iVolanikalou
3 Nifai 6


Wase 6

Era sa tiko sautu na Nifaiti—Sa tubu na qaciqacia, na vutuniyau kei na veivakaduiduitaki—Sa tawasei na Lotu ena vuku ni veisei—Sa liutaki ira na tamata ko Setani ki na veisaqasaqa—Era sa tagicaka na veivutuni e vuqa vei ira na parofita ka ra sa yaviti—Era sa nakita lo na daulaba me ra vuaviritaka na matanitu. Rauta na 26–30 S.K.

1 Ka sa yaco ni ra sa suka kece tale na Nifaiti ki na nodra dui vanua ena ikaruasagavulu kaono ni yabaki, na tamata yadua kei na nona vuvale, na nona qele ni sipi kei na qele ni manumanu, na nona ose kei na bulumakau kei na veika kecega sa nodra.

2 Ka sa yaco ni ra a sega ni kania taucoko na kakana era a vakarautaka tu; ka ra kauta lesu kina na veika kece sa vo, na kedra kakana kece, ena kena veimataqali na nodra koula kei na nodra siliva kei na nodra veika talei kecega, era sa kauta lesu na ka era taukena ki na nodra vanua, ki na vualiku kei na ceva, io ki na vanua ena vualiku kei na vanua ena ceva.

3 Ka ra sa solia vei ira na daubutako era a curu ki na dua na veiyalayalati me ra karona na tiko veisaututaki ni vanua ka ra gadreva me ra wili tikoga me Leimanaiti, me nodra na vanua e veiganiti kei na kedra iwiliwili, me ra cakacakataka me ra bula kina; a sa caka vakaoqo me vakataudeitaka na tiko veisaututaki ena vanua taucoko.

4 A ra sa gumatua sara ka tekivu tale me ra sautu mai; ka sa takali yani na ikaruasagavulu kaono kei na ikaruasagavulu kavitu ni yabaki, a ra sa muria tiko na lawa ena vanua; era sa bulia na nodra lawa me vakayacori kina na lewa dodonu kei na veivakatautauvatataki.

5 Ia oqo, sa sega na ka me tarova na nodra toso tiko ga ki liu ka tiko sautu na tamata ena vanua taucoko, ka vakavo ga kevaka era lutu ki na talaidredre.

6 Ia sai Kitikitonai, kei Lakoniasi na turaganilewa, kei ira era a lesi me ra iliuliu, era sa vakataudeitaka na veisaututaki levu oqo ena vanua.

7 Ka sa yaco ni ra sa tara vou e vuqa na koro lelevu ka ra vakavinakataki na veikoro makawa.

8 Ka ra sa buli talega e vuqa na gaunisala lelevu, era sa buli tale ga na gaunisala mai na dua na koro ki na dua tale na koro, mai na dua na vanua ki na dua tale na vanua, mai na dua na itikotiko ki na dua tale na itikotiko.

9 Ka sa takali yani na ikaruasagavulu kawalu ni yabaki, ka ra sa veisaututaki tiko ga na tamata.

10 Ia a sa yaco ni ena ikaruasagavulu kaciwa ni yabaki, sa tekivu na veileti ena kedra maliwa na tamata; era sa viavialevu mai ka adokadokai ira e so ni sa levu sara na nodra iyau, ka ra sa veivakacacani vakai ira;

11 Ka ni ra sa lewevuqa sara na dauveivoli, na loya, kei na vakailesilesi ena vanua.

12 Ka sa tekivu me ra kilai na tamata ena nodra itutu me vaka na nodra avutuniyau kei na nodra rawa ka ena vuli; io, era sa lecaika e so ena vuku ni nodra dravudravua, ka ra sa vuli vinaka e so tale ena vuku ni nodra vutuniyau.

13 Era sa viavialevu sara e so, ka so era sa yalomalumalumu sara; e so era sa veisausaumitaka na veivakasewasewani, ka so tale era sa vosota na veivakasewasewani, na aveivakacacani kei na veimataqali ka rarawa kecega, ka ra sega ni bsauma lesu, ia era sa veivutuni ga ka yalomalumalumu ena mata ni Kalou.

14 Ka sa yaco kina na duidui levu ena vanua taucoko ka sa tekivu me kasere mai na lotu; ia ena ikatolusagavulu ni yabaki, sa kavoro sara vakadua na lotu ena vanua taucoko, ka qai vo ga e vica na Leimanaiti era sa saumaki ki na vakabauta dina; ka ra sa sega ni via gole tani mai kina, ka ni ra sa tudei sara ka yalodina, ka sega ni yavalati rawa, ia era sa gadreva sara ena ayalo gu me ra muria tiko ga na ivunau ni Turaga.

