iVolanikalou
3 Nifai 26


Wase 26

Sa vakamacalataka na veika kecega mai na ivakatekivu ki na ivakataotioti ko Jisu—Era sa vosataka na gonelalai na veika talei ka sega ni volai rawa—Era sa taukena vata na veika kece ena kedra maliwa ko ira era lewe ni Lotu i Karisito. Rauta na 34 S.K.

1 Ka sa yaco ni sa tukuna oti na veika oqo ko Jisu, sa qai vakamacalataka vei ira na lewevuqa; a sa vakamacalataka vei ira na veika kecega, na veika lelevu kei na veika lalai.

2 A sa kaya: Sa vakarota ko Tamada me’u tukuna vei kemuni na aveivolanikalou oqo sa sega ni tu vei kemuni; ni sa vakarautaka tu ena nona lewa yalomatua me qai soli vei ira na veitabatamata e muri.

3 A sa vakamacalataka na veika kecega, io, mai na ivakatekivu me yacova na gauna sa lako mai kina ena nona alagilagi—io, a sa tukuna na veika kece ena yaco ena delai vuravura, ka tukuna tale ga ni na waicala na bvei-vu-ni-ka ena katakata dina, ena cvivigi ko vuravura me vaka na ivola vivigi ka na takali yani na lomalagi kei na vuravura;

4 Me yacova sara na siga alevu mai muri, era na btu kina ena mata ni Kalou na tamata kecega, na veimataqali, veimatanitu kei na duivosavosa, me ra lewai ena nodra ivalavala, se vinaka se ca—

5 Ia kevaka era sa vinaka, era na atucake tale mai ki na bula tawavakaiyalayala; ia kevaka era sa ca, era na tucake tale mai ki na rusa tawamudu; ia erau sa veibasai ga, e dua ena yasana oqo ka dua ena yasana ko ya, me vaka na loloma cecere, kei na blewa dodonu kei na savasava i Karisito, o koya sa bula ni cbera ni tekivu na vuravura.

6 Ia oqo sa sega ni rawa ni volai taucoko ena ivola oqo e dua na aikaduanadrau ni veika a vakatavuvulitaka ko Jisu vei ira na tamata;

7 Ia raica, sa volai tu ena apeleti i Nifai na iwase levu cake ni veika ka a vunautaka vei ira na tamata ko koya.

8 Ia na veika oqo au sa vola, e dua na iwase lailai ni veika a vakavuvulitaka vei ira na tamata; ka’u sa vola ena inaki me ra na kau tale mai kina vei ira na tamata oqo, amai vei ira na Matanitu Tani, me vaka na vosa sa cavuta ko Jisu.

9 Ia ena gauna era na taura kina na veika oqo, ka sa kilikili me ra taura taumada me vakatovolei kina na nodra vakabauta, ia kevaka era na vakabauta na veika oqo, ena qai vakatakilai vei ira na veika alelevu cake.

10 Ia kevaka era sa sega ni vakabauta na veika oqo, era na cudruvi ka na abureitaki vei ira na veika lelevu cake.

11 Raica, sa vakarau me’u vola kece eke na veika kece mai na peleti i Nifai, ia sa tarova na Turaga ka kaya: Au na avakatovolea mada na nodra vakabauta na noqu tamata.

12 O koya gona, koi au, ko Momani, au sa vola ga kina na veika sa vakarota vei au na Turaga. Ia koi au ko Momani, au sa tinia eke na noqu vosa ka tekivu vola na veika sa vakaroti vei au.

13 O koya gona, au sa gadreva mo ni kila, ni a vakavulici ira na tamata na Turaga ena loma ni tolu na siga; ia ni sa oti koya, sa arairai tale vakavuqa vei ira ko koya, a sa vakavuqa talega na nona dovia na bmadrai ka vakalougatataka ka solia me ra kania.

14 Ka sa yaco ni sa vakatavulici ira ka vakalougatataki ira na nodra agone na lewevuqa ka tukuni tiko oqo, a sa bsereka na wa ni yamedra ka ra sa vosataka vei ira na qase na veika lelevu ka talei, io sa levu cake mai na veika sa vakatakila oti ko koya vei ira na tamata; io sa sereka ko koya na wa ni yamedra me ra cauraka.

15 Ka sa yaco ni sa lako cake oti ki lomalagi—ena ikarua ni nona rairai mai ka sa lako cake vei Tamada, ni oti na nona avakabulai ira na nodra tauvimate kei na nodra lokiloki, ka dolava na matadra na mataboko, ka dolava na daligadra na didivara, ka sa vakayacora na cakacaka kecega ni veivakabulai ena kedra maliwa, ka vakatura cake mai na mate e dua na tamata, ka vakatakila vei ira na nona kaukauwa, ia ni sa oti kece oqo, ka sa lako cake vua na Tamada—

16 Raica, a sa yaco ena mataka kadua era sa soqoni ira vata yani na lewevuqa, ka raica ka rogoci ira na gonelalai oqo; ia ko ira sara ga na agone dramidrami e ra dolava na gusudra ka cauraka e vuqa na ka veikurabuitaki; ia sa vakatabui me kakua ni dua e vola na veika era a cauraka.

17 Ka sa yaco ni ra sa lako yani ena gauna ko ya na atisaipeli sa digitaka ko Jisu, ka tekivu me vakavulici ira ka bpapitaisotaki ira era sa lako mai vei iratou; ia era sa vakasinaiti ena Yalo Tabu ko ira kecega sa papitaisotaki ena yacai Jisu.

18 Ka sa lewevuqa vei ira era sa raica ka rogoca na veika sa sega ni vosataki rawa, ka sa asega ni vakatarai me volai.

19 Era sa veivakatavulici ka veiqaravi vakai ira; era sa ataukena vata na bveika kece ena kedra maliwa ka caka dodonu vei ira na tamata kecega.

20 Ka sa yaco ni ra sa kitaka na veika kecega sa vakarota vei ira ko Jisu.

21 Ia ko ira sa papitaisotaki ena yaca i Jisu, era sa vakatokai me ra lewe ni alotu i Karisito.