Kyerɛwsɛm
Alma 13


Tsir 13

Wɔnam mbarimba hɔn gyedzi kɛse nye hɔn ndwuma pa do frɛ hɔn ma wɔbɛyɛ asɔfo mpanyin—Ɔwɔ dɛ wɔkyerɛkyerɛ mbrasɛm no—Wɔnam ndzeyɛtsenenee do wɔtsew hɔnho na wɔhɛn Ewuradze n’ahomgye mu—Melchizedek yɛ hɔn mu kor—Abɔfo robɔ enyigyesɛm no dawur wɔ asaase nyina do—Wɔbɛda Christ ne mbae ankasa edzi. Bɛyɛ mfe 82 Ansaana wɔbɔwo Christ.

1 Na bio, m’enuanom, mepɛ dɛ motwe hom adwen dze kɔ aber no a Ewuradze Nyankopɔn dze mbrasɛm yi maa ne mba no do; na mepɛ dɛ hom kaa dɛ Ewuradze Nyankopɔn ahyɛɛ asɔfo wɔ ne nhyehyɛɛ krɔnkrɔn no a ɔyɛ ne Ba ne nhyehyɛɛ no do, ama wɔaakyerɛkyerɛ dɔm no dɛm ndzɛmba yinom.

2 Na wɔhyɛɛ dɛm asɔfo no wɔ ne Ba ne anhyehyɛɛ no do, wɔ bkwan bi do a ɔbɛma dɔm no ehu kwan a wɔbɛfa do dze ahwɛ ne Ba no no ɔpon no kwan.

3 Na iyi nye kwan a wɔnam do dze hyɛɛ hɔn asɔfo—na awɔafrɛ hɔn na bwoesiesie hɔn fitsi wiadze ne cfapem dɛ mbrɛ Nyankopɔn no dhusie tse osian hɔn gyedzi mapã nye hɔn ndwuma pa ntsi; odzi kan no wogyaa hɔn dɛ ewɔmfa papa anaa bɔn; dɛm ntsi osiandɛ wɔfaa papa na wɔkyerɛɛ fgyedzi kɛse ntsi, wonyaa gɔfrɛ krɔnkrɔn, nyew, ɔfrɛ krɔnkrɔn no a, wɔnam ɔpon nyienyim nye hɔn hyehyɛe dze ma hɔn no.

4 Na dɛm na wɔdze aɔfrɛ krɔnkrɔn yi afrɛ hɔn wɔ hɔn gyedzi ntsi, wɔ aber a binom so poow Nyankopɔn no Sunsum, osian hɔn akomadzen na hɔn adwen a efura ntsi, na sɛ annyɛ dɛm a nkyɛ hɔn so nyaa dɛm bndzinoa soronko yi dɛ mbrɛ hɔn enuanom no nyae no.

5 Ne sin ara nye dɛ, ahyɛse no nna wogyina dɛm agyinabew kor noara a hɔn enuanom no gyinae no; dɛm ntsi dɛm ɔfrɛ krɔnkrɔn yi woesiesie fitsi wiadze ne fapem dze ama hɔn a wommpirim hɔn akoma no, na wɔnam Ɔba a Wɔwoo no Kortoo no no werdambɔ do siesiee no—

6 Na wɔdze dɛm ɔfrɛ krɔnkrɔn yi frɛɛ hɔn, na wɔhyɛɛ hɔn asɔfodzi a ɔkrɔn wɔ Nyankopɔn ne nhyehyɛɛ krɔnkrɔn no mu, dɛ wɔnkyerɛkyerɛ adasamba ne mbrasɛm no, ama hɔn so wɔaahɛn an’ahomgye no mu—

7 Dɛm asɔfodzi yi a ɔkrɔn nam ne Ba no ne nhyehyɛɛ do, dza ɔhyehyɛɛ fitsi wiadze ne fapem no; anaadɛ mber a aonnyi nda ahyɛse anaadɛ onnyi mfe ewiei a wɔahyehyɛ ato hɔ fi mbersantsen kesi mbersantsen nyina, osian ne bnyimdzee a ɔwɔ no wɔ ndzɛmba a onnyaa nnsii mpo ho ntsi—

