1 Ut kik’ulman naq kixtaqla li ch’utch’uukil tenamit naq te’xkanab’ tijok, ut jo’kaneb’ ajwi’ lix tzolom. Ut kixtaqlaheb’ naq ink’a’ te’xkanab’ ^atijok sa’ xch’ooleb’.

2 Ut kixtaqlaheb’ naq te’wakliiq ut te’xaqliiq chiroqeb’. Ut ke’wakli ut ke’xaqli chiroqeb’.

3 Ut kik’ulman naq kixjachi wi’chik kaxlan wa ut kirosob’tesi, ut kixk’e reheb’ li tzolom re te’wa’aq.

4 Ut chirix naq ke’wa’ak kixtaqlaheb’ naq te’xjachi li kaxlan wa, ut te’xk’e re li ch’utch’uukil tenamit.

5 Ut chirix naq ke’xk’e re li ch’utch’uukil tenamit kixk’e ajwi’ viin reheb’ re te’uk’aq, ut kixtaqlaheb’ naq te’xk’e re li ch’utch’uukil tenamit.

6 Anajwan, maajun ^akaxlan wa, chi moko li viin, kik’ame’ chaq xb’aaneb’ li tzolom, chi moko xb’aaneb’ li ch’utch’uukil tenamit;

7 A’b’an ^akixk’e chi yaal reheb’ li kaxlan wa re te’xwa’, ut jo’kan ajwi’ li viin re te’ruk’.

8 Ut kixye reheb’: Ani ^anawa’ok re li kaxlan wa a’in, naxwa’ xkomon intib’el choq’ re li raam; ut ani na’uk’ak re li viin a’in, naruk’ xkomon inkik’el choq’ re li raam; ut li raam maajo’q’e taatz’okaaq chi moko taachaqiq re; taanujaq b’an.

9 Anajwan, chirix naq li ch’utch’uukil tenamit ke’wa’ak ut ke’uk’ak chixjunileb’, k’ehomaq reetal, ke’nujak rik’in li Musiq’ej, ut ke’xjap re chi junajeb’ xyaab’ xkux, ut ke’xk’e xloq’al li Jesus, li ke’ril ut ke’rab’i chaq.

10 Ut kik’ulman naq chirix naq chixjunileb’ ke’xk’e chaq xloq’al li Jesus, a’an kixye reheb’: K’ehomaq reetal, anajwan ninchoy li taqlahom kinixtaqla wi’ li Yuwa’b’ej chirix li tenamit a’in, a’aneb’ jun rela’ lix junkab’al laj Israel.

11 Jultik eere naq kexwaatina, ut kinye naq jo’q’e taatz’aqloq ru li ^araatin laj ^bIsaias—k’ehomaq reetal, wan chi tz’iib’anb’il, ut k’utk’u cheru, jo’kan ut, tz’ilomaq rix—

12 Ut chi yaal, chi yaal, ninye eere, naq jo’q’e taatz’aqloq ru, toja’ naq wanq xtz’aqob’resinkil ru li ^asumwank kixk’uub’ li Yuwa’b’ej choq’ re lix tenamit, ex xjunkab’al laj Israel.

13 Toja’ ut naq eb’ li ^arela’, li ^bjek’inb’ilaqeb’ chaq chi najt chiru lix b’een li ch’och’, ^cte’ch’utub’aaq chaq sa’ releb’aal li saq’e ut sa’ roqeb’aal, ut sa’ xtz’e li saq’e ut sa’ xnim; ut te’k’ame’q ^dchixnawb’al chirix li Qaawa’ lix Dios, li kitojok rixeb’.

14 Ut li Yuwa’b’ej kinixtaqla naq tink’e eere li ^ach’och’ a’in, choq’ eereechanihom.

15 Ut ninye eere, naq wi eb’ laj Gentil ink’a’ ^aneke’xjal xk’a’uxl chirix li osob’tesink te’xk’ul, chirix naq ke’xjek’i lin tenamit—

16 Chirix a’an laa’ex, li wankex choq’ jun rela’ lix junkab’al laj Jakob, texxik sa’ xyanqeb’; ut texwanq sa’ xyiheb’ a’an, li k’ihaqeb’; ut texwanq sa’ xyanqeb’ chanchan jo’ jun kaqkojl sa’ xyanqeb’ lix xulel k’iche’, ut jo’ jun saaj ^akaqkojl sa’ xyanqeb’ li teep chi karneer—a’an, wi nanume’ sa’ xyi ^bnayeq’ok ut napejink, ut maajun naru chi kolok.

17 Taqsinb’ilaq laa wuq’ sa’ xb’eeneb’ laj xik’ ilonel, ut te’isiiq chaq chixjunileb’ li xik’ neke’ilok aawe.

18 Ut laa’in ^atinch’utub’eb’ lin tenamit jo’ chanru naq junaq winq naxch’utub’eb’ li ruuchinihom li trigo sa’ li tenleb’aal.

