1 Nejū m̧aan, letok Lo̧jiln̄ūm̧ n̄an naan ko aō, bwe ij ba n̄an eok, em̧ool āinwōt iaar ba n̄an Hilamōn, bwe jon̄an wōt am̧ naaj kōjparok kien ko an Anij kwōnaaj jeraam̧m̧an ilo āneo: im jon̄an wōt am̧ naaj jab kōjparok kien ko an Anij naaj bukweļo̧k eok jān im̧aan mejān.

2 Im kiiō, nejū m̧aan, ij kōjatdikdik bwe enaaj wōr aō m̧ōņōņō eļap ilo kwe, kōnke pen im lōke eo am̧ ilo Anij; bwe ke kwaar jino ilo am̧ em̧m̧an ded n̄an reilo̧k n̄an Irooj am̧ Anij, em̧ool āindein ij kōjatdikdik bwe kwōnaaj ^awōnm̧aanļo̧k wōt ilo kōjparok kien ko An; bwe em̧ōņōņō eo ej ^bniknik n̄an jem̧ļo̧kin.

3 Ij ba n̄an eok, nejū m̧aan, bwe eaar wōr aō m̧ōņōņō eļap ilo kwe kadede, kōnke am̧ lōke im am̧ tiljek, im am̧ kōmmaanwa im am̧ lōjokmen ilubwiljin armej in ^ariZoram.

4 Bwe ijeļā bwe kar pād ilo lokjak ko; aaet, im i barāinwōt jeļā bwe kar kade eok kōn naan eo; im kwaar ineek aolep men kien ilo ^akōmmaanwa kōnke Irooj eaar pād ^bippam̧; im kiiō kwo jeļā bwe Irooj eaar lo̧mo̧o̧ren eok.

5 Im kiiō nejū m̧aan, Siblon, ikōņaan bwe kwōn keememej, bwe jon̄an wōt am̧ naaj likūt am̧ ^alōke ilo Anij em̧ool ejja jon̄an eo wōt naaj ^bkōtļo̧k eok jān ^cmālejjon̄ ko am̧, im inepata ko am̧, im en̄taan ko am̧, im naaj kotak eok ilo raan eo āliktata.

6 Kiiō, nejū m̧aan, ikōņaan bwe kwōn ļōmņak bwe ijeļā men kein make, ak ej Jetōb an Anij eo ej ilo n̄a eaar kwaļo̧k men kein n̄an eō; bwe eļan̄n̄e in kar jab bar ^aļotak ilo Anij ijjamin kar jeļā men kein.

7 A lo, Irooj ilo an tūriam̧o eļap Eaar jilkintok An ^aenjeļ n̄an kwaļo̧k n̄an eō bwe ij aikuj kabbōjrak jerbal in ^bko̧kkure ilubwiljin armej ro An; aaet, iaar lo juon enjeļ im jelm̧ae, im eaar kōnono ippa, im ainikien eaar āinwōt jourur, im eaar kōm̧akūtkūt aolepān laļ.

8 Im ālikin men kein iaar jilu raan im jilu bon̄ ilo metak eo ekanooj m̧eo im en̄taan in jetōb; im iaar jab, m̧ae iien iaar kūr n̄an Irooj Jisōs Kraist n̄an tūriam̧o, iaar bōk ^ajeorļo̧k in jero̧wiwi ko aō. A lo, iaar kūr n̄an e im iaar lo aenōm̧m̧an n̄an Jetōb eo aō.

9 Im kiiō, nejū m̧aan, iaar ba n̄an eok men in bwe kwōn maron̄ jeļā mālōtlōt, bwe kwōn maron̄ jeļā jān eō bwe ^aejjeļo̧k bar juon iaļ ak wāween eo armej emaron̄ mour, ijello̧kun wōt ilo im kōn Kraist. Lo, E ej mour im ^bmeram an laļ. Lo, E ej naan in m̧ool eo im weeppān.

10 Im kiiō, āinwōt ke kwaar jino n̄an katakin naan eo em̧ool āindein ikōņaan bwe kwōn wōnm̧aanļo̧k n̄an katakin; im ikōņaan bwe kwōn tiljek im jatōr ilo men otemjej.

11 Kwōn lale bwe kwōn jab utiej ilo juwa; aaet, kwōn lale bwe kwōn jab ^akōmmejāje ilo mālōtlōt eo am̧ make, ak ilo am̧ kanooj kajoor.

12 Kwōn kōjerbal peran, ak jab kabwilōn̄lōn̄; im lale bwe kwōn kajeikiki aolep ikdeelel ko am̧, bwe kwōn maron̄ obrak kōn iakwe; kwōn lale bwe kwōn bōjrak jān pād waan.

13 Kwōn jab jar āinwōt riZoram raan rej jar, bwe kwaar lo bwe rej jar n̄an an armej ron̄, im n̄an bōk nebar kōn aer mālōtlōt.

14 Kwōn jab ba: O Anij, ij kam̧m̧oolol Eok bwe kōm ^aem̧m̧anļo̧k jān ro jeiūm̧ im jatim; ak kwōn ba: O Irooj, jeorļo̧k aō ^bettoonon, im keememej ro jeiū im jatū ilo tūriam̧o—aaet, kwaļo̧k am̧ ettoonon im̧aan Anij ilo aolep iien.

15 Im Irooj en kōjeraam̧m̧an eok, im bōk eok ilo raan eo āliktata ilo An aelōn̄, n̄an jijet ilo aenōm̧m̧an. Kiiō kwōn ilo̧k, im katakin kōn naan eo n̄an armej rein. En em̧m̧an m̧wilūm̧. Nejū m̧aan, bar iakwe.