Alama 36
    Footnotes
    Theme

    Na ivakaro i Alama vei Ilamani na luvena.

    Okati ena wase e 36 ki na wase e 37.

    Wase 36

    E sa vakadinadinataka ko Alama vei Ilamani na nona saumaki mai ni sa raica oti e dua na agilosi—E sa sotava ko koya na rarawa ni cudruvi ni yalo; sa kaciva ko koya na yacai Jisu, ka mani sucu va-Kalou—Sa vakasinaiti na yalona ena marau kamikamica—E raica e vuqa vakavuqa na agilosi ena nodra vakalagilagia na Kalou—E lewevuqa era saumaki ena nodra raica ka tovolea me vaka na nona a raica ka tovolea ko koya. Rauta na 74 B.K.

    1 Na aluvequ, mo vakatudaliga ki na noqu vosa; ni’u sa bubuluitaka vei iko, ni kevaka ko sa muria na ivakaro ni Kalou, ko na tiko sautu ena vanua oqo.

    2 Au gadreva mo kitaka me vaka au sa dau vakayacora, ena kena nanumi na nodra a tiko vakavesu na noda qase; ni ra a tiko avakabobula, ia sa sega ni dua me sereki ira rawa, na bKalou ga i Eparaama, na Kalou i Aisake, kei na Kalou i Jekope; a sa vakabulai ira vakaidina ko koya mai na nodra vakararawataki.

    3 Ia oqo, i na luvequ Ilamani, raica, ko sa cauravou ga, ia o koya, au sa kerei iko mo rogoca matua na noqu vosa ka vuli vei au; ni’u sa kila ko ira kecega sa vakadinata na Kalou sa dau vukei ira ko koya ena nodra avakatovolei, kei na nodra leqa, kei na nodra vakararawataki, ia era na blaveti cake ena siga mai muri.

    4 Ia au gadreva mo kakua ni nanuma ni’u sa akila vakai au ga na ka oqo—e sega ena veika vakayago ia ena veika vakayalo, e sega ena bvakasama vakavuravura ia ena ka ni Kalou.

    5 Ia, raica, au sa kaya vei iko, kevaka au a sega ni asucu va-Kalou, ke’u a bsega ni kila na veika oqo; ia na Kalou sa kila, a sa vakatakila vei au na ka oqo ena gusudra na nona agilosi yalosavasava, sa sega ni baleta cni’u sa kilikili koi au;

    6 Ni’u a dau ilala vata voli kei ira na luvei Mosaia, ena kena sagai me avakacacani na lotu ni Kalou; ia raica, a tala mai na nona agilosi yalosavasava na Kalou me tarovi keimami.

    7 Ka raica, a sa vosa vei keimami ko koya ena domo sa vaka na kurukuru, ka sa asakure kina na vanua keimami butuka tu; ia keimami a bale vakatoboicu ki na qele, ni sa yaco me keimami brerevaka na Turaga.

    8 Ia raica, a sa kaya vei au na domo: Mo tucake mai. Au sa duri mai ka tucake, ka’u sa raica na agilosi.

    9 A sa kaya vei au ko koya: Kevaka ko sa gadreva mo kua ni vakarusai, mo kakua ni segata mo vakarusa na lotu ni Kalou.

    10 Ka sa yaco ni’u sa bale ki na qele; ia au sa sega ni yavala rawa, ka sega ni rawa tale ga ni dolava na gusuqu me atolu na siga ka tolu na bogi.

    11 Ia a sa vuqa tale na ka sa tukuna vei au na agilosi, ka ra sa rogoca ga na noqu itokani, ia ka segai koi au; ia ena gauna au sa rogoca kina na vosa—Kevaka ko sa gadreva mo kua ni vakarusai, mo kakua ni segata mo vakarusa na lotu ni Kalou—a sa kani au sara na rere levu ka’u taqaya tale ga de’u na vakarusai, au a bale ki na qele ka sega ni rogoca rawa tale e dua na ka.

    12 Ia a sa kuretaki au na ararawa tawamudu, ni sa cukiraki na yaloqu ena rarawa cecere duadua ka kuretaki mai na noqu ivalavala ca.

    13 Io, au a nanuma mai na noqu ivalavala ca kei na noqu caka cala kecega, o koya au sa avakararawataki kina ena mosi kei eli; io au sa raica ni’u a saqata na noqu Kalou, ka’u a sega ni maroroya na nona ivakaro tabu.

    14 Io, au a labati ira e vuqa na luvena, se me’u kauti ira tani ki na rusa; io, me vakalekalekataki ga ni sa levu vakaidina sara na noqu caka ca, ka a kurelaki na yaloqu ena rere e sega ni vakamacalataki rawa ni’u vakasamataka na gauna au na tu kina ena mata ni Kalou.

    15 O, au a nanuma, me’u na avakau tani me’u yali yani vakadua na yaloqu kei na yagoqu, me’u kakua kina ni kau mai ka mai tu ena mata ni Kalou me lewai ena noqu bivalavala.

