1 Na sasa ikawa kwamba wakati Yesu alipokuwa amemaliza maneno haya alizungusha macho yake karibu hapo kwa umati, na akawaambia: Tazameni, mmesikia vitu ambavyo nilifundisha kabla ya kupaa juu kwa Baba yangu; kwa hivyo, yeyote akumbukaye maneno haya yangu na ^akuyafanya, yeye ^bnitamwinua juu katika siku ya mwisho.

2 Na ikawa kwamba wakati Yesu alipokuwa amesema maneno haya aliona kwamba kulikuwa na wengine miongoni mwao ambao walistaajabu, na kushangaa kile alichotaka kufanya na ^asheria ya Musa; kwani hawakuelewa msemo uliosema kwamba vitu vya kale vilikuwa vimepita, na kwamba vitu vyote vilikuwa vimekuwa vipya.

3 Na akawaambia: Msistaajabu kwamba nilisema vitu vya kale vilikuwa vimepita, na kwamba vyote vilikuwa vimekuwa vipya.

4 Tazama, ninawaambia kwamba ^asheria imetimizwa ambayo alipewa Musa.

5 Tazama, ni ^amimi niliyempa ile sheria, na ni mimi niliyeagana na watu wangu Israeli; kwa hivyo, sheria imetimizwa ndani yangu, kwani nimekuja ^bkutimiza sheria; kwa hivyo imefika mwisho.

6 Tazama, ^asiharibu maandishi ya manabii, kwani kadiri mengi ambayo hayajatimizwa ndani yangu, kweli nawaambia, yote yatatimizwa.

7 Na kwa sababu niliwaambia kwamba vitu vya kale vimepita, siharibu ile ambayo imezungumzwa kuhusu vitu ambavyo vinakuja.

8 Kwani tazama, ^aagano ambalo nimefanya na watu wangu lote halijatimizwa; lakini sheria ambayo ilipewa Musa imemalizika kwa sababu yangu.

9 Tazama, Mimi ndiye ^asheria, na ^bnuru. Nitazameni mimi, na mvumilie hadi mwisho, na ^cmtaishi; kwani kwa yule ambaye ^dhuvumilia hadi mwisho nitampatia uzima wa milele.

10 Tazama, nimewapatia amri; kwa hivyo tiini ^aamri zangu. Na hii ni sheria na maandishi ya manabii, kwani ^bwalinishuhudia kwa ukweli.

11 Na sasa ikawa kwamba wakati Yesu alipokuwa amezungumza maneno haya, aliwaambia wale kumi na wawili ambao alikuwa amewachagua:

12 Ninyi ni wanafunzi wangu; na ninyi ni nuru kwa hawa watu, ambao ni baki la nyumba ya ^aYusufu.

13 Na tazama, hii ni ^anchi ya urithi wenu; na Baba amewapatia.

14 Na kamwe hakuna wakati wowote ambao Baba amenipatia amri kwamba ^aniwaambie ndugu zenu katika Yerusalemu.

15 Wala katika muda wowote Baba hajanipa amri kwamba niwaambie kuhusu ^amakabila mengine ya nyumba ya Israeli, ambao Baba amewaongoza mbali kutoka nje ya nchi.

16 Hiki kiasi Baba aliniamuru, kwamba ningewaambia:

17 Kwamba kondoo wengine ninao ambao si wa zizi hili; na hao nao imenipasa kuwaleta, na watasikia sauti yangu; na kutakuwa na kundi moja, na ^amchungaji mmoja.

18 Na sasa, kwa sababu ya shingo ngumu na kutoamini, ^ahawakuelewa maneno yangu; kwa hivyo, niliamrishwa na Baba nisiwaambie zaidi kuhusu kitu hiki.

19 Lakini kweli, nawaambia kwamba Baba ameniamuru, na nawaambia kwamba mlitenganishwa kutoka miongoni mwao kwa sababu ya uovu wao; kwa hivyo ni sababu ya uovu wao kwamba hawajui chochote kuwahusu.

20 Na kweli, nawaambia tena kwamba makabila mengine yametengwa na Baba kutoka kwao; na ni kwa sababu ya uovu wao kwamba hawajui chochote kuwahusu.

21 Na kweli nawaambia, kwamba ni ninyi ambao nilisema: Kondoo ^awengine ninao ambao sio wa zizi hili; hao nao ninapaswa kuwaleta, na watasikia sauti yangu; na kutakuwa na kundi moja, na mchungaji mmoja.

22 Na hawakunielewa, kwani walidhani kwamba nilizungumza kuhusu Wayunani; kwani hawakuelewa kwamba ^aWayunani ^bwatageuka kupitia mahubiri yao.

23 Na hawakunielewa kwamba nilisema wataelewa sauti yangu; na hawakunielewa kwamba ^aWayunani hawataisikia sauti yangu wakati wowote—kwamba sitajidhihirisha kwao isipokuwa kupitia kwa ^bRoho Mtakatifu.

24 Lakini tazama, nyote mmesikia ^asauti yangu, na kuniona; na ninyi ni kondoo wangu, na mmehesabiwa miongoni mwa wale ambao Baba ^bamenipatia.