Lix taqlahom laj Alma re laj Korianton li ralal.
Natikla sa’ li ch’ol 39 toj sa’ li ch’ol 42.
Ch’ol 39
Li maak re li tz’ejwalej a’an tz’eqb’eetalil—Sa’ xk’ab’a’ lix maak laj Korianton eb’ laj Tzoramita ink’a’ ke’xk’ul li aatin—Li tojb’al-ix xb’aan li Kristo taak’anjelaq re xkolb’aleb’ li ani tiikeb’ chaq chi paab’ank chi toj maji’ na’uxman a’an. Wan na 74 chihab’ ma nayo’la li Kristo.
1 Ut anajwan, at walal, wan k’a’ruhaq chik li tinye aawe chiru li kinye re laa was, xb’aan naq k’e reetal, ma ink’a’ xawil chanru naq ink’a’ na’eek’an laa was, naq tiik chi paab’ank, ut yalb’il xq’e chixpaab’ankil lix taqlahom li Dios? K’e reetal, ma ink’a’ xb’aanu chi chaab’il chawu li k’a’ru tento raj taa’uxq?
2 Xb’aan naq laa’at ink’a’ xak’e anchal aaxik chirab’inkil li waatin jo’ kixb’aanu laa was, sa’ xyanqeb’ lix tenamiteb’ laj aTzoramita. A’in ut li wan chinye chajitb’al; laa’at kat-ok sa’ xnimankil aawib’ rik’in aametz’ew ut xchaab’ilal aana’leb’.
3 Ut moko ka’aj ta wi’ a’in, at walal. Laa’at kab’aanu li k’a’ru ra choq’ we; xb’aan naq laa’at kakanab’ li k’anjel, ut xkohat junpak’al sa’ li ch’och’ Siron sa’ xyanq xnub’aaleb’ laj Lamanita, chirix lix Isabel, li aixq aj yumb’eet.
4 Relik chi yaal, a’an akixk’ameb’ xch’ool naab’al; a’b’anan a’in ink’a’ narisi laa maak, at walal. Tento raj naq xak’e raj aawib’ sa’ li k’anjel li kik’ehe’ chaq sa’ aab’een.
5 Ma ink’a’ tab’i’ nakanaw, at walal, naq ali k’a’aq re ru a’in tz’eqb’eetal sa’ rilob’aal li Qaawa’; relik chi yaal, q’axal wi’chik yib’ob’aal ru chiru chixjunil li maak, ka’ajwi’ xhoyb’al li kik’ li maak’a’ xmaak, malaj xtz’eqtaanankil xyaalal li Santil Musiq’ej ink’a’?
6 Xb’aan naq k’e reetal, wi anakatz’eqtaana xyaalal li Santil Musiq’ej chirix naq wanjenaq xna’aj jun sutaq aawik’in, ut nakanaw naq nakatz’eqtaana xyaalal, k’e reetal, a’in jun li maak li bink’a’ naru xkuyb’al; relik chi yaal, ut ani nakamsin chiru lix saqenkil ut lix na’leb’ li Dios, ra chi sa naq a’an tixtaw cxkuyb’al lix maak; relik chi yaal, ninye aawe at walal, ra chi sa naq a’an tixtaw jun xkuyb’al lix maak.
7 Ut anajwan, at walal, nawaj raj chiru li Dios naq ink’a’ raj axak’am sa’ aab’een xnimal li maak a’in. Ink’a’ raj toj tin’aatinaq chirixeb’ laa maak, re xtawasinkil laa waam, wi ta maawa’ choq’ re aachaab’ilal.
8 A’b’anan k’e reetal, moko tatruuq ta chixmuqb’aleb’ laa maak chiru li Dios, ut wi ink’a’ nakajal aak’a’uxl te’kanaaq a’an chixch’olob’ankil li yaal chawix sa’ roso’jik li kutan.
9 Anajwan at walal, nawaj raj naq taajal aak’a’uxl ut taakanab’eb’ laa maak, ut ink’a’ chik tatxik chirix aratawom lix naq’ aawu, bcharam b’an aawib’ sa’ chixjunil li k’a’aq re ru a’in; xb’aan naq wi ink’a’ nakab’aanu a’in maamin tatruuq chireechaninkil li rawa’b’ejihom li Dios. Aay, chijultiko’q taxaq aawe, ut chak’ul choq’ aateneb’ankil, ut charam aawib’ sa’ li k’a’aq re ru a’in.
