Ebʼ li loqʼlaj hu
Alma 12


Ch’ol 12

Laj Alma na’aatinak rik’in laj Tzeesrom—Lix muqmuukil na’leb’ li Dios ka’ajwi’ naru xk’eeb’al reheb’ li tiikeb’ chi paab’ank—Eb’ li winq neke’raqe’ aatin chirixeb’ xb’aan lix k’oxlahomeb’, lix paab’ahomeb’, li raatineb’ ut lix k’anjeleb’—Eb’ laj maak te’xk’ul jun li musiq’ejil kamk—Li yu’am a’in wan wi’ li kamk a’an re xyalb’al qix—Li k’uub’anb’il na’leb’ re li tojb’al-ix naxk’e chi uxmank li wakliik chi yo’yo, ut rik’in li paab’aal, jun risinkil li maak—Eb’ li jalb’ileb’ xk’a’uxl neke’ru chixk’ulb’al li uxtaan sa’ xk’ab’a’ li K’ajolb’ej Junaj Chirib’il. Wan na 82 chihab’ ma nayo’la li Kristo.

1 Anajwan laj Alma, rik’in rilb’al naq li raatin laj Amulek kixch’anab’ chaq laj Tzeesrom, xb’aan naq kixk’e reetal naq laj Amulek kixchap chaq sa’ lix atik’ti’ihom ut lix b’alaq’ihom re raj xsachb’al, ut rik’in rilb’al naq ki’ok chi siksotk xb’aan bxnawb’al naq wan xmaak, a’an kixte xtz’uumal re ut ki’ok chiraatinankil, ut chixxaqab’ankil xwankil li raatin laj Amulek, ut q’axal wi’chik chixch’olob’ankil li k’a’aq re ru, malaj chixtehinkil wi’chik eb’ li loq’laj hu chiru li kixb’aanu chaq laj Amulek.

2 Anajwan li aatin li kixye laj Alma re laj Tzeesrom ki’ab’iik xb’aaneb’ li tenamit chixsutameb’, xb’aan naq k’i li ch’utch’uukil tenamit, ut jo’ka’in ki’aatinak:

3 Anajwan at Tzeesrom, rik’in naq chapb’ilat sa’ laa tik’ti’ihom ut laa b’alaq’, xb’aan naq moko ka’aj ta wi’ chiruheb’ li winq kattik’ti’ik, chiru b’an li Dios kattik’ti’ik; xb’aan naq k’e reetal, a’an naxnaw chixjunil laa ak’oxlahom, ut nakawil naq k’eeb’il chiqanaw laa k’oxlahom xb’aan lix Musiq’ a’an;

4 Ut nakawil naq laa’o naqanaw naq li na’leb’ xak’uub’ a’an jun k’uub’anb’il na’leb’ q’axal muqmu xb’alaq’il, jo’ chanru xmuqmuukil xb’alaq’ laj tza, re tik’ti’ik ut xb’alaq’inkil li tenamit a’in, re tatruuq chixb’oqb’al xjosq’ileb’ chiqix, re toohe’xhob’ ut toohe’risi chaq—

5 Anajwan a’in jun xk’uub’anb’il na’leb’ li axik’ na’ilok aawe, ut a’an xk’anjela lix wankilal aawik’in. Anajwan nawaj naq chijultiko’q eere naq li k’a’ru ninye aawe laa’at ninye re chixjunileb’.

6 Ut k’ehomaq reetal ninye eere chejunilex naq a’in jun xra’al laj xik’ ilonel, li kixk’ojob’ a’an re xchapb’al li tenamit a’in, re naq texxk’am chi wank rub’el xwankil a’an, re naq texxsuti rik’in lix ab’ak’leb’ ch’iich’, re naq texxb’ak’ chaq taq’a sa’ li sache’k li junelik taakanaaq, jo’ chanru xwankil lix preexil.

