Kyerɛwsɛm
Alma 12


Tsir 12

Alma kasa kyerɛ Zeezrom—Wobotum eyi Nyame n’esumasɛm no akyerɛ agyedzifo nko—Wobodua dza nyimpa dwen, gye dzi, nsɛm na ndwuma do ebu hɔn atsɛn—Emumuyɛfo bowu sunsum mu wu—Dɛm asetsena a ɔnnkye bo a yɛwɔ mu yi yɛ nsɔhwɛber tsebew—Ɔpon ho nhyehyɛɛ no dze owusoɛr ba, na wɔnam gyedzi do nya bɔnfakyɛ—Wɔnam Ɔba a Wɔwoo no Kortoo no no do bohu nyia oenu noho no mbɔbɔr. Bɛyɛ mfe 82 Ansaana wɔbɔwo Christ.

1 Afei Alma hun dɛ Amulek ne nsɛm no ama Zeezrom ayɛ komm, osiandɛ ohun dɛ Amulek akyerɛ no wɔ an’atordzi na ne ndaadaa mu dze asɛɛ no, na ohun dɛ ne btsibowa ebu no fɔ ma noho ropopo no, obuee n’ano na ɔhyɛɛ ase dɛ ɔrekasa kyerɛ no, dze si Amulek ne nsɛm no pi, na ɔrekyerɛkyerɛ ndzɛmba mu kɔ ekyir, anaadɛ orisiansian kyerɛwsɛm no mu yie kyɛn dza Amulek akã no mpo.

2 Afei nsɛm a Alma kãa kyerɛɛ Zeezrom no, dɔm a wɔwɔ hɔ no nyina tsee; na nyimpa a wɔwɔ hɔ no dɔɔ sõ, na ɔkasaa wɔ dɛm saso do:

3 Afei Zeezrom, ehu dɛ w’akohwi nye wo ndabraba ada edzi, na inndzii akɔhwi nnkyerɛɛ nyimpa nko na mbom edzi akɔhwi akyerɛ Nyankopɔn; na hwɛ, onyim aw’adwendwen nyina, na ehu dɛ no Sunsum ama yeehu w’adwen;

4 Na ehu dɛ yenyim dɛ wo nhyehyɛɛ no yɛ ndabraba nhyehyɛɛ, tse dɛ abɔnsam ne ndabraba, na dɛ ibedzi akɔhwi na adaadaa dɔm yi ama woeetsia hɛn na wɔakã nsɛmbɔn akyerɛ hɛn na woeyi hɛn edzi—

5 Afei iyi yɛ wo atamfo ne nhyehyɛɛ, na ɔada no tum edzi wɔ wo mu. Afei mepɛ dɛ ekaa dɛ dza makã akyerɛ wo yi mekã kyerɛ obiara.

6 Na hwɛ mese hom nyina dɛ iyi yɛ ɔtamfo no n’efir a oesua dze repa dɔm yi, ama ɔdze hom abɛhyɛ n’ase, ama ɔdze no ankɔnsɔnkɔnsɔn etwa homho ehyia, ama ɔaakyekyer hom ato hɔ dze ama daapem ɔsɛɛ, dɛ mbrɛ no ndɔmmum tum no tse.

7 Afei aber a Alma kãa dɛm nsɛm yi no, Zeezrom noho hyɛɛ ase dɛ ɔropopo mbordo, osiandɛ ɔgyee Nyame no tum no dzii mbordo; na ɔgyee dzii so dɛ Alma na Amulek nyim noho nsɛm, osiandɛ ohun dɛ wonyim n’akoma nye ne tsirmu nsɛm nyina; osiandɛ onyaa tum ma wɔnam nkɔnhyɛ sunsum mu hun dɛm ndzɛmba yinom.

8 Na Zeezrom hyɛɛ ase bisabisaa nsɛm enyiberdo, ama oeehu Nyankopɔn n’ahenman no ho nsɛm pii. Na obisaa Alma dɛ: Na dza Amulek kãa a ɔfa owusoɛr ho no kyerɛ dɛn, dɛ obiara bɔsoɛr efi owu mu, hɔn a wɔtsen nye hɔn a wɔnntsen nyina, na wɔnye hɔn bɛba ma woeebegyina Nyankopɔn enyim ma woeebu hɔn atsɛn dɛ mbrɛ hɔn ndwuma tse?

