Dagiti Nasantuan a Kasuratan
Alma 13


Kapitulo 13

Maawagan a kas nangato a papadi dagiti lallaki gapu iti aglaplapusanan a pammatida ken dagiti nasayaat nga ar-aramidda—Rumbeng nga isuroda dagiti bilin—Babaen ti kinalinteg mapasantoda ken makastrekda iti paginanaan ti Apo—Ni Melchizedek ti maysa kadagitoy—Iwaragawag dagiti anghel ti naimbag a damag iti amin a daga—Iwaragawagdanto ti pudno a yaay ni Cristo. Agarup 82 B.C.

1 Ket manen, kakabsatko, iturongko dagiti pampanunotyo iti masakbayan idi inted ti Apo a Dios dagitoy a bilbilin kadagiti annakna; ket kayatko a nasken a laglagipenyo nga anangorden ti Apo a Dios kadagiti papadi, a mainugot iti nasantuan nga orden, a mainugot iti orden ti Anakna, a mangisuro kadagitoy a bambanag kadagiti tattao.

2 Ket naordenan dagidiay papadi a mainugot iti aorden ti Anakna, iti maysa a bwagas a babaen kadaytoy mabalin a maammuan dagiti tattao no ania a wagas a padaananda ti Anakna para iti pannakasubbot.

3 Ket kastoy ti wagas a pannakaordenda—kas anaawagan ken bnaisaganan manipud iti cpamuon ti lubong a mayannurot iti dnasakbay a pannakaammo ti Dios, gapu iti aglaplapusanan a pammati ken nasayaat nga ar-aramidda; kangrunaanna gapu ta napalugodanda a emangpili iti naimbag ken dakes; ngarud gapu iti panangpilida ti nasayaat, ken panangaramatda ti aglaplapusanan a nabileg a fpammati, gnaawaganda iti nasantuan a pagakeman, wen, iti dayta naisagana a nasantuan a pagakeman, ken mayannurot iti, naisaganan a pannakasubbot kadaytoy.

4 Ket ngarud anaawaganda kadaytoy a nasantuan a pagakeman gapu iti pammatida, idinto nga ilaksid dagiti dadduma ti Espiritu ti Dios gapu iti kinatangken dagiti pusoda ken dagiti kinabulsek ti panunotda, idinto a, no saan koma a gapu kadaytoy naikkanda koma iti dakkel a bgundaway a kas kadagiti kakabsatda.

5 Wenno kas pakagupgopan, kangrunaanna aagpada ti kasasaadda kadagiti kabsatda; isu a naisagana daytoy nasantuan a pagakeman manipud iti pamuon ti lubong para kadagiti a saan a mamagtangken kadagiti pusoda, iti kaaddada ken babaen ti pannakasubbot ti Bugbugtong nga Anak, a naisagana—

6 Ket iti kasta naawaganda kadaytoy nasantuan a pagakeman, ken naordenan iti nangato a kinasaserdote iti nasantuan nga orden ti Dios, a mangisuro iti bilbilinna kadagiti annak ti tattao, tapno makastrekda met iti apaginanaanna

7 Daytoy a nangato a kinapadi a mainugot iti orden ti Anakna, ti orden a nagtaud iti pamuon ti lubong; wenno iti sabali a pannao, aawanan iti nangrugian dagiti aldaw wenno pagtinggaan dagiti tawen, a maisagsagana manipud iti kinaagnanayon agingga iti kinaagnanayon, a mayannurot iti bnasakbay a pannakaammona iti amin a bambanag—

8 Ita anaordenanda mayannurot iti daytoy a wagas—a naawagan iti nasantuan a pagakeman, ken naordenan iti nasantuan nga ordinansa, ket inawatda ti nangato a kinapadi iti nasantuan nga orden, a dayta a pagakeman, ken ordinansa, ken nangato a kinapadi, awan iti nagrugian ken panungpalan—

9 Isu nga agbalinda a anangato a papadi iti agnanayon, a mayannurot iti orden ti Anak, ti Bugbugtong ti Ama, nga awanan iti namunganayan nga al-aldaw wenno ngudo dagiti tawen, a napno iti bparabur, panagpapada, ken kinapudno. Ket kasta ngarud. Amen.

10 Ita, kas nasaokon maipanggep iti nasantuan nga orden, wenno daytoy anangato a kinapadi, adu ti naordenan ket nagbalinda a nangato a papadi ti Dios; ket gapu iti aglaplapusanan a pammati ken bpanagbabawida, ken ti kinalintegda iti Dios, pinilida nga agbabawi ken agaramid iti nalinteg imbes a maungaw;

11 Ngarud naawaganda iti daytoy nasantuan nga orden, ken anapasantoda, ken napapuraw a naugasan dagiti bpagan-anayda babaen iti dara ti Kordero.

12 Ita, kalpasan ti apannakapasantoda babaen ti bEspiritu Santo, gapu ta napapudawen dagiti pagan-anayda, iti ckinatarnaw ken kinaawan mulitda iti sanguanan ti Dios, saanda a maibilang ti dbasol malaksid no addaan iti epananggura; ket aduda, napalalo ti kaadu, dagiti nagbalin a natarnaw ken simrek iti paginanaan ti Apo a Diosda.

13 Ket ita, kakabsatko, kayatko nga ipakumbabayo ti bagbagiyo iti sanguanan ti Dios, ken mangpataud iti abunga a maawat a pakapaneknekan iti panagbabawi, tapno makastrekkayo met iti dayta a paginanaan.

14 Wen, agpakumbabakayo uray a kas iti tattao kadagiti aldaw ni aMelchizedek, a maysa met a nangato a padi a kapadpada kadaytoy nga orden a nasaokon, a nangawat met iti nangato a kinapadi iti agnanayon.

