iVolanikalou
2 Nifai 33


Wase 33

Era sa dina na vosa i Nifai—Era sa vakadinadinataki Karisito—Ko ira era vakabauta na Karisito era na vakabauta na vosa i Nifai, ka na tu me ivakadinadina ena idabedabe ni veilewai. Rauta na 559–545 B.K.

1 Ia oqo, koi au, ko Nifai, au sa sega ni rawa ni vola taucoko na veika a vakatavulici vei ira na noqu tamata; au sega soti ni amaqosa ena volavola, me vaka ena vosa; ka ni sa bvosa e dua na tamata ena kaukauwa ni Yalo Tabu, na kaukauwa ni Yalo Tabu ena qai vakadewataka ki na lomadra na luve ni tamata.

2 Ia raica, e lewe vuqa era sa avakaukauwataka na lomadra vua na Yalo Tabu, ka sa sega kina na nona tikina e yalodra; o koya, era sa biuta tani kina e vuqa na ka sa volai ka ra okata me ka wale.

3 Ia koi au, ko Nifai, au sa vola na ka au sa vola, ka’u okata me ayaga vakalevu sara, vakabibi vei ira na noqu tamata. Au sa bdaumasulaki ira tiko ga e veisiga, ka sa suasua na noqu ilokoloko ena wai ni mataqu e veibogi, ena vukudra; ia au sa tagi vua na noqu Kalou ena vakabauta, ka’u kila ni na rogoca ko Koya na noqu masu.

4 Ia au kila ni na vakatabuya na Turaga na Kalou na noqu masu mera na vinaka kina na noqu tamata. Ia na veivosa au sa vola ena malumalumu, ena avakaukauwataki vei ira; ni sa buqeti ira me ra kitaka na ka vinaka; sa vakatakila vei ira na ka e baleti ira na nodra qase; a sa tukuni Jisu, ka uqeti ira me ra vakabauti Koya, ka vosota me yacova na ivakataotioti, sai koya na cbula tawamudu.

5 Ka sa avosataka vakaukauwa na ivalavala ca, me vaka na kena bmatata na dina; o koya gona, ena sega ni dua na tamata me cudruvaka na veika au sa vola, ko koya ga sa tiko vua na yalo ni tevoro.

6 Au sa dau rekitaka na ka e matata; au daurekitaka na dina; au dau rekitaki noqu Jisu, ni sa avueta na yaloqu mai eli.

7 Sa tu vei au na aloloma uasivi ena vukudra na noqu tamata, kei na vakabauta cecere ena vukui Karisito ni’u na sotava e lewevuqa na yalo sa sega ni duka ena nona idabedabe ni veilewai.

8 Sa tu vei au na loloma uasivi ena vukudra na aJiu—au tukuna na Jiu, baleta ni’u vakaibalebaletaka vei ira au a vu mai kina.

9 Sa tu talega vei au na loloma uasivi ena vukudra na kai aMatanitu tani. Ia raica, sa sega ni dua vei ira oqo au sa nuitaka rawa ka vakavo ke ra sa bveivakaduavatataki kei Karisito, ka curu ki na cmatamata rabailailai, ka dlako ena sala eqiqo sa basika ki na bula, ka muria tiko ga na sala me yacova ni oti na siga ni vakatovolei.

10 Ia oqo, oi kemudou na wekaqu lomani, kei kemudou talega na Jiu, kei kemudou kece mai na iyalayala kei vuravura, dou vakarorogo ki na vosa oqo ka avakabauta na Karisito; ia kevaka dou sa sega ni vakabauta na vosa oqo dou vakabauta ga na Karisito. Ia kevaka dou sa vakabauta na Karisito dou na vakabauta na bvosa oqo, ni ra sa cvosa i Karisito, ka a solia vei au ko koya; ka sa dvakavulici ira na tamata kecega me ra kitaka na ka vinaka.

11 Ia kevaka sa sega ni nona vosa na Karisito, dou qai lewa—ia ena vakaraitaka vei kemudou na Karisito, ena akaukauwa kei na lagilagi, ni ra sa nona vosa, ena veisiga mai muri; ia daru na tu ka veirai ena nona bidabedabe ni veilewai; ko na qai kila ni’u sa vakaroti mai vua me’u vola na veika oqo, e dina ga ni tu na noqu malumalumu.

12 Ka’u sa masuta na Tamada ena yacai Karisito me levu vei keda, ke sega ni oi keda kece, me vakabulai ena nona amatanitu ena siga levu mai muri ko ya.

13 Ia oqo, oi kemudou na wekaqu lomani, oi kemudou kece na mataqali i Isireli, kei kemudou kece mai na iyalayala kei vuravura au sa vosa vei kemudou me vaka na domona e dua sa atagi mai na kuvu-ni-soso: Sa moce, me yacova ni sa yaco mai na siga levu ko ya.

14 Ia oi kemudou sa sega ni via vakaivotavota ena nona vinaka na Kalou, ka sega ni doka na nodra avosa na Jiu, kei na noqu bvosa talega, kei na vosa kecega ena lako mai na gusuna na Lami ni Kalou, raica, au sa vakamoce vei kemudou ena veitalatala tawavakaiyalayala, ni na qai cbeitaki kemudou na vosa oqo ena siga mai muri.

15 Ia na veika au sa dregata e vuravura, ena beitaki kemudou ena mata ni idabedabe ni aveilewai; ia sa vakaroti au vakaoqo na Turaga, ka sa dodonu me’u talairawarawa kina. Emeni.