1 Ta adtoy, umay ti aldaw a ^amanguram a kasla pugon; ket amin dagiti ^bnatangsit, wen, ken amin dagiti agaramid iti dinadangkes, kasladanto naggapasan; ket uramento ida ti aldaw nga umay, kinuna ti Apo ti Pangen, a dinto mangitedda kadakuada iti uray ramut wenno sanga.

2 Ngem kadakayo nga agbuteng iti naganko, lumgakto ti ^aAnak ti Kinalinteg nga addaan makapasalun-at a paypayak; ket mapan ken ^bdumakkelkayto a kasla kadagiti ^curbon iti apon.

3 Ket ^ailudekyonto dagiti nadangkes; ta dapodanto iti sakaananyo iti aldaw nga aramidek daytoy, kinuna ti Apo ti Pangen.

4 Lagipenyo ti linteg ni Moises, ti adipenko, nga imbilinko kenkuana idiay ^aHoreb nga agpaay iti amin nga Israel, nga addaan iti alagaden ken pangngeddeng.

5 Adtoy, ibaonkonto kadakayo ni ^aElias a propeta iti sakbay ti yaay ti naindaklan ken nakaal-alingget nga ^baldaw ti Apo;

6 Ket ^aiturongnanto ti puso dagiti amma kadagiti annak, ken ti puso dagiti annak kadagiti ammada, no saan umayak ket saplitek ti daga iti lunod.