Ebʼ li loqʼlaj hu
3 Nefi 19


Ch’ol 19

Eb’ li kab’laju tzolom neke’k’anjelak chiru li tenamit ut neke’tijok re xk’ulb’al li Santil Musiq’ej—Eb’ li tzolom neke’kub’e xha’ ut neke’xk’ul li Santil Musiq’ej ut xk’anjeleb’ li anjel—Li Jesus natijok rik’in aatin li ink’a’ naru xtz’iib’ankil—Naxye xyaalal li paab’aal numtajenaq nim reheb’ laj Nefita a’in. Wan na 34 chihab’ xyo’lajik li Kristo.

1 Ut anajwan kik’ulman naq chirix naq li Jesus kitaqe’ sa’ choxa, ke’xjek’i rib’ li ch’utch’uukil tenamit, ut li junjunq chi winq kixk’am rixaqil ut xkok’al chirix ut kisutq’i sa’ tz’aqal rochoch.

2 Ut kijek’iman resil sa’ junpaat sa’ xyanqeb’ li tenamit, naq maji’ naq’ojyino’, naq eb’ li ch’utch’uukil tenamit ke’ril chaq li Jesus, ut naq a’an kik’anjelak chaq chiruheb’, ut naq tixk’ut ajwi’ rib’ wulajaq chik chiru li ch’utch’uukil tenamit.

3 Relik chi yaal, ut chiru ajwi’ chixjunil li q’ojyin kijek’iman resil chirix li Jesus, ut jo’ chanru ke’xtaqla resil reheb’ li tenamit, jo’kan naq ke’wan naab’al, relik chi yaal, numtajenaq xk’ihal rajlankileb’, ke’k’anjelak chi numtajenaq chiru chixjunil li q’ojyin a’an, re naq wulajaq chik taaruuq te’wanq sa’ li na’ajej b’ar wi’ li Jesus tixk’utb’esi rib’ chiru li ch’utch’uukil tenamit.

4 Ut kik’ulman naq wulajaq chik, naq ak ch’utub’anb’il li k’iila tenamit, k’ehomaq reetal, laj Nefi ut li riitz’in li kixwaklesi chaq sa’ xyanqeb’ li kamenaq, laj Timoteo xk’ab’a’, ut jo’kan ajwi’ li ralal, laj Jonas xk’ab’a’, ut jo’kan ajwi’ laj Matoni, ut laj Matonihah, li riitz’in, ut laj Kumen, ut laj Kumenonhi, ut laj Jeremias, ut laj Xemnon, ut laj Jonas, ut laj Sedekias, ut laj Isaias—anajwan a’ineb’ lix k’ab’a’eb’ li tzolom li kixsik’ chaq ru li Jesus—ut kik’ulman naq eb’ a’an xkoheb’ ut ke’xaqli sa’ xyi li ch’utch’uukil tenamit.

5 Ut k’ehomaq reetal, k’a’jo’ xnimal li ch’utch’uukil tenamit, jo’kan naq ke’xtaqla xjachb’aleb’ sa’ kab’laju ch’uut.

6 Ut eb’ li ka’blaju ke’xtzol li ch’utch’uukil tenamit, ut k’ehomaq reetal, ke’xtaqla naq eb’ li ch’utch’uukil tenamit te’wiq’laaq sa’ xb’een li ch’och’, ut naq te’tijoq chiru li Yuwa’b’ej sa’ lix k’ab’a’ li Jesus.

7 Ut eb’ li tzolom ke’tijok ajwi’ chiru li Yuwa’b’ej sa’ lix k’ab’a’ li Jesus. Ut kik’ulman naq ke’wakli ut ke’k’anjelak chiru li tenamit.

8 Ut chirix naq ke’xk’ut chiruheb’ li aatin ajwi’ a’an li kixye chaq li Jesus—chi maajun xjalb’al ru li aatin kixye chaq li Jesus—k’ehomaq reetal, ke’wiq’la wi’chik ut ke’tijok chiru li Yuwa’b’ej sa’ lix k’ab’a’ li Jesus.

