1 Ket ita napasamak nga adda dakkel nga ummong dagiti tao ni Nephi, iti likmut ti templo nga adda iti daga a Bountiful; ket nasdaaw ken nagsisinnaludsodda, ken nagpipinnakitada kadagiti ^anaindaklan ken nakaskasdaaw a napasamak a panagbalbaliw.

2 Ket nagsasaritaanda met ti maipapan itoy a Jesucristo, a naited ti ^atanda maipapan iti ipapatayna.

3 Ket napasamak a bayat ti panagsasaritada, nangngegda ti ^atimek a kasla naggapu idiay langit; ket inwarasda ti panagkitada iti aglawlaw, ta saanda a naawatan ti timek a nangngeganda; saan a nagubsang a timek, saan met a napigsa a timek; ngem ketdi, ken nupay ^bbassit a timek a simmamay iti amin a paset ti bagida tapno agkintayeg; wen, sinamayna ti kaunggan ti kararuada, ken napabarana ti pusoda.

4 Ket napasamak a nangngegda manen ti timek, ket saanda a naawatan.

5 Ket nangngegda manen ti timek iti maikatlo a gundaway, ket linuktanna dagiti lapayagda a dumngeg; ket naiturong dagiti matada iti naggapuan ti timek ket timmangadda idiay langit, a naggapuan ti timek.

6 Ket adtoy, iti maikatlo a daras naawatanda ti timek a nangngegda; ket kinunana kadakuada:

7 Adtoy ti ^aAy-ayatek nga Anak, ^bisu a makaay-ayo kaniak, isu a nangigloriaak ti naganko—isu ti denggenyo.

8 Ket napasamak, apaman a naawatanda inturongda manen dagiti matada iti langit; ket adtoy, ^anakitada ti Lalaki a bumabbaba manipud iti langit; ket nagkawes iti puraw a roba; ket immay bimmaba ket nagtakder iti nagbabaetanda, ket naiturong kenkuana dagiti mata ti amin, ket awan ti bilegda a nangungap kadagiti ngiwatda, uray maysa kadakuada, ket dida maawatan ti kayatna nga ibaga, ta impagarupda nga anghel ti nagparang kadakuada.

9 Ket napasamak nga inngatona dagiti imana ket nagsao kadagiti tao, a kinunana:

10 Adtoy, siak ni Jesucristo, a pinaneknekan dagiti propeta nga umayto ditoy lubong.

11 Ket adtoy, siak ti ^asilaw ken ti biag ti lubong; ket imminumak iti dayta napait a ^bkopa nga inted ti Ama kaniak, ket dinayawko ti Ama iti ^cpanangbaklayko iti basol ti lubong, nga isu ti panangaklonko iti ^dpagayatan ti Ama iti amin a banag manipud idi punganay.

12 Ket napasamak a napasagda iti daga idi naisawang ni Jesus dagitoy a sao iti dagup ti ummong; gapu ta nalagipda a ^anaipadto nga agparangto ni Cristo kadakuada kalpasan ti yuulina idiay langit.

13 Ket napasamak a nagsao ti Apo kadakuada a kinunana:

14 Bumangonkayo ket umaykayo kaniak, tapno ^amaidapadapyo dagiti imayo iti bakrangko, ken tapno ^bmariknayo ti lamma ti lansa kadagiti imak ken kadagiti sakak, tapno ammuenyo a siak ti ^cDios ti Israel ken ti Dios ti ^dsangalubongan, ket napapatay gapu iti basbasol ti lubong.

15 Ket napasamak nga immasideg ti ummong, ket indapadapda dagiti imada iti bakrangna, ken riniknada ti lamma ti lansa kadagiti ima ken sakana; ket daytoy ti inaramidda, saggaysada a napan agingga a nalpasda amin, ket nakitada kadagiti matada ken nariknada kadagiti imada, ket naammuanda a sitatalged ket insuratda, nga ^aisu, ti insurat dagiti propeta, a rumbeng nga umay.

16 Ket idi napaneknekanda amin, sangsangkamaysada a nangipukkaw, a kinunada:

17 Hosanna! Bendisionam koma ti nagan ti Kangatuan a Dios! Ket nagruknoyda iti sakaanan ni Jesus, ket ^anagdaydayawda kenkuana.

18 Ket napasamak a nakisarita ken ni ^aNephi (ta maysa ni Nephi kadagiti nakiummong) ket binilinna nga umasideg.

19 Ket timmakder ni Nephi ket immasideg, ket inruknoyna ti bagina iti sango ti Apo ken immagep kadagiti sakana.

20 Ket binilin ti Apo a tumakder. Ket nagtakder iti sangona.

21 Ket kinuna ti Apo kenkuana: Itedko kenka ti ^apannakabalin a ^bmangbuniagto kadagitoy a tao inton addaakon idiay langit.