10 Ut nakatintaqla naq taak’ul sa’ aab’een xsik’b’al aana’leb’ rik’ineb’ laa was sa’ li k’a’ru taab’aanu; xb’aan naq k’e reetal, wankat sa’ aasaajil, ut nakawaj ru ch’olaniik xb’aaneb’ laa was. Ut k’e aaxik chirix li na’leb’ te’xk’e.
11 Maakanab’ aawib’ chi jalb’ehiik xb’aan k’a’ruhaq li jo’maajo’, malaj li maak’a’ ru; maakanab’ laj tza chixjalb’ehinkil wi’chik aach’ool chi xik chirixeb’ li maa’us aj yumb’eet ixq a’an. K’e reetal, at walal, k’a’jo’ li maa’usilal kak’am sa’ xb’eeneb’ laj aTzoramita; xb’aan naq eb’ a’an naq ke’ril baab’aanuhom ink’a’ ke’raj xpaab’ankil li waatin.
12 Ut anajwan lix Musiq’ li Qaawa’ naxye we: aTaqlaheb’ laa walal aak’ajol chixb’aanunkil li chaab’il, maare anchal te’xjalb’ehiheb’ xch’ool naab’al li tenamit toj sa’ li sache’k; jo’kan naq nakatintaqla, at walal, rik’in xxuwankil ru li Dios, naq taakanab’ aamaa’usilal;
13 Naq tatsutq’iiq rik’in li Qaawa’ chi anchal aak’a’uxl, aametz’ew, ut aakawilal; naq maa’ani chik taajalb’ehi xch’ool chixb’aanunkil li maa’usilal; naq tatsutq’iiq b’an rik’ineb’, ut ataach’olob’ laa majelal ut li k’a’ru ink’a’ us xab’aanu.
14 aMaasik’ li b’ihomal, chi moko li jo’maajo’il k’a’aq re ru re li ruchich’och’ a’in; xb’aan naq k’e reetal, moko tatruuq ta chixk’amb’al chawix.
15 Ut anajwan, at walal, nawaj raj xyeeb’al k’a’ruhaq aawe chirix lix k’ulunik li Kristo. K’e reetal, ninye aawe, naq a’an li taachalq chi yaal re risinkil lix maak li ruchich’och’; relik chi yaal, a’an taachalq re xch’olob’ankil li sahil esilal re li kolb’a-ib’ chiru lix tenamit.
16 Ut anajwan, at walal, a’in li k’anjel katb’oqe’ wi’, xch’olob’ankil li sahil esilal a’in chiru li tenamit a’in, re xkawresinkil xk’a’uxleb’; malaj ut re naq taachalq li kolb’a-ib’ rik’ineb’, re naq eb’ a’an te’xkawresi xk’a’uxleb’ li aralal xk’ajol re rab’inkil li aatin sa’ xq’ehil lix k’ulunik.
17 Ut anajwan tink’ojob’ b’ayaq aak’a’uxl chirix li na’leb’ a’in. K’e reetal, sachso aach’ool chirix k’a’ut naq taa’aje’q ru naq taanawmanq li k’a’aq re ru a’in najt chirub’eetal. K’e reetal, ninye aawe, jun aamej sa’ li kutan a’in, ma ink’a’ tab’i’ wan xloq’al chiru li Dios jo’ chanru junaq aamej sa’ xq’ehil lix k’ulunik?
18 Ma ink’a’ aajel ru naq taak’ehe’q ajwi’ chi nawmank li k’uub’anb’il na’leb’ re li tojb’al-ix chiru li tenamit a’in, jo’ chan ru chiru ralal xk’ajoleb’?
19 Ma ch’a’aj tab’i’ chiru li Qaawa’ sa’ li kutan a’in xtaqlankil lix anjel re xch’olob’ankil li sahil esilal a’in chiqu laa’o, jo’ chanru chiruheb’ li qalal qak’ajol, malaj jo’ chanru chirix xq’ehil lix k’ulunik?