Mga Kasulatan
Alma 49


Kapitulo 49

Ang misulong nga mga Lamanita wala makakuha sa gilig-on nga mga siyudad sa Ammonihah ug sa Noah—Si Amalickiah mitunglo sa Dios ug nanumpa nga moinom sa dugo ni Moroni—Si Helaman ug ang iyang kaigsuonan nagpadayon sa paglig-on sa Simbahan. Mga 72 B.C.

1 Ug karon nahitabo sa ikanapulo ug usa nga bulan sa ikanapulo ug siyam nga tuig, sa ikanapulo nga adlaw sa bulan, ang kasundalohan sa mga Lamanita nakit-an nga nagpaingon padulong sa yuta sa Ammonihah.

2 Ug tan-awa, ang siyudad gitukod pag-usab, ug si Moroni mibutang og kasundalohan dapit sa mga utlanan sa siyudad, ug gipalibotan nila kini og yuta aron sa pagpanalipod kanila gikan sa mga panâ ug mga bato sa mga Lamanita; kay tan-awa, nakig-away sila gamit ang mga bato ug mga panâ.

3 Tan-awa, ako miingon nga ang siyudad sa aAmmonihah gitukod pag-usab. Sultihan ko kamo, oo, nga ang usa ka bahin gitukod pag-usab; ug tungod kay ang mga Lamanita miguba niini makausa tungod sa kadaotan sa katawhan, nagtuo sila nga sayon gihapon ang pagbihag kanila.

4 Apan tan-awa, pagkadako sa ilang kasagmuyo; kay tan-awa, ang mga Nephita mikalot og yuta aron himoon og bungdo libot kanila, nga hilabihan ka taas nga ang mga Lamanita dili makalabay sa ilang mga bato ug sa ilang mga panâ ngadto kanila aron sila maigo, ni sila makaduol kanila gawas kon pinaagi sa ilang ganghaan.

5 Karon niini nga higayon ang labaw nga mga kapitan sa mga Lamanita nahibulong sa hilabihan, tungod sa kaalam sa mga Nephita sa pag-andam sa ilang mga dapit nga tagoanan.

6 Karon nagtuo ang mga pangulo sa mga Lamanita nga tungod sa ilang gidaghanon, oo, nagtuo sila nga kahigayonan na nila ang pagsulong kanila sama sa ilang nabuhat kaniadto; oo, ug giandam usab nila ang ilang mga kaugalingon pinaagi sa mga panagang, ug mga taming; ug giandam usab nila ang ilang mga kaugalingon gamit ang mga sapot nga panit, oo, bagâ kaayong mga sapot nga itabon sa ilang pagkahubo.

7 Ug kay nakaandam sa ingon niana nagtuo sila nga sayon ra nilang mabuntog ug maulipon ang ilang kaigsuonan sa yugo sa pagkaulipon, o sa pagpatay ug pagpuo kanila sumala sa ilang kahimuot.

8 Apan tan-awa, sa ilang tumang katingala, sila anakapangandam alang kanila, sa pamaagi nga wala pa gayod mahibaloi sa mga anak ni Lehi. Karon andam sila alang sa mga Lamanita, sa pagpakig-away subay sa pamaagi nga gitudlo ni Moroni.

9 Ug nahitabo nga ang mga Lamanita, o ang mga Amalickianhon, natingala sa hilabihan sa ilang pamaagi sa pagpangandam alang sa gubat.

10 Karon, kon si hari Amalickiah milugsong pa unta gikan sa ayuta sa Nephi, nga nangulo sa iyang kasundalohan, tingali mimando siya sa mga Lamanita sa pag-atake sa mga Nephita sa siyudad sa Ammonihah; kay tan-awa, walay bili kaniya ang dugo sa iyang katawhan.

11 Apan tan-awa, si Amalickiah wala molugsong mismo aron makig-away. Ug tan-awa, ang iyang labaw nga mga kapitan wala mangahas sa pag-atake sa mga Nephita sa siyudad sa Ammonihah, kay giusab ni Moroni ang pamaagi sa mga kalihokan sa mga Nephita, hangtod nga ang mga Lamanita nasagmuyo tungod sa ilang mga dapit nga kasibogan ug dili sila makasulong kanila.

12 Busa misibog sila didto sa kamingawan, ug midala sa ilang pundok sa mga sundalo ug mimartsa paingon sa yuta sa Noah, nagtuo nga kadto ang sunod nga labing maayong dapit nga sulngon ang mga Nephita.

13 Kay wala sila masayod nga si Moroni milig-on, o mitukod og mga akuta nga katagoan, alang sa matag siyudad libot sa tibuok yuta; busa, mimartsa sila paingon sa yuta sa Noah uban ang hugot nga determinasyon; oo, ang ilang labaw nga mga kapitan miabante ug mihimo og usa ka panumpa nga pamatyon nila ang katawhan niana nga siyudad.

14 Apan tan-awa, sa ilang katingala, ang siyudad sa Noah, nga usa ka huyang nga dapit kaniadto, sa pagkakaron, tungod sa pamaagi ni Moroni, nahimong lig-on, oo, gani labaw pa kalig-on sa siyudad sa Ammonihah.

15 Ug karon, tan-awa, tungod kadto sa kaalam ni Moroni; kay nagtuo siya nga mahadlok sila sa siyudad sa Ammonihah; ug kay ang siyudad sa Noah mao man ang labing huyang nga dapit sa yuta kaniadto, busa momartsa sila paingon didto aron makig-away; ug mao kadto sumala sa iyang mga tinguha.

