Mga Kasulatan
Alma 48


Kapitulo 48

Si Amalickiah mihulhog sa mga Lamanita batok sa mga Nephita—Si Moroni miandam sa iyang katawhan sa pagpanalipod sa kawsa sa mga Kristiyano—Siya nagmaya sa kalingkawasan ug kagawasan ug usa ka gamhanan nga tawo sa Dios. Mga 72 B.C.

1 Ug karon nahitabo nga, sa dihang nakuha na ni Amalickiah ang gingharian misugod siya sa pagdasig sa mga kasingkasing sa mga Lamanita batok sa katawhan ni Nephi; oo, mipili siya og mga tawo aron makigsulti ngadto sa mga Lamanita gikan sa ilang mga tore, batok sa mga Nephita.

2 Ug sa ingon niana midasig siya sa ilang mga kasingkasing batok sa mga Nephita, hangtod nga sa ulahing bahin sa kataposan sa ikanapulo ug siyam nga tuig sa paghari sa mga maghuhukom, kay nakab-ot niya ang iyang mga plano, oo, nga nahimong hari sa mga Lamanita, nagtinguha usab siya nga mohari sa tibuok yuta, oo, ug sa tanang katawhan nga anaa sa yuta, sa mga Nephita ingon man usab sa mga Lamanita.

3 Busa nahimo niya ang iyang plano, iyang napagahi ang mga kasingkasing sa mga Lamanita ug mibuta sa ilang mga hunahuna, ug mihulhog kanila ngadto sa kasuko, hangtod nga siya nakapundok og daghang kasundalohan aron sa pagpakig-away batok sa mga Nephita.

4 Kay determinado siya, tungod sa kadaghan sa iyang katawhan, sa pagbuntog sa mga Nephita ug sa pagdala kanila ngadto sa pagkaulipon.

5 Ug sa ingon niana mipili siya og alabaw nga mga kapitan sa mga Zoramita, sila nga maoy labing nasayod sa kalig-on sa mga Nephita, ug sa ilang mga dapit nga kadangpan, ug sa labing huyang nga mga bahin sa ilang mga siyudad; busa siya mipili kanila nga mahimong labaw nga mga kapitan sa iyang mga kasundalohan.

6 Ug nahitabo nga gidala nila ang ilang pundok sa mga sundalo, ug mibalhin paingon sa yuta sa Zarahemla didto sa kamingawan.

7 Karon nahitabo nga samtang si Amalickiah sa ingon niana nagpahigayon sa pag-angkon og gahom pinaagi sa limbong ug lipot, si Moroni, sa laing bahin, anag-andam sa mga hunahuna sa katawhan nga magmatinud-anon sa Ginoo nga ilang Dios.

8 Oo, gipalig-on niya ang kasundalohan sa mga Nephita, ug mitukod og gagmay nga mga kuta, o mga dapit nga kadangpan; mibutang og mga bungdo libot sa yuta aron kapanalipdan ang iyang kasundalohan, ug usab mitukod og mga paril nga mga bato aron moliyok kanila sa palibot, libot sa ilang mga siyudad ug sa mga utlanan sa ilang mga yuta; oo, tanan libot sa yuta.

9 Ug sa ilang labing huyang nga mga kuta gibutangan niya og daghang tawo; ug sa ingon niana iyang gipanalipdan ug gipalig-on ang yuta nga gipanag-iya sa mga Nephita.

10 Ug sa ingon niana nangandam siya sa apagsuporta sa ilang kalingkawasan, sa ilang mga yuta, sa ilang mga asawa, ug sa ilang mga anak, ug sa ilang kalinaw, ug aron magpakabuhi sila alang sa pagserbisyo sa Ginoo nga ilang Dios, ug nga sila makapadayon niana nga gitawag sa ilang mga kaaway nga kawsa sa mga Kristiyano.

11 Ug si Moroni usa ka kusgan ug gamhanan nga tawo; siya usa ka tawo nga hingpit nga anakasabot; oo, usa ka tawo nga dili mahimuot sa pagpaagas sa dugo; usa ka tawo kansang kalag nagmaya sa kalingkawasan ug kagawasan sa iyang nasod, ug sa iyang kaigsuonan gikan sa pagkabihag ug pagkaulipon;

12 Oo, usa ka tawo kansang kasingkasing napuno sa pasalamat sa iyang Dios, tungod sa daghang pribilehiyo ug mga panalangin nga iyang gihatag ngadto sa iyang katawhan; usa ka tawo nga naningkamot pag-ayo alang sa akaayohan ug kaseguroan sa iyang katawhan.

13 Oo, ug usa siya ka tawo nga lig-on diha sa pagtuo kang Kristo, ug ananumpa siya sa usa ka panumpa nga panalipdan niya ang iyang katawhan, ang iyang mga katungod, ug ang iyang nasod, ug ang iyang relihiyon, bisan sa pagpaagas sa iyang dugo.