22 Ket inayaban manen ti Apo dagiti ^adadduma, ket kasta met ti imbagana kadakuada; ket intedna ti pannakabalin a mangbuniag. Ket kinunana kadakuada: Iti daytoy a wagas ti panamuniagyo; ket ^bawanto koma ti agsisinnuppiat kadakayo.

23 Kunak kadakayo, a siasino man ti agbabawi kadagiti basbasolna gapu kadagiti ^asaoyo, ket ^bkayatna ti mabuniagan iti naganko, daytoy ti rumbeng a panangbuniag kadakuada—Adtoy bumabakayo ket ^cagtakderkayo iti danum, ket buniaganyo ida babaen ti naganko.

24 Ket ita adtoy, dagitoy ti ibalikasyonto, awaganyo ida babaen ti naganda, sa kunayo:

25 Babaen ti ^aturay nga inted ni Jesucristo kaniak, buniaganka iti nagan ti ^bAma, ken ti Anak, ken ti Espiritu Santo. Amen.

26 Kalpasanna ^airaremyo ida iti danum, sa yaonyo ida.

27 Ket kastoy ti wagas ti panamuniagyo iti naganko; gapu ta adtoy, pudno kunak kadakayo, a ^amaymaysa ti Ama, ken ti Anak, ken ti Espiritu Santo; ket addaak iti Ama, ket adda ti Ama kaniak, ket maymaysa ti Ama ken Siak.

28 Ket babaen iti bilinko kadakayo kasta ti panamuniagyo. Ket awanto ti ^aagsisinnuppiat kadakayo, a kas iti kaaddana idi; wenno addanto agsisinnuppiat kadakayo maipapan iti panggep ti doktrinak, a kas iti kaaddana idi.

29 Agsipud ta pudno, pudno kunak kadakayo, saanko a kukua ti addaan espiritu ti ^apannakisuppiat, ngem kukua ti ^bsairo, nga ama ti pannakisuppiat, ket kiburenna ti puso dagiti tao tapno pagpungtotenna ti tunggal maysa.

30 Adtoy, saan a daytoy ti doktrinak, ti mangkibur iti puso ti tao tapno agpungtot, a maibusor iti sabali; ngem daytoy ti doktrina, a rumbeng a maikkat dagiti kasta a banag.

31 Adtoy, pudno, pudno, kunak kadakayo, ipalawagko kadakayo ti ^adoktrinak.

32 Ket daytoy ti ^adoktrinak, ket isu ti doktrina nga inted ti Ama kaniak; ket ^bpaneknekak ti maipapan iti Ama, ket ti Ama ti mangpaneknek iti maipapan kaniak, ket ti ^cEspiritu Santo ti mangpaneknek iti maipapan iti Ama ken Siak; ket paneknekak a bilinen ti Ama amin a tao, iti uray sadino man, nga agbabawi ken mamati kaniak.

33 Ket siasino man a mamati kaniak, ken ^amabuniagan, ^bmaisalakanto; ket isudanto ti ^cmangtawid iti pagarian ti Dios.

34 Ket siasino man a saan a mamati kaniak, ket saan a mabuniagan, madusanto.

35 Pudno, pudno kunak kadakayo, a daytoy ti doktrinak, ket napaneknekak daytoy manipud iti Ama; ket siasino man a ^amamati kaniak, mamati met iti Ama; ket paneknekannak met ti Ama kenkuana, gapu ta sumarungkarto nga addaan iti ^bapuy ken iti ^cEspiritu Santo.

36 Ket kastoy ti panangpaneknek ti Ama kaniak, ket ti Espiritu Santo ti mangpaneknek kenkuana iti Ama ken Siak, gapu ta maymaysa ti Ama, ken Siak, ken ti Espiritu Santo.

37 Ket kunak manen kadakayo, masapul nga agbabawikayo, ket ^aagbalinkayo a kas bassit nga ubing, ket mabuniagankayo iti naganko, wenno saankayo a maparaburan kadagitoy a banag.

38 Ket kunak manen kadakayo, masapul nga agbabawikayo, ken mabuniagankayo iti naganko, ken agbalinkayo a kas bassit nga ubing, wenno saanyo a matawid ti pagarian ti Dios.

39 Pudno, pudno, kunak kadakayo, a daytoy ti doktrinak, ket siasino man nga ^aagipatakder ditoy agipatakder iti batok, ket saan nga agballigi ti ^bruangan ti impierno a mangallukoy kadakuada.

40 Ket siasino man a mangiwaragawag ti nasursurok wenno nakurkurang ngem iti daytoy, ket ibagana a naggapu iti doktrinak, naggapu daytoy iti dakes, ket saan a naipatakder iti batok; ngem naipatakder iti ^akadaratan a pondasion, ket silulukat ti ruangan ti impierno nga agur-uray nga umawat kadakuada inton umay ti layus ket sumaplit kadakuada ti angin.

41 Ngarud, mapankayo kadagitoy a tao, ket iwaragawagyo dagiti naisaokon, iti amin a paset ti daga.