1 Ia oqo, raica, oi kemudou na wekaqu lomani, au nanuma ni dou sa vakananuma tiko e lomamudou na ka mo dou cakava ni dou sa curu rawa ena sala. Ia, raica, a cava dou sa vakananuma kina e lomamudou na veika oqo?

2 Dou sa sega beka ni nanuma ni’u a kaya vei kemudou ni dou sa ^aciqoma oti na Yalo Tabu dou na rawa ni vosa me vaka ena ^bvosa ni agilosi? Ia oqo, sa rawa vakaevei mo dou vosa me vaka ena vosa ni agilosi kevaka sa sega na Yalo Tabu?

3 Era sa vosa na ^aagilosi ena kaukauwa ni Yalo Tabu; o koya, e ra sa vosataka kina na vosa i Karisito. O koya, au sa kaya kina vei kemudou, mo dou ^bkana magiti ena vosa i Karisito; ia raica, na vosa i Karisito sa tukuna vei kemudou na veika kece mo dou kitaka.

4 Ia, oqo ni’u sa tukuna oti na veivosa oqo, kevaka e sega ni macala vei kemudou, sa baleta ga ni dou sa ^asega ni kerekere, se tukituki; o koya, dou sa sega ni kau mai kina ki na rarama ia dou na rusa ga ena butobuto.

5 Ia raica, au sa kaya tale vei kemudou kevaka dou sa curu ena sala, ka ciqoma na Yalo Tabu, ena vakaraitaka vei kemudou na veika kece mo dou kitaka.

6 Raica, oqo na ivakavuvuli i Karisito, ia ena sega tale ni soli e dua na ivakavuvuli me yacova ni sa ^avakaraitaki Koya vakayago vei kemudou. Ia ni sa vakaraitaki Koya vakayago vei kemudou, mo dou muria sara ka kitaka na veika ena tukuna vei kemudou.

7 Ia oqo koi au, ko Nifai, sa sega ni rawa me’u vosa tiko ga; sa tarovi au na Yalo me’u kakua ni vosa, ka’u tu ka bikai ena rarawa ena vuku ni ^atawa vakabauta, kei na ivalavala ca, kei na yalobutobuto, kei na nodra domodomoqa na tamata; ni ra sa sega ni via vakasaqara na vuku, se kila na veika lelevu, ni sa tukuni ^bvakamatata vei ira, ena vosa sa matata sara.

8 Ia oqo, oi kemudou na wekaqu lomani, au raica ni dou sa vakatataro tiko ga e lomamudou; ka sa ka ni rarawa vei au me’u vosa me baleta na ka oqo. Ia kevaka dou vakarorogo vua na Yalo o koya sa vakavulica vua na tamata me ^adau masu, dou na kila ni sa dodonu mo dou dau masu; ia na ^byalo ca, sa sega ni dau vakavulica na tamata me dau masu; sa vakavulica ga vua me kakua ni dau masu.

9 Ia raica, au sa kaya vei kemudou mo dou ^adaumasu tiko ga, ka kakua ni ceguoca; mo dou kakua ni vakayacora vua na Turaga e dua na ka vakavo ga ni dou sa masulaka taumada vua na Tamada ena ^byacai Karisito, me qai vakatabuya ko koya vei kemudou na nomudou cakacaka, ia na cakacaka oqo me na ^cvinaka kina na yalomudou.