Tusitusiga Paia
Alema 12


Mataupu 12

Ua tautala atu Alema ia Seseroma—O mealilo a le Atua e na o i latou o e faamaoni e mafai ona faaali i ai—E faamasinoina tagata i o latou mafaufauga, talitonuga, upu, ma galuega—O le a mafatia e e amioleaga i se oti faaleagaga—O lenei olaga faaletino o se tulaga e nofo vaavaaia ai—O le fuafuaga o le togiolaina ua aumai ai le Toetutu, ma se faamagaloga o agasala, e ala i le faatuatua—O e e salamo e i ai ia i latou se aiā e maua ai le alofa mutimutivale e ala i le Atalii Pele e Toatasi. E tusa o le 82 T.L.M.

1 O lenei, ina ua vaai atu Alema ua lē gagana Seseroma i upu a Amoleka, ona sa ia vaai atu ua maua o ia e Amoleka i lana apepelo ma le taufaasesē e faaumatia ai o ia, ma ina ua vaai atu ua amata ona gatete o ia i lona eiloa o lana agasala, sa ia tatala lona fofoga ma amata ona tautala atu ia te ia, ma faamautu upu a Amoleka, ma faamalamalama mea i tala atu, pe ua faamanino atili tusitusiga paia i lo mea na faia e Amoleka.

2 O lenei o upu sa tautala atu e Alema ia Seseroma sa lagona mai e tagata sa faataamilo ane; ona sa matuā toatele le motu o tagata, ma sa ia tautala atu e faapea:

3 O lenei Seseroma, ona ua vaai ua maua oe i lou pepelo ma lou taufaasesē, ona ua le na’o tagata ua e pepelo i ai ae ua e pepelo foi i le Atua; auā faauta, ua ia silafia ou amafaufauga uma, ma ua e vaai ua faailoa mai ou manatu ia te i ma’ua e lona Agaga;

4 Ma ua e vaai ua ma iloa o lau fuafuaga o se fuafuaga faitogafiti tele, e tusa ai ma le faitogafiti o le tiapolo, e pepelo ma faasesē ai lenei nuu ina ia mafai ona e faatutū mai i latou e tetee ia te i ma’ua, e faifai mai ia te i ma’ua ma tutuli ese i ma’ua i fafo—

5 O lenei o se fuafuaga lenei a lou afili, ma ua ia faaaoga lona mana ia te oe. O lenei ou te manao ia e manatua o le mea ou te fai atu ai ia te oe, ou te fai atu ai i tagata uma.

6 Ma faauta ou te fai atu ia te outou uma o lenei mea o se mailei a le fili, lea ua ia tatao e pu’e ai lenei nuu, ina ia mafai ona ia aumai outou i lalo o lana pule, ina ia mafai ona ia si’o faataamilo outou i ana afilifili, ina ia mafai ona ia noatia outou i lalo i filifili i le faafanoga e faavavau, e tusa ma le mana o lana faatagataotauaina.

7 O lenei ina ua uma ona tautala atu e Alema nei upu, sa amata ona gatete tele lava Seseroma, ona ua ia talitonu atili pea i le mana o le Atua; ma sa ia talitonu foi ua maua e Alema ma Amoleka se malamalamaaga e uiga ia te ia, ona sa ia talitonu ua la iloa mafaufauga ma faamoemoega o lona loto; ona ua tuuina mai ia te i la’ua le mana e mafai ai ona la iloa ia mea e tusa ai ma le agaga o valoaga.

8 Ma sa amata ona fesili mai ma le filigā Seseroma ia te i la’ua, ina ia mafai ona ia iloa atili e uiga i le malo o le Atua. Ma sa ia fai mai ia Alema: O le a le uiga o lenei mea na fai mai ai Amoleka e uiga i le toetutu mai o e ua oti, e faapea o le a toetutu mai tagata uma mai le oti, o e e amiotonu ma e e amioletonu, ma aumai e tutula’i i luma o le Atua e faamasinoina ai e tusa ma a latou galuega?

9 Ma o lenei sa amata ona faamalamalama atu e Alema ia mea ia te ia, e faapea: Ua tuuina mai i le toatele ia latou iloa amealilo a le Atua; ae ui i lea ua tuuina i latou i lalo o se poloaiga patino ia latou lē faaali atu ia mea etau lava e tusa ai ma le vaega o lana afioga na te tuuina mai i le fanauga a tagata, e tusa ma le gauai ma le filigā latou te tuu atu ia te ia.

10 Ma o lea, o ia o lē e afaamaaa lona loto, o ia lava lea na te maua le vaega eitiiti o ana afioga; ae o ia o lē e i faamaaaina lona loto, o ia lea e otuuina mai i ai le vaega tele o ana afioga, seia oo ina tuuina mai ia te ia, ia ona iloa mealilo a le Atua, seia oo ina ia iloaina atoatoa ia mea.

