Koroboki Aika Tabu
2 Nibwaai 28


Mwakoro 28

A mwaiti ekaretia ni kewe aika a na kateaki ni bong aika kaitira—A na reiakin tua aika kewe, aki bongana, ao ni burababa—E na mwaiti kitanan te koaua ibukin aia waki taan reirei ni kewe—E na kakorakorai marakin nanoia aomata te riaboro—E na reiakin tua aika kewe n aekaia nako. Uakaan ma 559–545 I.K.

1 Ao ngkai, tariu, taraia, I a tia n taetae nakoimi, n aron are kairai te Tamnei bwa N na taekinna; mangaia ae I ataia bwa a na bon koro bukiia.

2 Ao a na rangi ni akakawaki bwaai aika a koreaki mai nanon te bboki ibukiia natia aomata, ai moaraa riki kanoara, aika mwakoron te bata are Iteraera.

3 Bwa e na koro bukina bwa n te bong arei aekaretia aika a kateaki, n aki kateaki ibukin te Uea, ao ngkana e taku temanna nakon are temanna: Taraia, Ngai, bon Ngai ana bwai te Uea; ao tabemwaang ana kangai: Ngai bon Ngai ana bwai te Uea, ao bon aio are a taekinna ake a katei ekaretia, ma aki kateaki ibukin te Uea—

4 Ao a na itabaraara imarenaia; ao a na itabaraara aia ibonga imarenaia, ao a na anga areirei n aron rabakauia, ao a na kaakeaa te Tamnei are Raoiroi, are ngaia ae anga te kariaiakaki n taetae.

5 Ao a na akaakea bmwaakan te Atua, ma Atuan Iteraera ae Tabu; ao a na kangai nakoia aomata: Ongo iroura, ao ongora ara reirei; bwa nooria bon cakea te Atua ni boong aikai, bwa te Uea ao te Tia Kabooira e a tia ni karaoa ana mwakuri, ao e a tia n anga mwaakana nakoia aomata.

6 Nooria, ongo n au tua; ao ngkana a taku bwa iai te kakai ae karaoaki ni bain te Uea, tai kakoaua; bwa n te bong aei ao bon tiaki ngaia Atuan te akakai; e bon tuai ni karaoa ana mwakuri.

7 Eng, ao a mwaiti aika a na kangai: aAmwarake, mooi, ao kimwareirei, bwa ti na mate nakon te ingabong; ao a na akea te bwai ae e na riki nakoira.

8 Ao a mwaiti naba aika a na kangai: Amwarake, mooi, ao kimwareirei; ma ko riai ni maaka te Atua—e na ti akariaia karaoan te bure ae uarereke; eng, kabebetea am bkewe, babakanikawaia temanna n aron tein ana taeka, ckaikoaka kain rarikim; akea te bwai ae e na riki nakoim ni karaoan bwaai aikai; ao karaoi bwaai aikai ni kabane bwa nakon te ingabong ao ti na mate; ao ngkana arona bwa ti reke n te bure iai, ao e na oroira teutana te Atua, ao n tokina ti na kamaiuaki n uean te Atua.

9 Eng, ao a mwaiti akana a na areirei n te aro aio, tua aika a kewe man aki bongana ao ni bburababa, ao a na onrake n te kamoamoa, ao a na kakorakoraia ni karabai mai iroun te Uea aia taeka; ao aia mwakuri bon bwain te roo.

10 Ao araraaia aomata aika itiaki e na tang mai aontano ni kaaitaraia.

11 Eng, a bane n tia ni kitana akawain te raoiroi; ao a taonaki n te bbuakaka.

12 Ao a bane n taonaki aia ekaretia n te buakaka ibukin te akamoamoa, ao ibukia taan reirei ni kewe, ma tua ni kewe, ao a kamoamoa aia ekaretia; ao a onrake n te kamoamoa.

13 A airaa mai irouia aika bkainnano bwa e aonga n tei aia tabo n taromauri aika raraoi; ao a iraa mai irouia aika kainnano bwa e aonga n reke aia kunnikai aika raraoi; ao a bwainikirinia aika nanorinano, ibukina bwa a onrake n te ckamoamoa.

14 A bwaina te abonotaninga ma ni karietatai atuuia; eng, ao a kitana te koaua ibukin te kamoamoa ao te buakaka, ao mwakuri aika a ribaki, ma mwakuri ni kabekaau, a bane n btaonnako n ti tabeman nikiraia, aika ana reirei Kristo aika nanorinano; ma e ngae n anne ao a kairaki, ao a mwaiti taai ake a bwaka iai ngkai a tia n reireinaki n aron aia rabakau aomata.

15 O Taan awanawana, ma aika a rabakau, ma aika a kaubwai, ma aika onrake ni bkamoamoan nanoia, ao aomata ni kabane ake a tataekin reirei ni kewe, ma aomata ni kabane aika a karaoi mwakuri ni kabekaau, ao a taekina kawain te Uea ni kaburea, a na bon creke kaia, n aron ana taeka te Uea ae te Atua ae Moan te Mwaaka, bwa a na karenakoaki nako moone!