    16 Ia oqo au a vakararawataki me tolu na siga ka tolu na bogi, na kena mosi e sa vaka na momosi ni ayalo sa cudruvi.

    17 Ka sa yaco ni’u sa kuretaki tu ena rarawa, ena noqu sa acukiraki tu ena vakasamataki ni levu ni noqu ivalavala ca, raica, au sa nanuma talega ni’u sa rogoci tamaqu ni sa parofisaitaka vei ira na tamata me baleta na nona lako mai e dua ka yacana ko Jisu Karisito, e dua na Luve ni Kalou, me mai sorovaka na ivalavala ca ni vuravura.

    18 Ia ni’u sa nanuma rawa na ka oqo, au sa tagi e yaloqu: Oi kemuni Jisu, na Luve ni Kalou, ni yalololoma vei au, koi au ka’u sa tu ena ka sa agaga sara ni yaluma, ka sa vakavolivoliti au na bsinucodo tawavakaiyalayala ni mate.

    19 Ia oqo, raica, ni’u sa vakasamataka na ka oqo, au sa sega ni nanuma tale na noqu mosi; io, sa oti vakadua na noqu acukiraka na noqu vakasama baleta na noqu ivalavala ca.

    20 Ia oqo, sa dua na ka na amarau, kei na kena totoka na rarama au sa raica; io, e sa vakasinaiti na yaloqu ena marau cecekia ka sivia sara na momosi a tu vei au!

    21 Io, au sa kaya vei iko na luvequ, sa sega na ka me vakatauvatani vata rawa na kena ca kei na kena bibi ni noqu momosi. Io, au sa kaya tale ga vei iko, na luvequ, ena dua tale na kena vakasama, sa sega tale ga ni dua na ka me vakatautauvatani rawa ena kena totoka kei na kena gasagasa me vaka na noqu marau.

    22 Io, au nanuma ni’u sa raica, me vaka ga a raica ko aLiai na tamada, ni a dabe tiko na Kalou ena nona itutu vakatui ka ra vakavolivoliti koya na agilosi e sega ni wili rawa, e ra lagasere ka vakacaucautaka tiko na nodra Kalou; io a diva na yaloqu me’u a bau tiko tale ga kina.

    23 Ia raica sa akaukauwa tale mai na ligaqu kei na yavaqu, ka’u tucake sara, ia au a tukuna sara vei ira na tamata ni’u sa bsucu vou vua na Kalou.

    24 Io, me tekivu mai na gauna ko ya me yacova sara mai oqo, au sa daucakacaka tiko ga vagumatua ka sega ni cegu, me rawa ni’u kauta mai eso na yalo ki na veivutuni; io me ra atovolea tale ga na marau cecekia a yaco vei au; o koya me ra sucu talega va-Kalou, ka me ra bvakasinaiti ena Yalo Tabu.

    25 Io, oqo raica, na luvequ, sa solia vei au na Turaga na marau levu cecekia ena vua ni noqu cakacaka;

    26 Me baleta na avosa a tukuna vei au ko koya, raica, era sa lewe levu era sa sucu va-Kalou, ia era sa tovolea me vaka au sa tovolea, ia era sa raica ena matana votu me vaka au sa raica; o koya era sa kila kina na veika oqo me vaka au sa tukuna, me vaka au sa kila; ia na kilaka sa tu vei au e sa mai vua na Kalou.

    27 Ia au sa dauvukei ena gauna ni noqu vakatovolei kei na gauna kecega ni noqu leqa, io, mai na veimataqali veivakararawataki kecega; io, e sa sereki au na Kalou mai vale ni veivesu, kei na veivakabobulataki, kei na mate; io, ka’u sa laiva vua na noqu veivakabauti, ia ena qai asereki au vakaidina sara ko koya.

    28 Ia au kila ni na avakaduri au cake tale ko koya ena siga mai muri, me’u tiko vata kaya ena blagilagi; io, au na vakacaucautaki koya tiko ga ka sega ni mudu, ni sai koya ga a ckauti ira tani na noda qase mai Ijipita, ka a tilomi ira na dkai Ijipita ena Wasawasa Damudamu; ia a liutaki ira yani ki na vanua yalataki ena nona kaukauwa; io sa dau sereki ira mai na veivakabobulataki kei na vesuki, ena veigauna e so.

    29 Io, sai koya tale ga sa kauti ira tani na noda qase mai na vanua ko Jerusalemi; ia sa dau vakayacora talega ko koya, mai na nona kaukauwa tawa vakaiyalayala, me sereki ira mai na nodra avakabobulataki kei na nodra vesuki tu, ena veigauna e so me yacova mai edaidai; ia a dau tu ga vei au na nanuma ni nodra a vesuki tu; io, oi kemuni talega e dodonu me tu ga vei kemuni na nanuma, me vaka au sa dau cakava, ena nodra a vakabobulataki tu.

    30 Ia raica, na luvequ, e sega ni sai koya ga oqori; sa kilikili tale ga mo kila, me vaka au sa kila, ni akevaka ko sa muria tiko na ivakaro ni Kalou, ko na tiko sautu ena vanua oqo; ia e dodonu mo kila tale ga, ni kevaka ko sa sega ni muria na ivakaro ni Kalou, ko na muduki tani mai nona iserau. Ia oqo, sa vaka na nona vosa.