19 Xb’aan naq laa’in tinyiib’ lin tenamit li ki’ok wi’ sa’ sumwank li Yuwa’b’ej, relik chi yaal, tinyiib’ choq’ ch’iich’ laa ^axukub’, ut choq’ q’an ch’iich’ bronce tinyiib’ rixi’ij aawoq. Ut laa’at taajuk’i k’iila tenamit; ut laa’in tinwosob’tesi li reechanihomeb’ choq’ re li Qaawa’, ut li k’a’ru reheb’ choq’ re li Qaawa’ re chixjunil li ruchich’och’. K’ehomaq ut reetal, laa’in li ninb’aanunk re.

20 Ut taak’ulmanq, chan li Yuwa’b’ej, naq li ^ayok’leb’ ch’iich’ re lin raqb’a-aatin taqsinb’ilaq sa’ xb’eeneb’ sa’ li kutan a’an, ut wi ink’a’ neke’xjal xk’a’uxl, taat’ane’q sa’ xb’eeneb’, chan li Yuwa’b’ej, relik chi yaal, sa’ xb’eeneb’ ajwi’ chixjunil li jar tenamit reheb’ laj Gentil.

21 Ut taak’ulmanq naq laa’in tinxaqab’eb’ lin ^atenamit, ex xjunkab’al laj Israel.

22 Ut k’ehomaq reetal, li tenamit a’in teb’inxaqab’ sa’ li ch’och’ a’in, choq’ re xtz’aqob’resinkil ru li ^asumwank li kink’uub’ rik’in laj Jakob eeyuwa’; ut a’anaq jun ^bAk’ Jerusalen. Ut lix wankilal li choxa taawanq sa’ xyanq li tenamit a’in; relik chi yaal, ^claa’in ajwi’ tinwanq sa’ eeyanq.

23 K’ehomaq reetal, laa’in li ki’aatinak wi’ laj Moises, naq kixye: ^aJun profeet li Qaawa’ lee Dios tixwaklesi choq’ eere xkomon eeras eeriitz’in, chanchanin laa’in; a’an teerab’i sa’ chixjunil li k’a’aq re ru li b’arwan tixye eere. Ut taak’ulmanq naq li junjunq chi aamej li ink’a’ taa’ab’inq re li profeet a’an taa’isiiq chaq sa’ xyanq li tenamit.

24 Chi yaal ninye eere, relik chi yaal, ut ^achixjunileb’ li profeet chalen chaq laj Samuel ut eb’ li ke’chal moqon, jo’ k’ihaleb’ ke’aatinak, ke’xch’olob’ xyaalal chiwix.

25 Ut k’ehomaq reetal, laa’ex ralal xk’ajol li profeet; ut laa’ex xkomonex lix junkab’al laj Israel; ut laa’ex wankex sa’ li ^asumwank li kixk’uub’ li Yuwa’b’ej rik’ineb’ lee yuwa’ naq kixye re laj Abraham: Ut ^brik’ineb’ laa wiyajil te’osob’tesiiq chixjunileb’ li junkab’al re li ruchich’och’.

26 Li Yuwa’b’ej ak kinixwaklesi choq’ eere xb’een wa, ut kinixtaqla chaq re eerosob’tesinkil, rik’in ^axsutq’isinkil chaq li junjunq eere sa’ xmaa’usilal; ut a’in xb’aan naq laa’ex ralal xk’ajol li sumwank—

27 Ut chirix naq kex’osob’tesiik, chirix a’an naxtz’aqob’resi ru li Yuwa’b’ej li sumwank li kixk’uub’ rik’in laj Abraham, naq kixye: ^aRik’ineb’ laa wiyajil te’osob’tesiiq chixjunil li junkab’al re li ruchich’och’—toj reetal naq sa’ ink’ab’a’ laa’in taahoymanq li Santil Musiq’ej sa’ xb’eeneb’ laj Gentil, ut a’ osob’tesink a’in sa’ xb’eeneb’ laj ^bGentil tixnimob’resiheb’ xmetz’ew sa’ xb’een chixjunil, toj reetal taajek’imanq intenamit, ex xjunkab’al laj Israel.

28 Ut eb’ a’an te’wanq choq’ ^arapleb’ chiru li ani wankeb’ sa’ li ch’och’ a’in. A’b’anan, naq akaq xe’xk’ul xtz’aqalil lin evangelio, chirix a’an wi te’xkawob’resi li raam chiwix, tinsutq’isi lix maa’usilaleb’ sa’ xb’een xjolomeb’ a’an, chan li Yuwa’b’ej.

29 Ut ^ataajultiko’q we li sumwank li kink’uub’ rik’in lin tenamit; ut kin’ok sa’ sumwank rik’ineb’ naq ^bteb’inch’utub’ chaq sa’ li kutan k’oxlanb’il inb’aan, naq tink’e wi’chik reheb’ lix ^cch’och’il lix yuwa’eb’ choq’ reechanihomeb’, a’an li ch’och’ ^dJerusalen, a’an li yeechi’inb’il ch’och’ choq’ reheb’ chi junelik, chan li Yuwa’b’ej.

