Mga Kasulatan
Alma 34


Kapitulo 34

Si Amulek nagpamatuod nga ang pulong anaa kang Kristo ngadto sa kaluwasan—Gawas kon ang usa ka pag-ula pagahimoon, ang tanang katawhan malaglag—Ang tibuok balaod ni Moises nagpunting sa sakripisyo sa Anak sa Dios—Ang walay kataposan nga plano sa katubsanan gibase sa pagtuo ug paghinulsol—Pag-ampo alang sa temporal ug espirituhanong mga panalangin—Kini nga kinabuhi mao ang panahon alang sa mga tawo sa pagpangandam sa paghimamat sa Dios—Buhata ang imong kaluwasan uban ang kahadlok sa Dios. Mga 74 B.C.

1 Ug karon nahitabo nga human makapamulong si Alma niini nga mga pulong ngadto kanila, milingkod siya sa yuta, ug si aAmulek mitindog ug misugod sa pagtudlo kanila, nga nag-ingon:

2 Akong kaigsoonan, naghunahuna ko nga imposible nga kamo wala makahibalo sa mga butang nga gisulti na kabahin sa pag-anhi ni Kristo, kinsa gitudlo kanato nga mao ang Anak sa Dios; oo, nasayod ako nga akining mga butanga gitudlo diha kaninyo sa makadaghan sa wala pa kamo mobiya kanamo.

3 Ug sama sa inyong gitinguha gikan sa akong pinalangga nga igsoon nga siya mopahibalo kaninyo unsay inyong buhaton, tungod sa inyong mga kasakit; ug nakapamulong siya og diyotay kaninyo sa pag-andam sa inyong mga hunahuna; oo, ug nag-awhag siya kaninyo sa pagbaton og pagtuo ug sa pagpailob—

4 Oo, gani aron makabaton kamo og dakong pagtuo sama sa apagtanom sa pulong diha sa inyong mga kasingkasing, aron masulayan ninyo sa pag-eksperimento ang kamaayo niini.

5 Ug nakasabot kami nga ang mahinungdanong pangutana nga anaa sa inyong mga hunahuna mao kon ang pulong anaa ba sa Anak sa Dios, o, kon wala bay Kristo.

6 Ug kamo usab nakakita nga ang akong igsoong lalaki nakapamatuod kaninyo, sa daghan nga higayon, nga ang apulong anaa kang Kristo ngadto sa kaluwasan.

7 Ang akong igsoong lalaki naghisgot sa mga pulong ni Zenos, nga ang katubsanan moabot pinaagi sa Anak sa Dios, ug usab pinaagi sa mga pulong ni Zenock; ug usab mihangyo siya kang Moises, sa pagpamatuod nga kining mga butanga tinuod.

8 Ug karon, tan-awa, akong aipamatuod kaninyo sa akong kaugalingon nga kining mga butanga tinuod. Tan-awa, sultihan ko kamo, nga ako nasayod nga si Kristo moanhi taliwala sa katawhan, aron sa pagdala diha kaniya sa mga kalapasan sa iyang katawhan, ug nga siya bmotubos sa mga sala sa kalibotan; kay ang Ginoong Dios namulong niini.

9 Kay gikinahanglan nga ang apag-ula pagahimoon; kay sumala sa mahinungdanong bplano sa Dios sa Kahangtoran kinahanglan gayod nga adunay pag-ula nga pagahimoon, o kondili ang tanang katawhan dili makalikay nga mamatay; oo, ang tanan nagmagahi; oo, ang tanan cnapukan ug nahisalaag, ug kinahanglan gayod nga malaglag gawas kon kini pinaagi sa pag-ula nga kinahanglan nga pagahimoon.

10 Kay kinahanglan nga adunay mahinungdanon ug kataposan nga asakripisyo; oo, dili usa ka sakripisyo sa tawo, ni sa mananap, ni bisan unsa nga matang sa langgam; kay kini dili usa ka tawhanon nga sakripisyo; apan gikinahanglan nga usa kini ka bwalay kinutoban ug mahangtoron nga csakripisyo.

11 Karon walay usa ka tawo nga makahimo sa pagsakripisyo sa iyang kaugalingon nga dugo nga motubos sa mga sala sa uban. Karon, kon ang usa ka tawo makapatay, tan-awa ang atong balaod, nga amakiangayon, mokutlo ba sa kinabuhi sa iyang igsoon? Sultihan ko kamo, Dili.

12 Apan ang balaod nagkinahanglan sa kinabuhi niadtong kinsa anakapatay; busa walay bisan unsa nga kulang sa usa ka walay kinutoban nga pag-ula nga igo alang sa mga sala sa kalibotan.

