1 Na afei hom nhwɛ, mo nuanom adɔfo, mebɛkasa akyerɛ hom; osiandɛ emi Nephi meremma kwan ma hom nnsusu dɛ hom yɛ atseneneefo sen Amanamamfo no. Na hwɛ, gyedɛ hom dzi Nyankopɔn ne mbrasɛm no do ɔno hom nyina bɛhera; na osian nsɛm a wɔakã no ntsi onnhia dɛ hom susu dɛ wɔbɛsɛɛ Amanamamfo no korakora.

2 Na hwɛ, mekã kyerɛ hom dɛ Amanamamfo dodow biara a wobonu hɔnho no bɛyɛ Ewuradze ^an’ahyɛmu mba, na ^bJewfo dodow biara a wonnkonu hɔnho no wobeyi hɔn tokyen; na Ewuradze nye obiara rinndzi ahyɛmu gyedɛ hɔn a ^cwonu hɔnho na wɔgye ne Ba no a ɔyɛ Israel Krɔnkrɔnnyi no dzi.

3 Na afei, merebɛhyɛ nkɔm wɔ biribi a ɔfa Jewfo na Amanamamfo ho. Na nwoma a makã ho asɛm no nya ba na wɔkyerɛw ma Amanamamfo no, na wɔasɔw ano bio dze ama Ewuradze, dodowara ^abɛgye nsɛm a wɔakyerɛw no edzi; na ^bwɔdze bɔkɔ akɛma hɛn asefo nkaa no.

4 Na afei hɛn asefo nkaa no bɛtse hɛn ho nsɛm, mbrɛ ɔyɛe ma yefi Jerusalem bae, na dɛ wɔyɛ Jewfo asefo.

5 Na Jesus Christ ne nsɛmpa no wɔbɛda no edzi wɔ ^ahɔn mu; dɛm ntsi, ^bwɔbɛsan anan mu dze hɔn egyanom hɔn ^cnyimdzee ama hɔn, nye Jesus Christ so ho nyimdzee a nna ɔwɔ hɔn egyanom mu no ho.

6 Na afei wobedzi dɛw; na wobohu dɛ ɔyɛ nhyira a ofi Nyankopɔn nsamu dze ma hɔn; na hɔn enyido abon tumm no bɛhyɛ ase apa efi hɔn enyiwa do; na ebusuasantsen pii biara runntwa mu nnkɔ wɔ hɔn mu, gyedɛ wɔabɛyɛ nkorɔfo a hɔnho tsew na hɔnho yɛ ^aenyika.

7 Na ɔbɛba dɛ ^aJewfo a wɔabɔ hɔn apetse no so bɛhyɛ ase enya gyedzi wɔ Christ mu; na ^bwɔbɛhyɛ ase aboa hɔn ano wɔ asaase no enyi; na dodowara a wɔbɛgye Christ edzi no hɔnara so na wɔbɛba abɛyɛ nkorɔfo a hɔn ho yɛ enyika.

8 Na ɔbɛba dɛ Ewuradze Nyankopɔn bɛhyɛ no ndwuma ase wɔ aman, ebusuafo, kasa horow, na nyimpa nyinara mu, dze nkenyan abrɛ no nkorɔfo a wɔwɔ asaase do.

9 Na ^aEwuradze Nyankopɔn ^bbobu ehiafo atsɛntsenenee, ɔnam pɛrpɛr do akã enyim ama hɔn a ^cwɔdwe wɔ asaase no do. Na ɔdze n’ano poma no botwa asaase akyen; na ɔdze ahom a ofi n’anofamfa asɛɛ ndzebɔnyɛfo.

10 Na ^amber no reba ntsɛntsɛm a Ewuradze Nyankopɔn dze ^bmpaapaamu kɛse bɔto nkorɔfo ntamu, na ɔbɛsɛɛ ndzebɔnyɛfo; na ^cɔbɛgye no nkorɔfo, nyew, sɛ ɔba no dɛ ɔwɔ dɛ ɔdze ^dogya sɛɛ ndzebɔnyɛfo mpo a.

11 Na ^andzeyɛtsenenee bɛyɛ n’asen abɔdo, na nokwardzi ayɛ n’abɔyamu.

12 ^aNa afei pataku nye eguambaa bɛtsena; na sebɔ nye akɔkowaba abɔmu ada fakor, na nantwiba, na awendadzeba, nye dza ɔadɔ seradze bɔbɔmu kor anantsew; na abofraba edzi hɔn enyim.

13 Na nantwi nye sisi bɔbɔmu edzidzi; hɔn mba nkakraba bɔbɔmu ada fakor; na awendadze bɔwe efuw dɛ nantwi.

14 Na enumfoanoba bɔgor ehurutsia tu ano, na abofraba a woetwa no enumfo dze ne nsa bɔto ɔkyerben tu mu.

15 Worimmpira eso wɔrennsɛɛ hɔn wɔ me bepɔw krɔnkrɔn nyinara do; osiandɛ Ewuradze ho nyimdzee bɛhyɛ asaase do mã dɛ mbrɛ nsu kata po do.

16 Dɛm ntsi, wɔbɛda ndzɛmba a ɔwɔ ^aaman nyinara mu no edzi; nyew, wɔbɛda ndzɛmba nyinara ^bedzi akyerɛ adasamba.

17 Biribiara nnyi hɔ a ɔyɛ esumadze a ^awɔnnkɛda no edzi; sum mu ndwuma biara nnyi hɔ a wɔnnkɛda no edzi wɔ kan mu; na biribiara nnyi hɔ a wɔasɔw ano wɔ asaase yi do a wɔnnkɛtsew ano.

18 Dɛm ntsi, ndzɛmba biara a wɔada no edzi akyerɛ adasamba no wɔbɛda no edzi wɔ dɛm da no so mu; na Satan rinnya tum wɔ adasamba hɔn akoma do ^abio ekodu mber pii. Na afei, mo nuanom adɔfo, ɔwɔ dɛ medze me nsɛm ba ewiei.