1 Ao taraia ngkai tariu aika kam tangiraki, I kan taetae nakoimi; bwa Ngai ae Nibwaai, I aki tangiria bwa kam na taku inanomi bwa kam raoiroi riki nakoia Tientaire. Bwa taraia, ngkana kam aki kaawakin ana tua te Atua ao kam na mate; ao man taeka aika a tia n taekinaki nakoimi tai taku bwa a na bane n tiringaki Tientaire.

2 Bwa taraia, I taekinna nakoimi bwa a na riki Tientaire ni kabane ake a rairinanoia bwa ana aomata i nanon te ^aberita ae tabu te Uea; ao ni kabane ^bIutaia ake aki rairinanoia a na teweaki nako; bwa e aki berita n ae tabu nakoia te Uea ma ti nakoia ake a ^crairinanoia ma ni kakoaua Natina, ae Atuan Iteraera ae Tabu.

3 Ao ngkai, I a kan taetae ni burabeti ibukin taekaia Iutaia ma Tientaire. Bwa ngkana e a tia ni koreaki nakoia Tientaire te boki are I a tia n taekinna, ao ni manga kainaki iroun te Uea, ao a na mwaiti aika a na ^akakoauai taeka aika a tia ni koreaki; ao ^ba na uoti nakoia mwangan nako kanoara.

4 Ao n te tai anne ao a na atai taekara kanoara, aron mwanangara mai Ierutarem, ao ae ngaia bon kain Iutaia.

5 Ao e na tataekinaki ana euangkerio Iesu Kristo ^anakoia; ao ^ba na kaokaki aia atatai nakon ^curingaia aia bakatibu, ao taekan naba Iesu Kristo, are a ataa taekana aia bakatibu.

6 Ao ngkanne a na kimwareirei; bwa a na ataia bwa bon te kakabwaia nakoia mai i nanon bain te Atua; ao a na bwaka maabubun roon mataia; ao a na aki mwaiti rooro aika a na rinanoi, ma ti ake a itiaki, ma ni ^akakukurei.

7 Ao e na koro bukina bwa a na ^akarekea naba kakoauan Kristo ^bIutaia ake a tia ni kamaenakoaki; ao a moana botakiia iaon te aonaba; ao a na bane n riki aomata ni kabane ake a kakoaua Kristo bwa aomata aika raoiroi.

8 Ao e na koro bukina bwa e na moana iai ana mwakuri te Uea ae te Atua n aban reeti, neewe, ma aomata nako ni moanan kaokakin ana botanaomata iaon te aonaba.

9 Ao e na ^amotiki taekaia aika kainnano te ^bUea ae te Atua i nanon te raoiroi, ao n anga te motiraoi nakoia aika a ^cnanorinano n te aonaba. Ao e na anga moti aika matoatoa mai wiina; ao e na karawawatai motin taekaia aika a buakaka ake e na taekin mai riana.

10 Bwa e na waekoa n roko te ^atai are e na ^bkaokoroia aomata te Uea ae te Atua, ao e na tiringia aika a buakaka; ao e na ^ckamaiuia ana botanaomata, eng, e ngae ngkana e riai bwa e na ^dtiringia ni kabuekia n te ai.

11 Ao kabaean nukana bon te ^araoiroi, ao bautan nukana te onimaki.

12 ^aAo e na maeka te kameaanti ma taian tiibu te teei; ao e na mena te ribwari i rarikin te kooti te teei, ma te kao te teei, ma te raian te teei, ma te kao ae marika, ni botaki; ao a na tararuaki iroun te ataei.

13 Ao a na uaaia n amwarake te kao ma te bea; ao a na botaki ni wene natiia; ao e na kang uteute te raian n aiaron te kao.

14 Ao e na takakaro te teei ae kammammaki imatan bwangan te atibi, ao e na karina baina te teei ae aki kammammaki i nanon bwangan te kaokateriti.

15 A na aki kaikoakaki ke n uruaki n au maunga ae tabu; bwa e na buta te aonaba ni wanawanan te Uea n aiaron te ran ae buta iaon taari.

16 Ngaia ae a na kaotaki bwain aaba ni ^akabane; eng, a na ^bkaotaki bwaai ni kabane nakoia natia aomata.

17 A na akea te bwai ae raba are e na aki ^akaotaki; ao a na akea mwakurin te roo are e na aki kaotaki i nanon te oota; ao a na akea te bwai are e kabaeaki iaon te aonaba are e na aki kabwaraki.

18 Ngaia ae bwaai ni kabane ake a tia ni kaotaki nakoia natia aomata a na bane ni kaotaki n te bong arei; ao e na ^aakea mwaakan Tatan inanoia natia aomata, n te tai ae maan. Ao ngkai tariu aika kam tangiraki, N nang katoka au taetae ni kawai ngkai.