Alama 14
    Footnotes
    Theme

    Wase 14

    Erau sa biu ki na vale ni veivesu ka vakanakuitataki ko Alama kei Amuleki—Era sa vakamai ena bukawaqa ko ira na vakabauta vata kei na nodra ivolanikalou tabu—Ko ira oqori ka ra sa vakamatei ena vuku ni nodra vakabauta ena ciqomi ira na Turaga ena lagilagi—Sa kavida ka qera na lalaga ni valeniveivesu—Erau sa qai sereki ko Alama kei Amuleki, ka ra vakamatei ko ira era a vakararawataki rau. Rauta na 82–81 B.K.

    1 Ka sa yaco ni sa tinia na nona vosa vei ira na tamata, sa lewevuqa era sa vakabauta sara na nona vosa, ka ra sa tekivu me veivutuni, ka vakasaqara na aivolanikalou.

    2 Ia na iwase levu cake era sa segata me ra vakarusai rau ko Alama kei Amuleki; ni ra sa cudruvi Alama, me baleta na amatata ni nona vosa vei Sisoromi; era sa kaya tale ga ni sa blasutaki ira ko Amuleki, ka sa vosa vakacacataka na nodra lawa kei ira na nodra loya kei na turaganilewa.

    3 Era sa cudruvi rau talega ko Alama kei Amuleki; baleta ni rau sa vakadinadinataka vakamatata na nodra ivakarau ca, a ra sa segata lo me ra vakamatei rau.

    4 Ka sa yaco ni ra sa sega ni kitaka; a ra sa tauri rau ka vesuki rau ga ena wa kaukauwa, ka kauti rau vua na turaganilewa levu ni vanua.

    5 Era sa lako yani na tamata ka beitaki rau—era vakadinadinataka ni rau sa vosa vakacacataka na lawa, kei ira na nodra loya kei na turaganilewa ni vanua, kei ira na tamata kecega ena vanua; ka vakadinadinataka ni sa dua ga na Kalou, ka na tala mai na Luvena vei ira na tamata, ia ena sega ni mai vakabulai ira; sa vuqa na veika vakaoqori era sa beitaki rau kina ko Alama kei Amuleki. A sa yaco na veika oqo ena matana na turaganilewa levu ni vanua.

    6 Ka sa yaco ni sa kurabui sara ko Sisoromi ena ka sa tukuni; ia sa kila tale ga ni sa mataboko na vakasama ni tamata, ka vakavuna ko koya ena nona vosa lasu; a sa tekivu me acukiraki na yalona bni sa kila na nona cala; io, sa tekivu me ologi koya na mosi mai eli.

    7 Ka sa yaco ni sa tagi vei ira na tamata, ka kaya: Raica, au sa acala dina, ia ko irau na tamata oqo erau sa sega ni tauvi duka ena mata ni Kalou. A sa tekivu me vakamamasu ena vukudrau mai na gauna ko ya ka lako yani; ia era sa vosa vakacacani koya, ka kaya: Sa curumi iko talega na tevoro? Era sa kasiviti koya, ka bvakasavi koya tani mai na kedra maliwa, era sa vakasavi ira tale ga era sa vakabauta na vosa i Alama kei Amuleki; a ra sa vakasavi ira tani, ka talai ira na tamata me ra vakaviriki ira ena vatu.

    8 Ia era sa kauti ira vata kece mai na watidra kei na luvedra, kei ira era sa vakabauta se ko ira sa vakavulici me ra vakabauta na ivolanikalou ka vakavuna me ra biu yani ki na bukawaqa; ka ra sa kauta tale ga mai na nodra ivolatukutuku ka tu kina na ivolanikalou tabu ka biuta talega ki na bukawaqa, ka me ra kama ka vakarusai kina ena bukawaqa.

    9 Ka sa yaco ni ra sa tauri rau ko Alama kei Amuleki, ka kauti rau ki na vanua era sa vakamatei tiko kina na tamata yalododonu, me rau vakadinadinataka kina na nodra vakarusai ko ira sa vakamai ena bukawaqa.

