Mga Kasulatan
Alma 10


Kapitulo 10

Si Lehi kaliwat gikan ni Manases—Si Amulek misaysay pag-usab sa sugo sa anghel nga iyang atimanon si Alma—Ang mga pag-ampo sa matarong mao ang hinungdan nga ang katawhan maluwas—Ang dili matarong nga mga manlalaban ug mga maghuhukom nagpasiugda sa mga lakang nga maoy hinungdan sa kalaglagan sa katawhan. Mga 82 B.C.

1 Karon mao kini ang amga pulong nga gisangyaw ni bAmulek ngadto sa katawhan nga didto sa yuta sa Ammonihah, nga nag-ingon:

2 Ako si Amulek; ako ang anak nga lalaki ni Giddonah, kinsa anak ni Ishmael, kinsa kaliwat ni Aminadi; ug kini mao si Aminadi nga mihubad sa mga sinulat nga diha sa bungbong sa templo, nga gisulat pinaagi sa tudlo sa Dios.

3 Ug si Aminadi kaliwat ni Nephi, kinsa anak nga lalaki ni Lehi, kinsa gikan sa yuta sa Jerusalem, kinsa kaliwat ni aManases, nga anak nga lalaki ni bJose kinsa cgibaligya ngadto sa Ehipto pinaagi sa mga kamot sa iyang kaigsoonan.

4 Ug tan-awa, ako usab usa ka tawo nga dili yano og dungog taliwala sa tanan niadtong kinsa nakaila kanako; oo, ug tan-awa, daghan ko og kaliwat ug amga higala, ug usab nakabaton ko og daghan nga katigayonan tungod sa akong kakugi.

5 Bisan pa, human niining tanan, wala gayod ako mahibalo sa daghan nga pamaagi sa Ginoo, ug sa iyang mga amisteryo ug kahibulongan nga gahom. Miingon ko nga wala gayod ako mahibalo sa daghan niini nga butang; apan tan-awa, sayop ako, kay ako nakakita man sa iyang daghan nga misteryo ug sa iyang kahibulongan nga gahom; oo, gani sa pagpanalipod sa mga kinabuhi niini nga katawhan.

6 Bisan pa, ako nagpatig-a sa akong kasingkasing, kay ako agitawag sa makadaghan ug wala ako bmopatalinghog; busa ako nahibalo bahin niini nga mga butang, apan wala ko magtinguhang mahibalo; busa nagpadayon ko sa pagsupak sa Dios, sa pagkadaotan sa akong kasingkasing, gani hangtod sa ikaupat nga adlaw niining ikapito nga bulan, sa ikanapulo nga tuig sa paghari sa mga maghuhukom.

7 Samtang nagpanaw ko aron makigkita sa usa ka suod nga kaliwat, tan-awa usa ka aanghel sa Ginoo mipakita kanako ug miingon: Amulek, balik ngadto sa imong kaugalingong balay, kay pakaonon nimo ang usa ka propeta sa Ginoo; oo, usa ka balaan nga tawo, kinsa usa ka tawo nga pinili sa Dios; kay siya bnagpuasa sa daghang adlaw tungod sa mga sala sa iyang katawhan, ug gigutom siya, ug ikaw cmodawat kaniya sa imong balay ug mopakaon kaniya, ug mopanalangin siya kanimo ug sa imong balay; ug ang panalangin sa Ginoo modangat diha kanimo ug sa imong balay.

8 Ug nahitabo nga akong gituman ang tingog sa anghel, ug mibalik padulong sa akong balay. Ug samtang nagpaingon ko didto akong nakita ang atawo nga giingon sa anghel kanako: Nga imong dawaton sa imong balay—ug tan-awa mao gihapon kining tawhana ang kanunay nga namulong kanimo mahitungod sa mga butang sa Dios.

9 Ug ang anghel miingon kanako nga siya usa ka abalaan nga tawo; mao nga nasayod ko nga siya usa ka balaan nga tawo tungod kay kini gisulti sa anghel sa Dios.

