1 Ita, anakko, adda pay sumagmamano a maibagak kenka; agsipud ta madlawko a maburiboran ti panunotmo maipapan iti panagungar ti natay.

2 Kitaen, kunak kenka, nga awan ti panagungar—wenno, kunaek, iti sabali a pannao, a saan nga isuot daytoy nainlasagan a bagi ti ^akinaagnanayon, saan nga ^bisuot daytoy panagrupsa ti saan a panagrupsa—^cagingga iti yaay ni Cristo.

3 Kitaen, ipatungpalna ti ^apanagungar ti natay. Ngem kitaen, anakko, awan pay ti panagungar. Ita, ipalgakko kenka ti maysa a palimed; nupay kasta, adu a ^bpalimed ti ^cnaidulin, nga awan ti makaammo no saan mismo a ti Dios. Ngem ipakitak kenka ti maysa a banag a sinaludsodko a naanep iti Dios tapno maammuak—ti maipapan iti panagungar.

4 Kitaem, adda panawen a naituding a ^adumteng ti panagungar ti amin manipud iti patay. Ita awan ti makaammo no kaano a dumteng daytoy a panawen; ngem ammo ti Dios ti naituding a panawen.

5 Ita, no adda man umuna a panawen, wenno ^amaikadua a panawen, wenno maikatlo a panawen, a panagungar ti amin a tao manipud iti patay, awan aniamanna; agsipud ta ^bammo ti Dios amin dagitoy a bambanag; ket umanayen kaniak ti pannakaammok a kastoy ti maaramid—nga adda naituding a panawen a panagungar ti amin manipud iti patay.

6 Ita masapul nga adda nagbaetan ti panawen ti ipapatay ken ti panawen ti panagungar.

7 Ket ita kayatko a saludsoden no ania ti pagbalinan dagiti ^akararua dagiti tattao manipud iti daytoy panawen ti ipapatay agingga iti naituding a panawen nga agpaay iti panagungar?

8 Ita saan a bale no adda man nasursurok ngem maysa a daras a naituding nga agpaay iti panagungar ti tattao; ta saan a matay ti amin a mamimpinsan, ket awan aniamanna daytoy; kas maysa nga aldaw ti amin iti Dios, ket marukod laeng ti panawen kadagiti tattao.

9 Ngarud, adda panawen a naituding iti tattao nga agungardanto manipud iti patay; ket adda nagbaetan ti panawen ti ipapatay ken ti panagungar. Ket ita, maipapan iti daytoy nagbaetan ti panawen, no ania ti pagbalinan dagiti kararua ti tattao ti banag a sinaludsodko a naanep iti Apo tapno maammuak; ket daytoy ti banag nga ammok a mismo.

10 Ket inton dumteng ti panawen a bumangon ti amin, isunto a maammuanda nga ammo ti Dios ti amin a ^apanawen a naituding iti tao.

11 Ita, maipapan iti kasasaad ti kararua iti nagbaetan ti ^apatay ken ti panagungar—Kitaen, naipakaammo kaniak babaen ti anghel, a dagiti espiritu ti amin a tao, apaman a suminada manipud iti daytoy nainlasagan a bagi, wen, ti espiritu ti amin a tao, nasayaat man wenno dakes, maipanda iti ^bbalay ti Dios a nangted iti biagda.

12 Ket mapasamakto, a maawat dagiti espiritu dagiti nalinteg iti kasasaad ti ^akinaragsak, a maawagan iti ^bparaiso, a kasasaad ti ^cpanaginana, a kasasaad ti ^dkinatalna, a paginanaanda iti amin a pakariribukanda ken amin a pakakumikomanda, ken panagleddaangda.

13 Ket mapasamakto, a dagiti espiritu dagiti nadangkes, wen, dagiti dakes—ta kitaen, awan ti biangda wenno bingayda iti Espiritu ti Apo; gapu ta kitaen, pinilida ti dakes nga aramid a saan a ti naimbag; ngarud simrek ti espiritu ti sairo kadakuada, ket tinagikuana ti balayda—ket dagitoy ti maibelleng iti ^aadayo a lugar ti kinasipnget; addanto panagsangit, ken ^bpanagdung-aw, ken panagngariet, ket gapu daytoy iti kinadakesda, a naiturong a paadipen iti pagayatan ti sairo.

