1 Ao riki, tariu, N na kaira ami iango nakon te tai are te Uea ae te Atua e anga tua aikai nakoia natina; ao I tangiria bwa kam na uringnga bwa te Uea ae te Atua e ^akatabuia ibonga n aron ana botaki ae tabu, are i mwin ana botaki natina, n reirei baikai nakoia aomata.

2 Ao ibonga akekei a katabuaki i mwin ana ^awaaki natina, n te ^baro are aomata a na ataia bwa n te aro raa are a na kariariaa natina ibukin te kaboaki.

3 Ao aio aron katabuakia—ngkai a bon tia ni ^aweteaki man ^bkatauraoaki man ^cmoan tein te aonaba n aron ana ^dmoan atatai te Atua, ibukin aia onimaki ae e rianako ao aia mwakuri aika a raraoi; n te moan tai a katukaki bwa a na ^erinea te raoiroi ke te buakaka; ngaia ae a tia n rinea te raoiroi, ma ni kamwakura te ^fonimaki ae korakora, ao a ^gweteaki ma te wewete ae tabu, eng, n te wewete ae tabu are e katauraoaki iai, ao n aron, te katauraoi ibukin kaboaia ibukin anne.

4 Ao ngaia ae a tia ni ^aweteaki nakon te wewete ae tabu aio ibukin aia onimaki, ma tabeman a na bon totokoa Tamnein te Atua ibukin matoatoan nanoia ma matakiin aia iango, bwa ngke arona bwa tiaki aio ao e na bon reke naba irouia te ^baro ae onoti aio n ai aroia tariia.

5 Ke ni kauarerekeana, n te moan tai ^atitebo aroia ma tariia, ma ibukin aei ao te wewete ae tabu aio e katauraoaki man moan tein te aonaba ibukiia ake aki kamatoai nanoia, ao rinanon ana mwakuri ni kamaiu te Nati ae te Rikitemanna are e katauraoaki—

6 Ao ai ngaia are a weteaki n te wewete ae tabu aio, ma ni katabuaki nakon te nakoanibonga ae rietata n ana botaki ae tabu te Atua, n reirei ana tua nakoia natiia aomata, bwa aonga naba n rin i nanon ana ^arau—

7 Te nakoanibonga ae rietata aio are man ana botakia ae tabu Natina te Mwaane, are te botaki are mani moan te aonaba; ke n taekana riki teuana, n ^aakea moan ana bong ke kabanean ana ririki, are katauraoaki ma akea tokina nakon akea tokina ni kabane, n aron ^bkamanenakin bwaai ni kabane irouna—

8 Ngkai a bon ^akatabuaki n aron aio—n weteaki n te wewete ae tabu, ma ni katabuaki n te otenanti ae tabu, ma ni katoka iaoia te nakoanibonga ae rietata n te botaki ae tabu, are bon te wewete, ao te otenanti, ao te nakoanibonga ae rietata ae akea moana ao tokina—

9 Ngaia are a riki bwa ^aibonga aika a rietata n aki toki, ni katotongan ana waaki te Nati, are bon te Rikitemanna iroun te Tama, are akea moan ana bong ke banen ana ririki, are e onrake n te ^bakoi, te tituaraoi ao te koaua. Ao ngaia ae e riki aei. Amen.

10 Ngkai, n aron are I taku ni kaineti ma te botaki ae tabu, ke te ^anakoanibonga ae rietata aei, a bon mwaiti ake a katabuaki ao a riki bwa ana ibonga aika a rietata te Atua; ao e riki aei man rianakon aia onimaki ao aia ^brairannano, ao aia raoiroi i matan te Atua, a rineia bwa a na rairananoia ma ni karaoi mwakuri aika a raoiroi ke are a na kamaunaki.

11 Mangaia ae a weteaki n aron te botaki ae tabu aei, ao a ^akaitiakaki, ao ^bkunnikaia a tebokaki ni kamainainaki n raraan te Tiibu te Teei.

12 Ngkai ngaia, i mwin ^aitiakiia iroun te ^bTamnei ae Raoiroi, n tia ni kamainainaki aia kunnikai, n ^citiaki man takiakia itiakiia i matan te Atua, a bon aki kona n taraa te ^dbure, n akea ^eribakina ae korakora; ao a bon rianako mwaitia, ake a kaitiakaki ao a rin n ana rau te Uea ae Atuaia.

13 Ao ngkai, tariu, I tangiria bwa kam na nanorinano i matan te Atua, ma ni kariki ^auaa aika a riai ibukin te rairannano, bwa kam aonga naba n rin i nanon te rau anne.

14 Eng, kananorinanoingkami n aekaia aomata n ana tai ^aMerekitereka, are bon te ibonga ae rietata naba n aron te waki naba aei are I a tia n taekinna, are e bon katoka naba i aona te nakoanibonga ae rietata n aki toki.

15 Ao bon aei naba Merekitereka are e kabwaka ^akabwianibwai nakoina ^bAberaam; eng, tamara naba are Aberaam e kabwaka naba kabwian bwaai n ana bwai ni kabane.