14 Karon ang mga Nephita gitudloan sa pagpanalipod sa ilang mga kaugalingon batok sa ilang mga kaaway, bisan sa pagpaagas sa dugo kon gikinahanglan; oo, ug sila usab gitudloan nga adili gayod maoy manguna, oo, ug dili mogamit sa espada gawas kon kini batok sa kaaway, gawas lang kon kini alang sa pagpanalipod sa ilang kinabuhi.

15 Ug mao kini ang ilang pagtuo, nga pinaagi sa pagbuhat niana ang Dios mopauswag kanila sa yuta, o sa lahi nga pagkasulti, kon magmatinud-anon sila sa pagtuman sa mga sugo sa Dios nga siya mopauswag kanila dinhi sa yuta; oo, magpahimangno kanila sa paglayas, o sa pagpangandam sa gubat, sa pamaagi nga tukma sigon sa unsay peligro kanila;

16 Ug usab, nga ang Dios mopahibalo kanila asa sila mopadulong aron sa pagpanalipod sa ilang mga kaugalingon batok sa ilang mga kaaway, ug pinaagi sa pagbuhat niini, ang Ginoo moluwas kanila; ug mao kini ang pagtuo ni Moroni, ug ang iyang kasingkasing mihimaya niini; adili sa pagpaagas sa dugo apan sa pagbuhat og maayo, sa pagpanalipod sa iyang katawhan, oo, sa pagtuman sa mga sugo sa Dios, oo, ug pagbatok sa daotan.

17 Oo, sa pagkatinuod, sa pagkatinuod sultihan ko kamo, kon ang tanang tawo mahisama, ug nahisama, ug mahisama bisan kanus-a, sama ni Moroni, tan-awa, ang mga gahom gayod sa impyerno nauyog na unta sa kahangtoran; oo, ang ayawa wala untay gahom sa mga kasingkasing sa katawhan.

18 Tan-awa, tawo siya nga sama ni Ammon, ang anak ni Mosiah, oo, ug bisan sa ubang mga anak ni Mosiah, oo, ug usab kang Alma ug sa iyang mga anak, kay silang tanan mga tawo sa Dios.

19 Karon tan-awa, si Helaman ug ang iyang kaigsuonan sama sa pagkamaalagaron sa katawhan ni Moroni; kay misangyaw sila sa pulong sa Dios, ug mibunyag sila ngadto sa paghinulsol sa tanang tawo bisan si kinsa nga mopatalinghog sa ilang mga pulong.

20 Ug sa ingon niana nangadto sila, ug ang katawhan anagpaubos sa ilang mga kaugalingon tungod sa ilang mga pulong, hangtod nga bgipaboran sila sa Ginoo sa hilabihan, ug sila sa ingon niana luwas gikan sa mga gubat ug sa mga panagbingkil diha sa ilang mga kaugalingon, oo, gani sulod sa upat ka tuig.

21 Apan, sumala sa akong gisulti, sa ulahing bahin sa ikanapulo ug siyam nga tuig, oo, bisan pa sa kalinaw taliwala sa ilang mga kaugalingon, napugos sila nga nagpanuko sa pagpakig-away sa ilang kaigsuonan nga mga Lamanita.

22 Oo, ug sa kataposan, ang ilang mga gubat wala gayod mohunong sulod sa daghang tuig batok sa mga Lamanita, bisan pa sa ilang dakong pagdumili.

23 Karon, anagmagul-anon sila nga nangandam sa mga hinagiban batok sa mga Lamanita, tungod kay wala sila mahimuot sa pagpaagas sa dugo; oo, ug dili pa kini mao ang tanan—naguol sila nga mahimong hinungdan sa pagpadala sa daghan kaayo sa ilang kaigsuonan gikan niini nga kalibotan ngadto sa walay kataposan nga kalibotan, nga dili andam sa pagpakigkita sa ilang Dios.

24 Bisan pa niana, dili sila makatugot nga isakripisyo ang ilang kinabuhi, nga ang ilang mga aasawa ug mga anak pamatyon pinaagi sa linuog nga kabangis niadtong kinsa kanhiay ilang kaigsuonan, oo, ug bmibiya gikan sa ilang simbahan, ug mibiya kanila ug nagplano sa pagpatay kanila pinaagi sa pag-ipon sa mga Lamanita.

25 Oo, dili sila makaantos nga ang ilang kaigsuonan magmaya sa dugo sa mga Nephita, samtang adunay bisan usa nga motuman sa mga sugo sa Dios, kay ang saad sa Ginoo mao, nga kon motuman sila sa iyang mga sugo mouswag sila sa yuta.