iVolanikalou
3 Nifai 9


Wase 9

Sa vosa mai na domoi Karisito, mai na butobuto, ni ra na vakarusai e vuqa na tamata kei na nodra veikoro ena vuku ni nodra caka ca—Sa tukuna talega mai ni sa mai vua na Kalou ko Koya, sa vakaraitaka ni sa vakayacori taucoko na lawa i Mosese, ka sureti ira na tamata me ra lako mai Vua ka vakabulai. Rauta na 34 S.K.

1 Ka sa yaco ni sa rogo mai e dua na adomo ena kedra maliwa na lewei vuravura kecega, ena dela ni vanua taucoko oqo, ka kaya:

2 Ena ca, ena ca, ena ca ko ira na tamata oqo; ena aca ko ira kece na lewei vuravura kevaka era sa sega ni veivutuni; raica sa bdredre na tevoro, ka ra sa reki na nona agilosi, ni ra sa rusa na luvedra tagane kei na luvedra yalewa mata vinaka na noqu tamata; ia era sa bale ena vuku ni nodra cakacala kei na veika vakasisila!

3 Raica, au sa vakama ena bukawaqa na koro levu ko Saraemala, kei ira vata kaya na lewena.

4 Ka raica, na koro levu ko ya ko Moronai ka’u sa vakavuna me lutu dromu ki na boto ni wasaliwa titobu, ka me luvu vata kaya kei ira kece na lewena.

5 Ka raica, au sa buluta ena qele na koro levu ko Moronaia, kei ira vata kaya na lewena, me’u vunitaka tani kina mai mataqu na nodra caka cala kei na nodra veika vakasisila, ia me kakua tale ni tagi mai vei au na nodra dra na parofita kei ira na yalododonu me beitaki ira.

6 Ka raica, au sa vakavuna me lutudromu na koro ko Kilikali, kei ira vata kaya na lewena, me ra bulu vakatitobu e loma ni qele;

7 Io, kei na koro ko Onaia kei ira vata kaya na lewena, kei na koro ko Mokamu kei ira vata kaya na lewena kei na koro ko Jerusalemi kei ira vata kaya na lewena; kau sa vakavuna me tubu cake mai na awai me ubia mai mataqu na nodra caka ca kei na nodra veika vakasisila. Me kakua tale ni tagi mai vei au na nodra dra na parofita kei ira na yalododonu me beitaki ira.

8 Ka raica, au sa vakavuna me ra lutudromu na koro ko Ketienitai, kei na koro ko Katiomana, kei na koro ko Jekope kei na koro ko Kimikimino, ka bulia na aveidelana kei na veibuca ena veivanua era a tu kina; au sa buluti ira vata kaya na lewena ena loma ni qele, me’u vunitaka kina mai mataqu na nodra cakaca kei na nodra veika vakasisila, me kakua tale ni tagi mai vei au na nodra dra na parofita kei ira na yalododonu me beitaki ira.

9 Ka raica, au sa vakama ena bukawaqa na koro levu ko Jekopukaca ka ra tawana tu na tamata i Jekope na tui, ena vuku ni nodra ivalavala ca kei na nodra caka ca, ka sa ulabaleta na caka ca ni vuravura taucoko, ena vuku ni nodra alaba kei na cakacaka vuni; ni sai ira era a vakarusa na nodra tiko sautu na noqu tamata kei na liutaki ni vanua; o koya au sa vakavuna kina me ra vakamai ka bvakarusai ira tani mai mataqu, me kakua tale ni tagi mai vei au na nodra dra na parofita kei ira na yalododonu me beitaki ira.

10 Ka raica, au sa vakama ena bukawaqa na koro ko Leimani kei na koro ko Josa, kei na koro ko Kata kei na koro ko Kisikumeni, kei ira kece vata kaya na lewena, ena vuku ni nodra caka ca ni ra a vakasavi ira tani na parofita, ka vakaviriki ira ena vatu ka’u a talai ira yani me ra vunauci ira ena vuku ni nodra caka ca kei na nodra veika vakasisila.

