1 Uye zvino tarisai, hama dzangu dzinodiwa, ndinoda kutaura kwamuri; nokuti ini Nifai, handikubvumirei kuti mufunge kuti makarurama kupfuura zvichava maJentairi. Nokuti tarisai, kunze kwekunge muchichengeta mirairo yaMwari mose muchafawo; nenzira yemazwi akataurwa musafunge kuti maJentairi vanobva vaparadzwa zvachose.

2 Nokuti tarisai, ndinoti kwamuri maJentairi vose vachatendeuka vachanzi vanhu ^avechibvumirano chaIshe; uye avo vose ^bmaJuda vasingatendeuke vacharaswa, nokuti Ishe havabvumirane nevanhu ^cvasingatendeuke uye vagotenda muMwanakomana wavo, uyo anove Mutsvene weIsraeri.

3 Uye zvino, ndichaporofita zvimwe maererano nemaJuda nemaJentairi. Nokuti mushure mekuuya kwebhuku randambotaura, rigonyorwa kumaJentairi, uye rigonamwazve kuna Ishe, kuchave nevazhinji ^avachatenda kumazwi akanyorwa; uye ^bivo vachaatakura vachienda nawo kuvanhu vakasara vembeu yedu.

4 Uye ndizvo zvichaita kuti vakasara vembeu yedu vazive nezvedu, kuti takabva sei kuJerusarema, nokutiwo ivo chizvarwa chemaJuda.

5 Uye vhangeri raJesu Kristu richaparidzwa ^akwavari; nokudaro, ^bivo vachadzorerwa ruzivo rwemadzibaba avo, ^cnekuruzivo rwaJesu Kristu, rwakange rwuri kumadzibaba avo.

6 Uye zvino ndipo pavachazofara; nokuti vanenge voziva kuti maropafadzo kwavari abva muruoko rwaMwari; uye maranga erima ndipo paachatanga kubva mumaziso avo; zvizvarwa zvakawanda hazvipfuure mukati mavo, kunze kwokunge vari vakachena uye vari vanhu ^avanofadza.

7 Uye zvichaitika kuti ^amaJuda ayo akapararira nenyika yose naivowo ^bvachatanga kutenda munaKristu; uye vachatanga kuungana pasi pose; uye avo vachatenda munaKristu naivowo vachave vanhu vanofadza.

8 Uye zvichaitika kuti Ishe Mwari vachatanga basa ravo mukati menyika dzose, marudzi, ndimi, navanhu, kuti vaunze kudzorerwa pakare kwevanhu vavo pamusoro penyika.

9 Uye Ishe Mwari ^avachatonga varombo ^bnokururuma, nekutsiura zvakafanira ^cvakapfava venyika. Uye vacharanga nyika nedanda remuromo wavo; nekufema kwemirono yavo vachauraya vakaipa.

10 Nokuti ^anguva iri kusvika nokukurumidza iyo Ishe yavachakonzera ^bkupesana pakati pevanhu, uye vakaipa vovaparadza, uye ^cvachaponesa vanhu vavo, hongu, kunyange dai kuri kuti vakafanira ^dkuparadza vakaipa nemoto.

11 Uye ^akururama ndiko kunoita bhanhire remuchiuno mavo, uye kuzara nerutendo kuve matomhu avo.

12 Uye ndipo ^apachagara chikara nehwayana; uye mbada icharara pamwechete nembudzana, nemhuru, nemwana weshumba, nemhuru yekukodza, pamwechete; uye zvichatungamiriwa nekamwana kadiki.

13 Uye mhou yemombe nebere zvichadya; uye vana vazvo vacharara pamwechete; uye shumba ichadya uswa semombe.

14 Uye mwana ari pazamu achatambira pamwena wenyoka, uye mwana arumurwa achapinza ruoko rwake pamusuo weguru renyoka.

15 Hazvizokuvadza kana kuparadza mumakomo angu ose matsvene; nokuti pasi pose pachazara neruzivo rwaIshe sekuzara kwakaita mvura mugungwa.

16 Nokudaro, zvose zvinhu ^azveose marudzi zvichaitwa kuti zvizivikanwe, hongu, zvose zvinhu zvichaitwa kuti ^bzvizivikanwe nevana vevanhu.

17 Hakuna chakavandika ^achisingazoburitswa pachena; hakuna mabasa anoitwa murima asingazoburitswa muchiedza; uye hakuna chakanamwa pano pasi chisingazonamanurwa.

18 Nokudaro, zvose zvinhu zvakaratidzwa vana vevanhu zvichaburitswa pachena musi iwoyo; uye Satani ^ahaazove nesimba mumwoyo yevana vevanhu, kwenguva huru. Uye zvino, hama dzangu dzinodiwa, ndinogumira pano mukutaura kwangu.