Mga Kasulatan
2 Nephi 31


Kapitulo 31

Si Nephi misaysay nganong si Kristo gibunyagan—Ang mga tawo kinahanglan gayod nga mosunod kang Kristo, magpabunyag, modawat sa Espiritu Santo, ug molahutay sa kataposan aron maluwas—Ang paghinulsol ug bunyag mao ang ganghaan ngadto sa higpit ug pig-ot nga dalan—Ang kinabuhing dayon moabot niadtong motuman sa mga sugo human sa bunyag. Mga 559–545 B.C.

1 Ug karon ako, si Nephi, motapos sa akong apagpanagna nganha kaninyo, hinigugma kong kaigsoonan. Ug ako dili makasulat gawas sa pipila lamang ka butang nga akong nahibaloan nga seguradong mahitabo; ni ako makasulat gawas sa pipila lamang ka pulong sa akong igsoon nga si Jacob.

2 Mao nga, ang mga butang nga akong gisulat igo na kanako, gawas sa pipila pa ka pulong nga kinahanglan gayod nga akong ipamulong mahitungod sa adoktrina ni Kristo; mao nga, ako mamulong kaninyo sa yano nga paagi, subay sa kayano sa akong pagpanagna.

3 Kay ang akong kalag nahimuot sa kayano; kay subay niini nga paagi ang Ginoong Dios mohimo sa buluhaton taliwala sa mga anak sa katawhan. Kay ang Ginoong Dios naghatag og akahayag sa salabotan; kay siya mamulong ngadto sa mga tawo sumala sa ilang bpinulongan, aron sila makasabot.

4 Mao nga, manghinaot ko nga kamo mahinumdom nga ako namulong diha kaninyo mahitungod niana nga apropeta nga gipakita sa Ginoo kanako, nga mobunyag sa bKordero sa Dios, nga motangtang sa mga sala sa kalibotan.

5 Ug karon, kon ang Kordero sa Dios, siya nga balaan, nagkinahanglan nga amagpabunyag pinaagi sa tubig, sa pagtuman sa tanang pagkamatarong, O niana nga kahimtang, unsa kadako ang panginahanglan nga kita, nga dili balaan, magpabunyag, oo, gani pinaagi sa tubig!

6 Ug karon, mangutana ko kaninyo, hinigugma kong kaigsoonan, sa unsang paagi gituman sa Kordero sa Dios ang tanan nga pagkamatarong sa pagpabunyag pinaagi sa tubig?

7 Wala ba kamo masayod nga siya balaan? Apan bisan pa sa iyang pagkabalaan, iyang gipakita ngadto sa mga anak sa katawhan nga, sumala sa unod gipaubos niya ang iyang kaugalingon atubangan sa Amahan, ug gipamatud-an niya ngadto sa Amahan nga siya amagmasulundon ngadto kaniya sa pagtuman sa iyang mga sugo.

8 Mao nga, human siya gibunyagan pinaagi sa tubig ang Espiritu Santo mikunsad diha kaniya asama sa usa ka bsalampati.

9 Ug usab, kini nagpakita ngadto sa mga anak sa katawhan sa kahigpit sa dalan, ug kapig-ot sa aganghaan, diin sila kinahanglang mosulod, nga siya mipakita sa panig-ingnan diha sa ilang atubangan.

10 Ug giingnan niya ang mga anak sa mga tawo: aSunod kamo kanako. Mao nga, hinigugma kong kaigsoonan, kita ba bmakasunod kang Jesus gawas kon kita andam nga motuman sa mga sugo sa Amahan?

11 Ug ang Amahan miingon: Paghinulsol kamo, paghinulsol kamo, ug pagpabunyag sa ngalan sa akong Hinigugmang Anak.

12 Ug usab, ang tingog sa Anak miabot ngari kanako, nga nag-ingon: Siya nga gibunyagan sa akong ngalan, ngadto kaniya aihatag sa Amahan ang Espiritu Santo, sama sa akong nadawat; mao nga, bsunda ako, ug buhata ang mga butang nga inyong nakita nga akong gibuhat.

