1 Ket ita kunak kenka, Jose, a ^aburidek nga anakko. Nayanakka iti langalang a nagsagabaak; wen, inyanaknaka ti inam kadagiti aldaw a nakaro unay ti panagladingitko.

2 Ket maikonsagrar koma met ti Apo para kenka daytoy a ^adaga, a kapatgan a daga, a tawidmo ken tawid iti kaputotam agraman dagiti lallaki a kakabsatmo, a pammatalged para kadakayo iti agnanayon, no la ket tungpalenyo dagiti bilin ti Nasantuan ti Israel.

3 Ket ita, Jose, buridek nga anakko, nga impanawko iti langalang iti rigrigatko, sapay koma ta bendisionannaka ti Apo iti agnanayon, ta dagiti kaputotam saanto pulos a ^amadadael.

4 Ta kitaen, sika ti bunga dagiti lomok; ket nagtaudak iti kapupuon ni ^aJose a naipan nga ^badipen idiay Egipto. Ket naindaklan dagiti katulagan nga inaramid ti Apo ken ni Jose.

5 Gapuna, pudno a ^anakita ni Jose ti panawentayo. Ket nagun-odna ti kari ti Apo, a manipud iti bunga ti lomona, mangpataudto ti Apo a Dios iti ^bnalinteg a ^csanga iti balay ti Israel; saan a ti Mesias, ngem maysa a sanga a maisinanto; ngem nupay kasta, malagipto kadagiti katulagan ti Apo a masapul a maiparangarangto kadakuada ti ^dMesias iti ud-udina nga aldaw, iti espiritu ti bileg, iti pannakairuarda iti ^ekasipngetan nga agturong iti lawag—wen, manipud iti nailemmeng a kinasipnget ken manipud iti pannakaadipen nga agturong iti wayawaya.

6 Ta pudno nga impaneknek ni Jose, a kinunana: Maysa a ^amammadto ti pataudento iti Apo a Diosko, isu a napili a mammadto kadagiti bunga ^biti lomok.

7 Wen, pudno a kinuna ni Jose: Kinuna ti Apo kaniak: Pataudekto ti maysa a napili a ^amammadto manipud iti bunga dagiti lomom; ket isunto ti madaydayaw unay kadagiti amin a bunga iti lomom. Ket mangtedakto kenkuana iti bilin a mangisayangkatto ti aramid para kadagiti bunga ti lomom, dagiti kakabsatna, a dakkelto ti pategna kadakuada, uray pay iti pannakaipakaammo kadakuada dagiti katulagan nga inkarik kadagiti ammam.

8 Ket mangtedakto kenkuana ti bilin nga ^aawanto ti sabali nga aramidenna, malaksid ti aramid nga ibilinko kenkuana. Ket aramidekto a naindaklan iti imatangko; gapu ta isayangkatnanto ti aramidko.

9 Ket agbalinto a maingel a kas ken ni ^aMoises, a nasaok a patanurekto para iti pagimbaganyo, a ^bmangisalakan kadagiti tattaok, O balay ti Israel.

10 Ket patanurekto ni Moises, a mangisalakan kadagiti tattaom manipud iti daga ti Egipto.

11 Ngem patanurekto ti maysa a mammadto manipud iti bunga dagiti lomom; ket itedkonto kenkuana ti ^abileg ti pannakaipalgak iti saok kadagiti kaputotan iti lomom—ken saan laeng a ti pannakaipalgak ti saok, kuna ti Apo, ngem ti pannakaallukoyda iti saok, a naikasaban kadakuada.

12 Gapuna, ti bunga dagiti lomom ket ^aagsuratto; ken ti bunga dagiti lomo ni ^bJuda ket ^cagsuratto, ken kasta met ti isuratto ti bunga dagiti lomo ni Juda, agtipondanto a sangsangkamaysa, ti ^dpannakatubngar dagiti ulbod a doktrina ken pannakapasardeng iti panagsususik, ken pannakabuangay iti talna ti bunga dagiti lomom, ken ^epannakaidanon kadakuada iti pannakaammo kadagiti ammada iti ud-udina nga aldaw, ken kasta met iti ^fpannakaammoda kadagiti katulagak, kuna ti Apo.