16 Ug tan-awa, si Moroni mipili kang Lehi nga mahimong labaw nga kapitan sa mga tawo niana nga siyudad; ug mao agihapon kadto nga Lehi nga nakig-away sa mga Lamanita didto sa walog sa silangan sa suba sa Sidon.

17 Ug karon tan-awa nahitabo, nga sa dihang ang mga Lamanita nakakita nga si Lehi ang nagmando sa siyudad nasagmuyo na usab sila, kay nahadlok kaayo sila ni Lehi; bisan pa niana ang ilang labaw nga mga kapitan nakapanumpa sa usa ka panumpa sa pag-atake sa siyudad; busa, misulong sila uban sa ilang kasundalohan.

18 Karon tan-awa, ang mga Lamanita dili makasulod sa ilang mga kuta nga dangpanan agi sa ubang agianan kondili adto ra gayod sa may ganghaan, tungod sa kataas sa bungdo nga gibutang, ug sa kalawom sa kanal nga gikalot sa palibot, kondili adto ra gayod sa may ganghaan.

19 Ug ingon niana ka andam ang mga Nephita sa pagpatay sa tanan nga mangahas sa pagkatkat aron mosulod sa kuta sa bisan unsang laing paagi, pinaagi sa paglabay og mga bato ug mga panâ ngadto kanila.

20 Sa ingon niana sila nakaandam, oo, usa ka pundok sa ilang labing kusgan nga mga tawo, dala ang ilang mga espada ug ilang mga saplong, sa pagtigbas sa tanan kinsa mangahas sa pagsulod sa ilang dapit nga dangpanan agi sa ganghaan; ug sa ingon niana sila nakaandam sa pagpanalipod sa ilang mga kaugalingon batok sa mga Lamanita.

21 Ug nahitabo nga ang mga kapitan sa mga Lamanita midala sa ilang kasundalohan sa atubangan sa ganghaan, ug misugod sa pagpakig-away sa mga Nephita, aron makasulod sa ilang dapit nga dangpanan; apan tan-awa, giabog sila matag karon ug unya, hangtod nga gipamatay sila sa hilabihan nga pagpamatay.

22 Karon sa dihang nakita nila nga wala silay mahimo aron malutsan nila ang mga Nephita agi sa agianan, gisugdan nila sa pagkalot ang ilang mga bungdo sa yuta aron sila makahimo og agianan sa ilang kasundalohan, aron makaangkon sila og sama nga kahigayonan sa pagpakig-away; apan tan-awa, niini nga mga pagsulay nasamdan ug nangamatay sila tungod sa mga bato ug sa mga panâ nga gitira kanila; ug imbis mapuno ang ilang mga kanal pinaagi sa pagkabkab sa mga bungdo sa yuta, napuno kini sa gidaghanon sa ilang mga patay ug mga samaran nga lawas.

23 Sa ingon niana ang mga Nephita adunay abilidad sa pagkontrolar sa ilang mga kaaway; ug sa ingon niana ang mga Lamanita misulay sa pagpatay sa mga Nephita hangtod ang ilang labaw nga mga kapitan tanan nangamatay; oo, ug labaw sa usa ka libo sa mga Lamanita ang nangamatay; samtang, sa lain nga bahin, walay bisan usa ka kalag sa mga Nephita ang namatay.

24 Dihay mga kalim-an nga nasamaran, nga nabantang sa mga panâ sa mga Lamanita sa may agianan, apan napanalipdan sila sa ilang mga panagang, ug sa ilang mga taming, ug sa ilang mga panagang sa ulo, hinungdan nga ang ilang mga samad diha ra sa ilang mga bitiis, daghan niini grabe kaayo.

25 Ug nahitabo, nga sa dihang ang mga Lamanita nakakita nga ang ilang tanan nga labaw nga mga kapitan nangamatay misibog sila ngadto sa kamingawan. Ug nahitabo nga namalik sila ngadto sa yuta sa Nephi, aron pahibaloon ang ilang hari nga si Amalickiah, kinsa usa ka Nephita sa pagkatawo, mahitungod sa ilang dakong kapildihan.

26 Ug nahitabo nga nasuko siya pag-ayo sa iyang katawhan, kay wala niya maangkon ang iyang tinguha sa mga Nephita; wala niya mahimo ang pagyugo kanila ngadto sa pagkaulipon.

27 Oo, nasuko siya pag-ayo, ug agitunglo niya ang Dios, ug usab si Moroni, nanumpa uban sa bpanumpa nga imnon niya ang iyang dugo; ug kini tungod kay si Moroni nagtuman sa mga sugo sa Dios sa pagpangandam alang sa kaseguroan sa iyang katawhan.

28 Ug nahitabo, nga sa laing bahin, ang katawhan ni Nephi anagpasalamat sa Ginoo nga ilang Dios, tungod sa iyang dili hitupngan nga gahom sa pagluwas kanila gikan sa mga kamot sa ilang mga kaaway.

29 Ug sa ingon niana natapos ang ikanapulo ug siyam nga tuig sa paghari sa mga maghuhukom sa katawhan ni Nephi.

30 Oo, ug dihay nagpadayon nga kalinaw taliwala kanila, ug hilabihan kadako ang kauswagan sa simbahan tungod sa ilang pagpatalinghog ug kakugi nga ilang gihatag ngadto sa pulong sa Dios, nga gipadayag ngadto kanila pinaagi ni Helaman, ug ni Shiblon, ug ni Corianton, ug ni Ammon ug sa iyang kaigsuonan, oo, ug pinaagi niadtong tanan nga gi-orden sa abalaan nga kapunongan sa Dios, ug gibunyagan tungod sa paghinulsol, ug gipadala aron sa pagsangyaw sa katawhan.