    10 Ia ni sa raica ko Amuleki na nodra mosi na yalewa kei ira na gone era sa vakamai tiko, sa mosi talega ko koya; ka sa kaya yani vei Alama: A cava me daru mai raica tiko kina na ka vakadomobula oqo? O koya me daru dulaka mada yani na ligadaru, ka vakayagataka na akaukauwa ni Kalou ka tu vei kedaru, ka vakabulai ira mai na yameyame ni buka.

    11 Ia sa kaya vua ko Alama: Sa uqeti au vakaukauwa na Yalo me’u kakua ni dodoka yani na ligaqu; raica sa kauti ira cake na Turaga vei koya, ena alagilagi; ia sa laiva me ra vakayacora na ka oqo, se me ra vakayacora vei ira na veika oqo ko ira na tamata, me vaka na kaukauwa ni lomadra, me dodonu kina na blewa ena qai tauca vei ira ena nona cudru; ia na nodra cdra na dtawacala ena tu me beitaki ira, io, ena tagi vakaukauwa me beitaki ira ena siga mai muri.

    12 Oqo sa kaya vei Alama ko Amuleki: Raica, de ra na vakamai kedaru tale ga.

    13 Ka sa kaya ko Alama: Me yaco ga me vaka na nona inaki na Turaga. Ia, raica, e sa bera ni oti na nodaru itavi; o koya era na sega kina ni vakamai kedaru.

    14 Sa qai yaco ni sa kama yavu na yagodra na sa biu ki na bukawaqa, ka vakatalega kina na nodra ivola e ra a biu vata kaya, sa qai lako mai ko turaganilewa levu ena vanua ka mai tu e matadrau ko Alama kei Amuleki, ni rau sa vesu tu; ka sabica na baludrau e ligana, ka kaya vei rau: Mai na veika drau sa raica oti, ko drau na laki vunau tale vei ira na tamata oqo, me ra na biu kina ki na adrano bukawaqa kei na sulifure?

    15 Raica, drau sa raica ni sa sega vei kemudrau na kaukauwa mo drau vakabulai ira kina ko ira era sa biu ki na bukawaqa; sa sega talega ni vakabulai ira na Kalou ni ko ni sa vakabauta vata. Ka sa sabica tale na baludrau na turaganilewa, ka taroga: Na cava ko drau na kaya me baleti kemudrau?

    16 Na turaganilewa oqo sa muria na ivakarau kei na vakabauta i aNeori, ko koya ka vakamatei Kitioni.

    17 Ka sa yaco ni rau sa sega ni sauma na nona vosa ko Alama kei Amuleki; sa sabici rau tale, ka soli rau vei ira na vakailesilesi me rau biu ki na vale ni veivesu.

    18 Ia ni rau sa tiko ena vale ni veivesu ka siga tolu, era sa lako mai e levu na aloya, kei na turaganilewa, kei na bete, kei na ivakavuvuli, ka ra lewe ni lawalawa i Neori; ka ra sa lako mai ki na vale ni veivesu me raici rau, ka ra sa tarogi rau ena vuqa na vosa; ia erau sa galu ga.

    19 Ka sa yaco ni sa mai tu e matadrau na turaganilewa, ka kaya: A cava drau sa sega kina ni sauma na nodra vosa na tamata oqo? Drau sa sega beka ni kila ni sa tu vei au na kaukauwa me’u biuti kemudrau yani ki na yameyame? A sa vakarota me rau vosa; ia erau sa galu ga.

    20 Ka sa yaco ni ra sa veisukayaki ka dui lako ena nodra sala, ia era sa lesu tale mai ena mataka; ia sa sabica tale na baludrau ko turaganilewa. Ia e ra sa lako talega mai e lewevuqa, ka ra sabici rau, ka kaya: Drau na tucake tale ka lewai ira na tamata oqo, ka vosa vakacacataka na neimami lawa? Kevaka sa tu vei kemudrau na kaukauwa levu vakaoqo na cava drau sa sega ni asereki kemudrau rawa kina?

