1 Dhe tani ndodhi që pasi Jezusi u tha këto gjëra, ai ia shpjegoi turmës; dhe u shpjegoi të gjitha gjërat, si të mëdha, ashtu dhe të vogla.

2 Dhe ai tha: ^aKëto shkrime të shenjta që ju nuk i kishit me vete, Ati urdhëroi që unë t’jua jap; pasi qe në urtësinë e tij që ato t’u kalohen brezave të ardhshëm.

3 Dhe ai shpjegoi të gjitha gjërat, madje që nga fillimi dhe deri në kohën që ai do të vijë në ^alavdinë e tij—po, madje të gjitha gjërat që do të ndodhin mbi faqen e dheut, madje deri kur ^belementet do të shkrihen me nxehtësi të madhe dhe toka do të ^cmbështillet në vetvete si një pergamenë dhe qiejtë dhe toka do të marrin fund;

4 Dhe madje, deri ^aditën e madhe dhe të fundit, kur të gjithë njerëzit dhe të gjitha fiset dhe të gjitha kombet, dhe gjuhët do të ^bqëndrojnë para Perëndisë, që të gjykohen për veprat e tyre, qofshin ato të mira ose qofshin ato të liga—

5 Në qoftë se ato janë të mira, në ^aringjalljen e jetës së përhershme; dhe në qoftë se ato janë të liga, në ringjalljen e mallkimit, duke qenë paralel, njëra nga një anë dhe tjetra në anën tjetër, sipas mëshirës dhe ^bdrejtësisë dhe shenjtërisë e cila është në Krishtin i cili ishte ^cpara se bota filloi.

6 Dhe tani në këtë libër, nuk mund të shkruhen madje, as e ^anjëqindta pjesë e gjërave që Jezusi me të vërtetë u mësoi njerëzve;

7 Por vini re, ^afletët e Nefit përmbajnë pjesën më të madhe të gjërave që ai u mësoi njerëzve.

8 Dhe këto gjëra që unë kam shkruar, janë një pjesë më e vogël e gjërave që ai u mësoi njerëzve; dhe unë i kam shkruar me qëllim që ato të mund t’i sillen përsëri këtij populli ^anga Johebrenjtë, sipas fjalëve që tha Jezusi.

9 Dhe kur ata ta kenë marrë këtë që është e nevojshme që ta marrin së pari, për të provuar besimin e tyre dhe në qoftë se do të jetë që ata do t’u besojnë këtyre gjërave, atëherë ^agjëra më të mëdha do t’u tregohen atyre.

10 Dhe në qoftë se do të jetë që ata nuk do t’u besojnë këtyre gjërave, atëherë, për mallkimin e tyre, gjërat më të mëdha ^anuk do t’u jepen.

11 Vini re, unë isha gati t’i shkruaja të gjitha sa ishin të gdhendura në fletët e Nefit, por Zoti ma ndaloi, duke thënë: Unë do të ^aprovoj besimin e popullit tim.

12 Prandaj, unë Mormoni, shkruaj gjërat që më janë urdhëruar nga Zoti. Dhe tani, unë Mormoni, po u jap fund fjalëve të mia dhe vazhdoj të shkruaj gjërat që më janë urdhëruar.

13 Prandaj, unë do të dëshiroja që ju të vini re se Zoti u mësoi me të vërtetë njerëzve për hapësirën e tri ditëve; dhe paskësaj ai iu ^ashfaq shpesh atyre dhe shpesh copëtoi ^bbukë dhe e bekoi, dhe ua dha atyre.

14 Dhe ndodhi që ai i mësoi dhe u shërbeu ^afëmijëve të turmës, gjë për të cilën është folur dhe ai i ^bzgjidhi gjuhët e tyre dhe ata u thanë etërve të tyre gjëra të mëdha dhe të mrekullueshme, madje edhe më të mëdha se ato që ai u zbuloi njerëzve; dhe ai i zgjidhi gjuhët e tyre, kështu që ata të mund të shpreheshin.

15 Dhe ndodhi që pasi ai u ngjit në qiell—herën e dytë që iu shfaq atyre dhe shkoi tek Ati, pasi u ^ashëroi të gjithë të sëmurët dhe të gjithë të çalët dhe u hapi sytë të verbërve dhe veshët të shurdhërve dhe madje bëri gjithfarëlloj shërimesh mes tyre, dhe ngriti një njeri së vdekuri, dhe u tregoi atyre fuqinë e tij, dhe u ngjit tek Ati—

16 Vini re, ndodhi që të nesërmen turma u mblodh përsëri dhe ata panë dhe dëgjuan këta fëmijë; po, madje edhe ^afoshnjat hapën gojën dhe shqiptuan gjëra të mrekullueshme dhe gjërat që ata shqiptuan, ishin të ndaluara të shkruheshin nga ndonjë njeri.

17 Dhe ndodhi që ^adishepujt që kishte zgjedhur Jezusi filluan që atëherë e tutje të ^bpagëzonin dhe të mësonin të gjithë ata që vajtën tek ata; dhe të gjithë ata që u pagëzuan në emrin e Jezusit, u mbushën me Frymën e Shenjtë.

18 Dhe shumë prej tyre panë dhe dëgjuan gjëra të patregueshme që ^anuk janë të lejuara të shkruhen.

19 Dhe ata mësuan dhe i shërbyen njëri-tjetrit; dhe ata i kishin të ^agjitha gjërat të ^bpërbashkëta mes tyre, çdo njeri duke vepruar me drejtësi me njëri-tjetrin.

20 Dhe ndodhi që ata bënë të gjitha gjërat, madje ashtu si Jezusi i kishte urdhëruar.

21 Dhe ata që u pagëzuan në emrin e Jezusit, u quajtën ^akisha e Krishtit.