1 Na afei, hwɛ, mo nuanom, makasa akyerɛ hom dɛ mbrɛ Sunsum no hyɛ me; dɛm ntsi, minyim dɛ ne nyinara bɛba mu ampa.

2 Ndzɛmba a wɔbɛkyerɛw efi ^anwoma no mu no ^bbɔsom bo kɛse ama adasamba, na nkanka hɛn asefo a wɔyɛ Israel fifo nkaa no.

3 Na ɔbɛba dɛ dɛm da no mu ^ansɔrbansɔrba a wɔatsetsew na wɔammfa amma Ewuradze no, ber no hɔn mu kor bɛse kor dɛ: Hwɛ, emi, emi meyɛ Ewuradze dze; na dɛm na hɔn a woesisi nsɔrdan bekã, na wɔammfa amma Ewuradze.

4 Na wɔnye hɔnho bedzi esi nkorkor; na hɔn asɔfo nye hɔnho bedzi esi nkorkor, na wɔdze hɔn ^anwomasũa bɛkyerɛkyerɛ, na wɔapow Sunsum Krɔnkrɔn a ɔma nkyerɛkyerɛ no.

5 Na ^awɔpow Nyame no ^btum, Israel Krɔnkrɔnnyi no, no tum na wɔse dɔm no dɛ: Hom ntsie hɛn, na hom ntsie hɛn nkyerɛkyerɛ; na hwɛ Nyame bi ^cnnyi hɔ ndɛ, na Ewuradze, Pomfo no ayɛ n’edwuma, na ɔdze no tum ama adasamba;

6 Hwɛ, hom ntsie me nkyerɛkyerɛ; sɛ wɔbɛse dɛ wɔnam Ewuradze nsa do reyɛ anwanwadze a, mma hom nngye nndzi, osiandɛ ndɛ da yi ɔnnyɛ Nyame a ɔyɛ ^aanwanwadze, oewie n’edwuma yɛ.

7 Nyew, pii na wɔwɔ hɔ a wɔbɛse dɛ: ^aDzidzi, nom, na ma w’enyi ngye, osiandɛ ɔkyena na yewu; na obesi hɛn yie.

8 Na pii so na wɔwɔ hɔ a wɔbɛse dɛ: Dzidzi, nom, na ma w’enyi ngye, na mbom, suro Nyankopɔn—na ^aobobu wo bem wɔ bɔn nketsenketse a eyɛ no ho; nyew, ^bdzi ator kakra, dua obi n’anomusɛm do sisi no, tu ^cmona ma wo nyɛnko ntɔ mu; ɔhaw biara nnyi iyi mu; na yɛ dɛm ndzɛmba yi nyinara, osiandɛ ɔkyena bi na yewuwu; na sɛ ɔba no dɛ yedzi fɔ a, Nyankopɔn bɔhwe hɛn mbaa kakrabaabi, na ewiei no wɔbɛgye hɛn nkwa wɔ Nyankopɔn n’ahenman no mu.

9 Nyew, dodowara wɔ hɔ a wɔbɛkyerɛkyerɛ wɔ dɛm kwan yi do, ndaadaa nye nkyerɛkyerɛ hun nye ^ankwasea ^bnkyerɛkyerɛ, na wɔbɔhoran wɔ hɔn akoma mu, na woesi nketse dɛ wɔdze hɔn nsusui bosuma Ewuradze; na hɔn ndwuma nyina bɛyɛ sum mu ndwuma.

10 Na ahotseweefo hɔn ^abɔgyaa befi asaase tsirmu atsẽa mu etsia hɔn.

11 Nyew, hɔn nyinara aman efi ^akwan no ho; ^bwɔaprɔw.

12 Osian ^aahantanyɛ ntsi, na osian akyerɛkyerɛfo atorfo, na ator nkyerɛkyerɛ ntsi, hɔn nsɔrbansɔrba amema hɔnho do; osian hɔn ahantanyɛ ntsi wɔahoran.

13 ^aWotwa ^behiafo edwoo osian hɔn krɔnkrɔnbea ne fɛw ntsi, wotwa ehiafo edwoo osian hɔn ntar ne fɛw ntsi na wɔtseetsee hɔn a wɔdwe na nkorɔfo a wɔyɛ ehiafo wɔ akoma mu, osian hɔn ^cahantanyɛ ntsi wɔahoran.

14 Wɔyɛ ^aakɔnkyefo na wɔmema hɔn etsir do wɔ wimu; nyew, osian hɔn ahantanyɛ, na emumuyɛ, na ebusudze na ndwamanyɛ ntsi hɔn nyinara ^baman ayew, gyedɛ kumaabi, hɔn na wɔyɛ Christ n’akadofo ahobrɛadzefo; naaso wɔyɛ ma wɔnam akwan pii mu yɛ bɔn osiandɛ wɔkyerɛkyerɛ hɔn nyimpa nkyerɛkyerɛ.

15 O ^aenyansafo, na nwomanyimfo, na esikafo, hom a hom akoma mu ^bahantanyɛ ntsi hom rohoran, na hɔn a wɔkyerɛkyerɛ ator nkyerɛkyerɛ, na hɔn a wɔbɔ edwaman, na wɔkontom Ewuradze n’akwantsenenee, ^cwondue, wondue, wondue, Ewuradze Otumfo Nyankopɔn no na ɔse, na wɔbɔtow hɔn egu abɔnsam gyamu!