9 Na afei Alma hyɛɛ ase dɛ ɔrekyerɛkyerɛ ndzɛmba yinom ase akyerɛ no dɛ: Wɔama dodowara kwan ma woehu Nyankopɔn an’esumasɛm; naaso wɔabra hɔn dzendzenndzen dɛ mma wɔnnda no edzi nnkyerɛ bgyedɛ n’asɛm no mu kakra a ɔhwɛ hɔn setsie na mbɔdzembɔ a, ɔma ho kwan ma wɔdze ma adasamba.

10 Na dɛm ntsi, nyia aobepirim n’akoma no, ɔno so na onya asɛm no no mu bkumaabi; na nyia commpirim n’akoma no, ɔno so na dwɔma no asɛm no no mu kɛsenara kesi dɛ wɔma no kwan ma ohu Nyankopɔn n’esumasɛm no nyinara.

11 Na hɔn a wobepirim hɔn akoma no, hɔn na wɔbɛma hɔn aasɛm no mu kumaabi kesi dɛ bwonnkohu biribiara a ɔfa n’esumasɛm ho; na afei abɔnsam bɛfa hɔn ndɔmmum, na ɔnam ne pɛ do dze hɔn akɔ ɔsɛɛ mu. Afei iyi nye chɛl dnkɔnsɔnkɔnsɔn no.

12 Na Amulek akasa pefee wɔ dza ɔfa aowu ho, nye dɛ wobenyan adasa efi asetsena a ɔnnkye bo yi mu dze hɔn aba bɛkyebo asetsena mu, na wɔdze hɔn ebegyina Nyankopɔn n’asɛndzipon enyim ma bwoeebu hɔn atsɛn dɛ mbrɛ hɛn ndwuma tse.

13 Na sɛ hɛn akoma epirim a, nyew, sɛ yepirim hɛn akoma wɔ ne nsɛm ho ara ma wonnhu no wɔ hɛn mu a, nna hɛn gyinabew bɛyɛ hu, osiandɛ nna wobobu hɛn fɔ.

14 Osiandɛ hɛn ansɛm bobu hɛn fɔ, nyew, hɛn ndwuma nyina bobu hɛn fɔ, wonnkohu dɛ nkekãa biara nnyi hɛnho; na hɛn adwendwen so bobu hɛn fɔ; na tsebew huhu a ɔtse dɛm yi mu no, yerunntum mma hɛn tsir do nnhwɛ hɛn Nyankopɔn; na nkyɛ yɛbɛpɛ dɛ yebotum ase babotan na mbepɔw dɛ wontutu mbɔhwehwe hɛn do mfa hɛn cnsuma mfi Nyankopɔn enyim.

15 Mbom ɔremmba no dɛm; na ɔsɛ dɛ yɛba na yebegyina n’enyim wɔ n’enyimnyam, nye no tum, nye n’ahoɔdzen nye tumdzi nye n’ahendzi mu, ama yɛdze aagye dase wɔ daapem aenyito mu dɛ bn’atsɛmbu yɛ nokwar; na dɛ odzi pɛrpɛr wɔ no ndwuma nyina mu, na dɛ ɔwɔ ehumbɔbɔr ma adasamba, na dɛ ɔwɔ tum nyina dɛ ɔdze gye ɔdasanyi biara a ɔgye ne dzin dzi na ɔsow nnuho eduaba no nkwa.

16 Na afei hwɛ, mese hom dɛ nkyii na owu bɛba, aowu a otsĩa ebien a ɔyɛ sunsum mu owu no; ɔno nye dɛ, dɛm mber no na obiara a owu honam mu bowu wɔ no bɔn mu no cbowu wɔ sunsum mu so; nyew, obowu ɔfa wɔ tsenenee ndzɛmba ho.

17 Na dɛm aber yi mu hɔn ahohyehye bɛyɛ dɛ aogya baka nye brimstone a ne gyaframee fow kɔ sor afebɔɔ kesi afebɔɔ; na aber no na wɔdze nkɔnsɔnkɔnsɔn bɛkyekyer hɔn dze ama daapem ɔsɛɛ dɛ mbrɛ Satan no ndɔmmumfa tum tse, dza ɔnam ne pɛ do dze twe hɔn ma wɔbɛhyɛ n’ase.

