Ebʼ li loqʼlaj hu
3 Nefi 12


Ch’ol 12

Li Jesus naxb’oq ut naxk’e xtaqlankil li kab’laju chi tzolom—Naxye reheb’ laj Nefita li aatin chanchan li aatin jultikanb’il chiru li tzuul—Naxye ani osob’tesinb’il—Li k’a’ru naxk’ut naxq’ax xwankil ut naxk’ul xna’aj lix chaq’rab’ laj Moises—Eb’ li winq taqlanb’ileb’ re naq tz’aqalaqeb’ re ru jo’ chanru naq a’an ut lix Yuwa’ tz’aqaleb’ re ru—Chi’ilmanq sa’ Mateo 5. Wan na 34 chihab’ xyo’lajik li Kristo.

1 Ut kik’ulman naq chirix naq li Jesus kixye li aatin a’in re laj Nefi, ut reheb’ li ke’b’oqe’ chaq, (anajwan, akab’laju rajlankileb’ li ke’b’oqe’ ut ke’xk’ul wankilal ut ke’k’ehe’ xwankil chi kub’sink ha’) ut k’ehomaq reetal, a’an kixye’ li ruq’ reheb’ li ch’utch’uukil tenamit, ut kixjap re chiruheb’ chixyeeb’al: bOsob’tesinb’ilex wi teek’e eexik rik’in li raatineb’ li kab’laju a’in li ckeb’insik’ chaq ru sa’ eeyanq re te’k’anjelaq cheru, ut re te’wanq choq’ eemoos; ut reheb’ a’an kink’e wankilal re te’xkub’si eeha’ rik’in ha’; ut chirix naq kub’sinb’il eeha’ rik’in ha’, k’ehomaq reetal, laa’in tinkub’si eeha’ rik’in xam ut rik’in li Santil Musiq’ej; jo’kan ut, osob’tesinb’ilex wi nikineepaab’ laa’in ut taakub’eeq eeha’, chirix naq xineeril ut xenaw naq wankin.

2 Ut jo’kan wi’chik, q’axal osob’tesinb’ileb’ wi’chik li ani ate’paab’anq re lee raatin rik’in naq teech’olob’ xyaalal naq xineeril, ut naq xenaw naq wankin. Relik chi yaal, osob’tesinb’ileb’ li ani te’paab’anq re lee raatin, ut bte’xkub’si rib’ sa’ xchamal li tuulanil ch’oolej, ut te’kub’eeq xha’, xb’aan naq eb’ a’an te’ula’aniiq crik’in xam ut rik’in li Santil Musiq’ej, ut te’xk’ul risinkil lix maakeb’.

3 Relik chi yaal, osob’tesinb’ileb’ li aneb’a’eb’ sa’ musiq’ej li bneke’chal wik’in, xb’aan naq reheb’ a’an li awa’b’ejihom re choxa.

4 Ut jo’kan wi’chik, osob’tesinb’ileb’ chixjunil li neke’yaab’ak, xb’aan naq eb’ a’an te’k’ojob’aaq xch’ool.

5 Ut osob’tesinb’ileb’ li atuulan, xb’aan naq eb’ a’an te’eechaninq re li bruchich’och’.

6 Ut osob’tesinb’ileb’ chixjunil li aneke’tz’okaak ut bneke’chaqik re chirix ctiikilal, xb’aan naq eb’ a’an te’nujob’resiiq rik’in li Santil Musiq’ej.

7 Ut osob’tesinb’ileb’ li aneke’uxtaanank, xb’aan naq eb’ a’an te’uxtaanaaq ru.

8 Ut osob’tesinb’ileb’ chixjunil li asaqeb’ ru xch’ool, xb’aan naq eb’ a’an bte’ril ru li Dios.

9 Ut osob’tesinb’il chixjunil li aneke’k’ojob’ank re li tuqtuukilal, xb’aan naq eb’ a’an bralal xk’ajol li Dios te’yehe’q re.

10 Ut osob’tesinb’ileb’ chixjunil li aneke’rahob’tesiik xb’aan ink’ab’a’ laa’in, xb’aan naq reheb’ a’an li awa’b’ejihom re choxa.

11 Ut osob’tesinb’ilex naq eb’ li winq texxhob’eb’ ut texxrahob’tesiheb’, ut te’xye li k’iila paay chi maa’us aj aatin cherix chi tik’ti’, choq’ we laa’in;

12 Xb’aan naq taawanq xnimal xsahil eech’ool ut taasaho’q eeraam chi numtajenaq, xb’aan naq nimaq aeeq’ajkamunkil sa’ choxa; xb’aan naq jo’ka’in ajwi’ ke’xrahob’tesi li profeet li ke’wan chaq xb’een wa cheru.