9 Ut ke’tijok re xk’ulb’al li k’a’ru k’a’jo’ ajb’il xb’aaneb’, ut ke’raj naq li aSantil Musiq’ej taak’eemanq reheb’.

10 Ut chirix naq ke’tijok chi jo’kan, ke’kub’e chire li ha’, ut eb’ li ch’utch’uukil tenamit ke’xtaaqeheb’.

11 Ut kik’ulman naq laj Nefi kikub’e asa’ li ha’ ut kikub’e xha’.

12 Ut kitaqe’ chaq sa’ li ha’, ut ki’ok chi kub’sink ha’. Ut kixkub’siheb’ xha’ chixjunileb’ li kixsik’eb’ chaq ru li Jesus.

13 Ut kik’ulman naq chirix naq ake’kub’e xha’ chixjunileb’ ut ke’taqe’ chaq sa’ li ha’, kikub’e li Santil Musiq’ej sa’ xb’eeneb’, ut ke’nujak rik’in li bSantil Musiq’ej ut rik’in xam.

14 Ut k’ehomaq reetal, ake’sute’ rix chanchan xb’aan xam; ut kikub’e chaq sa’ choxa, ut eb’ li ch’utch’uukil tenamit ke’ril, ut ke’xch’olob’ xyaalal; ut eb’ li anjel ke’kub’e chaq sa’ choxa ut ke’k’anjelak chiruheb’.

15 Ut naq yookeb’ li anjel chi k’anjelak chiruheb’ li tzolom, k’ehomaq reetal, kik’ulman naq li Jesus kichal ut kixaqli sa’ xyanqeb’ ut kik’anjelak chiruheb’.

16 Ut kik’ulman naq a’an kiraatina li ch’utch’uukil tenamit, ut kixtaqla naq te’wiq’laaq wi’chik chi ch’och’, ut jo’kan ajwi’ naq te’wiq’laaq lix tzolom chi ch’och’.

17 Ut kik’ulman naq chirix naq ke’wiq’la chixjunileb’ chi ch’och’, a’an kixtaqlaheb’ lix tzolom naq te’tijoq.

18 Ut k’ehomaq reetal, eb’ a’an ke’ok chi tijok, ut ke’tijok chiru li Jesus, ke’xye naq a’an lix Qaawa’ ut lix Dios.

19 Ut kik’ulman naq li Jesus ki’el chaq sa’ xyanqeb’, ut kixnajtob’resi rib’ ka’ch’in rik’ineb’, ut kixkub’si rib’ chi ch’och’, ut kixye:

20 At inYuwa’, ninb’antioxi aawe naq xak’e li Santil Musiq’ej reheb’ a’in li keb’insik’ ru; ut a’an xb’aan xpaab’aaleb’ chiwix naq keb’insik’ chaq ru sa’ xyanqil li ruchich’och’.

21 At inYuwa’, nintz’aama chawu naq taak’e li Santil Musiq’ej reheb’ chixjunil li te’paab’anq re li raatineb’.

22 At inYuwa’, kak’e reheb’ li Santil Musiq’ej xb’aan naq nikine’xpaab’; ut nakawil naq nikine’xpaab’ xb’aan naq nakawab’iheb’, ut neke’tijok chiwu; ut neke’tijok chiwu xb’aan naq wankin rik’ineb’.

23 Ut anajwan at inYuwa’, nintijok chawu chirixeb’, ut chirix ajwi’ chixjunileb’ li te’paab’anq re li raatineb’, re naq eb’ a’an taaruuq tine’xpaab’, re naq tinwanq laa’in rik’ineb’ a’an ajo’ chanru naq laa’at, at inYuwa’, wankat wik’in, re naq bjunajaqo.

24 Ut kik’ulman naq chirix naq li Jesus kitijok chi jo’kan chiru li Yuwa’b’ej, kichal rik’ineb’ lix tzolom, ut k’ehomaq reetal, toj ke’wan chi tijok chiru chi ink’a’ neke’xkanab’; ut ink’a’ ake’xtamresi k’iila aatin, xb’aan naq kik’eeman reheb’ k’a’ru bte’tijoq wi’, ut ke’nujak rik’in x’anchalil li rajomeb’.

