Ngaahi Folofolá
3 Nīfai 24


Vahe 24

ʻE teuteu ʻe he talafekau ʻa e ʻEikí ʻa e hala ki he Hāʻele ʻAnga Ua maí—ʻE fakamāuʻi ʻe Sīsū ʻa e kakai kotoa pē—ʻOku fekau ki ʻIsileli ke nau totongi ʻa e ngaahi vahehongofulú mo e ngaahi foakí—ʻOku tauhi ha tohi ʻo e manatú—Fakafehoanaki mo e Malakai vahe 3. Taʻu T.S. 34 nai.

1 Pea naʻe hoko ʻo pehē naʻá ne fekau kiate kinautolu ke nau tohi ʻa e ngaahi folofola ʻa ia kuo fakahā ʻe he Tamaí kia Malakaí, ʻa ia naʻe totonu ke ne fakahā kiate kinautolú. Pea naʻe hoko ʻo pehē naʻe hili hono tohi ʻo e ngaahi meʻa ní naʻá ne fakamatalaʻi ia. Pea ko e ngaahi folofola ʻeni ʻa ia naʻá ne folofola ʻaki kiate kinautolú, ʻo pehē: Naʻe folofola peheni ʻa e Tamaí kia Malakai—Vakai, te u fekau ʻa ʻeku atalafekau, pea te ne teuteu ʻa e hala ʻi hoku ʻaó, pea ko e ʻEiki ʻa ia ʻoku mou kumi ki aí te ne hāʻele fakafokifā mai ki hono temipalé, ʻio ʻa e talafekau ʻo e fuakavá, ʻa ia ʻoku mou fiefia ke mamata ki aí; vakai, ʻe hāʻele mai ia, ʻoku folofola ʻe he ʻEiki ʻo e Ngaahi Kau Taú.

2 Ka ko hai ʻokú ne lava ke akātakiʻi ʻa e ʻaho ʻo ʻene hāʻele maí, pea ko hai ʻokú ne lava ke tuʻu ʻo ka ne hā maí? He ʻokú ne hangē ko e afi ʻa e btangata fakamaʻa ukameá, pea tatau mo e koa fakamaʻa ʻa e kau foó.

3 Pea te ne nofo ʻo hangē ko e tangata fakamaʻa mo fakahaohaoaʻi ʻo e silivá; pea te ne fakahaohaoaʻi ʻa e ngaahi afoha ʻo Līvaí, mo fakamaʻa ʻa kinautolu ʻo hangē ko e koulá mo e silivá, koeʻuhi ke nau bʻoatu ki he ʻEikí ha feilaulau ʻi he māʻoniʻoni.

4 ʻE toki lelei ʻa e feilaulau ʻa Siuta mo Selūsalemá ki he ʻEikí, ʻo hangē ko e ngaahi ʻaho ʻi muʻá, pea hangē ko e ngaahi taʻu ʻi muʻá.

5 Pea te u ʻunuʻunu atu kiate kimoutolu ke fakamaau; pea te u talatalaakiʻi vave ʻa e kau fie maná, mo e kau feʻauakí, mo e kau fuakava loí, pea kiate kinautolu ʻoku ngaohikoviʻi ʻa e tangata ngāué ʻi heʻene totongí, mo e uitoú pea mo e atamai maté, pea mo kinautolu ʻoku tekeʻi ʻa e mulí, mo kinautolu ʻoku ʻikai manavahē kiate aú, ʻoku folofola ʻe he ʻEiki ʻo e Ngaahi Kau Taú.

6 He ko au ko e ʻEikí, ʻoku ʻikai te u liliu; ko ia ʻe ʻikai fakaʻauha ʻa kimoutolu ʻe ngaahi foha ʻo Sēkopé.

7 ʻIo kuo talu mei he ngaahi ʻaho ʻo hoʻomou ngaahi tamaí mo hoʻomou a mei heʻeku ngaahi ouaú, pea ʻikai tauhi ki ai. bTafoki mai kiate au pea te u tafoki atu kiate kimoutolu, ʻoku folofola ʻe he ʻEiki ʻo e Ngaahi Kau Taú. Ka ʻoku mou pehē: Ko e hā te mau fai ke mau tafoki atu aí?