15 Ket daytoy met laeng a Melchizedek ti nagbayadan ni aAbraham iti bapagkapullo; wen, nagbayad met uray ti amatayo a ni Abraham iti apagkapullo ti amin a sanikuana.

16 Ita naited dagitoy nga aordinansa mayannurot kadaytoy a wagas, tapno iti kasta mabalin a namnamaen dagiti tattao ti Anak ti Dios, isu a kas bkita ti ordenna, wenno isu ti ordenna, ken daytoy tapno mabalinda a mangnamnama kaniana para iti pakaugasan dagiti basolda, tapno bareng makastrekda iti paginanaan ti Apo.

17 Ita maysa nga ari daytoy a Melchizedek iti daga a Salem; ket pimmigsa dagiti taona iti kinadangkes ken kinarimon; wen, naiwawada amin; napnoda iti amin a kita ti kinadakes;

18 Ngem gapu ta inaramat ni Melchizedek ti nabileg a pammati, ken inawatna ti saad ti nangato a kinapadi a mayannurot iti anasantuan nga orden ti Dios, inkasabana ti panagbabawi kadagiti taona. Ket kitaen, nagbabawida; ket impasdek ni Melchizedek ti kappia iti daga kadagidi aldawna; ngarud naawagan a prinsipe ti kappia, agsipud ta isu ti ari ti Salem; ket nagturay iti babaen ti amana.

19 Ita, aadu ti immun-una kenkuana, kasta met nga adu kalpasanna, ngem bawan ti natantan-ok; ngarud, ad-adu ti nadakamat a maipanggep kenkuana.

20 Ita saanko a kasapulan nga ulitin daytoy a pakaseknan; mabalin nga umdasen ti nasaokon. Kitaen, adda dagiti anasantuan a kasuratan iti imatangyo; no bbalusingsingenyo ida agbalinto a pakadadaelanyo.

21 Ket ita napasamak nga idi maibaga ni Alma kadakuada dagitoy a balikas, intag-ayna ti imana kadakuada ket immawag nga addaan iti napigsa a timek, a kunana: Ita ti panawen a apanagbabawi, ta asidegen ti aldaw a panangisalakan;

22 Wen, ket ti timek ti Apo, babaen ti angiwat dagiti anghel, inwaragawagna iti amin a pagilian; wen, inwaragawagna, tapno maaddaanda iti naimbag a damag a napnuan rag-o; wen, ket impakaammona dagitoy a naimbag a damag kadagiti amin a taona, wen, uray pay kadakuada a naiwaraswaras iti ganggannaet a rabaw ti daga; gapuna umayda kadatayo.

23 Ket naipakaammoda kadatayo iti analawag a sasao, tapno maawatantayo, tapno saantayo nga agbiddut; ket gapu daytoy iti bkinamanagallaallatayo iti ganggannaet a daga; ngarud, ngarud naipangpangrunatayo unay, ta adda kadatayo dagitoy naimbag a damag a naiwaragawag kadatayo iti amin a paset ti bangkagtayo.

24 Ta kitaen, iwarwaragawak dagiti aanghel iti adu iti daytoy a panawen iti dagatayo; ket panggep daytoy ti panangisagana kadagiti puso dagiti annak ti tattao nga umawat iti balikasna iti panawen ti yaayna iti gloriana.

25 Ket ita aguraytayo laeng a mangngeg ti narag-o a damag a maiwaragawag kadatayo babaen ti ngiwat dagiti anghel, iti yaayna; agsipud ta dumteng ti panawen, asaantayo nga ammo no kasano ti kaasidegna. Idawatko iti Dios a no mabalin iti koma aldawko; ngem bay-antayo a nasapsapa wenno naladladaw, iti dayta agragsakakto.

26 Ket maipakaammonto kadagiti analinteg ken nasantuan a tao, babaen ti ngiwat dagiti anghel, iti panawen ti yaayna, tapno matungpal dagiti balikas dagiti ammatayo, a mayannurot iti dayta nasaodan maipanggep kenkuana, a mayannurot iti espiritu ti pammadto nga adda kadakuada.

27 Ket ita, kakabsatko, atarigagayak manipud iti kaunggan a paset ti pusok, wen, iti napnuan gagar uray pay no nasaem, a dumngegkayo kadagiti balikasko, ket iwagsakyo dagiti basolyo, ken saanyo yaleng-aleng ti aldaw a panagbabawiyo;

28 Ngem agpakumbabakayo iti sanguanan ti Apo, ket awaganyo ti nasantuan a naganna, ket aagsiput ken itultuloyyo ti agkararag, tapno saankayo a bmasulisog iti nalablabes ngem iti kabaelanyo, ket iti kasta iturongnakayo ti Nasantuan nga Espiritu, nga agbalin a napakumbaba, cnaemma, managpasakup, naanus, napnuan iti ayat ken naunday ti panagibtur iti amin;

29 aAddaan iti pammati iti Apo; addaan iti namnama nga umawatkayo iti agnanayon a biag; addaan iti bayat ti Dios a kanayon kadagiti pusoyo, tapno maitag-aykayo iti maudi nga aldaw ket makastrekkayo iti cpaginanaanna.

30 Ket sapay koma ta ipaay kadakayo ti Apo ti panagbabawi, tapno saan nga agbanag kadakayo ti pungtotna, tapno saankayo a mapungo kadagiti kawar ti aimpierno, tapno saanyo a sagabaen ti maikadua nga bipapatay.

31 Ket adu pay ti sinao ni Alma kadagiti tattao, a saan a naisurat iti daytoy a libro.