11 Ma o i latou o e e faamaaa o latou loto, e tuu mai ia i latou le avaega itiiti o ana afioga, seia oo ina latou elē iloaina se mea e uiga i ana mealilo; ma ona ave ai lea o i latou faatagataotaua e le tiapolo, ma ta’ita’i atu e lona loto i lalo i le faafanoga. O lenei o le uiga lenei o upu o ifilifili o oseoli.

12 Ma sa tautala manino atu Amoleka e uiga i le aoti, ma le faatuina mai o lenei tino faaletino i se tulaga ola pea, ma aumai i luma o le pa faamasino a le Atua, e efaamasinoina ai e tusa ma a tatou galuega.

13 Ona oo lea afai sa faamaaa o tatou loto, ioe, afai sa tatou faamaaa o tatou loto e faasaga i ana afioga, ua oo ina lē maua ai i totonu o i tatou, ona matuā matautia ai lea o le leaga o lo tatou tulaga, ona o le a tausalaina ai i tatou.

14 Ona o a tatou aupu o le a tausalaina ai i tatou, ioe, o a tatou galuega uma o le a tausalaina ai i tatou; ma o le a lē maua i tatou i le lē ponā; ma o le a tausalaina foi i tatou i o tatou mafaufauga; ma i lenei tulaga leaga matautia, o le a tatou lē fia vaai a’e ai i luga i lo tatou Atua; ma o le a sili ai ona tatou fiafia pe a na mafai ona tatou faatonu atu i papa ma emauga ia pa’u’ū mai i o tatou luga, e ipupuni ai i tatou mai ona luma.

15 Ae e lē mafai ona faia o lenei mea; e ao lava ina tatou o atu ma tutulai i ona luma i lona mamalu, ma i lona mana, ma i lona malosi, silisili, ma lana puleaga, ma tautino atu i lo tatou amaasiasi e faavavau, ua tonu ana efaamasinoga uma; ma ua tonu o ia i ana galuega uma, ma ua alofa mutimutivale o ia i le fanauga a tagata, ma ua ia te ia le mana uma e faaolaina ai tagata taitoatasi, o e e talitonu i lona suafa ma aumai fua e tatau ai mo le salamo.

16 Ma o lenei faauta, ou te fai atu ia te outou, ona oo mai ai lea o se oti, o se aoti faalua lea, o se oti lea faaleagaga; o le taimi lena o soo se tasi na oti i ana agasala, e faatatau i le eoti faaletino, o le a ioti foi o ia i se oti faaleagaga; ioe, o le a oti o ia e faatatau i mea tau i le amiotonu.

17 O le taimi lena o le a tusa ai o latou mafatia e pei o se alepa afi ma le teio, o lona apeafi mumū e alu a’e i luga e faavavau faavavau lava; ma o le taimi lena o le a noatia ai i latou i se faafanoga e faavavau, e tusa ma le mana ma le faatagataotauaina a Satani, ona ua ia pulea i latou e tusa ma lona loto.

18 O lea, ou te fai atu ai ia te outou, o le a faapei i latou e peiseai ua aleai se togiola na faia; ona e lē mafai ona togiolaina i latou e tusa ai ma le faamasinotonu a le Atua; ma e lē mafai ona eoti i latou, ona ua le toe i ai se pala.

19 O lenei sa oo ina ua uma ona ta’u atu e Alema nei upu, sa amata ona taufaiofo atili tagata;

20 Peitai sa i ai se tasi tagata e igoa ia Anetiona, o lē sa avea ma pule sili i totonu o i latou, na sau i luma ma fai mai ia te ia: O le a lenei mea na e fai mai ai, o le a tula’i mai le tagata mai le oti ma liua mai lenei tino faaletino i se tulaga aola pea, ma e lē mafai ona oti o le agaga?

21 O le a le uiga o le mau, lea ua faapea mai na tuu e le Atua akerupi ma se pelu afi mumū i le itu i sasae o le faatoaga o eEtena, ne’i ulu atu o tatou uluai matua ma aai i le fua o le laau o le ola, ma ola ai e faavavau? Ma ua faapea ona tatou vaai ai sa leai se avanoa e mafai ai ona la’ua ola e faavavau.

22 O lenei sa fai atu Alema ia te ia: O le mea lenei sa ou tau faamatala atu. O lenei ua tatou vaai na apa’ū Atamu i lona ’ai i le efua na faasaina, e tusa ma le afioga a le Atua; ma ua faapea ona tatou vaai ai, o lona pa’ū, na avea ai le fanauga uma a tagata ma tagata ua ileiloloa ma pa’u’ū.

23 Ma o lenei faauta, ou te fai atu ia te outou, a na mafai e Atamu ona a’ai i le fua o le laau o le ola i le taimi lena, po ua leai se oti, ma po ua noa ana afioga, ma avea ai le Atua o se pepelo, ona sa fetalai o ia: eAfai e te ’ai o le a e oti moni lava.

24 Ma ua tatou vaai ua oo mai le aoti i le fanauga uma a tagata, ioe, le oti lea na tautala i ai Amoleka, o le oti faaletino lea; ae ui i lea sa i ai se avanoa na tuu mai i le etagata e mafai ai ona ia salamo; o lea ua avea ai le olaga lenei ma tulaga e nofo vaavaaia ai; o se taimi e isaunia ai e fetaia’i ma le Atua; o se taimi e saunia ai mo lena olaga e lē gata, lea na ma tautatala atu ai, lea pe a mavae atu le toetutu mai o e ua oti.