30 Ut taak’ulmanq naq taachalq xq’ehil, naq lix tz’aqalil lin evangelio taajultikamanq chiruheb’;

31 Ut ^ate’paab’anq we, naq laa’in li Jesukristo, li Ralal li Dios, ut te’tijoq chiru li Yuwa’b’ej sa’ lin k’ab’a’.

32 Toja’ naq eb’ lix ^ak’aak’alenel tenamit te’xtaqsi lix yaab’eb’ kux, ut chi junajinb’il xyaab’eb’ xkux te’b’ichanq; xb’aan naq te’ril rik’in ruheb’.

33 Toja’ naq li Yuwa’b’ej tixch’utub’eb’ wi’chik, ut tixk’e reheb’ Jerusalen choq’ xch’och’il li reechanihomeb’.

34 Toja’ naq te’numtaaq xsahileb’ xch’ool—^aChexb’ichanq sa’ komonil, ex sachenaqil na’ajej re Jerusalen; xb’aan naq li Yuwa’b’ej kixk’ojob’ xch’ool lix tenamit, a’an kixtoj rix Jerusalen.

35 Li Yuwa’b’ej xt’usub’ lix santil tel sa’ rilob’aaleb’ chixjunil li tenamit, ut chixjunileb’ lix maril li ruchich’och’ te’ril lix kolb’a-ib’ li Yuwa’b’ej; ut li Yuwa’b’ej ut laa’in junajo.

36 Toja’ ut naq taak’ehe’q chi uxmanq li k’a’ru tz’iib’anb’il: ^aAjen, ajen wi’chik, ut k’e chawix laa metz’ew, at Sion; k’e chawix laa chaq’al ru aq’, at Jerusalen, li santil tenamit, xb’aan naq chalen anajwan ink’a’ chik te’chalq aawik’in li ink’a’ xe’k’uluk re reetalil li sumwank, chi moko li ani tz’aj.

37 Chiq’chiq’i chaq li poqs chawix; waklin, chunlan, at Jerusalen; isi chaq li bak’leb’ wan chakux, at xrab’in Sion li wankat chi preexil.

38 Xb’aan naq jo’ka’in naxye li Qaawa’: Xek’ayi eerib’ chi maajo’ nimal eetz’aq, ut taatoje’q eerix chi maak’a’ li tumin.

39 Chi yaal, chi yaal, ninye eere, naq eb’ lin tenamit te’xnaw ru ink’ab’a’; relik chi yaal, sa’ li kutan a’an te’xnaw naq laa’in li nin’aatinak.

40 Toja’ ut naq te’xye: ^aK’a’jo’ xch’ina-usal chaq chiruheb’ li tzuul li roq a’an li nak’amok re li chaab’il esilal reheb’, li ^bnapuktesin resil li tuqtuukilal; li naxk’am chaq li chaab’il esilal reheb’ chirix li chaab’il; li napuktesin resil li kolb’a-ib’; li nayehok re Sion: Laa Dios na’awa’b’ejin!

41 Toja’ ut naq taayab’asiiq jun aatin: ^aElenqex, elenqex, chex’elq chaq aran, meech’e’ li k’a’ru ^btz’aj; elenqex chaq sa’ xyi a’an; ^cch’ajb’ilaqex li nekexk’amok re lix k’uleb’aal li Qaawa’.

42 Xb’aan naq ^aink’a’ tex’elq chaq sa’ aanil, chi moko texxik aj eelel; xb’aan naq li Qaawa’ taaxik cheru, ut lix Dios laj Israel a’anaq aj k’aak’alenel cherix.

43 K’ehomaq reetal, taak’anjelaq inmoos rik’in xchaab’ilal xna’leb’; taqsinb’ilaq xloq’al ut nimanb’ilaq ru ut q’axal taqenaqaq.

44 Jo’ naab’al ke’sach xch’ool aawik’in—k’a’jo’ naq po’b’il li rilob’aal, q’axal wi’chik chiru anihaq chi winq, ut lix xaqalil q’axal wi’chik chiruheb’ li ralaleb’ li winq—

45 Chi jo’kan a’an ^atixrachle xk’ihaleb’ li tenamit; eb’ li rey te’xtz’ap xtz’uumaleb’ re chiru, xb’aan naq li k’a’ru moko yeeb’il ta reheb’ te’ril; ut li k’a’ru moko rab’ihomeb’ ta te’xk’oxla.

46 Chi yaal, chi yaal, ninye eere, chixjunil li k’a’aq re ru a’in taachalq chi yaal, jo’ chanru ajwi’ naq kixtaqla we li Yuwa’b’ej. Toja’ naq taatz’aqloq ru li sumwank li ki’ok wi’ li Yuwa’b’ej sa’ sumwank rik’in lix tenamit; toja’ ut naq eb’ lin tenamit te’wanq wi’chik rochoch ^aJerusalen, ut a’an taawanq choq’ xch’och’il li reechanihomeb’.