13 Busa, kinahanglan nga adunay mahinungdanon ug kataposan nga sakripisyo, ug dayon adunay mahitabo, o angay nga adunay, apaghunong sa pagpaagas sa dugo; niana ang bbalaod ni Moises matuman; oo, ang tanan matuman, matag gamay nga butang ug matag tuldok, ug walay bisan usa nga dili matuman.

14 Ug tan-awa, kini ang kinatibuk-an nga akahulogan sa bbalaod, matag tipik nagtudlo nianang mahinungdanon ug kataposan nga csakripisyo; ug kana nga mahinungdanon ug kataposan nga sakripisyo mao ang Anak sa Dios, oo, walay kinutoban ug mahangtoron.

15 Ug sa ingon niana magdala siya og akaluwasan sa tanang motuo sa iyang ngalan; nga mao ang katuyoan sa kataposan nga sakripisyo, aron magamit ang kaluoy, nga mobuntog sa hustisya, ug mohatag og mga kahigayonan sa mga tawo aron makabaton sila og pagtuo ngadto sa paghinulsol.

16 Ug sa ingon niana ang akaluoy motagbaw sa mga gipangayo sa bhustisya, ug gakson sila sa mga bukton sa kaseguroan, samtang siya nga walay pagtuo ngadto sa paghinulsol walay panalipod sa tibuok balaod nga gipangayo sa chustisya; busa kaniya lamang nga adunay pagtuo ngadto sa paghinulsol mapahitabo ang mahinungdanon ug walay kataposan nga dplano sa katubsanan.

17 Busa hinaot nga ang Dios motugot kaninyo, akong kaigsoonan, nga magsugod kamo sa paggamit sa inyong apagtuo ngadto sa paghinulsol, nga kamo mosugod bpagtawag sa iyang balaan nga ngalan, nga siya maluoy kaninyo;

18 Oo, pangamuyo kaniya alang sa kaluoy; kay siya gamhanan sa pagluwas.

19 Oo, pagpaubos sa inyong mga kaugalingon, ug padayon sa pag-ampo kaniya.

20 Pangamuyo kaniya kon kamo anaa sa inyong mga umahan, oo, sa tanan ninyong mga panon.

21 aPangamuyo kaniya diha sa inyong mga balay, oo, sa tanang kauban sa inyong panimalay, sa buntag, sa udto, ug sa gabii.

22 Oo, pangamuyo kaniya batok sa gahom sa inyong mga kaaway.

23 Oo, apangamuyo kaniya batok sa byawa, nga mao ang kaaway sa tanan nga cpagkamatarong.

24 Pangamuyo kaniya alang sa mga tanom sa inyong mga umahan, nga kamo magmalamboon niini.

25 Pangamuyo alang sa inyong mga panon sa umahan, nga kini mosanay.

26 Apan dili lamang kini ang tanan; kamo kinahanglan mobu-bo sa inyong mga kalag diha sa inyong mga alawak alampoanan, ug sa inyong tinago nga mga dapit, ug sa inyong kamingawan.

27 Oo, ug kon kamo dili mangamuyo sa Ginoo, himoa nga ang inyong mga akasingkasing bmapuno, magpadayon sa pag-ampo ngadto kaniya sa kanunay alang sa inyong kaayohan, ug usab alang sa kaayohan niadtong naglibot kaninyo.

28 Ug karon tan-awa, akong hinigugma nga kaigsoonan, sultihan ko kamo, ayaw pagdahom nga mao kini ang tanan; kay human ninyo mahimo kining tanang butang, kon mosalikway kamo sa mga atimawa, ug sa mga hubo, ug dili moduaw sa mga masakiton ug sa mga may balatian, ug bmohatag sa inyong kabtangan, kon kamo aduna, niadtong nanginahanglan—ako moingon kaninyo, kon kamo dili mobuhat sa bisan hain niining mga butanga, tan-awa, ang inyong cpag-ampo dmakawang, ug dili ninyo mapahimuslan, ug sama kamo sa mga tigpakaaron-ingnon kinsa naglimod sa pagtuo.

29 Busa, kon dili kamo mahinumdom sa apagkamanggiluy-on, sama kamo sa lawog, nga isalikway sa maglulunsay, (ingon nga kini walay bili) ug pagatumban sa tiil sa mga tawo.

30 Ug karon, akong kaigsoonan, ako buot nga, human kamo makadawat og daghan nga saksi, kay ang balaang mga kasulatan nagpamatuod man niining mga butanga, kamo moduol ug modala og abunga ngadto sa paghinulsol.

