1 Kwaye kwakhona, bazalwana bam, ndingazolathisa iingqondo zenu phambili kwilixa apho iNkosi uThixo yanika le miyalelo kubo abantwana bayo; kwaye ndinga ningakhumbula okokuba iNkosi uThixo ^ayamisa ababingeleli, ngokohlobo lwayo olungcwele, olwalungokobulungiseleli boNyana wayo, ukuba bazifundise ezi zinto kubo abantu.

2 Kwaye abo babingeleli babemiswe ^angokohlobo lobulungiseleli boNyana wayo, ^bngohlobo abanokuthi ngalo abantu babenokwazi ukuba luhlobo luni na abanokukhangela phambili ngalo kuNyana wayo ukuze bakhululwe.

3 Kwaye olu luhlobo abamiselwa ngalo—^abebizwa kwaye ^bbelungiswa ukususela ^ckwisiseko sehlabathi ^dngokolwazi lwangaphambili lukaThixo, ngengxelo yokholo lwabo olugqithileyo nemisebenzi elungileyo; okokuqala beshiywa ukuba ^ebakhethe okulungileyo okanye okubi; ke ngoko bona kuba bekhethe okulungileyo, baza basebenzisa ^fukholo olugqithisileyo kakhulu, ^gbabizwe ngobizo olungcwele, ewe, ngolo bizo lungcwele olwaye lulungisiwe, kwaye ngokubhekisele kuyo, inkululeko elungiselelweyo kwabanjalo.

4 Kwaye njalo ke ^ababizwa kulo olu bizo lungcwele ngenxa yokholo lwabo, ngeli lixa abanye babewala uMoya kaThixo ngenxa yokuqaqadeka kweentliziyo zabo nobumfama beengqondo zabo, ngeli lixa, ukuba bekungekuko oku ngebabenalo ^bilungelo elilodwa elikhulu njengabazalwana babo.

5 Okanye lilonke, okokuqala ^ababelingana nabazalwana babo, njalo ke olu bizo lungcwele lwalulungiselelwa ukususela kwisiseko sehlabathi lulungiselelwa abo babe ngayi kuziqaqadekisa iintliziyo zabo, lukuyo kwaye lungayo intlawulelo yakhe oKuphela koZelweyo uNyana, owayelungisiwe—

6 Kwaye njalo wabizwa ngolu bizo lungcwele, waza wamiswa kubo ububingeleli obukhulu bohlobo olungcwele lukaThixo, ukuba afundise imiyalelo yakhe kubo abantwana babantu, ukuze kanjalo babe nokungena ^aekuphumleni kwakhe—

7 Obu bubingeleli bukhulu bungokohlobo loNyana wakhe, ubulungiseleli obo obabukho ukususela kwisiseko sehlabathi; okanye ngamanye amazwi, ^aabunaso isiqalo semihla okanye isiphelo seminyaka, silungiselelwe ukususela kunaphakade ukuya kunaphakade wonke, ^bngokolwazi lwakhe lwangaphambili lwazo zonke izinto—

8 Ngoku ^ababemiselwe ngolu hlobo—babebizwe ngobizo olungcwele, baza bamiselwa ngommiselo ongcwele, baza bathabathela phezu kwabo ububingeleli obukhulu bohlobo olungcwele, ubizo olo, nommiselo, nobubingeleli obukhulu, abunasiqalo okanye siphelo—

9 Njalo ke baba ^angababingeleli abakhulu ngonaphakade, ngokohlobo loNyana, oKuphela koZelweyo kaBawo, ongenasiqalo semihla okanye siphelo seminyaka, ozele ^blubabalo bubulungisa, nenyaniso. Kwaye kunjalo ke. Amen.

10 Ngoku, njengoko nditshilo malunga nohlobo olungcwele, okanye obu ^abubingeleli bukhulu, babebaninzi ababemiselwe baza baba ngababingeleli abakhulu bakaThixo; kwaye kwakungxelo yokholo lwabo olugqithileyo ^bnenguquko, nobulungisa babo phambi koThixo, bekhethe ukuguquka baze basebenze ubulungisa kunokuba batshabalale;

11 Ke ngoko babebizwe ngolu hlobo lungcwele, baza ^abangcwaliswa, zaza ^bizambatho zabo zahlanjwa zaba mhlophe ngegazi leMvana.

12 Ngoku bona, emva kokuba ^abengcwalisiwe ^bngoMoya oyiNgcwele, ngenxa yokuba iingubo zabo zenziwe mhlophe, zaba ^cmsulwa kwaye azabi nacaphaza phambi koThixo, babengenako ukujongana ^dnesono ngaphandle kokuba kube ^ekungentiyo; kwaye babebaninzi, bebaninzi ngokugqithisileyo kakhulu, ababenziwe nyulu baza bangena ekuphumleni kweNkosi uThixo wabo.

13 Kwaye ngoku, bazalwana bam, ndinga ningazithoba phambi koThixo, nize nizise ngaphambili ^aiziqhamo ezifanele inguquko, ukuze nabo kanjalo babenokungena koko kuphumla.

14 Ewe, zithobeni nanjengabo abantu bemihla ^akaMelkitsedeke, owaye kanjalo engumbingeleli omkhulu ngolu hlobo endithethe ngalo, owathi naye kanjalo wathabathela kuye ububingeleli obukhulu ngonaphakade.

15 Kwaye yayikwangulo Melkitsedeke awathi ^auAbraham wanikela kuye ^bizishumi; ewe, kwanaye ubawo wethu uAbraham wahlawula izishumi zenxalenye kwako konke awayenako isiqingatha esinye eshumini.

