Ebʼ li loqʼlaj hu
3 Nefi 14


Ch’ol 14

Li Jesus naxtaqla: Mexraqok aatin; chextz’aamanq chiru li Dios; k’ehomaqeb’ reetal li profeet aj b’alaq’—Naxyeechi’i li kolb’a-ib’ reheb’ li te’b’aanunq re li rajom li Yuwa’b’ej. Chi’ilmanq sa’ Mateo 7. Wan na 34 chihab’ xyo’lajik li Kristo.

1 Ut anajwan kik’ulman naq chirix naq li Jesus kixye li aatin a’in kixsutq’isi wi’chik li rilob’aal rik’in li ch’utch’uukil tenamit, ut kixte wi’chik xtz’uumal re chiruheb’, ut kixye: Chi yaal, chi yaal, ninye eere, amexraqok aatin re naq ink’a’ taaraqe’q aatin cherix.

2 aXb’aan naq rik’in li raqb’a-aatin nekexraqok wi’ aatin, taaraqe’q aatin cherix; ut rik’in li b’isleb’ nekexb’isok wi’, taab’ise’q wi’chik choq’ eere.

3 Ut k’a’ naq nakak’e reetal li mul wan sa’ xsa’ ru laa was aawiitz’in, a’ut ink’a’ nakak’oxla li tz’amb’a wan sa’ xsa’ aawu laa’at?

4 Malaj ut chanru tab’i’ taaye re laa was aawiitz’in: Wisihaq wan li mul sa’ xsa’ aawu—ut k’e reetal wan jun tz’amb’a sa’ xsa’ aawu laa’at?

5 At aj ka’pak’al-u, isi chaq xb’een wa li atz’amb’a sa’ xsa’ aawu; toja’ ut naq saqen ru naq tat-iloq re risinkil li mul wan sa’ xsa’ ru laa was aawiitz’in.

6 Meek’e li k’a’ru asant reheb’ li tz’i’, chi moko chekut lee saqi lemtz’ q’ol chiruheb’ li aaq, maare anchal te’xyeq’i rub’el roqeb’, ut te’xsutq’isi wi’chik rib’ ut texxt’upiheb’.

7 aChextz’aamanq, ut taak’eemanq eere; chexsik’oq, ut textawoq; chextoch’oq, ut taateemanq cheru.

8 Xb’aan naq yalaq ani natz’aaman, nak’uluk; ut li ani nasik’ok, natawok; ut chiru ani natoch’ok, taateemanq.

9 Malaj ut ani chi winq wan eere, wi li ralal tixtz’aama xkaxlan wa, li tixk’e junaq pek re?

10 Malaj wi tixtz’aama junaq kar, ma tixk’e tab’i’ junaq k’anti’ re?

11 Wi ut laa’ex, li ink’a’ usex, nekenaw xk’eeb’al chaab’il maatan reheb’ lee ralal eek’ajol, ma ink’a’ toja’ chik lee Yuwa’ li wan sa’ choxa tixk’e k’a’aq re ru chaab’il reheb’ li neke’tz’aaman chiru?

12 Jo’kan ut, chixjunil li k’a’aq re ru li b’arwan teeraj naq te’xb’aanu li winq eere, jo’kan ajwi’ acheb’aanu laa’ex reheb’ a’an, xb’aan naq a’in li chaq’rab’ ut eb’ li profeet.

13 Chex’okaq sa’ li aokeb’aal laatz’, xb’aan naq bnim ru li okeb’aal, ut helho ru li b’e li naxik sa’ li sache’k, ut naab’aleb’ wan li neke’ok chiru;

14 Xb’aan naq laatz’ li aokeb’aal, ut bka’ch’in ru li b’e, li naxik sa’ li yu’amej, ut cmoko k’iheb’ ta li neke’tawok re.

15 Cheril eerib’ chiruheb’ li ab’alaq’il profeet, li neke’chal eerik’in sa’ raq’ li karneer, a’b’an sa’ xch’ooleb’, a’aneb’ xojb’ aj ti’onel.

16 Teenaweb’ ru rik’in li neke’uuchin wi’. Ma neke’xxok tab’i’ li winq li uva chiru k’ix, malaj li higo chiru li tun k’ix?

17 Chi jo’kan, chixjunil li chaab’il che’ chaab’il li naruuchini; a’b’an jun che’ moko chaab’il ta ink’a’ us li naruuchini.

18 Jun chaab’il che’ ink’a’ naru naruuchini li ink’a’ us, chi moko junaq che’ moko chaab’il ta taaruuchini li chaab’il.

19 Chixjunil lix toonal li che’ li amoko naruuchini ta li chaab’il, nayok’e’ chaq, ut nakute’ sa’ xam.

20 Jo’kan ut, rik’in li aneke’uuchin wi’ teenaweb’ ru.

21 Moko chixjunil ta li naxye we, Qaawa’, Qaawa’, taa’ok sa’ li awa’b’ejihom re choxa; li nab’aanunk b’an re li rajom lin Yuwa’ li wan sa’ choxa.

22 Naab’al ate’xye we sa’ li kutan a’an: Qaawa’, Qaawa’, ma ink’a’ xoo’aatinak jo’ profeet sa’ laa k’ab’a’, ut sa’ laa k’ab’a’ xqisiheb’ chaq laj tza, ut sa’ laa k’ab’a’ xqab’aanu k’iila sachb’a-ch’oolejil k’anjel?

23 Toja’ ut naq tinch’olob’ laa’in chiruheb’: Maajo’q’e akinnaw eeru; belenqex chaq wik’in, ex li nekexk’anjelan maa’usilal.

24 Jo’kan ut, ani na’ab’in re lin yehom a’in ut naxb’aanu, tinjuntaq’eeta rik’in jun winq chaab’il xna’leb’, li kikab’lank re li rochoch sa’ xb’een jun asaqoonaq

25 Ut kikub’e li ahab’, ut kichal b’uut’iha’, ut ki’apun li iq’, ut kixpik’a rib’ chiru li ochoch a’an; ut bink’a’ kit’ane’ xb’aan naq k’ojob’anb’il sa’ xb’een jun saqoonaq.

26 Ut chixjunil li na’ab’ink re lin yehom a’in ut moko naxb’aanu ta, taajuntaq’eetaaq rik’in jun winq maak’a’ xna’leb’, li kikab’lank re li rochoch sa’ xb’een asamahib’

27 Ut kikub’e li hab’, ut kichal b’uut’iha’, ut ki’apun li iq’, ut kixpik’a rib’ chiru li ochoch a’an, ut kit’ane’, ut nim lix t’anik a’an.