iVolanikalou
Alama 17


Na kedra itukutuku na luvei Mosaia, era a besetaka na nodra dodonu ena matanitu ena vuku ni vosa ni Kalou, ka ra lako cake ki na vanua ko Nifai me ra vunau vei ira na Leimanaiti; na nodra vakararawataki kei na nodra vakabulai—me vaka na itukutuku i Alama.

Okati ena wase e 17 ki na wase e 27.

Wase 17

Sa tu vei ira na luvei Mosaia na yalo ni parofisai kei na ivakatakila—Era sa lako yani ena nodra sala e vuqa me ra vunautaka na vosa vei ira na Leimanaiti—Sa lako yani ko Amoni ki na vanua ko Isimeli ka yaco me dauniveiqaravi nei Lamonai na Tui—Sa vakabula ko Amoni na nona qele ni manumanu na tui ka vakamatei ira na nona meca ena wai ko Sepusi. Tikina e 1–3, rauta na 77 B.K.; tikina 4, rauta 91–77 B.K.; kei na tikina e 5–39, rauta na 91 B.K.

1 Ka sa qai yaco ni sa lako tiko ko Alama mai na vanua ko Kitioni vaka ki na ceva, ka lako tani yani ki na vanua ko Manitai, raica, sa kurabui ko koya, ni asotavi iratou na bluvei Mosaia ni ratou sa lako tiko yani ki na vanua ko Saraemala.

2 Ko iratou na luvei Mosaia oqo eratou a tiko vata voli kei Alama ena gauna a arairai taumada kina vua na agilosi; o koya sa marau vakalevu sara kina ko Alama ni sa raici iratou na tacina; ka sa qai vakalevutaka sara na nona marau, ni ra se veitacini tiko ga ena vuku ni Turaga; io, sa kaukauwa sara na nodratou kilaka ena ivakavuvuli dina; ni ra sa tamata yalomatua ka dau bwilika vagumatua na ivolanikalou, me rawa kina ni ra kila na vosa ni Kalou.

3 Ia e sega ni o koya wale ga oqori; eratou sa soli iratou vakagumatua sara ena amasumasu, kei na lolo; o koya sa tu kina vei iratou na yalo ni parofisai, kei na yalo ni vakatakila, ia ni ra sa bvakatavuvuli, era sa vakatavuvuli ena kaukauwa

4 Ka ra sa vakatavuvulitaka tiko na vosa ni Kalou ena loma ni tinikava na yabaki ena kedra maliwa na Leimanaiti, ka ra aqaqa vakalevu ena nodra sa bkau mai na lewevuqa me ra mai kila kina na ivakavuvuli dina; io, mai na kaukauwa ni nodra vosa era sa kau mai kina ki na icabocabo ni isoro ni Kalou e lewevuqa, me ra kaciva na yacana ka cvakatusa vua na nodra ivalavala ca.

5 Ia sa vakaoqo na veika era sota kaya ena nodra ilakolako, ni sa yaco vei ira e vuqa na ka rarawa; era sa rarawa vakalevu, vakayago ka vakayalo, me vaka na viakana, na viagunu, kei na wawale ni yago ka sa ayaluma vakalevu na yalodra.

6 Ia sa vakaoqo na nodra ilakolako: Ni sa asolia vei ira na galala na tamadra, ko Mosaia, ena imatai ni nodra yabaki na turaganilewa; ni ra sa bsega ni vinakata na matanitu ka a gadreva ko tamadra me solia vei ira, ka sa vakatalega oqo na nodra vakanananu na tamata;

7 O koya oqo era sa lako tani kina mai na vanua ko Saraemala, ka kauta na nodra iseleiwau, kei na nodra moto, kei na nodra dakaititi, kei na nodra gasau, kei na nodra irabo; era sa kitaka oqo me ra rawata kina na kedra kakana ni ra tiko voli ena lekutu.

8 Ia e ra sa lako vata yani ki na lekutu kei na iwiliwili era sa digitaka, me ra lako cake ki na vanua ko Nifai, ka vunautaka na vosa ni Kalou kivei ira na Leimanaiti.

9 Ka sa yaco ni ra sa lako voli ena lekutu ka vuqa na siga, ka ra dau lolo vakalevu ka amasu vakalevu me solia mai kivei ira na Turaga e dua na tiki ni Yalona me salavata kei ira, ka tiko vata kei ira, ka me yaco me ra biyaya ni cakacaka ena liga ni Kalou me ra kau mai kina, kevaka e rawa, ko ira na wekadra, na Leimanaiti, ki na kila na ka dina, ki na kila ka ni yavu matailalai ni nodra civakarau na nodra qase, ka sa sega ni dodonu.