7 Anajwan chirix naq laj Alma kixye li aatin a’in, laj Tzeesrom q’axal wi’chik ki’ok chi siksotk, xb’aan naq k’a’jo’ wi’chik yoo chixtawb’al xyaalal lix wankilal li Dios; ut kixtaw ajwi’ xyaalal naq laj Alma ut laj Amulek wan xnawomeb’ chirix, xb’aan naq kixtaw xyaalal naq neke’xnaw lix k’oxlahom ut li rajom xch’ool, xb’aan naq k’eeb’ileb’ xwankil re te’xnaw chirix li k’a’aq re ru a’in jo’ chanru li musiq’ej re profeetil aatin.

8 Ut laj Tzeesrom ki’ok chi patz’ok chiruheb’ rik’in yalok q’e, re tixnaw chik chirix li rawa’b’ejihom li Dios. Ut kixye re laj Alma: K’a’ru xyaalal a’in li kixye laj Amulek chirix lix waklijikeb’ li kamenaq chi yo’yo, naq chixjunileb’ te’wakliiq chaq sa’ xyanqeb’ li kamenaq, li tiik jo’ ajwi’ li moko tiik ta, ut k’amb’ileb’ chi xaqliik chiru li Dios re taaraqe’q aatin chirixeb’ a’ yaal jo’ chanru lix k’anjeleb’?

9 Ut anajwan laj Alma ki’ok chixch’olob’ankil li k’a’aq re ru a’in chiru, ut kixye: K’eeb’il reheb’ naab’al xnawb’al lix amuqmuukil na’leb’ li Dios; a’b’anan k’eeb’il jun xtaqlankileb’ li q’axal teneb’anb’ileb’ wi’, naq moko te’k’ehoq ta, bka’ajwi’ jo’ chanru li jun raqal li raatin li naxk’e a’an reheb’ li ralal xk’ajoleb’ li winq, jo’ chanru naq neke’xk’e xxik chi ab’ink ut neke’xyal xq’e chiru.

10 Ut chi jo’kan, ani ataakawob’resinq re li raam, a’an naxk’ul li bjun raqal li aatin li yal ka’ch’in; ut ani cink’a’ taakawob’resinq re li raam, re a’an dnak’eeman li jun raqal li aatin li q’axal nim wi’chik, toj reetal naq k’eeb’il re xnawb’al lix muqmuukil na’leb’ li Dios toj reetal tixnaw chi tz’aqal.

11 Ut eb’ li ani te’xkawob’resi li raameb’, reheb’ a’an k’eeb’il xnawb’al li ajun raqal li aatin li yal ka’ch’in, toj reetal naq bmaak’a’ neke’xnaw chirix lix muqmuukil na’leb’; toja’ ut naq k’amb’ileb’ chi preexil xb’aan laj tza, ut b’eresinb’ileb’ xb’aan rajom xch’ool a’an taq’a sa’ li sache’k. Anajwan a’in li naraj naxye lix cb’ak’leb’ ch’iich’ li dxb’alb’a.

12 Ut laj Amulek x’aatinak chi saqen ru chirix li akamk, ut li wakliik chiru li k’a’ru wan li kamk sa’ xb’een toj sa’ jun wanjik maak’a’ wi’ li kamk, ut li k’ame’k chiru lix raqleb’aal aatin li Dios, re btaaraqe’q aatin chiqix a’ yaal jo’ chanru li qak’anjel.

13 Toja’ ut naq wi kawob’resinb’il chaq li qaam, relik chi yaal, wi xqakawob’resi li qaam chirix li aatin toj reetal naq moko natawman ta qik’in, rik’in a’an xuwajel li toowanq wi’, xb’aan naq rik’in a’an taak’eemanq li maak sa’ qab’een.

