1 Kwaye ngoku, qaphelani, bazalwana bam, ndithethe nani, ngokokuchukunyiswa nguMoya; ngako oko, ndiyazi okokuba ngokuqinisekileyo ziya kwenzeka.

2 Kwaye izinto eziya kubhalwa ziphuma kuyo ^aincwadi ziya kuba ^bnexabiso elikhulu kubo abantwana babantu, kwaye ingakumbi kuyo imbewu yethu, eyintsalela yendlu kaSirayeli.

3 Kuba kuya kwenzeka ngaloo mhla xa sukuba ^aamabandla amisiweyo ephakanyiswa, kwaye kungekuyo iNkosi, xa sukuba elinye liya kuthi kwelinye: Qaphela, mna, ndingoweNkosi; kwaye namanye aya kuthi: Mna, ndim oweNkosi; kwaye njalo ke baya kutsho bonke abamise baphakamisa amabandla, kwaye kungekuyo iNkosi—

4 Kwaye aya kuba nembambano elinye kunye nelinye; nababingeleli bazo baya kuba nembambano omnye kunye nomnye, kwaye baya kufundisa ^angemfundo yabo, baze bawukhanyele uMoya oyiNgcwele, onika intetha.

5 Kwaye baya ^awakhanyela ^bamandla kaThixo, oNgcwele kaSirayeli; baze bathi ebantwini: Phulaphulani kuthi, kwaye nive umthetho wethu; kuba qaphelani ^cakukho Thixo kulo mhla, kuba iNkosi noMkhululi iwenzile umsebenzi wayo, kwaye iwanikele ebantwini amandla ayo;

6 Qaphelani, phulaphulani umthetho wam; ukuba baya kuthi kukho ummangaliso owenziweyo ngesandla seNkosi, ningawukholelwa; kuba kulo mhla akanguye uThixo ^awemimangaliso; uwenzile umsebenzi wakhe.

7 Ewe, kwaye baninzi abaya kuthi: ^aYidla, usele, kwaye uchwayite, kuba ngengomso siya kufa; kwaye kuya kuba kuhle kuthi.

8 Kanjalo kuya kubakho abaninzi abaya kuthi: Yidla, usele, kwaye uchwayite; nangona kunjalo, yoyika uThixo—uya ^akusigwebela ngokona kancinane; ewe, ^bxoka kancinane sebenzela inzuzo yakho ngomnye ngenxa yamazwi alowo, yombela ^cumhadi ummelwane wakho; akukho bungozi koku; kwaye zenze zonke ezi zinto, kuba ngengomso siya kufa; kwaye ukuba kunokwenzeka ukuba sibe netyala, uThixo uya kusibetha ngemivumbo nje embalwa, kwaye ekugqibeleni siya kusindiswa ebukumkanini bukaThixo.

9 Ewe, kwaye kuya kubakho abaninzi abaya kufundisa ngolu hlobo, ^aiimfundiso ^bzobuxoki nezingento nezobuyatha, kwaye baya kukhukhumala ezintliziyweni zabo, kwaye baya kuzama nzulu ukulifihla icebo labo kuyo iNkosi; kwaye nemisebenzi yabo iya kuba sebumnyameni.

10 Kwaye ^aigazi labangcwele liya kukhala ukusuka emhlabeni ngokuchasene nabo.

11 Ewe, bonke baphambukile ^aemendweni; ^bbanenkohlakalo.

12 Ngenxa ^ayekratshi, nangenxa yootitshala abangeyonyani, neemfundiso zobuxoki, amabandla abo onakele, kwaye amabandla abo anempakamo; ngenxa yekratshi akhukhumele.

13 ^aBaphanga ^babazintsizana ngenxa yeendawo zabo zokunqula eziphucukileyo; baphanga abazintsizana ngenxa yezambatho zabo ezintle; kwaye batshutshisa abathobekileyo nabangamahlwempu ngentliziyo, ngenxa ^cyekratshi labo bakhukhumele.

14 Banxiba ^aiintamo eziqinileyo neentloko ezinyusiweyo; ewe, kwaye ngenxa yekratshi, nenkohlakalo, namasikizi nohenyuzo, bonke ^bbaphambukile ngaphandle nje kwabambalwa, abangabalandeli bakaKrestu abathobekileyo; nangona kunjalo, bayakhokelwa, ukuze ngamaxesha amaninzi baphazame ngenxa yokuba bafundiswa ngemithetho yabantu.

15 Owu ^aizilumko, abafundileyo, nabazizityebi, abakhukhumeleyo ^blikratshi leentliziyo zabo, nabo bonke abo bashumayela iimfundiso ezingeyonyani, nabo bonke abo bahenyuzayo, baze bayiguqule indlela eyiyo yeNkosi, ^cyeha, yeha, yeha makube kubo, itsho iNkosi uThixo uSomandla, kuba baya kuphoswa ezantsi esihogweni!