10 Ka sa yaco ni sa asikovi ira na Turaga ena bYalona, ka kaya vei ira: Dou cvakacegu. Ka ra sa kune vakacegu.

11 Ka sa kaya tale ga vei ira na Turaga: Dou lako yani ena kedra maliwa na Leimanaiti, ko ira na wekamudou, ka vakataudeitaka na noqu vosa; ia mo dou avosota vakadede na veika rarawa ka dredre, mo dou na ivakaraitaki vinaka vei ira ena vukuqu, ia au na qisi kemudou mo dou iyaya ni cakacaka e ligaqu me ra vakabulai kina e lewevuqa na yalo.

12 Ka sa yaco ni ra sa vakayaloqaqataki na luvei Mosaia kei ira nodra itokani sa tiko vata kaya, me ra lako yani vei ira na Leimanaiti ka vunautaka na vosa ni Kalou.

13 Ka sa yaco ni ra sa tadu ki na iyalayala ni nodra vanua na Leimanaiti, era sa atawase ka dui lako yani vakai ira, ka ra vakanuinui vua na Turaga ni ra na sota bula tale ni oti na nodra btatamusuki; ni ra sa kila tu na bibi ni itavi era sa bolea.

14 Ka sa bibi vakaidina, ni ra sa bolea me ra vunautaka na vosa ni Kalou ki na dua na mata tamata akila, yalo kaukauwa ka itovo vakarerevaki; na mata tamata dau rekitaka me labati ira na Nifaiti, ka butakoci ira ka vakacacani ira; era sa domona vakalevu na iyau, se na koula kei na siliva, kei na vatu talei; ia era segata me ra rawata na veika oqo mai na laba kei na veivakacacani, me ra kakua kina ni cakacakataka e ligadra.

15 Ia era sa tamata vucesa, ka vuqa vei ira era dauqarava na matakau, ka sa tau vei ira na acudru ni Kalou ena vuku ni nodra bivakarau na nodra qase; ia ena sega ni sogolati vei ira na vosayalayala ni Turaga ka na tara yani nodra bula kevaka era sa veivutuni.

16 O koya oqo na avuna era bolea kina na luvei Mosaia me ra kitaka na cakacaka, de rawa me ra kauti ira mai na tamata me ra veivutuni; de rawa me ra na kauti ira mai me ra kila na ituvatuva ni veisereki.

17 O koya era sa tawase kina ka dui lako, ena kedra maliwa, na tamata yadua vakaikoya ga, me vaka na vosa kei na kaukauwa ni Kalou sa dui soli vua.

18 Oqo sa nodra iliuliu ko Amoni, se ni sa dauvakavulici ira tale ga, sa biuti ira, ni sa avakalougatataki ira oti ena ilesilesi era sa kacivi kina, ka tataunaka vei ira na vosa ni Kalou ni bera ni gole yani; era sa gole yani ka dui lako ena nodra ilakolako ena loma ni vanua ko ya.

19 Ka sa lako ko Amoni ki na vanua ko aIsimeli, ni sa vakayacani na vanua vei ira na luvei Isimeli, ka ra sa yaco me ra Leimanaiti.

20 Ia ni sa curuma yani ko Amoni na vanua ko Isimeli, era sa tauri koya ka vesuki koya ko ira na Leimanaiti, me vaka ni sa kena ivakarau vei ira me ra vesuka na Nifaiti kecega era taura rawa, ka ra kauti koya vua na tui; ia sa na qai vakatau vua na tui me vakamatei ira, se me vesuki ira, se balati ira ki na vale ni veivesu, se vakasavi ira tani mai na nona vanua, me vaka na nona inaki kei na nona gagadre.

21 Ia sa kau ko Amoni vua na tui ni vanua ko Isimeli, na yacana ko Lamonai, e dua na kawa vaka-Isimeli.

22 Ia sa tarogi Amoni na tui se vinakata me tiko ga vei ira na Leimanaiti, se vei ira na wekana.

23 Ia sa kaya vua ko Amoni: Io, au sa via tiko vata mada kei ira na tamata oqo me dua na gauna; io, ena rairai yacova sara na gauna au mate kina.

24 Ka sa yaco ni sa taleitaki Amoni vakalevu ko Lamonai na tui, ka vakavuna me sere na kena ivesu; ia sa kaya na tui me taura e dua na luvena ko Amoni me watina.

25 Ia sa vosa ko Amoni ka kaya vua: E segai, ia me’u nomuni tamata ga. O koya sa yaco kina me tamata ni tui Lamonai ko Amoni. A sa lesi ko Amoni kei na so tale na tamata me ra ivakatawa ni sipi nei Lamonai, me vaka na nodra ivalavala na Leimanaiti.

26 Ia ni sa cakacaka tiko ko Amoni vua na tui me tolu na siga, sa lako yani ko koya kei ira na Leimanaiti era cakacaka vata ka kauti ira na sipi kina tobu ni wai era daugunu kina, na yaca ni wai ko Sepusi, era sa dau kauta kece ki kea na Leimanaiti na nodra qele ni manumanu, me ra gunu—

27 O koya, ni ra sa kauta tiko yani na nodra qele ni manumanu ki na igunugunu ko Amoni kei ira na tamata ni tui, raica, era sa lako mai e dua na iwiliwili ni Leimanaiti ka gunu tiko mai kea na nodra sipi, a ra sa vakasava na qele ni manumanu e kauta tiko yani ko Amoni kei ira na tamata ni tui, sa ka levu na nodra vakasavi ira ka ra veidroyaki kina ki na veiyasana kecega.