18 Na mese hom dɛ, ɔbɛyɛ dɛ mbrɛ aɔpon biara nnyi hɔ; osiandɛ, mbrɛ Nyankopɔn ne pɛrpɛrdzi tse no ntsi worunntum mmpon hɔn nkwa; na worunntum bnnwu so, osiandɛ mprɔwee nnyi hɔ bio.

19 Afei ɔbaa dɛ aber a Alma wiee dɛm nsɛm yi kã no, ahobow kɛse hyɛɛ ase kãa nkorɔfo no;

20 Mbom nna obi wɔ hɔ a wɔfrɛ no Antionah a ɔyɛ ɔhwɛdofopanyin wɔ hɔn mu, ɔno na ɔsoɛree na ɔsee no dɛ: Ebɛn asɛm na akã yi, dɛ nyimpa bɔsoɛr efi owu mu na n’asetsena a ɔnnkyebo yi asakyer abɛyɛ dza aɔkyebo na dɛ ɔkra no runnwu da?

21 Na kyerɛwsɛm no kyerɛ dɛn, dza ɔkã dɛ Nyankopɔn dze acherubfo nye nkrantsee a gya wɔ ano sisii bEden ture no boka afamu, amma hɛn awofo a wodzii kan no annhɛn mu ennkedzi nkwadua n’eduaba no na wɔanntsena ase afebɔɔ? Na iyi ma yehu dɛ kwan biara nnyi hɔ a wobotum edua do atsena ase afebɔɔ.

22 Afei Alma see no dɛ: Iyi nye adze a nkyɛ merebɛkyerɛkyerɛ mu. Afei yehu dɛ Adam ahwee ase osiandɛ odzii beduaba no a wɔabra no, dɛ mbrɛ Nyankopɔn n’asɛm no se; na iyi ma yehu dɛ n’asehwe no ntsi, adasamba nyina bɛyɛɛ nkorɔfo a cwɔayew na wɔahwe ase.

23 Na afei hwɛ, mese wo dɛ sɛ Adam nyaa kwan akedzii nkwadua n’eduaba no dɛm aber no mu a, nkyɛ owu ammba, na nkyɛ asɛm no yɛɛ kwa, ma Nyankopɔn bɛyɛɛ ɔtorfo, osiandɛ ɔkãa dɛ: b hom dzi a ampaara hom bowu.

24 Na yehu dɛ aowu baa adasamba do, nyew, owu no a Amulek kãa dɛ ɔyɛ honandua no wu no; naaso wɔama bnyimpa mber a obotum dze enu noho; dɛm ntsi nkwaber yi abɛyɛ nsɔhwɛber; mber a yɛdze csiesie hɛnho dze hyia Nyame kwan; mber a yɛdze siesie hɛnho dze ma tsebew a onnyi ewiei no a yɛakã ho asɛm no a ɔyɛ owusoɛr ekyir no.

25 Afei, sɛ nnyɛ aɔpon ho nhyehyɛɛ no a wɔahyehyɛ ato hɔ fitsi ber a wɔtoow wiadze ne fapem no a, nkyɛ bowusoɛr nnyi hɔ; na mbom wɔayɛ ɔpon ho nhyehyɛɛ ato hɔ, dza ɔbɛma owusoɛr a yɛakã ho asɛm no aba.

26 Na afei hwɛ, sɛ hɛn awofo a wodzii kan no nyaa kwan kedzii ankwadua n’eduaba no bi a nkyɛ wobedzi awerɛhow afebɔɔ osiandɛ nkyɛ worinnya mber mmfa nnsiesie hɔnho; na nkyɛ iyi sɛɛ bɔpon ho nhyehyɛɛ no, ma Nyame n’asɛm no yɛɛ gyan, ma mfaso ammba ho.

27 Mbom hwɛ, ɔnntse dɛm; na mbom aɔahyehyɛ ato hɔ dɛ otwar dɛ nyimpa wu; na owu ekyir no, ɔwɔ dɛ wɔba batsɛmbu ase, dɛm atsɛmbu no a yɛakã ho asɛm no, dza ɔyɛ ewiei no.

