1 Ma o lenei, ou te tautala atu ia te oe, Iosefa, la’u ^auii. Sa fanauina oe i le vao o o’u puapuaga; ioe, o aso o lo’u faanoanoa tele na fanauina ai oe e lou tinā.

2 Ma talosia ia faapaiaina foi e le Alii lenei ^alaueleele mo oe, lea ua sili ona pele, e fai mou tofi ma tofi o au fanau faatasi ma ou uso, mo lou saogalemu e faavavau, pe afai e te tausi i poloaiga a le Paia e Toatasi o Isaraelu.

3 Ma o lenei, Iosefa e, la’u uii, o lē na ou aumai le vao o o’u puapuaga, ia faamanuiaina lava oe e le Alii e faavavau, ona o le a lē ^afaaumatiaina lava au fanau.

4 Aua faauta, o oe o le fua o o’u sulugatiti; ma o a’u o se e tupuga mai ia ^aIosefa o lē na ave ^efaatagataotaua i Aikupito. Ma sa maoa’e lava feagaiga a le Alii sa faia e ia ia Iosefa.

5 O le mea lea, sa ^avaai lava Iosefa i o tatou aso. Ma sa maua e ia se folafolaga mai le Alii, e faapea o le a faatuina a’e e le Alii le Atua mai le fua o ona sulugatiti se ^elala ⁱamiotonu i le aiga o Isaraelu; e lē o le Mesia, ae o se lala o le a fa’i ese, ae ui i lea, ina ia manatua i feagaiga a le Alii e faapea o le a faaali mai le ^oMesia ia te i latou i aso e gata ai, i le mana o le agaga, e aumai ai i latou mai le ^upouliuli i le malamalama—ioe, i fafo mai le pouliuli natia ma mai le faatagataotauaina i le saolotoga.

6 Ona sa molimau mai lava Iosefa, e faapea: O le a faatu mai e le Alii lo’u Atua se ^atagatavā’ai, o lē o le a avea ma tagatavā’ai filifilia i le fua o o’u ^esulugatiti.

7 Ioe, sa fai mai lava Iosefa: Ua faapea ona fetalai mai o le Alii ia te a’u: O le a Ou faatuina a’e se ^atagatavā’ai filifilia mai le fua o ou sulugatiti; ma o le a taua tele o ia i totonu o le fua o ou sulugatiti. Ma o le a Ou tuu atu ia te ia se poloaiga ia ona faia se galuega mo le fua o ou sulugatiti, o ona uso, lea o le a aoga tele ia te i latou, e oo ina aumai ai i latou i le malamalama e uiga i feagaiga na Ou faia ma ou tamā.

8 Ma o le a Ou tuu atu ia te ia se poloaiga ia ^alē faia e ia se isi lava galuega, vagana ai le galuega o le a Ou poloaiina ai o ia. Ma o le a Ou faasilisilia o ia i o’u luma; ona o le a ia faia la’u galuega.

9 Ma o le a silisili o ia e pei o ^aMose, o lē sa Ou fai atu o le a Ou faatuina a’e mo outou, e ^elaveai lo’u nuu, E, le aiga e o Isaraelu.

10 Ma o Mose o le a Ou faatuina a’e, e laveai ou tagata mai le laueleele o Aikupito.

11 Ae o le a Ou faatuina a’e se tagatavāai mai le fua o ou sulugatiti; ma o ia o le a Ou tuu atu i ai le ^amana e aumai ai la’u upu i le fanau a ou sulugatiti—ma e lē nao mo le aumaia o la’u upu, ua fetalai mai ai le Alii, ae mo le faatalitonuina foi o i latou i la’u upu, lea o le a tatau ona uma ona tuuina atu muamua i totonu o i latou.

12 O le mea lea, o le a ^atusia e le fua o ou sulugatiti; ma o le a ^etusia foi e le fua o sulugatiti o ⁱIuta; ma o mea o le a tusia e le fua o ou sulugatiti, ma mea o le a tusia foi e le fua o sulugatiti o Iuta, o le a tutupu faatasi, e ^ota’usese ai i mataupu sese ma faamutaina ai finauga, ma faatuina ai le filemu i totonu o le fua o ou sulugatiti, ma ^uaumai ai i latou i le ^fmalamalama e uiga i o latou tamā i aso e gata ai, ma i le malamalama foi o a’u feagaiga, ua fetalai mai ai le Alii.