13 Chi yaal, chi yaal, ninye eere, nekexink’e chi wank choq’ aratz’amil li ruchich’och’; a’b’anan wi li atz’am taasachq xsahil, k’a’ ta wi’ ru taa’atz’amiiq wi’ li ruchich’och’? Maak’a’ chik taa’ok wi’ li atz’am, ka’aj chik re tz’eqe’k ut yeq’e’q rub’el roqeb’ li winq.

14 Chi yaal, chi yaal, ninye eere, nekexink’e chi wank choq’ xsaqenkil li teepal a’in. Jun tenamit k’ojk’o sa’ xb’een jun li tzuul moko naru ta xmuqb’al.

15 K’ehomaq reetal, ma neke’xloch tab’i’ li winq jun axam ut neke’xk’e rub’el chakach? Ink’a’, sa’ xna’aj li xam b’an, ut naxk’e xsaqenkil chixjunileb’ li wankeb’ sa’ li kab’l;

16 Chi jo’kan ut chekanab’ chi lemtz’unk lee asaqen chiru li tenamit a’in, re te’ruuq chirilb’al eechaab’il k’anjel ut te’xnima xloq’al lee Yuwa’ li wan sa’ choxa.

17 Meek’oxla naq chalenaqin chixsachb’al li chaq’rab’ malaj eb’ li profeet. Moko chalenaqin ta chi sachok; re b’an tz’aqob’resink ru;

18 Xb’aan naq chi yaal ninye eere, moko xnume’ ta yal ta jun xtz’iib’ul chi moko junaq xtz’uqil sa’ li achaq’rab’; wik’in b’an laa’in xtz’aqlok ru chixjunil.

19 Ut k’ehomaq reetal, xink’e eere li chaq’rab’ ut lix taqlahom lin Yuwa’, re tineepaab’, ut re teejal eek’a’uxl chirix lee maak, ut texchalq wik’in chi ayot’b’il eech’ool ut chi tuulan eemusiq’. K’ehomaq reetal, wan cheru li taqlahom, ut tz’aqlojenaq ru li bchaq’rab’.

20 Jo’kan ut, chalqex wik’in ut chexkole’q; xb’aan naq chi yaal ninye eere, naq wi ink’a’ nekepaab’ lin taqlahom, li kexintaqla wi’ sa’ li hoonal a’in, maamin tex’ok sa’ li awa’b’ejihom re choxa.

21 Eerab’ihom resil naq yeeb’il xb’aaneb’ li ke’wan chaq najter, ut tz’iib’anb’il ajwi’ cheru, naq amatkamsin, ut ani nakamsin tento tixxuwa ru lix raqb’a-aatin li Dios.

22 A’b’an laa’in ninye eere, naq ani wan xjosq’il rik’in ras riitz’in tento tixxuwa ru lix raqb’a-aatin. Ut ani nayehok re li ras riitz’in, jip, tento tixxuwa ru li ch’uut aj raqol aatin; ut ani taayehoq, Maak’a’ aana’leb’, tento tixxuwa ru xxamlel xb’alb’a.

23 Jo’kan ut, wi texchalq wik’in, malaj ut teeraj chalk wik’in, ut taajultiko’q aawe naq laa was aawiitz’in wan k’a’ruhaq nach’a’ajko’ wi’ aawik’in—

24 K’am aab’e rik’in laa was aawiitz’in, ut xb’een wa achak’am wi’chik aawib’ sa’ usilal rik’in laa was aawiitz’in, toja’ ut naq chatchalq wik’in chi anchal rajom aach’ool, ut laa’in tatink’ul.

25 K’e aawib’ sa’ usilal sa’ junpaat rik’in li xik’ na’ilok aawe naq wankat sa’ b’e rik’in, maare anchal jo’q’ehaq tatxchap, ut tattz’ape’q sa’ tz’alam.

26 Chi yaal, chi yaal, ninye aawe, maamin tat-elq chaq aran toj reetal naq xatoj rix li junjunq senin. Ut naq wankex sa’ tz’alam, ma naru tab’i’ neketoj yal ta junaq li asenin? Chi yaal, chi yaal, ninye eere, Ink’a’.

