Ebʼ li loqʼlaj hu
2 Nefi 29


Ch’ol 29

Naab’aleb’ laj Gentil te’xtz’eqtaana lix Hu laj Mormon—Te’xye, maajun chik Santil Hu naqaj ru—Li Qaawa’ naraatinaheb’ k’iila tenamit—A’an tixraq aatin chirix li ruchich’och’ rik’in li k’a’ru wan sa’eb’ li hu te’tz’iib’amanq. Wan na 559–545 chihab’ ma nayo’la li Kristo.

1 A’ut k’ehomaq reetal, te’wanq naab’al—sa’ li kutan a’an naq tin’ok chixb’aanunkil jun li asachb’a-ch’oolejil k’anjel sa’ xyanqeb’, re taajultiko’q we lin bsumwank kink’uub’ choq’ reheb’ li ralal xk’ajoleb’ li winq, re tink’e wi’chik li wuq’ cxkab’ sut re xk’amb’al chaq wi’chik lin tenamit, li wankeb’ sa’ lix junkab’al laj Israel;

2 Ut jo’kan ajwi’, re taajultiko’q we li k’a’ru kinyeechi’i aawe laa’at, at Nefi, ut re ajwi’ laa yuwa’, naq te’jultiko’q we lee riyajil, ut re naq li araatin lee riyajil taa’elq chaq sa’ xtz’uumal we ut taaxik rik’ineb’ lee riyajil; ut li waatin btaajub’aq toj sa’ xmaril li ruchich’och’, choq’ ceetalil chiru lin tenamit, li wankeb’ sa’ lix junkab’al laj Israel;

3 Ut rik’in naq taajub’aq chaq li waatin—naab’al reheb’ laj Gentil te’xye: Jun li aSantil Hu! Jun li Santil Hu! Ak wan qik’in jun li Santil Hu, ut ink’a’ naru nawan junaq chik li Santil Hu.

4 A’b’anan jo’ka’in naxye li Qaawa’ Dios: Jipeb’ xxik a’an, taawanq jun li Santil Hu rik’ineb’, ut taachalq chaq rik’ineb’ laj aJudio, lin najter tenamit re li sumwank. Ut k’a’ru neke’xb’antioxi wi’ chiruheb’ laj Judio xb’aan li bSantil Hu xe’xk’ul rik’ineb’? Relik chi yaal, k’a’ pe ru neke’xk’oxla laj Gentil? Ma najultiko’ tab’i’ reheb’ lix tawajikeb’, ut lix k’anjeleb’, ut lix rahileb’ laj Judio, ut chanru naq yalb’ileb’ chaq xq’e chiwu sa’ xk’amb’al li kolb’a-ib’ rik’ineb’ laj Gentil?

5 Aay, ex aj Gentil, ma xe’jultiko’ eere laj Judio, lin najter tenamit re li sumwank? Ink’a’ ut; xemajewaheb’ b’an, ut axik’ xerileb’, ut ink’a’ xesik’ xk’amb’aleb’ chaq wi’chik. A’ut k’ehomaq reetal, tinsutq’isi chixjunil li k’a’aq re ru a’in sa’ xb’een tz’aqal lee jolom; xb’aan naq laa’in, li Qaawa’, moko sachenaq ta sa’ inch’ool lin tenamit.

6 Jip aaxik, laa’at li tatyehok re: Jun li aSantil Hu, ak wan qik’in jun li Santil Hu, ut maajun chik Santil Hu na’aje’ chiqu. Ma xek’ul ta raj b’i’ jun li Santil Hu wi ta moko xb’aaneb’ ta laj Judio?

7 Ma ink’a’ nekenaw naq moko jun ajwi’ ta chi tenamit wan? Ma ink’a’ nekenaw naq laa’in, li Qaawa’ lee Dios, axinyo’ob’tesi chixjunileb’ li winq, ut naq neke’jultiko’ we li wankeb’ sa’eb’ li bch’och’ sa’ xyi li palaw; ut naq nintaqlan sa’ li choxa taqe’q ut sa’ li ch’och’ taq’a; ut nink’e chi k’utmank li waatin chiruheb’ li ralal xk’ajoleb’ li winq, relik chi yaal, sa’ xb’eeneb’ chixjunil li tenamit re li ruchich’och’?