28 Na Nyankopɔn hyehyɛɛ dɛm ndzɛmba yinom maa nyimpa wiei no, hwɛ, ohun dɛ oye dɛ nyimpa bohu ndzɛmba a wɔahyehyɛ ato hɔ ama hɔn;

29 Dɛm ntsi ɔsomaa aabɔfo ma wɔnye hɔn bɔtwetwee nkɔmbɔ, ɔno maa nyimpa hun n’enyimnyam.

30 Na wɔhyɛɛ ase fitsi dɛm aber no dɛ wɔrobɔ ne dzin; dɛm ntsi Nyankopɔn nye adasamba atwetwee nkɔmbɔ, na ɔmaa wohun no bɔpon ho nhyehyɛɛ no a oesiesie fitsi wiadze ne cfapem no; na ɔdaa iyi edzi kyerɛɛ hɔn dɛ mbrɛ hɔn gyedzi nye nnuho nye hɔn ndwuma pa tse.

31 Dɛm ntsi, ɔmaa adasamba ambrasɛm, osiandɛ nna woedzi kan atõ bmbrasɛm a odzi kan a ɔfa ndzɛmba a ɔwɔ honam afamu no, ma wɔabɛyɛ dɛ enyame, ma cwoehu papa na bɔn, na wɔdze hɔnho esi tsebew a ɔbɛma dwoedzi dwuma, anaadɛ, wɔdze hɔn egyina gyinabew a ɔbɛma wɔayɛ hɔn apɛdze nye dza ɔyɛ hɔn ahomka, dɛ wɔbɛyɛ bɔn anaa wɔbɛyɛ papa—

32 Dɛm ntsi Nyankopɔn maa hɔn mbrasɛm, ber a ɔmaa awohun ɔpon ho nhyehyɛɛ no, dɛ mma wɔnnyɛ bɔn, na asotwe a ɔda hɔ nye bowu a otsĩa ebien, dza ɔyɛ daapem owu wɔ ndzɛmba a ɔfa tsenenee ho no; osiandɛ ɔfa dɛm adze yi ho dze, ɔpon ho nhyehyɛɛ no nnyi tum wɔ do, osiandɛ worunntum nnsɛɛ ndwuma a ɔyɛ cpɛrpɛr no a ɔfa mbrɛ Nyankopɔn ne papayɛ kokroko tse no.

33 Mbom Nyankopɔn frɛɛ nyimpa wɔ ne Ba ne dzin mu, (iyi nye ɔpon ho nhyehyɛɛ a ɔayɛ ato hɔ) dɛ: Sɛ hom nu homho, na hom emmpirim hom akoma a, mobohu hom mbɔbɔr wɔ me Ba a Mowoo no Kortoo no no mu;

34 Dɛm ntsi, obiara a onu noho, na ommpirim n’akoma no, obotum enya aehumbɔbɔr efi me Ba a Mowoo no Kortoo no na wenya bbɔnfakyɛ, na iyinom na wɔbɛhɛn cm’ahomgye mu.

35 Na obiara a obepirim n’akoma na ɔayɛ emumuyɛ no, hwɛ, mekã ntam wɔ m’ebufuhyew mu dɛ ɔrennhɛn m’ahomgye mu.

36 Na afei, m’enuanom, hom nhwɛ, mese hom dɛ, sɛ hom pirim hom akoma a hom rennhɛn Ewuradze n’ahomgye mu; dɛm ntsi hom emumuyɛ hyɛ no ebufuw ma ɔma n’ebufuhyew ba hom do dɛ mbrɛ hom ahyɛɛ no ebufuw a odzi kan no, nyew, dɛ mbrɛ n’asɛm se ber a wɔhyɛɛ no ebufuw a odzi ewiei no dɛmara na ɔtse ma odzi kan no so, dɛ hom akra bbɛsɛɛ daapem; dɛm ntsi, dɛ mbrɛ n’asɛm tse wɔ owu a odzi ewiei ho no, dɛmara na ɔtse wɔ dza odzi kan no so ho.

37 Na afei, m’enuanom, hom ehu dɛ yenyim dɛm ndzɛmba yinom, na ne nyina yɛ nokwar, ntsi hom mma yennu hɛnho, na mma yemmpirim hɛn akoma, amma ayɛannhyɛ Ewuradze hɛn Nyankopɔn ebufuw mma ɔamma n’ebufuhyew ammba hɛn do wɔ ne mbrasɛm a otsĩa ebien a ɔdze ama hɛn yi ho, mbom hom mma yɛnhɛn Nyankopɔn bn’ahomgye no a oesiesie ato hɔ no mu dɛ mbrɛ n’asɛm se.