13 Ket mapapigsanto isuna manipud iti kinalupoy, iti dayta aldaw a panangrugi ti aramidko kadagiti amin a tattaok, a mangipaay iti pannakaisublim, O balay ti Israel, kuna ti Apo.

14 Ket kastoy ti panangipadto ni Jose, a kunana: Kitaem, bendisionanto ti Apo dayta a mammadto; ket maparmekto dagiti manggandat a mangdadael kenkuana; ta matungpalto daytoy a kari, a nagun-odko iti Apo, iti bunga dagiti lomok. Kitaen, siguradoak iti pannakatungpal daytoy a kari;

15 Ket maisurotto kaniak ti ^anaganna; ket maisurotto iti ^bnagan ti amana. Ket maipadanto isuna kaniak; ta ti banag, nga ipalgakto ti Apo iti imana, babaen ti pannakabalin ti Apo isunto ti mangisalakan kadagiti tattaok.

16 Wen, kasta ti impadto ni Jose: Natalgedak iti daytoy a banag, uray pay a natalgedak iti kari ni Moises; ta kinuna ti Apo kaniak, ^ataginayonekto dagiti kaputotam iti agnanayon.

17 Ket kinuna ti Apo: Mangpatanurak iti Moises; ket ikkak iti pannakabalin babaen ti sarukod; ket itdek kenkuana ti panangukom babaen ti surat. Ngem saankonto a lukayan ti dilana, tapno agsaonto iti adu, ta saanko nga aramiden a nalaing nga agsao. Ngem ^aisuratkonto kenkuana ti lintegko, babaen ti ramay ti imak; ken addaanto ^bpannakangiwat nga itudingko.

18 Ket kinuna met ti Apo kaniak: Mangpatanurak iti bunga dagiti lomom; ket mangtudingakto iti pannakangiwat. Ket siak, kitaen, palubosakto isuna a mangisurat iti kasuratan ti bunga dagiti lomom; para iti bunga dagiti lomom; ket iwaragawagto ti tagapagsarita dagiti lomom.

19 Ket dagiti balikas nga isuratnanto isunto dagiti balikas a maitutop iti siribko a maidanonto iti ^abunga dagiti lomom. Ket maaramidto a kasla impukkaw kadakuada ti bunga dagiti lomom ^bmanipud iti tapok; gapu ta ammok ti pammatida.

20 Ket ^aumararawdanto manipud iti tapok; wen, uray pay ti panagbabawi dagiti kakabsatda, nupay adun a sangkaputotan ti naglabas kadakuada. Ket mapasamakto a mangngeg dagiti ararawda, a kas mayannurot iti kinalawag dagiti balikasda.

21 Gapu iti pammatida idanonkonto dagiti ^asaoda manipud iti ngiwatko para kadagiti kakabsatda a bunga dagiti lomom; ket papigsaekto ti pagkapsutan dagiti balikasda iti pammatida, iti pannakaipalagip dagiti katulagan nga imbatik kadagiti ammayo.

22 Ket ita, kitaen, anakko a Jose, kastoy ti wagas ti amak iti ugma a ^anangipadto.

23 Gapuna, mabendisionanka gapu itoy a katulagan; ta saanto a madadael dagiti kaputotam, ta dumngegdanto kadagiti balikas iti libro.

24 Ket addanto mapatanor a maingel kadakuada, nga agaramid iti adu a kinaimbag, nga agpada iti sao ken aramid, a maaramat kadagiti ima ti Dios, nga addaan iti aglaplapunosan a pammati, nga agaramid iti naindaklan a kinadatdatlag, ken agaramid iti banag a naindaklan iti imatang ti Dios, iti pannakaipatungpal ti adu a pannakaisubli iti balay ti Israel, ken ti kaputotan dagiti kakabsatmo.

25 Ket ita, nagasatka, Jose. Kitaen, ubingka pay; gapuna denggem dagiti balikas ti kabsatmo, a ni Nephi, ket maaramidto kenka a mayannurot kadagiti balikas a naisaokon. Laglagipem dagiti balikas ti matmatayen nga amam. Amen.