1 Ma sa oo ina ia poloai mai ia te i latou e tatau ona latou tusia upu ia na tuuina mai e le Tamā ia Malaki, ia o le a ia ta’u atu ia i latou. Ma sa oo ina ua uma ona tusia o ia upu sa ia faamalamalama ia i latou. Ma o upu nei na ia ta’u atu ia te i latou, e faapea: Sa faapea ona fofoga mai o le Tamā ia Malaki—Faauta, o le a ou auina atu la’u ^aavefeau, ma o le a saunia e ia le ala i o’u luma, ma o le a faavave ona afio mai i lona malumalu le Alii, o lē ua outou sailia, le avefeau lea o le feagaiga, o lē ua outou fiafia i ai; faauta, o le a afio mai o ia, ua fetalai mai ai le Alii o ’Au.

2 Ae o ai se e mafai ona ^alavatia le aso o lona afio mai, ma o ai se e tulai pe a faaali mai o ia? Aua e pei o ia o se afi a le ^etunu auro, ma e pei o le moli a le taofu.

3 Ma o le a nofo o ia e pei o se tunu auro ma se faamama ario, ma o le a ia faamamaina ^aatalii o Levi, ma faamama i latou e pei o le auro ma le ario, ina ia mafai ona latou ^eosi atu i le Alii se taulaga i le amiotonu.

4 Ona malie ai lea o le taulaga a Iuta ma Ierusalema i le Alii, e pei o aso anamua, ma e pei o tausaga ua mavae.

5 Ma o le a ou faalatalata atu ia te outou i le faamasinoga; ma o le a avea a’u ma molimau vave e faatuiese i faataulaitu, ma faatuiese i ē e mulilulua, ma faatuiese i ē e tauto pepelo, ma faatuiese ia i latou o ē e pulesaua i le ua galue totogi i ona totogi, i le fafine ua oti lana tane ma lē ua ^amatuaoti, ma i latou o ē ua latou liliu ese le tagata ese, ma ua le matatau mai ia te au, ua fetalai mai ai le Alii o ’Au.

6 Aua o a’u o le Alii, ou te le liliu lava; o lea ua le mu ai outou atalii o Iakopo.

7 Mai lava i aso o o outou tamā o outou ^ao ese mai a’u sauniga, ma outou le tausia i latou. ^eFoi mai ia te a’u ona ou foi atu ai lea ia te outou, ua fetalai mai ai le Alii o ’Au. Ae ua outou fai mai: E faapefea ona matou foi atu?

8 Pe faoa ea e le tagata mai i le Atua? Ae o outou, ua outou faoa mai ia te a’u. Ae ua outou fai mai: Ua faapefea ona matou faoa mai ia te oe? O ^asefuluai ma ^etaulaga.

9 Ua fetuuina outou i se fetuu, e oo lava i lenei atunuu uma, ona ua outou faoa mai ia te a’u.

10 Ina outou aumaia ia ^asefuluai uma i le faleteuoloa, ina ia i ai ni meaai i lo’u fale; ma ia outou tofotofo mai nei ia te a’u i lenei mea, ua fetalai mai ai le Alii o ’Au, pe ou te le tatala atu ea ia te outou pupuni o le lagi, ma liligi atu ia te outou se ^emanuia o le a lē lava se avanoa e teu ai.

11 Ma o le a ou aoaiina lē na te faaleagaina mea ona o outou, ma o le a ia le faaumatiaina fua o lo outou eleele; pe o le a malili foi le fua o o outou vine i fanua ae lei oo i le taimi, ua fetalai mai ai le Alii o ’Au.

12 Ma o le a faaamuia ia te outou atunuu uma, ona o le a avea outou ma laueleele moomia, ua fetalai mai ai le Alii o ’Au.

13 Sa malolosi a outou upu ia te au, ua fetalai mai ai le Alii. Ae ua outou fai mai: O a upu na matou tautatala ai e faatuiese ia te oe?

14 Sa outou fai mai: Ua lē aoga ona auauna atu i le Atua, ma o le a se aoga na tatou tausia ai ana sauniga ma na tatou savavali faanoanoa ai i luma o le Alii o ’Au?

15 Ma o lenei ua tatou ta’u fiafia lē ua faamaualuga; ioe, o ē ua faia galuega o le amioleaga ua faamautuina; ioe, e oo ia i latou o e ua tofotofo i le Atua ua laveaiina.

16 Ona ^afetautalatalaai soo lea o i latou o e na matatau i le Alii o le tasi ma le isi, ma sa faafofoga mai le Alii ma ua lagona mai; ma sa tusia se ^etusi faamanatu i ona luma mo i latou o ē na matatau i le Alii, ma ē na manatunatu i lona suafa.

17 Ma o le a avea i latou mo’u, ua fetalai mai ai le Alii o ’Au, i lena aso pe a ou ^afaaputuputu a’u maa taua; ma o le a ou faasaoina i latou e pei ona faasaoina e se tagata lona lava atalii o lē ua auauna ia te ia.

18 Ona outou foi mai lea ma ^ailoa le eseesega o le amiotonu ma le amioleaga, i le va o lē ua auauna i le Atua ma ia o lē ua lē auauna atu ia te ia.