1 Tan-awa, karon nahitabo nga ang katawhan ni Nephi nagmaya sa hilabihan, tungod kay ang Ginoo miluwas kanila pag-usab gikan sa mga kamot sa ilang mga kaaway; busa nagpasalamat sila sa Ginoo nga ilang Dios; oo, ug ^anagpuasa sila pag-ayo ug nag-ampo pag-ayo, ug nagsimba sila sa Dios uban ang hilabihan kaayo nga pagmaya.

2 Ug nahitabo sa ikanapulo ug siyam nga tuig sa pagmando sa mga maghuhukom sa katawhan ni Nephi, si Alma miduol sa iyang anak nga si Helaman ug miingon kaniya: Mituo ka ba sa mga pulong nga akong gisulti kanimo mahitungod sa mga ^atalaan nga gitipigan?

3 Ug si Helaman miingon ngadto kaniya: Oo, mituo ako.

4 Ug si Alma miingon pag-usab: Mituo ka ba kang Jesukristo, kinsa moanhi?

5 Ug siya miingon: Oo, mituo ako sa tanang pulong nga imong gipamulong.

6 Ug si Alma miingon kaniya pag-usab: ^aMotuman ka ba sa akong mga sugo?

7 Ug siya miingon: Oo, motuman ako sa imong mga sugo sa tibuok kong kasingkasing.

8 Dayon si Alma miingon kaniya: Bulahan ikaw; ug ang Ginoo ^amopauswag kanimo dinhi niini nga yuta.

9 Apan tan-awa, ako adunay ^aipanagna kanimo; apan unsa ang akong ipanagna kanimo dili nimo ipahibalo; oo, unsa ang akong ipanagna kanimo dili mahibaloan, bisan hangtod nga matuman ang pagpanagna; busa isulat ang mga pulong nga akong isulti.

10 Ug kini mao ang mga pulong: Tan-awa, mibati ko nga kini gayod nga katawhan, ang mga Nephita, sumala sa espiritu sa pagpadayag nga ania kanako, nga sa ^aupat ka gatos ka tuig sukad sa panahon nga si Jesukristo magpakita sa iyang kaugalingon ngadto kanila, mokunhod tungod sa ^bpagkawalay pagtuo.

11 Oo, ug dayon makasaksi sila og mga gubat ug pagdagsang sa mga kamatay, oo, mga kagutom ug pagpaagas sa dugo, bisan hangtod nga ^amangamatay ang katawhan ni Nephi—

12 Oo, ug tungod kay mokunhod sila tungod sa pagkawalay pagtuo ug mahulog ngadto sa mga buhat sa kangitngit, ug ^apagkamaulagon, ug sa tanang matang sa kadaotan; oo, sultihan ko ikaw, nga tungod kay sila nakasala batok nianang dako nga kahayag ug kahibalo, oo, sultihan ko ikaw, nga sukad niana nga adlaw, gani ang tanan sa ikaupat nga henerasyon dili matapos sa dili pa moabot kining hilabihan nga kadaotan.

13 Ug kon kanang mahinungdanon nga adlaw moabot, tan-awa, ang panahon moabot dayon nga kadtong kinsa mao karon, o ang mga binhi niadtong kinsa karon giisip nga katawhan ni Nephi, ^adili na pagaiphon nga katawhan ni Nephi.

14 Apan kinsa kadtong magpabilin, ug dili malaglag nianang mahinungdanon ug makalilisang nga adlaw, ^apagaiphon taliwala sa mga Lamanita, ug mahimong sama kanila, tanan, gawas sa pipila nga pagatawagon nga mga disipulo sa Ginoo; ug gukoron sila sa mga Lamanita gani ^bhangtod nga sila mangamatay. Ug karon, tungod sa kadaotan, kini nga panagna matuman.

15 Ug karon nahitabo nga human makasulti si Alma niining mga butanga ngadto kang Helaman, siya mipanalangin kaniya, ug usab sa uban niyang mga anak nga lalaki; ug siya usab mipanalangin sa yuta alang sa mga ^amatarong.

16 Ug miingon siya: Sa ingon niana miingon ang Ginoong Dios—^aTunglohon ang yuta, oo, kini nga yuta, ngadto sa matag kanasoran, kaliwatan, pinulongan, ug katawhan, ngadto sa kalaglagan, nga nagbuhat og daotan, kon hingpit na ang ilang pagkahinog; ug sumala sa akong gisulti kini matuman; kay kini mao ang pagtunglo ug ang ^bpagpanalangin sa Dios dinhi sa yuta, kay dili makatan-aw ang Ginoo sa sala bisan sa ^clabing gamay lamang nga pagtugot.

17 Ug karon, sa dihang nakasulti na si Alma niini nga mga pulong siya mipanalangin sa ^asimbahan, oo, kadtong tanang mobarog nga lig-on diha sa pagtuo sukad niana nga panahon hangtod sa hangtod.

18 Ug sa dihang kini nabuhat na ni Alma mibiya siya sa yuta sa Zarahemla, ingon og mopaingon ngadto sa yuta sa Melek. Ug nahitabo nga wala na gayod siya igdungog; kabahin sa iyang kamatayon o paglubong wala kami masayod.

19 Tan-awa, kini ang among nahibaloan, nga siya usa ka matarong nga tawo; ug ang panultihon mikanap sa simbahan nga siya gibayaw sa Espiritu, o ^agilubong pinaagi sa kamot sa Ginoo, sama kang Moises. Apan tan-awa, ang mga kasulatan miingon nga ang Ginoo midala kang Moises ngadto sa iyang kaugalingon; ug nagtuo kami nga siya usab midawat kang Alma diha sa espiritu, sa iyang kaugalingon; busa, tungod niini nga hinungdan kami walay nasayran mahitungod sa iyang kamatayon ug paglubong.

20 Ug karon nahitabo nga sa pagsugod sa ikanapulo ug siyam nga tuig sa paghari sa mga maghuhukom sa katawhan ni Nephi, nga si Helaman miadto sa katawhan aron sa pagsangyaw sa pulong ngadto kanila.

21 Kay tan-awa, tungod sa ilang mga gubat uban sa mga Lamanita ug sa daghan nga ginagmay nga mga panagsumpaki ug mga kasamok nga anaa taliwala sa katawhan, gikinahanglan nga ang ^apulong sa Dios ipadayag taliwala kanila, oo, ug nga usa ka han-ay nga pamalaod ug pamaagi himoon sa tibuok simbahan.

22 Busa, si Helaman ug ang iyang kaigsuonan miadto aron sa pagtukod sa simbahan pag-usab sa tibuok yuta, oo, sa matag siyudad sa tibuok yuta nga gipanag-iya sa katawhan ni Nephi. Ug nahitabo nga nagtudlo sila og mga pari ug mga magtutudlo sa tibuok yuta, sa tanang simbahan.

23 Ug karon nahitabo nga human si Helaman ug ang iyang kaigsuonan makatudlo og mga pari ug mga magtutudlo sa mga simbahan nga dihay mitungha nga ^apanagsumpaki taliwala kanila, ug dili sila maminaw sa mga pulong ni Helaman ug sa iyang kaigsuonan;

24 Apan nagmapagarbohon sila, nga gibayaw sa ilang mga kasingkasing, tungod sa hilabihan ka daghan sa ilang mga ^akatigayonan; busa mitubo sila nga adunahan sa ilang ^bkaugalingong panan-aw, ug dili maminaw sa ilang mga pulong, sa paglakaw nga matarong atubangan sa Dios.