25 O lenei, a na leai le afuafuaga o le togiolaina, lea na faataatia mai le faavaega o le lalolagi, po ua lē mafai ona i ai o se etoetutu mai o e ua oti; peitai sa i ai se fuafuaga o le togiolaina na faataatia, lea o le a faataunuu ai le toetutu mai o e ua oti, lea sa tautalagia.

26 Ma o lenei faauta, a na mafai ona o atu o tatou uluai matua ma aai i le fua o le alaau o le ola, po ua pagatia i la’ua e faavavau, ua aunoa ma se olaga sauniuni; ma semanu ua lē taulau ai le efuafuaga o le togiolaina, ma po ua noa ai le afioga a le Atua, ua leai se aoga.

27 Peitai faauta, sa lē faapea; ae na atofia i tagata e ao ina oti i latou; ma a mavae le oti, e ao ina latou o atu i le efaamasinoga, le faamasinoga lava lea na ma tautatala atu ai, o le i’uga lea.

28 Ma ina ua uma ona tofia e le Atua ia oo mai nei mea i le tagata, faauta, sa ia silafia e tatau ona iloa e le tagata e uiga i mea ua ia tofia mo i latou;

29 O lea na ia auina mai ai aagelu e fetautalatalaa’i ma i latou, o e na faia ia vaai tagata i lona mamalu.

30 Ma sa latou amata mai i lena taimi ma le agai i luma ona valaau atu i lona suafa; o lea na afetautalatalaa’i ai le Atua ma tagata, ma faaali mai ia te i latou le efuafuaga o le togiolaina, lea na saunia mai le ifaavaega o le lalolagi; ma sa ia faaali mai lenei mea ia te i latou e tusa ma lo latou faatuatua ma le salamo ma a latou galuega paia.

31 O le mea lea, na ia tuuina mai ai apoloaiga i tagata, ona ua latou muai soli ia epoloaiga muamua e faatatau i mea faaletino, ma avea ai e pei o ni atua, i le iiloa o le lelei mai le leaga, ma tuu ai i latou lava i se tulaga e ogalulue ai, pe tuuina i se tulaga e galulue ai e tusa ma o latou loto ma filifiliga, pe fai le leaga pe fai le lelei—

32 O lea na tuu mai ai e le Atua poloaiga ia te i latou, ina ua uma ona ia afaaali mai ia te i latou le fuafuaga o le togiolaina, ia latou lē faia le leaga, o lona faasalaga o le eoti lona lua lea, o se oti lea ua faavavau e faatatau i mea tau i le amiotonu; ona o tagata faapena e lē mafai ona i ai se mana o le fuafuaga o le togiolaina, ona e lē mafai ona faaumatiaina galuega a le ifaamasinotonu, e tusa ma le agalelei silisili o le Atua.

33 Peitai ua fetalai mai le Atua i tagata, i le suafa o lona Alo, (ona o le fuafuaga lenei o le togiolaina sa faataatia) e faapea: Afai tou te salamo, ma lē faamaaaina o outou loto, ona ou alofa mutimutivale atu ai lea ia te outou, e ala atu i lo’u Atalii Pele e Toatasi;

34 O lea, soo se tasi e salamo, ma lē faamaaaina lona loto, o le a ia te ia le aia i le aalofa mutimutivale e ala atu i lo’u Atalii Pele e Toatasi, mo se efaamagaloga o ana agasala; ma o i latou ia o le a ulufale mai i lo’u imalologa.

35 Ma ai se tasi e faamaaa lona loto ma faia le amioletonu, faauta, ou te tauto atu i lo’u ita, e lē ulufale mai lava o ia i lo’u malologa.

36 Ma o lenei, o’u uso e, faauta ou te fai atu ia te outou, afai tou te faamaaa o outou loto, tou te lē ulufale atu lava i le malologa o le Alii; o lea o lo outou amioletonu o le a faa’ono’ono ia te ia e auina ifo lona to’asā i o outou luga, e pei o le taimi o le afaa’ono’ono muamua, ioe, e tusa ma lana fetalaiga i le faa’ono’ono mulimuli e pei lava o le muamua, i le efaaumatiaga e faavavau o o outou agaga; o lea, e tusa ma lana fetalaiga, i le oti mulimuli, e pei foi i le oti muamua.

37 Ma o lenei, o’u uso e, ona ua vaai ua tatou iloa nei mea, ma ua moni i latou, ia tatou salamo, ma aua le faamaaaina o tatou loto, ina ia tatou lē afaa’ono’ono i le Alii lo tatou Atua e to ifo i o tatou luga lona to’asā, i le lona lua lenei o ana poloaiga ua ia tuuina mai ia te i tatou; ae ia tatou ulu atu i le emalologa o le Atua, lea ua saunia e tusa ma ana afioga.