14 Xb’aan naq li aqaatin tixk’e maak sa’ qab’een, relik chi yaal, chixjunil li qak’anjel tixk’e maak sa’ qab’een; moko tootawe’q ta chi maak’a’ qatz’ajnil, ut jo’kan ajwi’ li qak’oxlahom tixk’e maak sa’ qab’een; ut sa’ li qaxuwajel wanjik a’in moko taawanq ta qach’ool chixtaqsinkil li qilob’aal re li qaDios; ut taasaho’q raj qach’ool wi ta taaruuq taqataqlaheb’ li pek ut li btzuul chi t’ane’k sa’ qab’een re cqamuqb’al chiru rilob’aal a’an.

15 A’b’anan a’in moko taaruuq ta chi wank; tento too’elq ut tooxaqliiq chiru a’an sa’ xloq’alil, ut sa’ xwankilal, ut sa’ xmetz’ew, xnimal ru, ut rawa’b’ejil, ut taqach’olob’ rik’in aqaxutaan li junelik taakanaaq, naq tiik ru chixjunil lix braqb’a-aatin, naq a’an tiik xna’leb’ sa’ chixjunil lix k’anjel, naq aj uxtaanel chiruheb’ li ralal xk’ajoleb’ li winq, ut naq a’an wan anchal xwankilal re xkolb’al li junjunq chi winq li napaab’ank re lix k’ab’a’, ut na’uuchin rik’in li k’a’ru k’ulub’ej choq’ re li jalb’a-k’a’uxlej.

16 Ut anajwan k’e reetal, ninye eere naq chirix a’an nachal jun li akamk, jun li xkab’ kamk, a’an jun li musiq’ejil kamk; chirix a’an ak xq’ehil naq ani nakam sa’ xmaak, jo’ sa’ bxkamik li yu’am a’in, ctaakamq ajwi’ rik’in jun musiq’ejil kamk; relik chi yaal, taakamq chirix li k’a’aq re ru re tiikilal.

17 Toja’ naq ak xq’ehil naq lix rahileb’ taawanq chanchan jun apalaw re xam ut chuhil pek, li nataqe’ xxamlel chi junelik q’e kutan; toja’ ut naq ak xq’ehil naq te’b’ak’e’q taq’a rik’in bak’leb’ ch’iich’ sa’ jun li sache’k li junelik taakanaaq, jo’ chanru lix wankil ut xpreexil laj Satanas, rik’in naq a’an kixk’eheb’ rub’el xwankil jo’ chanru li rajom xch’ool.

18 Toja’ ut naq ninye eere, te’wanq chanchan raj naq maajun atojb’al-ix ki’uxman; xb’aan naq ink’a’ naru neke’toje’ rix jo’ chanru xtiikal ru xna’leb’ li Dios; ut ink’a’ neke’ru chi bkamk, rik’in naq maak’a’ chik li q’aak.

19 Anajwan kik’ulman naq chirix naq laj Alma kixk’e xraqik xyeeb’al li aatin a’in, eb’ li tenamit q’axal wi’chik ke’ok chi sachk xch’ool;

20 A’b’anan kiwan jun aj Antionah, a’an jun xb’eenil aj taqlanel sa’ xyanqeb’, li kichal ut kixye re: K’a’ru a’in li kaye, naq li winq taawakliiq chaq sa’ xyanqeb’ li kamenaq ut taajalmanq re naq li k’a’ru nakam taawanq chi amaak’a’ xkamik, re naq maajo’q’e taaruuq taakamq li aamej?

21 K’a’ru naraj naxye li loq’laj hu, li nayehok re naq li Dios kixk’eheb’ li aanjel aj k’aak’alenel ut li lochlookil yok’leb’ ch’iich’ sa’ releb’ saq’e sa’ li awimq bEden, re naq ink’a’ te’ok li xb’een qana’ qayuwa’ ut te’xyal ru li che’ re li yu’am, ut te’wanq xyu’am chi junelik? Jo’kan ut naq naqil naq maamin kiru naq te’wanq xyu’am chi junelik.

