3 Nifai 15
    Footnotes
    Theme

    Wase 15

    Sa vakarorogotaka ko Jisu ni sa vakayacora ko Koya na lawa i Mosese—Sa i ira na Nifaiti na so tani tale na sipi ka a vosa kina ko Koya mai Jerusalemi—Era sa sega ni kila na nona tamata na Turaga mai Jerusalemi na sipi ni Isireli era sa veiseyaki tu ena vuku ni nodra cakacala. Rauta na 34 S.K.

    1 Ka sa yaco ni sa tinia na nona vosa ko Jisu, sa vakaraici ira na lewevuqa ka kaya kivei ira: Raica, ko ni sa rogoca na noqu ivakavuvuli ni bera ni’u lako cake vei Tamaqu; ia ko koya yadua sa nanuma ka amuria na noqu ivakavuvuli, au na bvakaturi koya cake ena siga mai muri.

    2 Ka sa yaco ni sa cavuta oti na vosa oqo ko Jisu, sa kila ni tiko ena kedra maliwa e so era sa lecava ka kurabuitaka na ka sa tukuna me baleta na alawa i Mosese; era sa sega ni kila na ibalebale ni nona kaya ni sa takali yani na veika makawa, ka sa yaco ni sa vou na ka kecega.

    3 A sa kaya vei ira: Mo ni kakua ni kurabui ni’u sa kaya vei kemuni ni sa takali yani na veika makawa, ka sa yaco ni sa vou na ka kecega.

    4 Raica, au sa kaya vei kemuni, sa vakayacori taucoko na alawa ka a soli vei Mosese.

    5 Raica sai aau ga ka’u a solia na lawa, ka sai au sa veiyalayalati kei ira na noqu tamata na Isireli; o koya au sa vakayacora kina na lawa ka ni’u a lako mai me’u bvakayacora na lawa; o koya sa mai cava kina.

    6 Raica au sa asega ni vakacacana na nodra ivakavuvuli na parofita, ni sa vuqa na nodra ivakavuvuli e sa bera ni vakayacori vei au, ia au sa kaya vakaidina vei kemuni, ena yaco mada na ka kecega.

    7 Ia ni’u sa kaya vei kemuni ni sa takali yani na veika makawa, au sega ni vakarusa kina na veika sa tukuni tu ni na yaco mai.

    8 Ia raica, e sa bera ni vakayacori taucoko na aveiyalayalati ka’u a cakava vei ira na noqu tamata; ia sa mai cava ga vei au na lawa e a soli vei Mosese.

    9 Raica, koi Au na alawa kei na brarama. Mo ni muri au ka vosota me yacova na ivakataotioti, mo ni na cbula kina; ia ko koya sa dvosota me yacova na ivakataotioti, au na solia vua na bula tawamudu.

    10 Raica, au sa solia vei kemuni na aivunau; ia mo ni talairawarawa ki na noqu ivunau. Raica sai koya oqo na lawa kei na nodra ivakavuvuli na parofita ka rau sa btukuni au vakaidina.

    11 Ka sa yaco ni sa cavuta oti na vosa oqo ko Jisu, sa qai kaya vei iratou na le tinikarua sa digitaka ko koya:

    12 Oi kemudou na noqu tisaipeli; ka dou sa nodra rarama na tamata oqo, ko ira na ivovo ni mataqali i aJosefa.

    13 Ia raica, na avanua oqo sa nomudou ivotavota vakawa; ka sa solia o Tamaqu mo dau taukena.

    14 Ia e a sega vakadua ni vakaroti au ko Tamaqu me’u atukuna vei ira na wekamuni sa tiko mai Jerusalemi.

    15 E sega vakadua tale ga ni vakaroti au ko Tamaqu me’u tukuni ira na ayavusa tale eso ni mataqali i Isireli sa kauti ira tani mai ke ya ko Tamada.

    16 Ia oqo ga na ka sa vakarota ko Tamaqu me’u tukuna vei ira:

    17 Ni so tani tale na noqu sipi, era sa sega ni tiko ena bai oqo; sa kilikili me’u kauti ira tale ga mai, a ra na rogoca na domoqu; ena qai duabau ga na qele ni sipi, ka duabau ga na aivakatawa.

    18 Ia era sa sega ni akila na noqu vosa, ena vuku ni domodomoqa kei na tawavakabauta; a sa vakaroti au kina ko Tamaqu me’u kakua tale ni tukuna vei ira e dua na ka me baleta na ka oqo.

    19 Ia e dina, au sa kaya vei kemudou, sa vakaroti au ko Tamaqu, ka’u sa tukuna vei kemudou ni dou a tawasei tani mai vei ira ena vuku ni nodra caka cala; ena vuku gona ni nodra cakacala era sa sega kina ni kilai kemuni.

    20 Ia au sa kaya vakaidina vei kemudou, ena vuku ni nodra cakacala, era sa sega tale ga ni kilai ira kina na yavusa tale e so sa tawasei ira tani ko Tamada mai vei ira.

    21 Au sa kaya vakaidina vei kemudou, sai kemuni ga au sa kaya kina vakaoqo: E so atani tale na noqu sipi, era sa sega ni tiko ena bai oqo; sa kilikili me’u kauti ira tale ga mai, a ra na rogoca na domoqu; ena qai duabau ga na qele ni sipi, ka duabau ga na ivakatawa.

    22 Ia era sa sega ni kila na ibalebale ni noqu vosa ni ra sa nanuma ni’u sa tukuni ira na aMatanitu Tani; ia era sa sega ni kila ni ra na bsaumaki mai na kai Matanitu Tani ena vuku ni nodra vunau.

    23 Ia era sa sega ni kila na ibalebale ni noqu kaya ni ra na rogoca na domoqu; era sa sega tale ga ni kila ni na sega ni rogo na domoqu vei ira na aMatanitu Tani—ka’u na sega ni vakaraitaki au vei ira, vakavo ga ena bYalo Tabu.

    24 Ia raica, ko ni sa rogoca na adomoqu, ka raici au; ko ni sa noqu sipi ka ko ni sa wili vata kei ira sa bsolia vei au ko Tamada.