25 Ut kik’ulman naq li Jesus kirosob’tesiheb’ naq yookeb’ chi tijok chiru; ut sa xse’ li arilob’aal naq kirileb’, ut lix saqenkil li rilob’aal kilemtz’un chiruheb’, ut k’ehomaq reetal, eb’ a’an ke’wan bxsaqalil ru jo’ chanru li rilob’aal ut jo’kan ajwi’ li raq’ li Jesus; ut k’ehomaq reetal, lix saqalil ru kixq’ax ru chixjunil li saqalil; relik chi yaal, ink’a’ ajwi’ kiru kiwan k’a’ruhaq sa’ xb’een li ruchich’och’ li k’a’jo’ xsaqal jo’ chanru xsaqalil a’an.

26 Ut li Jesus kixye reheb’: Toj tijonqex; a’ut eb’ a’an ink’a’ ke’xkanab’ tijok.

27 Ut ki’el wi’chik rik’ineb’, ut kixnajtob’resi rib’ ka’ch’in ut kixkub’si rib’ chi ch’och’; ut kitijok wi’chik chiru li Yuwa’b’ej, ut kixye:

28 At inYuwa’, ninb’antioxi aawe naq axasaqob’resiheb’ ru li ani keb’insik’ ru, xb’aan xpaab’aaleb’, ut nintijok chirixeb’, ut chirixeb’ ajwi’ li te’paab’anq re li raatineb’, re naq te’saqob’resiiq ru wik’in, xb’aan xpaab’ankil li raatineb’, jo’ chanru naq saqob’resinb’ileb’ ru a’an wik’in.

29 At inYuwa’, moko nintijok ta choq’ re li ruchich’och’, choq’ reheb’ b’an li ani asa’ li ruchich’och’ kak’e chaq we, xb’aan xpaab’aaleb’, re naq saqob’resinb’ilaqeb’ ru wik’in, re naq tinwanq rik’ineb’ a’an jo’ chanru naq laa’at, at inYuwa’, wankat wik’in, re naq junajaqo, re naq taaruuq taanimaaq inloq’al rik’ineb’.

30 Ut chirix naq li Jesus kixye li aatin a’in kichal wi’chik rik’ineb’ lix tzolom; ut k’ehomaq reetal naq anchaleb’ xch’ool chi tijok chiru, chi ink’a’ neke’xkanab’; ut a’an kirileb’ wi’chik chi sa xse’; ut k’ehomaq reetal naq asaqeb’ ru a’an, chanchan ajwi’ li Jesus.

31 Ut kik’ulman naq a’an kixnajtob’resi wi’chik rib’ ka’ch’in, ut kitijok chiru li Yuwa’b’ej;

32 Ut li ru’uj aq’ej ink’a’ naru chixyeeb’al li aatin kitijok wi’, chi moko naru anatz’iib’aak xb’aan winq li aatin kitijok wi’.

33 Ut eb’ li ch’utch’uukil tenamit ke’rab’i, ut neke’xch’olob’ xyaalal; ut ke’tehe’ xch’ooleb’ ut ke’xtaw ru sa’ xch’ooleb’ li aatin kitijok wi’.

34 A’b’anan k’a’jo’ xnimal ru ut xsachb’a-ch’oolejil li aatin kitijok wi’, jo’kan naq ink’a’ naru natz’iib’aman, chi moko naru anayehe’ xb’aan li winq.

35 Ut kik’ulman naq chirix naq li Jesus kiraqe’ chi tijok, kichal wi’chik rik’ineb’ lix tzolom, ut kixye reheb’: Maajun wa wilom jo’ xnimal li apaab’aal a’in sa’ xyanqeb’ chixjunileb’ laj Judio; jo’kan naq ink’a’ kiru kink’ut chiruheb’ xnimal li sachb’a-ch’oolej a’in, xb’aan bxmaak’a’il lix paab’aaleb’.

36 Chi yaal ninye eere, maajun reheb’ wan li kiril xninqal ru li k’a’aq re ru keril laa’ex, chi moko ke’rab’i xninqal ru li k’a’aq re ru kerab’i laa’ex.