16 A na reke kaia akana a aaki kan ongo ana tangitang te aomata ae raoiroi ao n teirake ni kaaitarai bwaai aika raoiroi, ao n taku bwa akea manenaia! Bwa e na roko te bong are waekoa iai te Uea ae te Atua ni kawaria kaain te aonaba; ao n te bong are a bkororake iai i nanon te bure ao a na mate.

17 Ma taraia, ngkana a rairinanoia kaain te aonaba man aia bure ma aia mwakuri aika a ribaki ao a na aki tiringaki, n aron ana taeka aia Uea Taanga ni Buaka.

18 Ma taraia, e na bwaka te ekaretia ae korakora man ribaki, ae akabekaaun te aonaba, ao e na korakora bbwakana.

19 Bwa e na akamwaeieaki uean te riaboro, ao e riai bwa a na kamwaeieaki bwa aonga n rairinanoia, bwa ngkana aki ao e na kabaeiia te briaboro n ana ctaurekereke n aki totoki, ao e na kakorakoraki marakin nanoia, ao a na mate.

20 Bwa taraia, n te bong arei ao e na aun inanoia natiia aomata, ao e na kakorakorai marakin nanoia ni kaaitarai bwaai aika a raoiroi.

21 Ao e na akamaraui nanoia tabemwaang, ao e na karaurau ni keweia bwa aongkoa a mano ni maiuakinan te aonaba, ao a na kangai: E raoi Tion; eng, e rikirake waakin Tion, e raoi—ao te briaboro e na kamwaneia tamneia, ao e na karaurau ni kairia nako moone.

22 Ao taraia, e na wii ni kababa nakoia tabemwaang, ao e na tuangiia bwa akea amoone; ao e na kangai nakoia: Tiaki ngai te riaboro, bwa bon akea te riaboro—ao e na wirikiriki i nanon taningaia, ni karokoa te tai are a na bae n ana btaurekereke, ao a na aki kona n reke kamaiuaia.

23 Eng, a kabaeaki ma te mate, ma moone; ao te mate, ma moone, ao te riaboro, ao aomata ni kabane ake a tia ni bae n ana taurekereke a na bane n tei imatan ana kaintoka n uea te Atua, ao a na amotikaki taekaia n aron aia mwakuri, ma a na nako nakon te tabo are e a tia ni katauraoaki ibukiia, n aiaron te bnei n ai ma te raanga n ai, ae te kammarakaki ae aki totoki.

24 Mangaia ae e na reke kain te aomata are taku bwa e raoi i Tion!

25 E na reke kain are e kangai: A raoi bwaai ni kabane!

26 Eng, e na reke kain ane aongeaba nakon aia reirei aomata, ao e kaakea mwaakan te Atua, ma te bwaintituaraoi ae te Tamnei ae Raoiroi!

27 Eng, e na reke kain ane kangai: Ti a tia ni karekea, ao akea riki te bwai ae ti akainnanoia!

28 Ao ni kakimototoa, a na reke kaia akana ruru, man aun n ana koaua te Atua! Bwa taraia, bwa e na kukurei ni butimwaia te aomata are e kateitei iaon te bbwa; ao ane e kateitei iaon te tano e na ruru bwa e rawa ni bwaka.

29 E na reke kain ane kangai: Ti a tia ni karekea ana taeka te Atua, ao ti aaki manga bkainnanoa ana taeka te Atua, bwa e tau are ti a tia ni karekea!

30 Bwa taraia, e kangai ana taeka te Uea ae te Atua: Nna anganiia natiia aomata teutana i mwin teutana, te areirei teuana i mwin teuana; ao a na kakabwaiaki akana a ongeaba nakon au reirei, ao ni kauki taningaia nakon au taeka n reirei, bwa e na reke irouia te bwanawana; bwa N na anga nakon ane e cbutimwaia ae dmwaiti riki; ao mai irouia ake a kangai, E a tau are ti a tia ni karekea, N na anai ake I a tia n anganiia.

31 E na maraia ane e aonimakina te aomata, ke n onimakina mwaakan te aomata, ke n ongeaba nakon aia reirei aomata, ma ti ngkana anga aia reirei ni mwaakan te Tamnei are Raoiroi.

32 E na areke kaia Tientaire, n aron ana taeka te Uea ae te Atua ae aia Uea Taanga ni Buaka! Bwa e ngae ngke I arora baiu nakoia ni katoa bong, ma a na bon kaakeaai, ma n na nanoangaia, n aron ana taeka te Uea ae te Atua, ngkana a rairinanoia ao a nakoiu; bwa N na arora bbaiu i nanon te bong ae bwanin, n aron ana taeka te Uea ae te Atua ae aia Uea Taanga ni Buaka.