28 Oqo era sa vosa kudrukudru na dauveiqaravi ni tui, ka kaya: Oqo e sa na vakamatei keda vakaidina na tui, me vaka sa yaco vei ira na wekada ni ra a veidroyaki na qele ni manumanu era kauta mai, ena nodra ivakarau ca na tamata oqo. A ra sa tagi ka kaya: Raica, era sa veiseyaki na noda qele ni manumanu.

29 Oqo era sa tagi ni ra sa rerevaka na vakamatei. Ia ni sa raica na ka oqo ko Amoni sa reki vakalevu na lomana; sa kaya lo, au na vakatakila eke vei ira oqo na noqu itokani dauveiqaravi na noqu kaukauwa, se na kaukauwa sa tu vei au, me’u vakasuka tale mai kina na qele ni manumanu vua na tui; me’u rawa kina na yalodra na noqu itokani dauveiqaravi, me’u vakayarayarataki ira kina me ra vakabauta na noqu vosa.

30 A sa vakaoqo na nanuma nei Amoni ni sa raica na nodra leqa ko ira sa wilika me nona itokani.

31 Ka sa yaco ni sa vakayaloqaqataki ira ena nona vosa, ka kaya: Oi kemudou na noqu itokani, dou kakua ni yalolailai tou mai lako ka vakasaqara na qele ni manumanu, tou vakasoqoni ira vata ka kauti ira mai me ra mai gunu; ia me datou maroroya na nona qele ni manumanu na tui, me kakua ni vakamatei kedatou ko koya.

32 Ka sa yaco ni ra sa lako ka vakasaqara na qele ni manumanu, era sa muri Amoni, ka ra veiciciyaki ka soqoni ira kece mai na qele ni manumanu ni tui, ki na igunugunu.

33 Ia era sa lako tale mai na tamata koya me ra vakasava na nodra qele ni manumanu; a sa kaya vei ira na nona itokani ko Amoni: Dou vakavolivoliti ira na qele ni manumanu me ra kakua ni dro; ia au sa lako me’u veivala kei ira era mai vakasava tiko na noda qele ni manumanu.

34 O koya oqo, a ra sa vakayacora sara na ka sa vakarota vei ira ko Amoni, ka sa lako ko koya me vala kei ira era sa tiko mai na tobu ni wai ko Sepusi; ia era sa lewe levu sara ko ira oqori.

35 O koya oqo era sa sega kina ni rerevaki Amoni; ni ra nanuma ni sa lewe dua ga ko koya ka rawa me na dua ga vei ira e vakamatei koya, ia era sa sega ni kila ni sa yalataka oti na Turaga vei Mosaia ni na avakabulai ira na luvena mai na ligadra; era sa sega tale ga ni kila e dua na ka me baleta na Turaga; o koya era sa dau taleitaka ga kina me ra vakarusai ira na wekadra; na inaki oqori era sa dau tu kina me vakasava na nona qele ni manumanu na tui.

36 Ia sa tu yani ko aAmoni ka tekivu me raboti ira ena vatu; io, sa kaukauwa sara na nona rabotaka yani na vatu ena kedra maliwa; ka vakamatea sara be so vei ira, era sa kidroataka na kena vo na nona kaukauwa; ia oqo era sa cudru tale ga ni sa vakamatea e so vei ira, ka ra sa nakita me ra vakamatei koya sara; o koya, ni ra sa raica ni csega ni lauti koya rawa na nodra iviri, era sa cola iwau ka cici yani me yaviti koya mate.

37 Ia raica, ko koya yadua sa laveta na nona iwau me yaviti Amoni, sa taya cavuka na ligana ko Amoni ena nona iseleiwau; a sa sabaya ko koya na nodra imoku ena nona taya cavuka na ligadra ena nona iseleiwau, a ra sa kurabui vakalevu kina, ka veidroyaki mai vua; io, e ra sa lewelevu, ia era sa dro ga ena kaukauwa ni nona ravuravu.

38 E lewe ono vei ira era mate ena irabo; ia sa vakamatea duadua ga na nodra iliuliu ena nona iseleiwau; ia ko ira kecega ka mokuti koya ena iseleiwau sa taya cavuka na ligadra, a ra sa lewevuqa toka.

39 Ia ni sa vakasavi ira yani vakayawa, sa qai lesu mai me ra vagunuvi ira na qele ni manumanu ka kauta lesu ki na nona lomanibai na tui, ka curu sara yani vua na tui, ka kauta tiko yani na liga kece ka lauta cavuka ena nona iseleiwau ko Amoni, me ivakadinadina ni veika era sa vakayacora.