14 Ita daytoy ti sasaaden ti kararua dagiti ^adakes, wen, iti kasipngetan, ken iti nakaal-alingget a kasasaad, ^bsibubuteng a kumitkita iti dumardarang a gura ti pungtot ti Dios kadakuada; isu nga agtalinaedda iti kastoy a ^ckasasaad, kasta met kadagiti nalinteg nga adda iti paraiso, agingga iti kanito a panagungarda.

15 Ita, adda sumagmamano a nakaawat a daytoy a kasasaad ti kinaragsak ken kinaladingit ti kararua, sakbay iti panagungar, isu ti umuna a panagungar. Wen, awatek a mabalin a makuna a panagungar, ti ibabangon dagiti espiritu wenno kararua ken ti pannakaisaadda iti kinaragsak wenno kinaladingit, mayannurot kadagiti balikas a naisaon.

16 Ket kitaen, naibaga manen, nga adda ^aumuna a ^bpanagungar, ti panagungar dagiti adda idi, wenno adda ita, wenno addanto, agingga iti panagungar ni Cristo manipud kadagiti natay.

17 Ita, saanmi nga ipagarup a daytoy nga umuna a panagungar, ti naisao iti daytoy a wagas, a mabalin nga isu ti panagungar dagiti kararua ken ti ^apannakaisaadda iti kinaragsak wenno kinaliday. Saanyo a mabalin nga ipapan a daytoy ti kaipapananna.

18 Kitaen, kunak kadakayo, Saan; ngem kayatna a sawen ti isusubli ti kararua iti bagi, kadakuada manipud kadagiti aldaw ni Adan agingga iti ^apanagungar ni Cristo.

19 Ita, no agtiponto man a mamimpinsan ti kararua ken ti bagi dagiti naibagan, a nadangkes ken nalinteg, saanko nga ibaga; bay-an nga umdasen, nga ibagak nga agungardanto amin; wenno iti sabali a pannao, mapasamak ti panagungarda ^asakbay ti panagungar dagiti natay kalpasan ti panagungar ni Cristo.

20 Ita, anakko, saanko a sawen nga umayto ti panagungarda iti panagungar ni Cristo; ngem kitaen, itedko a kas kapanunotak, agtiponto manen dagiti kararua ken bagi, dagiti nalinteg, iti panagungar ni Cristo, ken ti ^ayuulina idiay langit.

21 Ngem no maaramidto iti panagungarna wenno kalpasanna, saanko a maibagan; ngem daytoy laeng ti masaok, nga adda ti ^apanawen iti nagbaetan ti patay ken panagungar ti bagi, ken ti kasasaad ti kararua iti ^bkinaragsak wenno ^ckinaladingit agingga iti kanito a pinili ti Dios nga agungar dagiti natay, ket agtipon, ti kararua ken ti bagi, ket ^dmaidatag iti sango ti Dios, ket maukom babaen ti aramidda.

22 Wen, daytoy ti pannakatungpal ti pannakaisubli dagiti banag a naibagan babaen dagiti propeta.

23 Ti ^akarurua ket ^bmaisublinto iti ^cbagi, ken ti bagi iti kararua; wen, ket ti tunggal gurong ken tulang maisublinto iti bagina, wen, saanto a mapukaw uray maysa a buok ti ulo; ngem maisublinto amin a banag iti sigud ken naan-anay a bagina.

24 Ket ita, anakko, daytoy ti pannakaisubli a ^anasao a nagaon kadagiti propeta—

25 Ket isunton ti panagrimat dagiti nalinteg iti pagarian ti Dios.

26 Ngem kitaen, umay ti nakaal-alingget nga ^aipapatay kadagiti dakes; agsipud ta matayda mainaig kadagiti banag maipapan iti kinalinteg; agsipud ta narugitda, ket awan ti ^bnarugit a banag a makatawid iti pagarian ti Dios; ngem mapapanawda, ken naikeddeng a makiraman iti bunga ti bannogda wenno ti aramidda, a kinadakes; ket uminumda iti ared-ed ti napait a kopa.