8 Afei awɔhyɛɛ hɔn asɔfo wɔ dɛm kwan yi do—wɔdze ɔfrɛ krɔnkrɔn no frɛɛ hɔn, na wɔfaa ayɛdze krɔnkrɔn kwan no do hyɛɛ hɔn asɔfo, na wɔfaa nhyehyɛɛ krɔnkrɔn no a ɔyɛ asɔfodzi a ɔkrɔn no kwan no too hɔn do, dɛm ɔfrɛ nye ayɛdze nye asɔfodzi a ɔkrɔn no a onnyi ahyɛse anaa ewiei—

9 Dɛm na ɔma wɔyɛ aasɔfompanyin afebɔɔ, wɔ Ɔba no a Egya Woo no Kortoo no no a ne nda nnyi ahyɛse anaa ne mfe nnyi ewiei, nyia badom nye pɛryɛ nye nokwar ahyɛ no mã no ne nhyehyɛɛ do. Na dɛm na ɔtse. Amen.

10 Afei, dza mekãe a ɔfa dɛm nhyehyɛɛ krɔnkrɔn no ho anaa aasɔfodzi a ɔkrɔn yi ho no, dodowara wɔ hɔ a wɔhyɛɛ hɔn na wɔbɛyɛɛ Nyame n’asɔfoe mpanyimfo; na ɔnam hɔn gyedzi mapa nye bnnuho nye hɔn tseneneeyɛ wɔ Nyame enyim, na wɔpɛɛ dɛ wonu hɔnho na wodzi dwuma a ɔtsen kyɛn dɛ wɔbɛhera;

11 Dɛm ntsi na wɔfrɛɛ hɔn wɔ dɛm nhyehyɛɛ krɔnkrɔn yi mu na awɔtseew hɔnho, na bwɔhoor hɔn ntar wɔ Eguambaa no bɔgyaa no mu ma ɔyɛɛ fitaa.

12 Afei ber a aSunsum Krɔnkrɔn no btseew hɔnho wiei, na hɔn ntar yɛɛ fitaa nye cwansanwansa a nkekãa biara nnyi mu wɔ Nyame enyim no, woenntum annhwɛ dbɔn na mbom ewokyirii; na hɔn a wɔyɛɛ wansanwansa na wɔhɛɛn Ewuradze hɔn Nyankopɔn n’ahomgye mu no, hɔn dodow dɔɔ sõ ara yie.

13 Na afei, m’enuanom, mepɛ dɛ hom brɛ homho adze wɔ Nyame enyim, na hom sow aeduaba a ɔfata nnuho, ama hom so hom aahɛn dɛm ahomgye no mu.

14 Nyew, hom mbrɛ homho adze mpo dɛ aMelchizedek n’aber do nkorɔfo no, nyia nna no so yɛ ɔsɔfopanyin wɔ nhyehyɛɛ yi a makã ho asɛm yi mu, nyia no so faa asɔfodzi yi a ɔkrɔn no too no do afebɔɔ no.

15 Na dɛm Melchizedek yi na aAbraham tuaa bebupɛn du maa no no; nyew, hɛn egya Abraham so mpo tuaa ebupɛn du a ɔyɛ n’egyapadze nyina a ɔakyɛ mu du no mu kor maa no.

16 Afei dɛm aayɛdze yi wɔnam dɛm kwan yi do dze mae, ama dɔm no aafa do etum ahwɛ Nyankopɔn ne Ba no kwan, ɔyɛ ne nhyehyɛɛ no ne bngyinahɔmadze, anaadɛ dɛ ɔtse dɛ ne nhyehyɛɛ, na ama wɔdze hɔn enyi ato no do dze ahwehwe bɔnfakyɛ, ama woeetum ahɛn Ewuradze n’ahomgye mu.

17 Afei dɛm Melchizedek yi yɛ ɔhen wɔ Salem asaase do; na no nkorɔfo no yɛɛ emumuyɛ na ekyiwadze pii; nyew, hɔn nyina afom kwan no; emumuyɛdze ahorow nyina hyɛɛ hɔn mã;

18 Mbom Melchizedek a ɔwɔ gyedzi a ɔyɛ dzen, na onyaa asɔfodzi dzibew a ɔkrɔn wɔ Nyankopɔn ne anhyehyɛɛ krɔnkrɔn yi mu no, kãa nnuho nsɛm kyerɛɛ ne dɔm no. Na hwɛ, wonuu hɔnho; na Melchizedek maa asomdwee baa asaase no do wɔ n’aber do; dɛm ntsi na wɔfrɛɛ no asomdwee-hen no, osiandɛ ɔyɛ Salem ɔhen; na odzii hen hyɛɛ n’egya n’ase.