16 Ngoku le ^amimiselo yayinikwe nglu hlobo, ukuze ngayo abantu babe nokukhangela phambili kuNyana kaThixo, yona ke ^bingumqondiso wohlobo lwakhe, okanye yona iluhlobo lwakhe, kwaye oku ukuze babe nokukhangela phambili kuye ukuze baxolelwe izono zabo, ukuze babe nokungena ekuphumleni kweNkosi.

17 Ngoku lo Melomelela kubugwenxa nesikizi; ewe, bonke babephambukile; babezele lulo lonke uhlobo lwenkohlakalo.

18 Kodwa uMelkitsedeke wasebenzisa ukholo olunamandlakazi, waza wamkela isikhundla sobubingeleli obukhulu ngokohlobo ^aolungcwele lukaThixo, waye washumayela inguquko kubo abantu bakhe. Kwaye qaphelani, baye baguquka; kwaye uMelkitsedeke waye wamisela uxolo elizweni ngemihla yakhe; ke ngoko wabizwa ngokuba uyinkosana yoxolo, kuba waye ngukumkani waseSalem; kwaye waye walawula ngaphantsi koyise.

19 Ngoku, ^ababebaninzi ngaphambi kwakhe, kananjalo babebaninzi nasemva koko, kodwa ^bakukho namnye owabekeka kakhulu kunaye; ke ngoko, ngaye bakhankanye ngokukhetheke ngakumbi.

20 Ngoku akukho mfuneko yokokuba ndibalise ngale nto; oko ndikuthethileyo kwanele. Qaphelani, ^aizibhalo ziphambi kwenu; ukuba niya ^bkuzigqwetha kuya kuba kuyintshabalalo yenu.

21 Kwaye ngoku kwenzekile okokuba akuba uAlma ewathethile la mazwi kubo, wasolulela phambili isandla sakhe kubo waza wadanduluka ngelizwi elinamandlakazi, esithi: Ngoku eli lilixa ^alokuguquka, kuba umhla wosindiso uyasondela;

22 Ewe, kwaye nelizwi leNkosi, ^angomlomo weengelosi, uya kulivakalisa kuzo zonke izizwe; ewe, uya kulivakalisa, ukuze babenazo iindaba zovuyo zolonwabo olukhulu; ewe, kwaye uyazazisa ezi ndaba zovuyo phakathi kwabo bonke abantu bakhe, ewe, kwanakubo abo basasazwe kude phezu kobuso bomhlaba; ngako oko zifikile kuthi.

23 Kwaye zazisiwe kuthi ^angeentetho ezicacileyo, ukuze sibe nokuqonda, ukuze singabi nakuphazama; kwaye oku kungenxa yokuba ^bsizizibhadu-bhadu elizweni lasemzini; ke ngoko, njalo sithandwe kakhulu, kuba sinazo ezi ndaba zovuyo zivakaliswe kuthi kuyo yonke imimandla yesidiliya sethu.

24 Kuba qaphelani, ^aiingelosi ziyalivakalisa kwabaninzi ngalo eli lixa elizweni lethu; kwaye oku kungenjongo yokulungisa iintliziyo zabantwana babantu ukuba balamkele ilizwi lakhe ngelixa lokuza kwakhe esebuqaqawulini bakhe.

25 Kwaye ngoku silindele kuphela ukuva iindaba ezivuyisayo zivakaliswa kuthi ngomlomo weengelosi, ezokuza kwakhe; kuba ilixa liyeza, ^aasazi ukuba likufuphi kangakanani na. Ndinqwena kuThixo ukuba inga ingaba ngumhla wam; kodwa nokuba ukufuphi okanye kukamva, kuwo ndiya kugcoba.

26 Kwaye kuya kwaziswa ^akumadoda angamalungisa nangcwele, ngomlomo weengelosi, ngelixa lokuza kwakhe, ukuze amazwi oobawo abe nokuzaliseka, malunga noko bakuthethayo malunga naye, okwakungokomoya wesiprofetho owawukubo.

27 Kwaye ngoku, bazalwana bam, ^andinqwenela ngokusuka emazantsi entliziyo yam, ewe, ngenkxalabo enkulu ngokude kube yintlungu, okokuba ningawaphula-phula amazwi am, nize niziphose kude izono zenu, kwaye ningawulibazisi umhla wokuguquka kwenu;

28 Kodwa okokuba ningazithoba phambi kweNkosi, nize nilibize igama layo elingcwele, nize ^anilinde kwaye nithandaze ngamaxesha onke, ukuze ^bningahendeki ngaphezu koko ninako ukukuthwala, nize njalo nikhokelwe nguMoya oyiNgcwele, nithobeke, ^cnilulame, nithozame, nibe nomonde, nizele luthando nako konke ukuzeka kade umsindo;

29 ^aNinokholo kuyo iNkosi; ninethemba lokuba niya kufumana ubomi obungunaphakade; ^bninothando lukaThixo ngamaxesha onke ezintliziyweni zenu, ukuze nibe nokuphakanyiselwa phezulu ngomhla wokugqibela nize ningene ^cekuphumleni kwayo.

30 Kwaye inga iNkosi inganikela kuni inguquko, ukuze ningabi nakuzizisela umsindo wayo phezu kwenu, ukuze ningarhintyelelwa phantsi ngamatyathanga ^aesihogo, ukuze ningahlungiswa ^bkukufa kwesibini.

31 Kwaye uAlma wathetha namanye amazwi amaninzi kubo abantu, angabhalwanga kuyo le ncwadi.