16 Yeha kwabo ^ababakhuphela ecaleni abangamalungisa njengento engento kwaye bayinyelise loo nto ilungileyo, baze bathi ayinaxabiso! Kuba umhla uya kufika eya kuthi iNkosi uThixo ngokukhawuleza ibahambele abemi bomhlaba; kwaye ngaloo mhla xasukuba ^bsebevuthwe ngokupheleleyo kubugwenxa baya kufa.

17 Kodwa qaphelani, ukuba abemi bomhlaba baya kuthi baguquke kuyo inkohlakalo yabo namasikizi abasayi kutshatyalaliswa, itsho iNkosi yeMikhosi.

18 Kodwa qaphelani, elo bandla likhulu nelimasikizi, ^aihenyukazi lawo wonke umhlaba, kufuneka ^blidilikele emhlabeni kwaye kufuneka kube kukhulu ukuwa kwalo.

19 Kuba ubukumkani bomtyholi kufuneka ukuba ^abugungqiswe, nabo bangobabo kuyimfuneko okokuba baxhokonxelwe ekubeni baguquke, okanye ^bumtyholi uya kubaxhakamfula ngaloo ^cmatyathanga akhe angenasiphelo, baze baxhokonxelwe emsindweni, baze batshabalale;

20 Kuba qaphelani, ngaloo mhla uya ^akudwanguza ezintliziyweni zabantwana babantu, aze abavusele emsindweni ngokuchasene noko kulungileyo.

21 Abanye uya ^akubathoboza aze abazolisele kude kukhuseleko lwasenyameni, ukuze bathi: Konke kulungile eZiyon; ewe, iZiyon iphumelele, konke kulungile—uyiqhatha njalo ke ^bumtyholi imiphefumlo yabo, aze ayikhokelele kude ngenyameko ezantsi esihogweni.

22 Kwaye qaphelani, abanye abakhohlisele kude ngokubancoma, abaxelele ukuba akukho ^asihogo; kwaye uthi kubo: Andinguye umtyholi, kuba akukho mtyholi—njalo ke uyasebeza ezindlebeni zabo, ade abaxhakamfule ngaloo ^bmatyathanga akhe oyikekayo, apho kungasekho kukhululwa.

23 Ewe, baxhakamfulwa ngokufa, nangesihogo; kwaye ukufa, nesihogo, nomtyholi, nabo bonke abo babanjwe ngezo zinto kufuneka beme phambi kwetrone kaThixo, baze ^abagwetywe ngokwemisebenzi yabo, ukusuka apho kufuneka baye ngakhona ukuya kuyo indawo elungiselelwe bona, kwanalo ^bidike lomlilo nesalfure, ekukuthuthumba okungenasiphelo.

24 Ke ngoko, yeha kulowo uyekelele umxhelo eZiyon!

25 Yeha kulowo odanduluka athi: Konke kulungile!

26 Ewe, yeha kulowo ^auphulaphula imithetho yabantu, aze akhanyele amandla kaThixo, nesipho soMoya oyiNgcwele!

27 Ewe, yeha kulowo uthi: Sifumene ngokwaneleyo, ^aasifuni okungakumbi!

28 Kwaye lilonke, yeha kubo bonke abo bathi bangcangcazela, kwaye babe ^anomsindo ngenxa yenyaniso kaThixo! Kuba qaphelani, lowo wakhelwe phezu ^bkolwalwa uyamkela ngovuyo; aze lowo wakhelwe phezu kwesiseko sentlabathi angcangazele hleze ayokuwa.

29 Yeha kulowo uya kuthi: Silifumene ilizwi likaThixo, kwaye ^aasifuni ^blimbi ilizwi likaThixo, kuba sinalo ngokwaneleyo!

30 Kuba qaphelani, itsho njalo iNkosi uThixo: Ndiya kubanika abantwana babantu umgca phezu komgca, ^aumthetho phezu komthetho, kancinane apha, kancinane phaya; kwaye basikelelekile abo bathi bayiphulaphule imithetho yam, baze banike indlebe kuyo ingcebiso yam, kuba baya kufunda ^bubulumko; kuba kulowo ^cwamkelayo ndiya kumnika ^dngakumbi; kwaye kwabo baya kuthi, Sinalo ngokwaneleyo, kubo kuya kuthatyathwa noko banako.

31 Uqalekisiwe lowo ubeka ^aithemba lakhe emntwini, okanye owenza inyama ibe yingalo yakhe, okanye oya kuthi aphulaphule imithetho yabantu, ngaphandle kokuba imithetho yabo iya kuba inikwa ngamandla oMoya oyiNgcwele.

32 ^aYeha kubo abeeNtlanga, itsho iNkosi uThixo wemiKhosi! Kuba nangona ndiya kuyolulela ingalo yam kubo imihla ngemihla, baya kundikhanyela; nangona kunjalo, ndiya kuba nenceba kubo, itsho iNkosi uThixo, ukuba baya kuthi baguquke kwaye babuyele kum; kuba ^bingalo yam yolulekile umhla wonke, itsho iNkosi uThixo weMikhosi.