8 K’a’ut naq nekexwech’in rik’in naq teek’ul chik xkomon li waatin? Ma ink’a’ nekenaw naq li yaal te’xch’olob’ li awiib’ chi tenamit wan bchixk’utb’al xyaalal eere naq laa’in li Dios, naq najultiko’ we li jun tenamit jo’ chanru ajwi’ li jun chik? Jo’kan ut, juntaq’eet li aatin ninye re li jun tenamit rik’in li re li jun chik. Ut naq te’junajo’q li wiib’ chi ctenamit, taajunajo’q ajwi’ li yaal xe’xch’olob’ li wiib’ chi tenamit.

9 Ut ninb’aanu a’in re tink’ut xyaalal chiruheb’ naab’al naq laa’in ajuntaq’eetin ewer, anajwan, ut chi junelik; ut naq nokoxinye li waatin jo’ chanru li nasaho’ wi’ inch’ool. Ut rik’in naq xinye jun li baatin, moko na’aje’ ta naq teek’oxla naq ink’a’ naru ninye junaq chik; xb’aan naq maji’ naraqe’ lin k’anjel, ut ink’a’ ajwi’ taaraqe’q toj sa’ roso’jik li winq, chi moko chirix a’an chi junelik q’e kutan.

10 Jo’kan ut, rik’in naq wan eerik’in jun li Santil Hu, meek’oxla naq chixjunil li awaatin wan chi sa’; chi moko chek’oxla naq maak’a’ chik li xink’e chi tz’iib’aak.

11 Xb’aan naq nintaqlaheb’ achixjunil li winq, sa’ releb’aal li saq’e ut sa’ li rokeb’aal, ut sa’ lix nim ut sa’ lix tz’e, ut sa’eb’ li ch’och’ sa’ xyi li palaw, naq bte’xtz’iib’a li aatin li ninye reheb’; xb’aan naq rik’in li wan sa’eb’ li chu te’tz’iib’amanq laa’in dtinraq aatin chirix li ruchich’och’, li junjunq chi winq jo’ chanru lix k’anjeleb’, jo’ chanru li k’a’ru tz’iib’anb’il.

12 Xb’aan naq k’ehomaq reetal, tinwaatinaheb’ laj aJudio ut eb’ a’an te’xtz’iib’a; ut tinwaatinaheb’ ajwi’ laj Nefita ut eb’ a’an bte’xtz’iib’a; ut te’waatina ajwi’ lix komoneb’ lix teepal lix junkab’al laj Israel, li keb’ink’am chi najt, ut eb’ a’an te’xtz’iib’a; ut te’waatina ajwi’ cchixjunileb’ li tenamit sa’ li ruchich’och’, ut eb’ a’an te’xtz’iib’a.

13 Ut taak’ulmanq naq eb’ laj aJudio te’xk’ul li raatineb’ laj Nefita, ut eb’ laj Nefita te’xk’ul li raatineb’ laj Judio, ut eb’ laj Nefita ut eb’ laj Judio te’xk’ul li raatineb’ lix teepal laj Israel li sachenaqeb’; ut eb’ lix bteepal laj Israel li sachenaqeb’ te’xk’ul li raatineb’ laj Nefita ut eb’ laj Judio.

14 Ut taak’ulmanq naq eb’ lin tenamit, li wankeb’ sa’ lix ajunkab’al laj Israel, te’ch’utub’aaq wi’chik sa’ li ch’och’ wan wi’ li reechanihomeb’; ut jo’kan ajwi’ li waatin taach’utub’aaq sa’ bjunajil. Ut laa’in tink’ut chiruheb’ li neke’pleetink re li waatin ut re lin tenamit li wankeb’ sa’ lix cjunkab’al laj Israel, naq laa’in li Dios, ut naq dkin’ok sa’ sumwank rik’in laj Abraham naq eb’ li eriyajil te’jultiko’q we chi fjunelik.