1 Ao e a koro bukina bwa e tuangiia aomata ake a uanao bwa a na katoka aia tataro, ma ana reirei naba. Ao e tuangiia bwa a na aki toki n ^atataro inanoia.

2 Ao e tuangiia bwa a na teirake man tei iaon waeia. Ao a teirake man tei iaon waeia.

3 Ao e a koro bukina bwa e bwenaua te kariki riki ao e kakabwaia, ao e anganiia ana reirei bwa a na kanna.

4 Ao ngke a tia ni kanna e tuangiia bwa a na bwenaua te kariki, man anganiia aomata ake a uanao.

5 Ao ngke a tia n anganiia aomata ake a uanao e anganiia naba te wain bwa a na mooi iai, ao e tuangiia bwa a na anganiia aomata ake a uanao.

6 Ngkai, bon akea te ^akariki, ao akea naba te wain, ae uotaki irouia reirei, ao irouia naba aomata ake a uanao.

7 Ma e bon ^aanganiia ni koaua te kariki bwa a na kanna, ao te wain bwa a na mooi iai.

8 Ao e taku nakoia: Ane e ^akana te kariki aei e kana rabwatau nakon tamneina; ao ane e mooi n te wain aei e mooi n raraau nakon tamneiu; ao e na bon aki manga oki ni baki ke n taka tamneina, ma e na bon nuai.

9 Ngkai, ngke a tia aomata ake a uanao n amwarake ao ni mooi, nooria, a bon kaonaki n te Tamnei; ao a bon tang n takarua n te bwanaa ae ti teuana, ma n neboa Iesu, are a bon nooria man ongo bwanaana.

10 Ao e a koro bukina bwa ngke a bane n tia n angan Iesu neboana, e taku nakoia: Nooria ngkai e a tia te tua are e a tia n tuangai te Tama ni kaineti ma te botanaomata aio, are nikiraia kaain te bata are Iteraera.

11 Kam uringnga bwa I a tia n taetae nakoimi, ma ni kangai bwa ngkana a kakoroaki bukin ana ^ataeka ^bItaia—nooria a bon koreaki, iai iroumi imatami, ngaia are ukoukori.

12 Ao e koaua, e koaua, I tuangkami, bwa ngkana a kakoroaki bukiia ao ngkanne a kakoroaki bukin taian ^aberita aika a tabu are e karaoia te Tama nakoia ana botanaomata, O te bata are Iteraera.

13 Ao ngkanne, a na bon ^amaenako iaon te aonaba ^bnikiraia, ao a na manga ^cikotaki mai mainiku ao ma i maeao, ao mai maiaki, ao mai meang; ao a na bon kairaki nakon ^dataakin te Uea ae Atuaia, are e kabooia.

14 Ao e a tia n tuangai te Tama bwa N na riai n anganingkami te ^aaba aei, bwa ami bwai.

15 Ao I taku nakoimi, bwa ngkana aki ^arairinanoia Tientaire i mwin te kakabwaia are a na karekea, i mwin are a kamaenakoia au botanaomata—

16 Ao ngkanne ngkami, ake nikiraia kaain te bata are Iakobwa, nako buakoia; ao kam na mena i buakoia ao a na mwaiti aia koraki; ao kam na mena i buakoia n aiaron te raian i buakoia manin nako te buakonikai, ao n aron te ^araian te teei i buakoia nanai n tiibu, are ngkana e mwananga i buakoia ao e na ^btoubekaia man raebitia, ao bon akea ae kona ni kamaiuia.

17 E na tabekaki rake baim i aoia aiam, ao ni kabane am kairiribai a na tewenakoaki.

18 Ao N na ^aikotiia au botanaomata n ikotiia n aron te aomata ngkana e ikota ana wiita iaon tano.

19 Bwa N na karaoa au botanaomata ake e a tia te Tama ni karaoa te berita ae tabu mangaia, eng, N na karaoi koroia bwa e na riki bwa te ^abiti ae matoatoa, ao N na karaoi ukin rangaia bwa te buraati. Ao kam na batiboia aomata aika a mwaiti ao N na katabua aia raka nakon te Uea, ao aia bwai nakon Uean te aonaba ni kabuta. Ao nooria, bon Ngai ae I karaoi.

20 Ao e na koro bukina bwa, e taku te Tama, bwa ^akabaangin ana momotiraoi e na tine i aoia n te bong arei; ao ngkana aki rairinanoia ao e na bwaka i aoia, e taku te Tama, eng, i aoia abaia Tientaire nako.

21 Ao e na koro bukina bwa N na kateia au ^abotanaomata, O te bata are Iteraera.

22 Ao nooria, N na kateirakeia au botanaomata n te aba aio, ibukin kakoroan bukin te ^aberita ae tabu are I karaoia ma tamami are Iakobwa; ao e na riki bwa ^bIerutarem ae boou. Ao e na mena i buakoia te botanaomata aio te mwaaka mai karawa; eng, ^cN na bon mena naba i buakomi.

23 Nooria, boni Ngai are e taekinna Mote, ngke e kangai, E na kateirakea ^ate burabeti te Uea ae Atuami i buakomi ma i buakoia tarimi, ae aekakiu; kam na ongo irouna ni bwaai ni kabane ni bwaai nako ake e na taekin nakoimi. Ao e na koro bukina bwa ni kabane aomata ake aki ongo iroun te burabeti anne a na teweaki nako mai i buakoia aomata.

24 E koaua ae I tuangkami, eng, ni ^akabane burabeti mai iroun Tamuera ao ake a rimwina, ni kabane ake a tia n taetae ma ni kakoaua ibukiu.