13 Ma o le a faamalosia o ia mai le vaivai, i lena aso pe a amata la’u galuega i totonu o o’u tagata uma, i le toefuataiga o oe, le aiga e o Isaraelu, ua fetalai mai ai le Alii.

14 Ma sa faapea ona vavalo o Iosefa, e faapea: Faauta, o lena tagatavāai o le a faamanuiaina e le Alii; ma o i latou o e e saili e faaumatia o ia o le a faatoilaloina; ona o lenei folafolaga, na ou maua mai i le Alii, e uiga i le fua o o’u sulugatiti, o le a faataunuuina lava. Faauta, ua ou mautinoa e uiga i le faataunuuina o lenei folafolaga.

15 Ma o lona ^aigoa o le a faaigoa ia te a’u; ma o le a faaigoa i le ^eigoa o lona tamā. Ma o le a faapei o ia o a’u; ona o le mea o le a aumai e le Alii e ala mai i lona aao, e ala i le mana o le Alii, o le a aumai ai o’u tagata i le olataga.

16 Ioe, sa faapea ona vavalo o Iosefa: Ua ou mautinoa e uiga i lenei mea, e pei ona ou mautinoa e uiga i le folafolaga e faatatau ia Mose; ona na fetalai mai le Alii ia te a’u, o le a Ou ^afaasaoina au fanau e faavavau.

17 Ma sa fetalai mai le Alii: O le a Ou faatuina a’e se Mose; ma o le a Ou tuu atu ia te ia le mana i se tootoo; ma o le a Ou tuu atu ia te ia le faamasinoga i tusitusiga. Peitai Ou te lē tatalaina lona laulaufaiva, ina ia soona tautala o ia, ona o le a Ou lē faia o ia ia malosi i le tautala. Ae o le a ’Ou ^atusi atu ia te ia la’u tulafono, i le tamatamailima o lo’u lava lima; ma o le a Ou faia se ^efailauga mo ia.

18 Ma sa fetalai mai foi le Alii ia te a’u: O le a Ou faatuina a’e i le fua o ou sulugatiti; ma o le a Ou faia se failauga mo ia. Ma o a’u, faauta, o le a Ou tuu atu ia te ia ia tusi e ia le tusitusiga a le fua o ou sulugatiti, mo le fua o ou sulugatiti; ma o le failauga o ou sulugatiti o le a ia folafolaina atu.

19 Ma o upu o le a tusia e ia o upu ia ua tatau i lo’u poto ona oo atu i le fua o ou sulugatiti. Ma o le a peiseai e alaga mai le ^afua o ou sulugatiti ia te i latou ^emai le efuefu; ona ua Ou iloa lo latou faatuatua.

20 Ma o le a latou ^aalaga mai i le efuefu; ioe, le salamo i o latou uso, e oo lava i le tele o tupulaga e mavae atu mai ia te i latou. Ma o le a oo mai foi, ina o le a alu atu la latou alaga, e tusa lava ma le faigofie o a latou upu.

21 Ona o lo latou faatuatua o le a o atu ai a latou ^aupu mai lo’u gutu i o latou uso o e o le fua o ou sulugatiti; ma o le vaivai o a latou upu, o le a Ou faamalosia i lo latou faatuatua, e oo i le manatuaina o la’u feagaiga na Ou faia ma ou tamā.

22 Ma o lenei, faauta, lo’u atalii e Iosefa, sa faapea le ala na ^avavalo ai lo’u tamā anamua.

23 O le mea lea, ona o lenei feagaiga, ua faamanuiaina oe; ona o le a lē faaumatiaina au fanau, ona o le a latou faalogo atu i upu o le tusi.

24 Ma o le a tulai mai i totonu o i latou se tasi ua malosi, o lē o le a ia faia mea lelei e tele, i upu ma galuega, i le avea ma auupega i aao o le Atua, ma le faatuatua tele, e fai ai mea ofoofogia tetele, ma fai ai lena mea ua silisili i le silafaga a le Atua, mo le faataunuuina o le toefuataiga o mea e tele i le aiga o Isaraelu, ma i le fanau a ou uso.

25 Ma o lenei, amuia oe Iosefa. Faauta, ua e itiiti; o le mea lea ia e faalogo ai i upu a lou uso, o Nifae, ma o le a faapea ona faia ai ia te oe e tusa ma upu ua ou fai atu ai. Ia e manatua upu a lou tamā o le a oti. Amene.