19 Afei, adodowara na wodzii n’enyim na dodowara so na wodzii n’ekyir, naaso bhɔn mu biara nnyi hɔ a ɔyɛɛ kɛse kyɛn no; dɛm ntsi, ɔno na wɔbɔ ne dzin kɛse.

20 Afei onnhia dɛ mobɔkɔ asɛm no do bio; dza makã noara dɔɔ sõ. Hwɛ akyerɛwsɛm no da hom enyim; sɛ hom bdandan no a ɔno hom bɔtwetwe ɔsɛɛ ama homankasa homho.

21 Na afei ɔbaa dɛ ber a Alma kãa nsɛm yi kyerɛɛ hɔn wiei no, ɔtseen ne nsa wɔ hɔn do na ɔdze ndze a ɔyɛ dzen tseaa mu dɛ: Seseiara nye aber a ɔsɛ dɛ hom anu homho, osiandɛ nkwagye da no abɛn;

22 Nyew, Ewuradze ne ndze nam abɔfo aano reda no edzi kyerɛ amanaman nyina; nyew, ɔreda no edzi, ama hɔn nsa aakã enyigyesɛm kɛse; nyew, ɔrobɔ enyigyesɛm no dawur wɔ no dɔm nyina mu; nyew, ɔdze rema hɔn a wɔabɔ apetse mpo wɔ asaase nyina enyi do; dɛm ntsi ebodu hɛn do.

23 Na wɔada no edzi apefee akyerɛ hɛn, ama yɛatse ase, amma yɛammfom; na iyi osiandɛ byekyinkyin wɔ ananabea do ntsi; dɛm ntsi, enyi asɔ hɛn, osiandɛ wɔada enyigyesɛm yi edzi akyerɛ hɛn wɔ hɛn mbea nyina do.

24 Na hwɛ, aabɔfo gu do reda no edzi kyerɛ dodowara wɔ aber yi mu wɔ hɛn asaase yi do; dze esiesie adasamba akoma ma sɛ aber no du ma ɔreba wɔ n’enyimnyam mu a wɔagye n’asɛm edzi.

25 Na afei yɛrotweɔn dɛ yɛbɛtse dɛ abɔfo no bɛda enyigyesɛm no a ɔfa ne mbae no ho edzi akyerɛ hɛn; osiandɛ aber no reba, na mbom ayennyim aber no. Kɛtseankyɛ Nyankopɔn ama ayɛ m’aber do; na mbom sɛ ɔbɛyɛ seseiara anaadɛ ɔbɛkyɛr ansaana a, no mu biara mowɔ enyigye wɔ mu.

26 Na abɔfo bɛda ne mbae no edzi akyerɛ aahotsewfo nokwafo no, ama hɛn egyanom hɔn nsɛm no aahyɛ mã, dɛ mbrɛ wɔnam nkɔnhyɛ sunsum a ɔwɔ hɔn mu no do akã wɔ noho no.

27 Na afei, m’enuanom, ɔyɛ me a fi m’akoma mu totɔ serɛ hom dɛ, nyew, medze ahohiahia na yaw kɛse dze serɛ mpo dɛ hom ntsie me nsɛm yi na hom nyi hom bɔn akwa, na mma hom nntu hom nnuho da nnhyɛ da fofor.

28 Mbom hom mbrɛ homho adze wɔ Ewuradze enyim, na hom mbɔ ne dzin krɔnkrɔn no, na hom anweɔn na hom mbɔ mpaa aber nyina, amma hom bnsɔhwɛ ammbor dza hom ahom botum asɔw, ama Sunsum Krɔnkrɔn no agye hom ma hom ayɛ ahobrɛadze, cɔdwe, setsie, abotar, ɔdɔ na penkyɛr ahyɛ hom mã.

29 Hom anya gyedzi wɔ Ewuradze mu; na hom nya enyidado a ɔbɛma ama hom eenya onnyiewiei nkwa; na hom nya Nyame ne b wɔ hom akoma mu, ama wɔaama hom do wɔ da a odzi ewiei no mu na hom ahɛn cn’ahomgye no mu.

30 Na Ewuradze mma hom nya nnuho, amma hom anntwe n’ebufuhyew no ammba hom do, amma ahɛl no nkɔnsɔnkɔnsɔn no annkyekyer hom annto hɔ, amma hom ennwu bowu a otsĩa ebien no.

31 Na Alma kãa nsɛm pii bio kyerɛɛ dɔm no a wɔannkyerɛw no wɔ nwoma yi mu.