10 Ug usab, nasayod ko nga ang mga butang nga iyang gipamatuod mga tinuod; kay tan-awa sultihan ko kamo, kay ang Ginoo buhi, busa gipadala niya ang iyang aanghel aron sa paghimo niini nga mga butang nga mapadayag ngari kanako; ug kini iyang gibuhat samtang si Alma bnagpuyo sa akong balay.

11 Kay tan-awa, agipanalanginan niya ang akong balay, gipanalanginan niya ako, ug ang akong kababayen-an, ug ang akong mga anak, ug ang akong amahan ug ang akong mga kabanay; oo, bisan ang tanan nakong mga kaliwat iyang gipanalanginan, ug ang panalangin sa Ginoo midangat ngari kanamo sumala sa mga pulong nga iyang gipamulong.

12 Ug karon, sa dihang si Amulek nakapamulong niini nga mga pulong ang katawhan misugod sa pagkatingala, nagtan-aw nga dihay alabaw pa sa usa ka saksi kinsa nagpamatuod sa mga butang nga gipasangil kanila, ug usab sa mga butang nga moabot, sumala sa espiritu sa pagpanagna nga anaa kanila.

13 Bisan pa, dihay uban kanila kinsa nagtinguha sa pagpangutana kanila, nga pinaagi sa ilang malipoton nga apamaagi basin sila makabitik kanila sa ilang mga pulong, nga sila makakita og saksi batok kanila, aron sila motugyan kanila ngadto sa ilang mga maghuhukom aron sila mahukman sumala sa balaod, ug aron sila patyon o ibalhog sa bilanggoan, sumala sa tinumotumo nga krimen nga tuyo nilang ipalutaw o ipamatuod batok kanila.

14 Karon mao kadto silang mga tawhana ang nagtinguha sa paglaglag kanila, kinsa amga manlalaban, nga gisuholan o gitudlo sa katawhan aron sa pagpatuman sa balaod sa mga panahon sa ilang mga paghusay, o sa mga paghusay sa mga krimen sa katawhan sa atubangan sa mga maghuhukom.

15 Karon kini nga mga manlalaban maalamon sa tanang paagi ug panglipot sa katawhan; ug kini aron mahimo silang hanas sa ilang pangita.

16 Ug nahitabo nga misugod sila sa pagpangutana kang Amulek, aron libogon nila siya sa iyang mga pulong, o supakon ang mga pulong nga iyang ipamulong.

17 Karon wala sila makahibalo nga si Amulek masayod sa ilang mga plano. Apan nahitabo sa dihang misugod sila sa pagpangutana kaniya, anasabtan niya ang ilang mga hunahuna, ug miingon siya kanila: O kamong mga daotan ug hiwi nga bhenerasyon, kamong mga manlalaban ug mga tigpakaaron-ingnon, kay nagpasiugda kamo sa buhat sa yawa; kay nagbutang kamo og cmga laang ug mga lit-ag aron sa pagbitik sa mga balaan sa Dios.

18 Kamo naghimo og mga plano aron sa apagtuis sa mga paagi sa mga matarong, ug aron ipakanaog ang kapungot sa Dios nganha sa inyong mga ulo, gani hangtod sa hingpit nga kalaglagan niini nga katawhan.

19 Oo, husto ang gisulti ni Mosiah, kinsa mao ang atong kataposan nga hari, sa dihang andam na niyang itugyan ang gingharian, kay walay bisan usa nga katugyanan niini, nagsugo nga kini nga katawhan dumalahon sa ilang kaugalingong mga tingog—oo, husto ang iyang gisulti nga kon ang panahon moabot nga ang tingog niini nga katawhan amopili sa pagkadaotan, nga kana, kon ang panahon moabot nga kini nga katawhan mohimo og kalapasan, hinog na sila alang sa kalaglagan.