16 Hɔn a ^awoyi nyia odzi pɛrpɛr tokyen wɔ adze huhuw bi ho na wɔkasa tsia dza oye no wondue, na wɔkã dɛ noho nnyi mfaso biara! Na nda no bɛba a Ewuradze Nyankopɔn bɛba ntsɛm ntsɛm abɛsera asaase no do mba; na dɛm da no mu nna hɔn ^bemumuyɛ dodow ntsi wɔbɛhera.

17 Mbom hwɛ, sɛ asaase no do mba runu hɔnho wɔ hɔn emumuyɛ na ebusudze ho a nkyɛ wɔrennsɛɛ hɔn, Dɔm Ewuradze na ɔse.

18 Mbom hwɛ, dɛm mbusu asɔr kɛse no, asaase nyinara do ^aedwaman no, ^bbodwuruw egu famu, na n’asehwe bɛyɛ kɛse.

19 Na ɔwɔ dɛ abɔnsam n’ahenman no ^awosow, na hɔn a wɔyɛ nedze no ekenyan hɔn ho ahwehwɛ nnuho mu, annyɛ dɛm a ^babɔnsam dze ne daapem ^cnkɔnsɔnkɔnsɔn no bɛkyekyer hɔn, na wɔagye hɔn akɔ ebufuw mu, na wɔahera.

20 Na hwɛ, dɛm da no a ^aɔbɔsoɛr wɔ adasamba hɔn akoma mu, na oenunu hɔn ebufuw etsia dza oye.

21 Na binom so na wɔbɛma hɔn akoma ^aatɔ hɔn yamu na wɔadaadaa hɔn ma wɔdze hɔn werɛ atwer wiadze, ama wɔakã dɛ: Zion ayɛ yie; nyew, Zion ayɛ prɔmprɔm, biribiara ye—na dɛm na ^babɔnsam dze sisi hɔn akra, na ogya hɔn brɛbrɛ kɔ hɛl.

22 Na hwɛ, binom so na ɔdɔkɔdɔkɔw hɔn soa hɔn kɔ, na ɔkã kyerɛ hɔn dɛ ^ahɛl biara nnyi hɔ, na ɔse hɔn dɛ: Mennyɛ abɔnsam, na biribiara nnyi hɔ a ɔtse dɛm—na dɛm na ɔwasa gu hɔn asomu, kesi dɛ ɔdze no ^bnkɔnsɔnkɔnsɔn huhu no bɛkyekyer hɔn, na ber no nna ɔgyefo biara nnyi hɔ bio.

23 Nyew, owu, na hɛl bemia hɔn; na owu, na hɛl, na abɔnsam, na dza ɔafa hɔn ndɔmmum nyinara begyina Nyame ahengua n’enyim, na ^awoebu hɔn atsɛn dɛ mbrɛ hɔn ndwuma tse, hɔ na wofi bɔkɔ bea a woesiesie ama hɔn no, ^bogya baka na brimstone, bea a ahohyehye a onnyi ewiei wɔ.

24 Dɛm ntsi, nyia a ɔrohom wɔ Zion no ndue!

25 Nyia ɔtsẽa mu dɛ: Ne nyina ye ndue!

26 Nyew, nyia ^aotsie nyimpa ne nkyerɛkyerɛ, na ɔpow Nyame no tum, nye Sunsum Krɔnkrɔn n’akyɛdze no ndue!

27 Nyew, nyia ɔse dɛ: Hɛn nsa akã na ^ayɛnnhia bi bio ndue!

28 Na no korakora no, hɔn a wohihim na hɔn ^abo fuw osian Nyame no nokwar no ntsi wondue! Na hwɛ, nyia a osi wɔ ^bbotan do no dze enyigye gye; na nyia wɔatow ne fapem wɔ anhwea mu no hinhim na ɔhwe ase.

29 Nyia ɔbɛkã dɛ: Hɛn nsa akã Nyame n’asɛm, na ^ayennhia Nyame n’asɛm ^bbiara bio, osiandɛ dza yenya noara dɔɔ sõ ma hɛn ndue!

30 Na hwɛ, dɛm na Ewuradze Nyankopɔn se: Medze me nsɛm bɛma adasamba nsensaneeba tsia nsensaneeba, ^aahyɛdze tsia ahyɛdze, ha kakra, hɔ kakra; na nhyira nkã hɔn a wodzi m’ahyɛdze do, na wɔdze hɔn aso ma m’afotu, na wobosũa ^bnyansa; na nyia ^cɔgye no, mebɛma no ^dpii; na hɔn a wɔbɛkã dɛ dza yenya no ara dɔɔ sõ ma hɛn no, dza wɔwɔ no mpo wɔbɛgye efi hɔn nsamu.

31 Mpaa akã nyia ɔdze no werɛ ^atwer nyimpa, anaadɛ ɔtwer ɔdasanyi, anaadɛ obetsie nyimpa ahyɛdze, gyedɛ hɔn ahyɛdze no wɔnam Sunsum Krɔnkrɔn tum do nyae.

32 Amanamamfo ^awondue, Dɔm Ewuradze Nyankopɔn na ɔse! Kaansa mebɛtsen me nsa ama hɔn fitsi adzekyee ekesi adzekyee mpo a, wɔbɔpow me; naaso, mubohu hɔn mbɔbɔr, Ewuradze Nyankopɔn na ɔse, sɛ wobonu hɔnho wɔaba me nkyɛn a, na emidze matsen ^bm’abasa adzekyee nyina, Dɔm Ewuradze Nyankopɔn na ɔse.