16 Ngkai ^aotenanti aikai, ti a bon anganaki n aron aei, bwa e aonga n ae aomata a na kariaria Natin te Atua, bwa ngaia bon ^baekan ana botaki, ke bon ngaia ana botaki, bwa n aei ao a na kona ni kariaria ibukin kamaunan aia bure, bwa aonga n rin n ana rau te Uea.

17 Ngkai Merekitereka aio bon te uea i aon te aba are Tarem; ao ana aomata a bon matoatoa ni bure ao ni mwakuri aika a ribaki; eng, a bon tia ni bua kawaia; a bon onrake n aekakin buakaka nako.

18 Ma Merekitereka e a tia ni kakorakora n te onimaki ae korakora ao ma n tia ni karekea te nakoa ae te nakoanibonga ae rietata ni kaineti ma ana ^abotaki ae tabu te Atua, e kabwarabwara te rairannano nakoia ana aomata. Ao noria, a rairinanoia; ao Merekitereka e katea ana rau i aon te aba i nanon ana bong ni maiu; ngaia are e aranaki bwa uean te raoi, bwa bon ngaia uean Tarem; ao e tautaeka i an tamana.

19 Ngkai, a bon ^amwaiti i mwaaina, ao a bon mwaiti naba i mwina, ma bon ^bakea ae raka kakannatona; mangaia are e mwaiti riki kaonotan tataekinana irouia.

20 Ngkai I aki riai ni manga kaoka te bwai aei, bwa are I a tia n taekinna e bon tau. Nooria, ^akoroboki aika tabu akana imatami; ao ngkana kam ^bkabwaouai e na bon reke bwa kamaunakimi.

21 Ao ngkai e koro bukina bwa Aramwa e taekin taeka aikai nakoia, e arora baina nakoia ao e takarua n te bwanaa ae korakora ni kangai: Ai bon te tai n ^arairannano ngkai, bwa e a kaan te bong ni kamaiu,

22 Eng, ao bwanaan te Uea, ni ^awiia anera, a taekinna nakoia aba nako; eng, a taekinna, bwa e na reke irouia rongorongo aika a raraoi aika a korakora kakukureia, eng, ao e katangi rongorongo aika a kakukurei aikai i buakoia ana botanaomata, eng, nakoia naba ake a maenako ni kabuta te aonaba; mangaia are a roko nakoira.

23 Ao a kaotaki nakoira n aro aika a ^amaataata, bwa ti na oota, bwa ti na aki kairua; ao aio ibukina bwa ^btaan rianna ngaira n te aba ae kamimi; mangaia are e raka nanonakira, bwa iai rongorongo aikai aika a raraoi, ake a taekinaki nakoira ni kabuta ara nne ni kurebe.

24 Bwa nooria, ^aanera a taetaekinna nakoia aika a mwaiti n te tai aio iaon abara; ao aio bon ibukin katauraoan nanoia natiia aomata bwa a na butimwaea ana taeka n te tai are e na roko iai ni mimitong.

25 Ao ngkai, ti tataninga bwa ti na ongo te rongorongo ae kakukurei are e na taekinaki nakoira ni wiia anera, ibukin rokona; bwa e na roko te tai, ao ti ^aaki ataa arona. N na butiia te Atua bwa e na roko n au bong; ma e na kaan riki ke e na waeremwe riki, ao N na kimwareirei i nanona.

26 Ao e na kaotaki nakoia mwaane aika a ^amomotiraoi ma n tabu, ni wiia anera, n tain rokona, bwa aia taeka tamara a na kona ni kakoroaki bukiia, n aron are a tia n taekinna ni kaineti mangaia, are n aron tamnein te taeka ni burabeti are e mena irouia.

27 Ao ngkai, tariu, I ^atangiria mai kabin nanou, eng, ma te ingainga ae aiaron te maraki, bwa kam na ongo nakon au taeka, ma n tewei nako ami bure, ao ma n aki kawaeremwea bongin ami rairannano.

28 Ma kam na kananorinanoingkami i matan te Uea, ma ni wetea arana ae tabu, ma n ^ataratara ao n tataro n aki toki, bwa kam na aki ^bkaririaki riaon are kam kona, ma ni kairaki iroun te Tamnei ae Tabu, n riki n nanorinano, n ^cnimamannei, n taotaonakinnano, n onrake n te tangira ma te taonannano i nanon te tai ae e maan.

29 N ^areken onimakinan te Uea; n reken te kantaninga bwa e na reke iroumi te maiu ae akea tokina; n reken ana ^btangira te Atua n taainako inanomi, bwa kam aonga n uotaki rake n te kabanea ni bong ao n rin n ana ^crau.

30 Ao ke e anganingkami te Uea te rairannano, bwa e aonga n ae kam aki karuoa unna i aomi, bwa kam aonga n ae kam aki kabaeaki n taurekereken ^amoone, bwa kam aonga n ae kam aki kainnano n te kauoua ni ^bmate.

31 Ao Aramwa e taekin taeka riki aika a mwaiti nakoia aomata, ake aki koreaki n te boki aei.