20 Ug karon sultihan ko kamo nga husto nga ang Ginoo mohukom sa inyong mga kadaotan; husto nga mosangyaw siya niini nga katawhan, pinaagi sa tingog sa iyang amga anghel: Paghinulsol kamo, paghinulsol, kay ang gingharian sa langit duol na.

21 Oo, husto nga siya mosangyaw, pinaagi sa tingog sa iyang mga anghel nga: aAko manaog taliwala sa akong katawhan, uban ang pagkamakiangayon ug hustisya diha sa akong mga kamot.

22 Oo, ug sultihan ko kamo nga kon dili pa sa amga pag-ampo sa mga matarong, kinsa ania karon sa yuta, nga gani kamo karon pagaduawon sa hingpit nga kalaglagan; hinoon dili pinaagi sa blunop, sama sa katawhan sa adlaw ni Noe, apan pinaagi sa gutom, ug pinaagi sa kamatay, ug sa espada.

23 Apan pinaagi sa amga pag-ampo sa mga matarong nga kamo naluwas; busa karon, kon isalikway ninyo ang mga matarong taliwala kaninyo nan ang Ginoo dili mopugong sa iyang kamot; apan sa iyang mapintas nga kasuko siya moanhi batok kaninyo; unya pagahampakon kamo pinaagi sa kagutom, ug pinaagi sa kamatay, ug pinaagi sa espada; ug ang bpanahon hapit na moabot gawas kon kamo maghinulsol.

24 Ug karon nahitabo nga ang katawhan mas nasuko kang Amulek, ug misinggit sila, nga nag-ingon: Kining tawhana nagbiay-biay batok sa atong mga balaod nga makiangayon, ug sa atong maalamon nga mga manlalaban kinsa atong gipili.

25 Apan si Amulek mipatuyhad sa iyang kamot, ug misinggit sa mas kusog pa ngadto kanila, nga nag-ingon: O kamong mga daotan ug hiwi nga henerasyon, nganong si Satanas hugot nga naghupot sa inyong mga kasingkasing? Nganong itugyan man ninyo ang inyong mga kaugalingon ngadto kaniya aron makaangkon siya og gahom diha kaninyo, sa apagbuta sa inyong mga mata, aron dili ninyo masabtan ang mga pulong nga gipamulong, sumala sa kamatuoran niini?

26 Kay tan-awa, ako ba mipamatuod batok sa inyong balaod? Kamo wala makasabot; nag-ingon mo nga namulong ako batok sa inyong balaod; apan wala ko kana mabuhat, apan namulong ako dapig sa inyong balaod, ngadto sa inyong kaalaotan.

27 Ug karon tan-awa, sultihan ko kamo, nga ang mga lakang sa kalaglagan niini nga katawhan nagsugod sa pagkahiluna pinaagi sa pagkadili-matarong sa inyong amga manlalaban ug sa inyong mga maghuhukom.

28 Ug karon nahitabo nga sa dihang gipamulong ni Amulek kini nga mga pulong ang katawhan misinggit batok kaniya, nga nag-ingon: Karon nasayod na kita nga kining tawhana anak sa yawa, kay siya anagbakak kanato; kay namulong siya batok sa atong balaod. Ug karon miingon siya nga wala siya makapamulong batok niini.

29 Ug usab, gibiay-biay niya ang atong mga manlalaban, ug ang atong mga maghuhukom.

30 Ug nahitabo nga ang mga manlalaban mibutang niini sa ilang mga kasingkasing nga sila mohinumdom niining mga butanga batok kaniya.

31 Ug dihay usa kanila kansang ngalan mao si Zeezrom. Karon siya ang unang amipasangil kang Amulek ug Alma, kay usa siya sa labing batid taliwala kanila, nga adunay daghan nga patigayon taliwala sa katawhan.

32 Karon ang tuyo niini nga mga manlalaban mao ang pagpanapi; ug nakasapi sila pinaagi sa ilang pangita.