27 K’ehomaq reetal, tz’iib’anb’il xb’aaneb’ li ke’wan chaq najter, naq amatmuxuk sumsu;

28 A’b’an laa’in ninye eere, naq ani na’ilok re jun li ixq, re axrahinkil ru, ak xmux xsumlajik sa’ xch’ool.

29 K’ehomaq reetal, nink’e jun eetaqlankil, naq maajun reheb’ li k’a’aq re ru a’in teekanab’ chi ok sa’ lee ach’ool;

30 Xb’aan naq q’axal us wi’chik naq teetz’eqtaana choq’ eere li k’a’aq re ru a’in, ut rik’in a’an teepaqo lee akrus, chiru naq texkute’q sa’ xb’alb’a.

31 Tz’iib’anb’il chaq, naq ani tixjach rib’ rik’in rixaqil, chixk’ehaq xhuhil li ajachok-ib’ re.

32 Chi yaal, chi yaal, ninye eere, naq ani atixjach rib’ rik’in rixaqil, wi maawa’ xb’aan byumb’eetak, naxk’e a’an cchixmuxb’al xsumlajik; ut ani nasumla rik’in li ixq li xjachom rib’ namuxuk sumsu.

33 Ut jo’kan wi’chik tz’iib’anb’il, maaxaqab’ li aatin sa’ b’alaq’; taab’aanu b’an chiru li Qaawa’ li aaatin kaxaqab’;

34 A’b’an chi yaal, chi yaal, ninye eere, ameexaqab’ aatin chi yalaq chanru; moko sa’ xk’ab’a’ ta choxa, xb’aan naq a’an xk’ojarib’aal li Dios;

35 Chi moko sa’ xk’ab’a’ li ruchich’och’, xb’aan naq a’an xxaqleb’aal li roq;

36 Chi moko taaxaqab’ aatin sa’ xk’ab’a’ laa jolom, xb’aan naq ink’a’ naru nakaq’eqob’resi nakasaqob’resi junaq rismal;

37 Jo’ka’inaq b’an eeyehom, Hehe’, hehe’, Ink’a’, ink’a’; xb’aan naq li k’a’ruhaq nachal rik’in li naq’axok re a’in, ink’a’ us.

38 Ut k’ehomaq reetal, tz’iib’anb’il, jun axsa’ uhej choq’ reeqaj lix sa’ uhej, ut jun ruch ehej choq’ reeqaj li ruuch ehej;

39 A’b’an laa’in ninye eere, naq ameeyal eeru rik’in li ink’a’ us; ani b’an taasak’oq re xk’atq aawe sa’ laa nim, bsutq’isi chiru li wan chi junpak’al;

40 Ut wi ani junaq chi winq taajitoq aawe chiru li chaq’rab’ ut tixk’am laa waq’, kanab’ chixk’amb’al ajwi’ aab’aatal;

41 Ut ani taaminoq aawu chi xik jun hiil, wiib’ hiilaq tatxik chirix.

42 aK’e re li ani taapatz’oq aawe, ut ani taato’ninq raj aawik’in, maasutq’isi chaq aawib’ chiru.

43 Ut k’ehomaq reetal, tz’iib’anb’il ajwi’, naq taara laa was aawiitz’in ut xik’ taawil li xik’ na’ilok aawe.

44 A’b’an k’ehomaq reetal laa’in ninye eere, chera ali xik’ neke’ilok eere, cherosob’tesi li neke’majewank eere, cheb’aanu li us reheb’ li xik’ neke’ilok eere, ut bchextijoq choq’ reheb’ li neke’b’aanunk maa’usilal eere ut neke’rahob’tesink eere;

45 Re naq laa’aqex ralal xk’ajol lee Yuwa’ li wan sa’ choxa; xb’aan naq a’an naxk’e lix saq’e chi wakliik sa’ xb’een li ink’a’ useb’ ut sa’ xb’eeneb’ li chaab’il.

46 Jo’kan ut, li k’a’aq re ru a’an li kiwan chaq najter, li kiwan rub’el li chaq’rab’, wik’in laa’in tz’aqlojenaq ru chixjunil.

47 aOso’jenaq li k’a’aq re ru re najter, ut ak’ob’resinb’il chixjunil li k’a’aq re ru.

48 Jo’kan ut, nawaj raj naq atz’aqalaq eere eeru, jo’ chanru ajwi’ naq laa’in, malaj jo’ lee Yuwa’ li wan sa’ choxa tz’aqal re ru.