Kapitulo 5
Gibulag sa mga Nephita ang ilang kaugalingon gikan sa mga Lamanita, nagtuman sa balaod ni Moises, ug nagtukod og templo—Tungod sa ilang pagkawalay pagtuo, ang mga Lamanita gipahimulag gikan sa atubangan sa Ginoo, gitunglo, ug nahimong usa ka tighatag og kasakit sa mga Nephita. Mga 588–559 B.C.
1 Tan-awa, nahitabo nga ako, si Nephi, nangamuyo sa hilabihan ngadto sa Ginoo nga akong Dios, tungod sa akasuko sa akong mga igsuong lalaki.
2 Apan tan-awa, misamot ang ilang kasuko batok kanako, hangtod nga nagtinguha sila sa paghunos sa akong kinabuhi.
3 Oo, nagbagulbol sila batok kanako, nga nag-ingon: Ang atong manghod naghunahuna nga amagmando kanato; ug daghan kitang naagian nga pagsulay tungod kaniya; mao nga, karon patyon nato siya, aron dili na kita masakitan pa tungod sa iyang mga pulong. Kay tan-awa, dili kita motugot nga siya mahimo nga atong magmamando; kay kita ang angayan niini, kinsa iyang mga magulang nga lalaki, nga magmando niini nga katawhan.
4 Karon dili ko mosulat dinhi niining mga palid sa tanan nga pulong nga ilang gibagulbol batok kanako. Apan igo na kanako ang pag-ingon, nga nagtinguha sila sa paghunos sa akong kinabuhi.
5 Ug nahitabo nga ang Ginoo amipasidaan kanako, nga ako, si bNephi, kinahanglang mopalayo gikan kanila ug molayas ngadto sa kamingawan, ug kadtong tanan nga gustong mouban kanako.
6 Mao nga, nahitabo nga ako, si Nephi, midala sa akong pamilya, ug usab ni aZoram ug sa iyang pamilya, ug ni Sam, nga akong magulang nga lalaki ug sa iyang pamilya, ug ni Jacob ug ni Joseph, nga akong mga manghod nga lalaki, ug usab sa akong mga igsuong babaye, ug kadtong tanan nga gustong mouban kanako. Ug kadtong tanan nga gustong mouban kanako mao kadtong mituo sa mga bpasidaan ug mga pagpadayag sa Dios; mao nga mipatalinghog sila sa akong mga pulong.
7 Ug gidala namo ang among mga tolda ug ang bisan unsang mga butang nga mahimo namong madala, ug mipanaw sa kamingawan sulod sa daghang adlaw. Ug human kami nagpanaw sulod sa daghang adlaw gipabarog namo ang among mga tolda.
8 Ug ang akong katawhan gusto nga among tawagon ang dapit sa ngalan nga aNephi; mao nga, gitawag namo kini og Nephi.
9 Ug kadtong tanan nga mikuyog kanako mitawag sa ilang kaugalingon nga akatawhan ni Nephi.
10 Ug naningkamot kami sa pagtuman sa mga paghukom, ug sa mga balaod, ug sa mga sugo sa Ginoo sa tanan nga butang, sumala sa abalaod ni Moises.
11 Ug ang Ginoo nag-uban kanamo; ug miuswag kami sa hilabihan, kay nagpugas kami og mga binhi; ug nakaani kami pag-usab og labihan ka daghan. Ug misugod kami sa pagpamuhi og gagmayng kahayopan, ug dagkong kahayopan, ug mga mananap sa matag matang.
12 Ug ako, si Nephi, midala usab sa mga talaan nga nakulit sa mga apalid nga tumbaga; ug usab sa bbola, o ckompas, nga giandam alang sa akong amahan pinaagi sa kamot sa Ginoo, sumala niana nga nahisulat.
13 Ug nahitabo nga nagsugod kami sa hilabihang pag-uswag, ug pagsanay sa yuta.
14 Ug ako, si Nephi, mikuha sa aespada ni Laban, ug susama sa pagkahimo niini mihimo kami og daghang espada, basin pa unya og sa bisan unsang paagi ang katawhan nga karon gitawag og mga bLamanita mosulong kanamo ug molaglag kanamo; kay nasayod ako sa ilang kapungot ngari kanako ug sa akong mga anak ug niadtong gitawag nga akong katawhan.
15 Ug akong gitudloan ang akong katawhan sa pagtukod og mga gambalay, ug sa paggamit sa tanang matang sa kahoy, ug sa aputhaw, ug sa kobre, ug sa tumbaga, ug sa asero, ug sa bulawan, ug sa pilak, ug sa mga mahalon nga oro, diin hilabihan ang ka daghan.