11 Me baleta ni ra sa vakasavi ira taucoko, sa sega kina na tamata yalododonu ena kedra maliwa, au sa tala sobu kina na abukawaqa me vakarusai ira, me vunitaki kina mai mataqu na nodra caka ca kei na nodra veika vakasisila, io me kakua tale ni tagi mai vei au bmai na qele na nodra dra na parofita kei ira na yalododonu ka’u a talai ira yani ena kedra maliwa.

12 Ka sa avuqa na veivakarusai lelevu au sa vakavuna me yaco ki na vanua oqo vei ira na tamata oqo ena vuku ni nodra caka ca kei na nodra veika vakasisila.

13 Oi kemuni kece sa avakabulai mai ni ko ni sa ivalavala dodonu cake mai vei ira, ko ni na sega li ni lesu mai vei au, ka veivutunitaka na nomuni ivalavala ca, ka saumaki mai, me’u bvakabulai kemuni?

14 Io, au sa kaya vakaidina vei kemuni, kevaka o ni na alako mai vei au, o ni na rawata na bbula tawamudu. Raica, sa dodo tu yani vei kemuni na cliga ni noqu loloma cecere, ia ko koya yadua sa lako mai, au na ciqomi koya; sa kalougata ko ira sa lako mai vei au.

15 Raica, koi au ko Jisu Karisito na Luve ni Kalou. Au a abulia na lomalagi kei na vuravura, kei na veika kecega sa tu kina. Au a tiko vata kei na Tamada mai na ivakatekivu. bAu sa tu vei Tamada, ka sa tu vei au ko Tamada; ka sa vakalagilagi na yacai Tamada ena vukuqu.

16 Au a lako mai vei ira na kai noqu, ka ra a sega ni aciqomi au na kai noqu. Ka sa vakayacori kina na ka sa parofisaitaki tu ena ivolanikalou me baleta na noqu lako mai.

17 Ia ko ira kecega sa ciqomi au, au sa asolia vei ira me ra yaco rawa me ra luve ni Kalou; ia au na kitaka talega vakakina vei ira kecega sa vakabauta na yacaqu, ia raica, sa yaco na bveisereki ena vukuqu, ka sa i au ga sa vakayacori kina na clawa i Mosese.

18 Koi au na ararama kei na vu-ni-bula kei vuravura. Ko i au na bAlifa kei na Omeka, na ivakatekivu kei na ivakataotioti.

19 Ia mo ni akakua tale ni vakadavea na dra ka vakacabora vei au; io, sa cava eke na nomuni isoro kei na isoro kama, ni’u sa na sega tale ni vakadonuya na nomuni i soro kei na nomuni isoro kama.

20 Ia mo ni na cabora ga me aisoro vei au na yalo raramusumusu kei na yalo bibivoro. Ia ko koya yadua sa lako mai vei au ena yalo raramusumusu kei na yalo bibivoro, au na bpapitaisotaki koya ena bukawaqa kei na Yalo Tabu, me vakataki ira na Leimanaiti, era a papitaisotaki ena bukawaqa kei na Yalo Tabu ena vuku ni nodra vakabauti au ena gauna era a saumaki mai kina, ka ra a sega ga ni kila.

21 Raica, au sa lako mai ki vuravura me’u kauta mai na veisereki ki vuravura, me’u vakabula kina na vuravura mai na ivalavala ca.

22 O koya yadua sa aveivutuni ka lako mai vei au me vaka e dua na bgonelailai, au na ciqomi koya, ni sa vakaoqo ko ira na lewe ni matanitu ni Kalou. Raica, sai ira oqo ka’u sa csolia kina na noqu bula, ka’u sa taura lesu tale; o koya oqo mo ni veivutuni kina, oi kemuni ena iyalayala kei vuravura ka lako mai vei au, mo ni bula kina.