22 Anajwan laj Alma kixye re: A’in li na’leb’ li ok raj we chixch’olob’ankil. Anajwan naqil naq laj Adan akit’ane’ xb’aan xyalb’al li bru che’ li xyehe’ naq ink’a’ taak’uxmanq, jo’ chanru li raatin li Dios; ut chi jo’kan naqil, naq xb’aan xt’anik a’an, chixjunileb’ li winq ke’ok choq’ jun tenamit csachenaq ut t’anenaq.

23 Ut anajwan k’ehomaq reetal, ninye eere naq wi ta kiru chiru laj Adan naq atixyal li ru li che’ re li yu’am sa’ li hoonal a’an, maak’a’ raj li kamk, ut kisache’ raj xyaalal li aatin, ut li Dios ki’ok raj choq’ aj tik’ti’, xb’aan naq a’an kixye: bWi tatk’uxuq, tatkamq chi yaal.

24 Ut naqil naq li akamk nachal sa’ xb’eeneb’ li winq; relik chi yaal, li kamk li yeeb’il resil xb’aan laj Amulek, a’an li kamk re li yu’am a’in; a’b’anan kik’eeman jun k’amok re li bwinq taaruuq wi’ chixjalb’al xk’a’uxl; jo’kan naq li yu’am a’in ki’ok choq’ jun yalok-ix; jun kutan re cxkawresinkil rib’ chixk’ulb’al li Dios; jun kutan re xkawresinkil rib’ choq’ re li wanjik a’an maak’a’ roso’jik li yeeb’il resil qab’aan, li wan chirix xwaklijikeb’ li kamenaq chi yo’yo.

25 Anajwan, wi ta maak’a’ li ak’uub’anb’il na’leb’ re li tojb’al-ix, li kik’ojob’aman chalen chaq sa’ xk’ojlajik li ruchich’och’, moko kiru ta kiwan bxwaklijikeb’ li kamenaq chi yo’yo; a’b’anan kik’ojob’aman jun k’uub’anb’il na’leb’ re li tojb’al-ix, li tixk’e chi uxmank lix waklijikeb’ chi yo’yo li kamenaq, li yeeb’il resil.

26 Ut anajwan k’ehomaq reetal, wi ta kiru naq eb’ li xb’een qana’ qayuwa’ koxe’xyal ru li ache’ re li yu’am, ke’wan raj sa’ rahilal chi junelik, chi moko wan ta raj chiruheb’ jo’q’e te’xkawresi rib’eb’; ut chi jo’kan kisachman raj xwankil li bk’uub’anb’il na’leb’ re li tojb’al-ix, ut ki’oso’ raj xyaalal li raatin li Dios, ut maak’a’ raj xwankil.

27 A’b’an k’ehomaq reetal, moko kiwan ta chi jo’kan; akik’uub’aman b’an choq’ reheb’ li winq naq tento te’kamq; ut chirix li kamk, tento te’chalq sa’ li braqb’a-aatin, a’an ajwi’ li raqb’a-aatin li xoo’aatinak wi’, a’an li roso’jik.

28 Ut chirix naq li Dios kixk’uub’ naq te’chalq li k’a’aq re ru a’in sa’ xb’eeneb’ li winq, k’ehomaq reetal, chirix a’an kiril a’an naq aajel ru naq li winq tixnaw chirix li k’a’aq re ru li kixk’uub’ choq’ reheb’;

29 Jo’kan naq kixtaqlaheb’ li aanjel re te’aatinaq rik’ineb’, li ke’xk’eheb’ li winq chiril lix loq’alil.

30 Ut chalen chaq sa’ li hoonal a’an ke’ok chixpatz’b’al lix k’ab’a’; jo’kan naq li Dios aki’aatinak rik’ineb’ li winq, ut kixk’eheb’ chixnaw chirix li bk’uub’anb’il na’leb’ re li tojb’al-ix, li kikawresiman chalen chaq sa’ cxk’ojlajik li ruchich’och’; ut a’in kixk’e chixnaweb’ a’ yaal jo’ chanru lix paab’aaleb’ ut lix jalb’aleb’ xk’a’uxl ut lix santil k’anjeleb’.