16 Ug ako, si Nephi, mitukod og atemplo; ug gitukod nako kini sama sa btemplo ni Solomon gawas lamang nga dili kini hinimo sa daghan kaayong cmahalon nga mga butang; kay walay makit-an nga ingon niini dinhi sa yuta, mao nga dili kini matukod sama sa templo ni Solomon. Apan ang matang sa pagkatukod sama gayod sa templo ni Solomon; ug ang pagkahimo niini hilabihan ka maayo.
17 Ug nahitabo nga ako, si Nephi, miawhag sa akong katawhan nga amagmakugihon, ug maghago gamit ang ilang mga kamot.
18 Ug nahitabo nga nagtinguha sila nga ako mahimo nilang ahari. Apan ako, si Nephi, nagtinguha nga dili sila magbaton og hari; bisan pa niana, akong gihimo ngadto kanila ang kutob sa akong mahimo.
19 Ug tan-awa, ang mga pulong sa Ginoo natuman ngadto sa akong mga igsuong lalaki, nga iyang gipamulong mahitungod kanila, nga ako mahimo nga ilang amagmamando ug ilang bmagtutudlo. Mao nga, ako nahimo nilang magmamando ug ilang magtutudlo, sumala sa mga sugo sa Ginoo, hangtod sa panahon nga nagtinguha sila sa paghunos sa akong kinabuhi.
20 Mao nga, natuman ang pulong sa Ginoo nga iyang gipamulong kanako nga nag-ingon nga: Kon sila adili mopatalinghog sa imong mga pulong ipahimulag sila gikan sa atubangan sa Ginoo. Ug tan-awa, bgipahimulag sila gikan sa iyang atubangan.
21 Ug gihimo niya nga ang atunglo modangat ngadto kanila, oo, gani usa ka pintas nga tunglo, tungod sa ilang pagkadaotan. Kay tan-awa, gipatig-a nila ang ilang mga kasingkasing batok kaniya, nga sila nangahimong sama sa bato nga lag-it; mao nga kay sila puti man ug hilabihan katahom ug bmakapahimuot, aron dili na sila madanihon ngadto sa akong katawhan, ang Ginoong Dios mihimo nga modangat ang pag-itom sa ilang cpanit.
22 Ug sa ingon niana miingon ang Ginoong Dios: Ako mohimo nga sila mahimong amakalagot ngadto sa imong katawhan, gawas kon sila maghinulsol sa ilang pagkadaotan.
23 Ug matunglo ang binhi sa tawo nga amoipon sa ilang binhi; kay pagatunglohon sila sa sama nga tunglo. Ug ang Ginoo namulong niini, ug kini natuman.
24 Ug tungod sa ilang pagtunglo nga midangat kanila nangahimo silang atapolan nga katawhan, nga labihan ka badlongon ug ka malipoton, ug nangayam og mga mananap nga bihagon didto sa kamingawan.
25 Ug ang Ginoong Dios miingon kanako: Mamahimo silang mga pasakit ngadto sa imong binhi, aron mapukaw sila sa paghinumdom kanako; ug kay dili sila mohinumdom kanako, ug mopatalinghog sa akong mga pulong, sila mosakit kanila gani ngadto sa kalaglagan.
26 Ug nahitabo nga ako, si Nephi, amipahinungod ni Jacob ug ni Joseph, nga sila mahimong mga pari ug mga magtutudlo sa tibuok yuta sa akong katawhan.
27 Ug nahitabo nga nagpakabuhi kami sa malipayong paagi.
28 Ug katloan ka tuig ang milabay gikan sa panahon nga kami mibiya sa Jerusalem.
29 Ug ako, si Nephi, misulat sa mga talaan diha sa mga palid, nga akong gihimo, bahin sa akong katawhan hangtod niining panahona.
30 Ug nahitabo nga gisultihan ako sa Ginoong Dios: Pagbuhat og auban pang mga palid; ug pagkulit og daghan nga butang diha niini nga maayo sa akong panan-aw, alang sa kaayohan sa imong katawhan.
31 Mao nga, ako, si Nephi, aron magmasulundon sa mga sugo sa Ginoo, miadto ug mibuhat aniini nga mga palid diin diha niini akong gikulit kini nga mga butang.
32 Ug akong gikulit kana nga makapahimuot sa Dios. Ug kon ang akong katawhan mahimuot sa mga butang sa Dios mahimuot sila sa akong mga kinulit nga ania niining mga palid.
33 Ug kon ang akong katawhan magtinguha nga masayod sa mas detalyado nga bahin sa kasaysayan sa akong katawhan kinahanglan nga ilang siksikon ang uban pa nakong mga palid.
34 Ug igo na kanako ang pag-ingon nga kap-atan ka tuig ang milabay, ug aduna na kami mga gubat ug mga panagbingkil batok sa among mga kaigsuonan.