1 Kwaye ngoku mna, Nifayi, ndiyapheza ^aukuprofetha kwam kuni, bazalwana bam abathandekayo. Kwaye andinako ukubhala ngokungaphandle nje kwezinto ezimbalwa, endaziyo okokuba nakanjani na ziya kwenzeka; ndingenakho nokubhala ngokungaphandle nje kwambalwa amazwi omninawa wam uYakobi.

2 Ngako oko, izinto endizibhalileyo ziyandanelisa, ngaphandle nje kwamazwi ambalwa ekufuneka ndiwathethe malunga ^anemfundiso kaKrestu; ngako oko, ndiza kuthetha nani ngokucacileyo, ngokokucaca kokuprofetha kwam.

3 Kuba umphefumlo wam uyavuyiswa kukucaca; kuba iNkosi uThixo isebenza ngoko ngolu hlobo phakathi kwabantwana babantu. Kuba iNkosi uThixo inika ^aukukhanya kwabo baqondayo; kuba ithetha nabantu ^bngokolwimi lwabo, ukuze baqonde.

4 Ngako oko, ndinga ningakhumbula okokuba ndithethe nani ngokunxulumene nalaa ^amprofeti eyathi iNkosi yambonisa kum, owayeza kubhaptiza ^biMvana kaThixo, eyayiza kususa izono zehlabathi.

5 Kwaye ngoku, ukuba iMvana kaThixo, ekubeni ingcwele, kuyimfuneko ukuba ^aibhaptizwe ngamanzi, ukuzalisekisa bonke ubulungisa, Owu ke, kukangakanani kuthi ukuba yimfuneko, singengcwele, ukuba sibhaptizwe, ewe, nangawo amanzi!

6 Kwaye ngoku, ndiza kubuza kuni, bazalwana bam abathandekayo, kungani ukuba iMvana kaThixo izalisekise ubulungisa bonke ngokuthi ibhaptizwe ngamanzi?

7 Anazi na ukuba waye engcwele? Kodwa nangona engcwele, ubonisa abantwana babantu ukuba, ngokwasenyameni uyazithoba phambi kukaYise, kwaye angqine kuye uYise okokuba uya ^akumthobela ekugcineni imiyalelo yakhe.

8 Ngako oko, emva kokuba ebhaptiziwe ngamanzi, uMoya oyiNgcwele wehla phezu kwakhe ^aekumila kunje ^bngehobe.

9 Kwaye kwakhona, kubonisa kubo abantwana babantu ngokubamxinwa kwendlela, nokucuthana ^akwesango, abaya kungena ngalo, yena ke ebamisele umzekelo phambi kwabo.

10 Kwaye wathi kubo abantwana babantu: ^aNdilandeleni. Ngako oko, bazalwana bam abathandekayo, ingaba ^bsingamlandela uYesu ngaphandle kokuba siyavuma ukuyigcina imiyalelo kaBawo?

11 Kwaye ke uBawo wathi: Guqukani, guqukani, nize nibhaptizwe egameni loNyana wam oyiNtanda.

12 Kwaye kanjalo, ilizwi loNyana leza kum, lisithi: Lowo ubhaptiziweyo egameni lam, lowo uBawo uya ^akumnika uMoya oyiNgcwele, njengam; ngako oko, ^bndilandeleni, nize nenze izinto enindibone ndizenza.

13 Ngako oko, bazalwana bam abathandekayo, ndiyazi okokuba ukuba niya kumlandela uNyana, ngenjongo epheleleyo yentliziyo, ningahanahanisi kwaye ningenankohliso phambi kukaThixo, kodwa ninenjong eyiyo, niguquka ezonweni zenu, ningqina kuye uBawo okokuba niyavuma ukuthabathela kuni igama likaKrestu, ^angobhaptizo—ewe, ngokulandela iNkosi yenu noMsindisi wenu ezantsi emanzini, ngokwelizwi lakhe, qaphelani, niya kuthi ke namkele uMoya oyiNgcwele; ewe, kuze ke kufike ^bubhaptizo lomlilo neloMoya oyiNgcwele; nize ke nibe nokuthetha ^cngolwimi lweengelosi, nize nidanduluke ngeendumiso kuye oNgcwele kaSirayeli.

