako ka sega ni beitaki rawa e matana, ia mo dou muria kina na ivakarau tabu ni Kalou, me vaka ko ni sa ciqomi kina.

    23 Ia oqo au gadreva mo ni ayalomalumalumu, mo ni talairawarawa ka yalomalua; mo dou vakamasuti vakarawarawa; sinai ena yalodei kei na vosota vakadede; ka matau ena ka kecega; ia mo dou gugumatua ka muria tiko ga na ivakaro ni Kalou ena gauna taucoko; ia mo ni kerea vua na veika kecega ko ni gadreva, vakayago se vakayalo; ka mo ni dau vakavinavinakataka vua na Kalou na veika kece ko ni rawata.

    24 Ia mo ni raica me tu vei kemuni na avakabauta, na inuinui, kei na loloma uasivi, ka ko ni na qai uasivi sara ena cakacaka vinaka.

    25 Ia me na qai vakalougatataki kemuni na Turaga, ka sega ni tauvi duka na nomuni isulu, me rawa kina ni ko ni qai vakadaberi vata kei Eparaama, kei Aisake, kei Jekope kei ira kecega na parofita tabu mai na ivakatekivu kei vuravura, ni sa sega ni tauvi duka na nomuni isulu ka asega ni tauvi duka talega vakakina na nodra isulu, ena matanitu vakalomalagi ka mo ni sega ni lesu tale ki tuba.

    26 Ia oqo oi kemuni na wekaqu lomani, au sa tukuna vei kemuni na veika oqo ena kaukauwa ni Yalo ka sa vakadinadinataka e lomaqu; ia sa reki vakalevu sara na yaloqu, ni’u sa kila ni ko ni sa gumatua sara ni muria na noqu vosa.

    27 Ia oqo, na avakacegu ni Kalou me tiko ga vei kemuni, kei na nomuni vuvale kei na nomuni vanua, na nomuni qele ni manumanu lalai kei na qele ni manumanu lelevu, kei na veika kece ko ni taukena, ko ira na nomuni yalewa kei na luvemuni, me vaka na nomuni vakabauta kei na nomuni caka vinaka, mai na gauna oqo ka lako yani me sega ni mudu. Ia au sa vosa oti. Emeni.