    21 Ia era sa vosataka vei rau e vuqa na ka vakaoqo, a ra sa vakasequruqurubati vei rau, ka kasiviti rau, ka kaya: Ena vakaevei na keimami irairai ni keimami sa cudruvi?

    22 Ia sa levu na veika oqo, io, sa levu na veika oqo era sa kaya vei rau; ia era sa vakalialiai rau me vuqa na siga. Ka ra sa vakuai rau ena kakana me rau viakana kina, kei na wai me rau karamaca; ka ra sa kauta tani talega mai vei rau na nodrau isulu me rau luvawale; ia oqo erau sa vesu ena wa kaukauwa, ka sogolati e valeniveivesu.

    23 Ka sa yaco ni rau sa vakararawataki tiko vakaoqo ka vuqa na siga, (ka ni ena ikatini karua ni siga, ena ikatini ni vula, ena ikatini ni yabaki ni nodra veiliutaki na daunilewa vei ira na tamata i Nifai) era sa lako tale yani kina ki vale ni veivesu ka rau a vesuki tu kina ena dali ko Alama kei Amuleki na turaganilewa levu mai Amonaia kei ira e vuqa na nodra ivakavuvuli kei na nodra loya.

    24 A sa tu e matadrau na turaganilewa levu, ka sabici rau tale, ka kaya vei rau: Kevaka sa tu vei kemudrau na kaukauwa ni Kalou drau sereka mada na kemudrau ivesu, ia keimami na qai vakabauta ni na vakarusai ira na tamata oqo na Turaga me vaka na nomudrau vosa.

    25 Ka sa yaco ni ra sa lako kece yani ka sabici rau, ka tukuna e dua vata ga na vosa, me yacova na iotioti ni tamata; ia ni sa vosa oti vei rau na iotioti ni tamata a sa curumi Alama kei Amuleki na akaukauwa ni Kalou, a rau sa duri cake ka wavu tu e yavadrau.

    26 Ia sa vosa ko Alama, ka kaya: Kemuni na Turaga? me vakaevei na kena dede na neirau vosota tiko na aveivakararawataki levu oqo? Kemuni na Turaga ni vakaukauwataki keirau me vaka na neirau vakabauti Karisito, ka vukei keirau. Ka rau sa drutia na wa e rau a vesu tu kina; ia ni ra sa raica ko ira na tamata na ka oqo, era sa dui dro, ni sa tuburi ira na rere de ra na rusa.

    27 Ka sa yaco ni ra sa bale sobu ki na qele ni ra sa rere vakalevu sara, raica era sa sega mada ga ni yaco rawa ki na katuba e tuba ni avale ni veivesu; a sa yavala vakaukauwa na qele, ka sa kasei rua na lalaga ni vale ni veivesu, ka sa bale kina ki na qele; ka ra sa mate kina na turaganilewa levu, kei ira na loya, kei ira na bete, kei ira na ivakavuvuli, ka ra a sabici rau ko Alama kei Amuleki.

    28 Ka rau sa lako tani mai vale ni veivesu ko Alama kei Amuleki, ka sa sega ni dua vei rau e mavoa; a sa solia vei rau na Turaga na kaukauwa, me vaka na nodrau vakabauti Karisito. Ka rau sa lako tani mai na vale ni veivesu; ni sa atasere na kedrau ivesu; ka sa bale sobu ki na qele na vale ni veivesu, ka ra sa mate ko ira kece na tamata era tiko kina, ka rau bula ga ko Alama kei Amuleki; ka rau sa lako sara yani ki loma ni koro.

    29 Ia ni ra sa rogoca e dua na rorogo levu ko ira na tamata era sa cici yani vakalewelevu me ra raica na ka sa yaco; ia ni ra sa raici rau ko Alama kei Amuleki ni rau sa lako tani mai na vale ni veivesu, ni sa bale ki na qele na kena lalaga, sa yacovi ira na rere levu, ka ra sa dro tani mai vei Alama kei Amuleki me vaka na me kei na luvena sa drovaka e rua na laione; sa vakakina na nodra drovaki rau ko Alama kei Amuleki.