31 Jo’kan ut, a’an kixk’e axtaqlahom reheb’ li winq, rik’in naq xb’een wa eb’ a’an ke’xq’et li bxb’een taqlahom chirix li k’a’aq re ru re li yu’am a’in, ut ke’ok chanchan li Dios, rik’in cxnawb’al b’ar wan li us ut li ink’a’ us, ut ke’xk’ojob’ rib’ sa’ jun li wanjik ke’ru wi’ chi dk’anjelak, malaj ut ke’k’ojob’aak sa’ jun li wanjik te’k’anjelaq wi’ jo’ chanru li neke’raj ut li neke’saho’ wi’ xch’ooleb’, ma re xb’aanunkil li ink’a’ us, malaj re xb’aanunkil li us—

32 Jo’kan naq li Dios kixk’e xtaqlahom reheb’, chirix naq kixk’e achixnaweb’ li k’uub’anb’il na’leb’ re li tojb’al-ix, naq moko te’xb’aanu ta li ink’a’ us, ut li reeqaj wi te’xb’aanu, a’an li xkab’ bkamk, a’an jun li kamk li junelik taakanaaq, chirix li k’a’aq re ru re tiikilal; xb’aan naq sa’ xb’een xkomoneb’ a’an, li k’uub’anb’il na’leb’ re li tojb’al-ix maak’a’aq xwankil, xb’aan naq ink’a’ naru xsachb’al xk’anjel li ctiik ruhil na’leb’, jo’ chanru xq’axalil xnimal lix chaab’ilal li Dios.

33 A’b’anan li Dios kixb’oqeb’ li winq, sa’ xk’ab’a’ li Ralal, (a’in ut li k’uub’anb’il na’leb’ re li tojb’al-ix li kik’ojob’aman), ut kixye: Wi teejal eek’a’uxl ut ink’a’ teekawob’resi eeraam, rik’in a’an tinwuxtaana eeru, rik’in li Walal Junaj Chirib’il;

34 Jo’kan ut, ani li naxjal xk’a’uxl ut ink’a’ naxkawob’resi li raam, a’an xk’ulub’aq auxtaanaak sa’ xk’ab’a’ li Walal Junaj Chirib’il re btaa’isiiq lix maak; ut eb’ a’in te’ok sa’ lin chilob’aal.

35 Ut ani li taakawob’resinq re li raam ut taab’aanunq re li maa’usilal, k’ehomaq reetal, ninxaqab’ aatin sa’ injosq’il naq a’an ink’a’ taa’ok sa’ lin hilob’aal.

36 Ut anajwan, ex was wiitz’in, k’ehomaq reetal ninye eere, naq wi teekawob’resi lee raam moko tex’ok ta sa’ xhilob’aal li Qaawa’; jo’kan naq lee maa’usilal naxb’oq a’an re naq tixtaqla lix josq’il sa’ eeb’een jo’ sa’ li axb’een b’oqok josq’il, relik chi yaal, jo’ chanru naxye li raatin sa’ li xraqikil b’oqok josq’il jo’ chanru ajwi’ sa’ li xb’een, re btaasachmanq eeraam chi maak’a’ roso’jik; jo’kan ut, jo’ chanru naxye li raatin, re taa’uxq li xraqikil kamk, jo’ chanru ajwi’ li xb’een.

37 Ut anajwan, ex was wiitz’in, rik’in naq naqanaw li k’a’aq re ru a’in, ut yaal, chiqajal li qak’a’uxl, ut miqakawob’resi li qaam, re naq ink’a’ ataqab’oq li Qaawa’ li qaDios chixk’amb’al lix josq’il sa’ qab’een sa’ xkab’il lix taqlahom a’in li kixk’e chaq qe; cho’ok b’an sa’ lix bhilob’aal li Dios, li kawresinb’il jo’ chanru naxye li raatin.