8 ʻE kaihaʻa ha tangata mei he ʻOtuá? Ka kuo mou kaihaʻa meiate au. Ka ʻoku mou pehē: Kuo mau kaihaʻa meiate koe ʻi he hā? ʻI he ngaahi avahehongofulú mo e ngaahi bfoakí.

9 ʻOku fakamalaʻiaʻi ʻa kimoutolu ʻaki ʻa e malaʻia, he kuo mou kaihaʻa meiate au, ʻio ʻa e puleʻangá ni kotoa.

10 Mou ʻomi ʻa e ngaahi avahehongofulu kotoa pē ki he fale tukuʻanga koloá, koeʻuhi ke ʻi ai ha meʻakai ʻi hoku falé; pea ʻahiʻahiʻi au ʻi he meʻá ni, ʻoku folofola ʻe he ʻEiki ʻo e Ngaahi Kau Taú, pe te u fakaava kiate kimoutolu ʻa e ngaahi matapā ʻo e langí, mo lilingi hifo kiate kimoutolu ha btāpuaki ʻe ʻikai ha potu ʻe faʻa hao ia ki ai.

11 Pea te u valokiʻi ʻa e fai fakaʻauhá koeʻuhi ko kimoutolu, pea ʻe ʻikai te ne fakaʻauha ʻa e fua ʻo homou kelekelé; pea ʻe ʻikai foki laku mai ʻe he vainé ʻa hono fuá ʻi he ngaahi ngoue ʻoku teʻeki ke motuʻa, ʻoku folofola ʻe he ʻEiki ʻo e Ngaahi Kau Taú.

12 Pea ʻe ui ʻa kimoutolu ʻe he ngaahi puleʻanga kotoa pē ko e monūʻia, he te mou hoko ko e fonua fakaʻofoʻofa ke nofo ai, ʻoku folofola ʻe he ʻEiki ʻo e Ngaahi Kau Taú.

13 Kuo fielahi mai hoʻomou ngaahi leá kiate au, ʻoku folofola ʻe he ʻEikí. Ka ʻoku mou pehē: Ko e hā ʻemau lea kuo fai kiate koé?

14 Kuo mou pehē: ʻOku taʻeʻaonga ʻa e tauhi ki he ʻOtuá, pea ko e hā hono ʻaonga ʻo ʻetau tauhi ʻene ngaahi ouaú mo ʻetau mamahi koeʻuhi ko ʻetau ngaahi angahalá ʻi he ʻao ʻo e ʻEiki ʻo e Ngaahi Kau Taú?

15 Pea ko ʻeni ʻoku tau ui ʻa e pōlepolé ko e fiefia; ʻio, ko kinautolu ʻoku fai angahalá ʻoku nau tuʻumālie; ʻio, ko kinautolu ʻoku ʻahiʻahi kovi ki he ʻOtuá ʻoku fakahaofi ʻa kinautolu.

16 Pea ko kinautolu naʻe manavahē ki he ʻEikí naʻa nau toutou afetalanoaʻaki, pea naʻe ongoʻi ʻe he ʻEikí mo ne fanongo ki ai; pea naʻe tohi ʻi hono ʻaó ha btohi ʻo e manatú maʻanautolu naʻe manavahē ki he ʻEikí, mo fakaʻapaʻapa ki hono huafá.

17 Pea te nau hoko ko hoku kakai ʻoku folofola ʻe he ʻEiki ʻo e Ngaahi Kau Taú, ʻi he ʻaho ko ia te u afili ai ʻa e kakai ke hoko ko ʻeku ngaahi siuelí; pea te u fakahaofi ʻa kinautolu ʻo hangē ko hono fakahaofi ʻe ha tangata ʻa hono foha ʻoʻona ʻa ia ʻoku tauhi kiate iá.

18 Pea te mou tafoki mai pea aʻiloʻi hono fai kehekehe ʻo e māʻoniʻoní mo e angahalá, mo ia ʻoku tauhi ki he ʻOtuá mo ia ʻoku ʻikai tauhi kiate iá.