15 Ia sai koya oqo na vu ni nodra cakacala na tamata—e cecere na kaukauwa nei Setani, ena nodra vakayavalati na tamata me ra kitaka na veimataqali cakacala kecega, sa vakaviavialevutaki ira ena qaciqacia ka temaki ira me ra vakasaqara na kaukauwa, kei na lewa, kei na iyau kei na veika wale ni vuravura.

16 A sa rawata na lomadra na tamata ko Setani me ra kitaka na veimataqali cakacala kecega; ka sa vica wale ga kina na yabaki na nodra tiko sautu.

17 Sa vakakoya na itekivu ni ka tolusagavulu ni yabaki—era sa vakalaivi na tamata ena dua na gauna balavu sara me ra veikauyaki ena aveitemaki ni tevoro ki na vanua cava ga e gadreva ko koya me kauti ira kina ka me ra cakava na caka cala cava ga e gadreva me ra cakava—o koya era sa tu kina ena dua na ivakatagedegede rerevaki ni caka ca ena itekivu ni ika tolusagavulu ni yabaki.

18 Era sa akila vinaka tu na nodra ivalavala ca, ka ni sa vakatavulici oti vei ira ka ra sa kila tu na inaki ni Kalou ena vukudra; a ra sa digitaka ga me ra bvorata na Kalou.

19 A sa yaco na veika oqo ena veisiga i Lakoniasi na luvei Lakoniasi, ka ni a sosomitaki tamana ko Lakoniasi ena nona idabedabe, ka lewai ira na tamata ena yabaki ko ya.

20 Ka sa tekivu me tiko e so na tamata era auqeti mai lomalagi ka talai yani, ka tu ena kedra maliwa na tamata ena vanua taucoko, a ra sa vunau ka vakadinadinataka vakadoudou vei ira na nodra ivalavala ca kei na nodra cakacala, era sa vakadinadinataka na veisereki ena cakava na Turaga ena vukudra na nona tamata, se na tucake tale mai na mate i Karisito; ia era sa vakadinadinataka ena yalodei na nona vakararawataki kei na nona bmate.

21 Ia sa lewevuqa vei ira na tamata era sa cudruvi ira vakalevu na mai vakadinadinataka tiko na veika oqo; ia era sa cudru vakalevu ga ko ira na turaga kei na turaganilewa, ko ira era asa bete levu kei ira na loya; io, era sa cudru sara ko ira taucoko na loya vei ira era mai vakadinadinataka tiko na veika oqo.

22 Ia sa sega ni tu na kaukauwa vua e dua na loya se turaganilewa se bete levu me tauca na itotogi mate vua e dua na tamata, ka vakavo ga kevaka e sainitaka na kovana ni vanua.

23 Era sa lewelevu vei ira era a vakadinadinataka na veika va Karisito ka ra vakadinadinataka ena yaloqaqa, era a tauri ka vakamatei vuni mai vei ira na turaganilewa, ka a sega ni kila na kovana ni vanua na nodra mate.

24 Raica oqo, sa veisaqasaqa oqo kei na lawa ni vanua, ko ya me qai vakamatei ga e dua na tamata vakavo ga kevaka e sa soli vei koya na kaukauwa mai vua na kovana ni vanua—

25 O koya gona sa vakauti cake kina ki Saraemala vua na kovana e dua na kudru me baleti ira na turaganilewa era sa vakamatei ira na parofita ni Turaga, ka sa sega ni salavata kei na lawa.

26 Oqo a sa yaco ni ra sa vesu ka kau vua na turaganilewa, me ra lewai ena cala era a cakava, me vaka na alawa era a vakataudeitaka na tamata.

27 Ka sa qai yaco ni ra sa lewe levu na wekadra kei na nodra itokani na turaganilewa ko ya; io, era sa soqoni vata yani ka to vata ko ira na loya kei na bete levu, kei ira na wekadra na turaganilewa era sa vakarau lewai me vaka na lawa.

28 Ka ra sa curu ki na dua na aveiyalayalati vakai ira, io, na veiyalayalati vata ga era a kitaka ko ira mai liu sara, na veiyalayalati sa vakarautaka ka cakacakataka na btevoro me vorata na ivalavala dodonu kecega.

29 O koya gona era sa duavata kina ka saqati ira na tamata ni Turaga, a ra sa curu ki na dua na veiyalayalati me ra vakarusai ira, ka sereki ira era cala ena laba mai na ivau ni lewa dodonu, ka sa vakarau me vakayacori me vaka na lawa.

30 Era sa saqata ka beca kina na lawa kei na dodonu ni nodra vanua; a ra sa veiyalayalati me ra na vakarusa na kovana, ka vakataudeitaka e dua na atui ena vanua, ia me sa kakua ni taurivaki ena vanua na lawa ni bula galala, ka me ra sa vakarorogo ga vei ira na tui.