iVolanikalou
Alama 38


Na ivakaro i Alama vei Sipiloni na luvena.

Okati ena wase e 38.

Wase 38

E a vakacacani ko Sipiloni ena vuku ni yalododonu—Ko Karisito sa vuni veivakabulai, o koya na bula kei na rarama kei vuravura—Mo tarova na nomu gagano kecega. Rauta na 74 B.K.

1 Na luvequ, mo vakatudaliga ki na noqu vosa, ni’u sa tukuna vei iko, me vaka au a tukuna vei Ilamani, kevaka ko na muria na ivakaro ni Kalou ko na tiko sautu ena vanua oqo; ia kevaka ko na sega ni muria na ivakaro ni Kalou, ko na muduki tani mai na nona iserau.

2 Ia oqo, na luvequ, au sa vakadeitaka ni’u na marau vakalevu ena vukumu ni’u kila ni ko sa tudei ka yalodina vua na Kalou; ni ko a tekivu ena nomu cauravou mo vakararavi vua na Turaga na nomu Kalou, ia ka’u nuitaka ni ko na atomana tikoga ni muria na nona ivakaro; ni sa kalougata ko koya sa bvosota me yacova na ivakataotioti.

3 Au sa kaya vei iko, na luvequ, au sa marau vakalevu sara, ena nomu yalodina, kei na nomu gugumatua, kei na yalovosota kei na nomu vosoti ira vakadede na tamata na aSoramaiti.

4 Ni’u kila ni ko a vesuki tu; io, au kila tale ga ni ko a lauviri ena vatu ena vuku ni vosa; ia ko a avosota na veika oqo ni a tiko vata bkei iko na Turaga; ia oqo ko sa kila tale ga ni a sereki iko mai na Turaga.

5 Ia oqo i Sipiloni, na luvequ; au gadreva mo nanuma matua, ni kena levu ga ni nomu avakararavi vua na Kalou me yacova mo sa bsereki mai na nomu vakatovolei, kei na nomu cleqa, kei na nomu rarawa, ko na laveti cake ena siga mai muri.

6 Oqo na luvequ; mo kakua ni nanuma ni’u sa kila vakai au ga na veika oqo; ia na Yalo ni Kalou e tiko vei au sa vakatakila vei au; ia kevaka au a sega ni asucu va-Kalou, ke’u a sega ni kila na veika oqo.

7 Ia raica, ena nona loloma cecere a tala mai kina na Turaga na nona aagilosi me mai tarova na noqu bvakacacani ira tiko na nona tamata; io, keirau a veirai kei na agilosi ena matana votu, ka keirau veivosaki sara, ia na domona sa vaka na rorogo ni kurukuru ka sa sakure kina na vuravura taucoko.

8 Ka sa yaco ni sa curumi au e dua na yaluma kei na rarawa levu ni yalo ena tolu na siga kei na tolu na bogi; ia me yacova ni’u sa qai tagica na Turaga ko Jisu Karisito me baleta na loloma cecere, ka sa abokoci kina na noqu ivalavala ca. Ia raica au sa masu vua, ka sa kune vakacegu kina na yaloqu.

9 Ia oqo, na luvequ, au sa tukuna vei iko na ka oqo mo yalomatua kina, ia mo vuli vei au, ni sa asega ni rawa me dua tale na sala me rawa kina na veivakabulai, ena vukui Karisito duadua ga. Raica, sai koya na bula kei na brarama kei vuravura. Raica, sai koya na vosa ni dina kei na yalododonu.

10 Ia oqo, ni ko sa tekivu mo vakavulica na vosa, au gadreva mo tomana na veivakavulici; ia au gadreva mo gumatua ka dei ena veika kece.

11 Mo qarauna mo kakua ni vakalevulevui iko mo viavialevu kina; io, mo raica mo kakua ni aboletaka na nomu yalomatua se sakitaka na nomu igu.

12 Mo yalodoudou; ia mo kakua ni veivakararawataki; mo tarova tale ga na nomu gagano kecega, ia mo sinai sara ena loloma; ia mo qarauna mo kakua ni dau vakawelewele.

13 Mo kakua ni masu me vakataki ira na Soramaiti, raica era sa masu ga me ra rogoca na tamata ka dokai ira kina ena vuku ni nodra yalomatua.

14 Mo kakua ni kaya: Oi kemuni na Kalou; au sa vakavinavinaka vei kemuni ni keimami sa avinaka cake mai vei ira na wekai keimami; ia mo kaya ga vakaoqo: Oi kemuni na Turaga, mo ni vosoti au ni’u sa tamata btawakilikili, ia mo ni yalololoma vei ira tale ga na wekaqu—io, mo tusanaka vua na Kalou ena veigauna kecega ni ko sa sega ni yaga.

15 Ia me vakalougatataka na yalomu na Turaga ka ciqomi iko ki na nona matanitu ka tiko vakacegu kina ena siga mai muri. Lako yani, na luvequ, ka vakavulica na vosa vei ira na tamata oqo. Mo yalodei. Na luvequ, sa laki moce.