13 Mao nga, hinigugma kong kaigsoonan, nahibalo ako nga kon inyong sundon ang Anak, uban sa bug-os nga katuyoan sa kasingkasing, sa walay pagpakaaron-ingnon ug walay pagpanglimbong atubangan sa Dios, apan sa tinuod nga katuyoan, maghinulsol sa inyong mga sala, magsaksi sa Amahan nga kamo andam nga modala diha kaninyo sa ngalan ni Kristo, pinaagi sa abunyag—oo, pinaagi sa pagsunod sa inyong Ginoo ug sa inyong Manluluwas ngadto sa tubig, sumala sa iyang pulong, tan-awa, niana inyong madawat ang Espiritu Santo; oo, dayon mosunod ang bbunyag sa kalayo ug sa Espiritu Santo; ug dayon makapamulong kamo sa cpinulongan sa mga anghel, ug mosinggit og mga pagdayeg ngadto sa Balaan sa Israel.

14 Apan, tan-awa, hinigugma kong kaigsoonan, sa ingon niini midangat ang tingog sa Anak ngari kanako, nga nag-ingon: Human nga kamo nakahinulsol sa inyong mga sala, ug nakasaksi sa Amahan nga kamo andam nga motuman sa akong mga sugo, pinaagi sa bunyag sa tubig, ug nakadawat sa bunyag sa kalayo ug sa Espiritu Santo, ug namulong sa bag-o nga pinulongan, oo, bisan pa gani sa pinulongan sa mga anghel, ug human niini amolimod kanako, bmas maayo pa nga kamo wala makaila kanako.

15 Ug nakadungog ako og tingog gikan sa Amahan, nga nag-ingon: Oo, ang mga pulong sa akong Hinigugma tinuod ug kasaligan. Siya nga molahutay hangtod sa kataposan, siya usab maluwas.

16 Ug karon, hinigugma kong kaigsoonan, nahibalo ako niini nga gawas kon ang usa ka tawo amolahutay hangtod sa kataposan, sa pagsunod sa bpanig-ingnan sa Anak sa buhi nga Dios, siya dili maluwas.

17 Mao nga, buhata ang mga butang nga akong gisulti kaninyo nga akong nakita nga buhaton sa inyong Ginoo ug Manunubos; kay, alang niini nga hinungdan kini gipakita ngari kanako, aron mahibaloan ninyo ang ganghaan nga kinahanglan ninyong agian. Kay ang ganghaan nga kinahanglan ninyong agian mao ang paghinulsol ug abunyag pinaagi sa tubig; ug dayon mosunod ang bkapasayloan sa inyong mga sala pinaagi sa kalayo ug sa Espiritu Santo.

18 Ug dayon maanaa na kamo sa ahigpit ug pig-ot nga bdalan padulong sa kinabuhing dayon; oo, nakasulod kamo agi sa ganghaan; kamo nakabuhat sumala sa mga sugo sa Amahan ug sa Anak; ug kamo nakadawat sa Espiritu Santo, nga cnagsaksi sa Amahan ug sa Anak, ngadto sa katumanan sa saad nga iyang gihimo, nga kon kamo misulod agi sa agianan inyo gayod kining madawat.

19 Ug karon, hinigugma kong kaigsoonan, human kamo makasulod niining higpit ug pig-ot nga dalan, mangutana ako kon ang tanan anatuman na ba? Tan-awa, sultihan ko kamo, Wala; kay kamo wala pa makaabot niini nga gilay-on kondili pinaagi sa pulong ni Kristo uban sa dili matarog nga bpagtuo diha kaniya, cmosalig sa hingpit sa maayong mga buhat kaniya kinsa gamhanan sa pagluwas.

20 Mao nga, kinahanglan nga kamo amopadayon sa unahan uban ang pagkamakanunayon diha kang Kristo, magbaton og hingpit nga kahayag sa bpaglaom, ug cgugma sa Dios ug sa tanang tawo. Mao nga, kon kamo mopadayon sa unahan, magpakabusog sa pulong ni Kristo, ug dmolahutay hangtod sa kataposan, tan-awa, sa ingon niana miingon ang Amahan: Makabaton kamo og kinabuhing dayon.

21 Ug karon, tan-awa, hinigugma kong kaigsoonan, mao kini ang aagianan; ug bwalay laing agianan ni cngalan nga gihatag ubos sa langit diin ang tawo maluwas sa gingharian sa Dios. Ug karon, tan-awa, mao kini ang ddoktrina ni Kristo, ug bugtong tinuod nga doktrina sa eAmahan, ug sa Anak, ug sa Espiritu Santo, nga fusa ka Dios, nga walay kataposan. Amen.