25 Ao nooria, ngkami natia burabeti; ao ngkami kaain te bata are Iteraera; ao ngkami kaain te ^aberita are e tabu are e karaoia te Tama ma ami bakatibu, ni kangai nakon Aberaam: Ao e na kakabwaiaki te aonaba ^bman am kariki.

26 E a tia te Tama ni kateirakeai moa ibukimi, ao e kanakoai bwa N na kakabwaiaingkami bwa kam na ^atannako ngkami ni kabane n tatabemaningkami man ami bure; ao e riki aio ibukina bwa ataein te berita ae tabu ngkami.

27 Ao i mwin are kam a kakabwaiaki ao e a kakoroaki bukin te berita ae tabu are e karaoia te Tama ma Aberaam, ni kangai: A na kakabwaiaki ni kabane kaain te aonaba ^aman am kariki—n te aro are e a bwaro te Tamnei ae Raoiroi i aoia Tientaire mai irou are te kakabwaia i aoia ^bTientaire are e na kakorakoraia bwa a na korakora ao a na kamaenakoia au botanaomata, O te bata are Iteraera.

28 Ao a na riki bwa ^abwaai ni karawawata nakoia aomatan te aba aio. Ma e ngae n anne ngkana a tia ni karekea bwaninin au euangkerio, ao ngkanne ngkana a kamatoai nanoia ni kaitaraai ao N na manga kaoki aia bure nako aon atuuia, e taku te Tama.

29 Ao N na ^auringa te berita ae tabu are I a tia ni karaoia ma au botanaomata; ao I a tia ni karaoa te berita ae tabu mangaia bwa N na ^bikotiia n te tai are I taku, bwa N na manga anganiia riki te ^caba are abaia aia bakatibu bwa aia bwai, are bon te aba are ^dIerutarem, are te aba ni berita ibukiia n aki toki, e taku te Tama.

30 Ao e na koro bukina bwa e na roko te tai, are e na taekinaki bwaninin au euangkerio nakoia;

31 Ao a na ^akakoauai, bwa Ngai Iesu Kristo, Natin te Atua, ao man tataro nakon te Tama n arau.

32 Ao aia ^ataan tararua a na tabekirake bwanaia, ao a na ikotii bwanaia n anene; bwa a na bon nooria n oin mataia.

33 Ao ngkanne e na manga ikotiia te Tama, man anganiia Ierutarem bwa abaia ni bwaibwai.

34 Ao a na takarua n anene ma te kimwareirei—Ikotaki n ^aanene, taabo aika a kamaroa i Ierutarem; bwa e a tia te Tama ni karau nanoia ana botanaomata, e a tia ni kabooa Ierutarem.

35 E a tia ni kaota baina ae tabu te Tama imataia aaba nako ni kabane; ao a na bane tokin aonaba n noora ana kamaiu te Tama; ao N na katiteuanaki ma te Tama.

36 Ao ngkanne e na kakoroaki bukin are e koreaki: ^aUti, uti riki ao katoka korakoram, O Tion; katokai kunnikaim aika a tikiraoi, O Ierutarem, te kaawa ae bubura ae tabu, bwa man te tai aei ao akea ae e na manga kawariko ae tuai ni korotobibiaki ao e bareka.

37 Ioiko man te bubu; teirake, tekateka, O Ierutarem; kabwarako ma ni kabaean roroam, O natin Tion te aine ae ko kabureaki.

38 Bwa e taku te Uea: Kam a tia ni kaboonakoingkami ibukin te akea, ao ko na kabooaki n akea te mwane.

39 E koaua, e koaua, ae I tuangkami, bwa au botanaomata a na ataa arau; eng, n te bong anne ao a a na ataia bwa Ngai ae I taetae.

40 Ao ngkanne a na kangai; ^aAi tamaroara i aoni maunga waen teuare e uoti rongorongo aika raraoi nakoia, ae ^btataekina te rau; man uouoti rongorongo aika raroi nakoia ake a raoiroi, man tataekina te kamaiuaki; are e taku nakon Tion: E tautaeka Atuam!

41 Ao ngkanne e na iai te takarua: ^aNako ngkoe, nako ngkoe, nako ma ikanne, tai riinga te bwai ae ^bbareka; nako ngkoe mai irouna; ko na ^citiaki ngkoe ae ko uouoti ana bwai ni mwakuri te Uea.

42 Bwa ko na bon ^aaki kitanna ma te kawaekoa ke ni birinako; bwa e na rimoam te Uea, ao Atuan Iteraera e na mena ibukim.

43 Nooria, e na babaire au toro ma te wanawana; e na karietataki ma n neboaki i eta ma n anganaki te rietata.

44 Ao a mwaiti ake a mimiakina—e tarabuaka aron tein ubuna, riki nakoia aomata nako, ao aron naba rabwatana nakoia natia aomata mwaane.

45 Ao e na ^akatimtim i aoia aaba aika a mwaiti; Uea a na kain wiia mai irouna, bwa bwaai ake a tuai man tuangaki a na bon noori; ao te bwai are a bon tuai n ongo a na iangoia.

46 E koaua, e koaua ae I tuangkami, bwaai aikai a na bon riki, n aron are e tuangai te Tama. Ao ngkanne te berita ae tabu aio are e berita n ae tabu iai te Tama ma ana botanaomata a na kakoroaki bukiia; ao ngkanne ^aIerutarem e na manga kaainaki irouia au botanaomata, ao e na riki bwa abaia ni bwaibwai.