14 Kodwa, qaphelani, bazalwana bam abathandekayo, leza nje ilizwi loNyana kum, lisithi: Emva kokuba niguqukile ezonweni zenu, naza nangqina kuye uBawo okokuba niyavuma ukuyigcina imiyalelo yam, ngobhaptizo lwamanzi, nize nilwamkele ubhaptizo lomlilo neloMoya oyiNgcwele, kwaye ninako ukuthetha ngolwimi olutsha, ewe, kwanalo ulwimi lweengelosi, nize emva koku ^anindikhanyele, bekuya ^bkunilungela ukuba ninge ningandazanga.

15 Kwaye ndeva ilizwi livela kuBawo, lisithi: Ewe, amazwi akhe oThandekayo wam ayinyani kwaye athembekile. Lowo unyamezela kude kube sekupheleni, onjalo uya kusindiswa.

16 Kwaye ngoku, bazalwana bam abathandekayo, ndiyazi ngako oku okokuba ngaphandle kokuba umntu uya ^akunyamezela kude kube sekupheleni, elandela ^bumzekelo woNyana kaThixo ophilayo, akanako ukusindiswa.

17 Ngako oko, zenzeni izinto endinixelele ukuba ndizibonile ezo iNkosi yenu noMkhululi iya kuzenza; kuba, kungesi sizathu ukuba ndiziboniswe, sokokuba manilazi isango eninokungena ngalo. Kuba isango eninokungena ngalo yinguquko ^anobhaptizo ngamanzi; kwaye ke kuze ^buxolelo lwezono zenu ngomlilo nangoMoya oyiNgcwele.

18 Nize ke nibe kule ^andlela ^bicutheneyo nemxinwa ekhokelela kubomi obungunaphakade; ewe, ningenile ngesango; nenze ngokwemiyalelo kaBawo noNyana; kwaye niwamkele uMoya oyiNgcwele, ^congqina ngaye uBawo kwakunye noNyana, ukuze kuzaliseke isithembiso awasenzayo, kwaye ukuba ningenile ngendlela niya kwamkela.

19 Kwaye ngoku, bazalwana bam abathandekayo, emva kokuba ningenile kuyo le ndlela icutheneyo nemxinwa, ndingabuza okokuba ingaba konke ^akugqityiwe na? Qaphelani, ndithi kuni, Hayi; kuba anifikelelanga apho ngaphandle kokuba kube kungelizwi likaKrestu ^bninokholo olungagungqiyo kuye, ^cnithembele ngokupheleleyo kuko ukulunga kwalowo unamandla okusindisa.

20 Ngako oko, kufuneka ^anifunzele phambili ninenzondelelo kuKrestu, ^bninethemba eliqaqambe ngokugqibeleleyo, ^cnothando lukaThixo nolwabantu bonke. Ngako oko, ukuba niya kufunzela phambili, nizondla ngelizwi likaKrestu, nize ^dninyamezele kude kube sekupheleni, qaphelani, utsho njalo uYise: Niya kufumana ubomi obungunaphakade.

21 Kwaye ngoku, qaphelani, bazalwana bam abathandekayo, le yiyo ^aindlela; kwaye ^bayikho enye indlela ^cnagama linikiweyo ngaphantsi kwezulu ekungasindiswa ngalo umntu ebukumkanini bukaThixo. Kwaye ngoku, qaphelani, le ^dyimfundiso kaKrestu, kwaye nekuphela kwayo kwaye neyinyani imfundiso ^ekaYise, neyoNyana, neyoMoya oyiNgcwele, ^fabanguThixo omnye, ongenasiphelo. Amen.