31 Oo, akong gusto nga kamo moduol ug dili na mopagahi sa inyong mga kasingkasing; kay tan-awa, karon mao ang takna ug ang aadlaw sa inyong kaluwasan; ug busa, kon kamo maghinulsol ug dili na mopagahi sa inyong mga kasingkasing, dihadiha ang mahinungdanon nga plano sa katubsanan mapadangat kaninyo.

32 Kay tan-awa, kini nga kinabuhi mao ang panahon alang sa mga tawo sa apagpangandam sa pag-atubang sa Dios; oo, tan-awa ang adlaw niini nga kinabuhi mao ang adlaw alang sa mga tawo sa paghimo sa ilang mga buluhaton.

33 Ug karon, sama sa akong giingon kaninyo kaniadto, ingon nga kamo adunay daghan na kaayo nga mga saksi, busa, ako mohangyo kaninyo nga kamo dili amaglangay sa adlaw sa inyong bpaghinulsol hangtod sa kataposan; kay human niini nga panahon sa kinabuhi, nga gihatag kanato aron sa pagpangandam alang sa kahangtoran, tan-awa, kon kita dili mopauswag sa atong panahon samtang ania pa niini nga kinabuhi, human niana moabot ang cgabii sa dkangitngit diin wala nay buluhaton nga mahimo.

34 Dili kamo makaingon, kon dad-on na kamo nianang makalilisang nga akahimtang, nga maghinulsol ko, nga mobalik ko sa akong Dios. Dili, dili kamo makaingon niana; kay kanang mao nga espiritu nga miangkon sa inyong mga lawas sa panahon nga kamo mobiya niini nga kinabuhi, kanang mao nga espiritu adunay gahom sa pag-angkon sa inyong lawas nianang mahangtoron nga kalibotan.

35 Kay tan-awa, kon gilangay ninyo ang adlaw sa inyong paghinulsol gani hangtod sa kamatayon, tan-awa, kamo mahimong aulipon sa espiritu sa yawa, ug siya bmoselyo kaninyo nga iya; busa, ang Espiritu sa Ginoo mibiya kaninyo, ug walay luna diha kaninyo, ug ang yawa makabaton sa tanang gahom diha kaninyo; ug kini mao ang kataposan nga kahimtang sa mga daotan.

36 Ug nasayod ako niini, tungod kay ang Ginoo miingon nga dili siya mopuyo sa adili balaan nga mga templo, apan sa mga kasingkasing sa bmatarong siya mopuyo; oo, ug siya usab miingon nga ang mga matarong molingkod sa iyang gingharian, dili na gayod mogula; apan ang ilang mga sapot kinahanglan himoon nga puti pinaagi sa dugo sa Kordero.

37 Ug karon, akong hinigugma nga kaigsoonan, akong tinguha nga kamo mahinumdom niining mga butanga, ug nga kamo amobuhat sa inyong kaluwasan uban ang kahadlok sa Dios, ug nga kamo dili na molimod sa pag-anhi ni Kristo;

38 Nga dili na kamo amakigbatok sa Espiritu Santo, apan nga kamo modawat niini, ug modala diha kaninyo sa bngalan ni Kristo; nga mopaubos kamo sa inyong mga kaugalingon bisan ngadto sa abog, ug cmosimba sa Dios, sa bisan asa nga dapit kamo mahimutang, sa espiritu ug sa kamatuoran; ug nga magpuyo kamo nga dmapasalamaton matag adlaw, tungod sa daghan nga mga kaluoy ug mga panalangin nga iyang gihatag kaninyo.

39 Oo, ug ako usab moawhag kaninyo, akong kaigsoonan, nga kamo amagmabinantayon ngadto sa pag-ampo kanunay, nga unta dili kamo madala sa mga bpagtental sa yawa, nga siya dili makabuntog kaninyo, nga kamo dili mahimong iyang mga ulipon sa kataposan nga adlaw; kay tan-awa, siya moganti kaninyo og cdili maayo nga butang.

40 Ug karon hinigugma ko nga kaigsoonan, ako moawhag kaninyo sa pagbaton og apailob, ug nga kamo moantos sa tanang matang sa kasakit; nga kamo dili bmobiaybiay batok kanila kinsa mosalikway kaninyo tungod sa inyong hilabihan ka kabos, basin unya kamo mahimo nga mga makasasala sama kanila;

41 Apan nga kamo magbaton og pailob, ug moantos niadtong mga kasakit, uban ang usa ka hugot nga paglaom nga moabot ang adlaw nga kamo makapahulay gikan sa tanan ninyong mga kasakitan.