1 Ngem, kitaenyo, ^akadagiti maudi nga aldaw, wenno kadagiti aldaw dagiti Gentil—wen, kitaenyo ti amin a pagilian dagiti Gentil ken kasta met dagiti Hudio, agpada dagiti umayto iti daytoy a daga ken dagiti mapan iti sabali a dagdaga, wen, uray iti amin a dagdaga iti daga, kitaen, mabartekdanto iti kinadakes ken amin a kita ti makarimon nga aramid—

2 Ket inton dumteng dayta nga aldaw sarungkaranto ida ti Apo ti Pangen, a kakuyog ti gurruod ken ginggined, ken napigsa a daranudor, ken bagyo, ken allawig, ken ^agil-ayab ti narungsot nga apuy.

3 Ket amin a ^apagilian a ^bbumusor iti Sion, ken mangparigat kenkuana, agbalinto a kasla tagtagainep iti parmata iti rabii; wen, agbalinto kadakuada, a kas iti mabisin a tao a nagtagtagainep, ket kitaen manganto ngem makariingto ket palawapawto ti kaungganna; wenno kaslanto iti mawaw a tao nga agtagtagainep, ket kitaen uminumto ngem makariingto ket kitaen agkakapsutto, ket addanto kalikagum ti kaungganna; wen, kastanto met ti ummong iti amin a pagilian a mangbusor iti Bantay Sion.

4 Ta kitaenyo, dakayo amin nga agar-aramid iti dakes, agtalnakayo ken masdaaw, agsipud ta agriawkayonto, ken agdung-aw; wen, mabartekkayonto ngem saan a gapu iti arak, agibar-ibarkayonto ngem saan nga iti naingel nga inumen.

5 Ta kitaen, imbukbok ti Apo kadakayo ti espiritu ti nargaan a pannaturog. Ta kitaen, inkidemyo dagiti matayo, ket linaksidyo dagiti propeta; ken dagiti agturayyo, ket inlemmengna dagiti mammadto gapu iti kinadakesyo.

6 Ket mapasamakto a yegto ^akadakayo ti Apo a Dios dagiti balikas iti ^blibro, ket balikas dagitoy dagiti nairidep.

7 Ket kitaen daytoy a libro ket ^amaserraanto; ket addaan iti daytoy a libro ti ^bpaltiing manipud iti Dios, manipud iti punganay ti lubong agingga iti ^cpaggibusan daytoy.

8 Gapuna, gapu kadagiti ^anaserraan a bambanag, ^bsaanto a mayawat dagiti bambanag a naserraan iti aldaw ti kinadangkes ken makarimon nga aramid dagiti tattao. Gapuna mailimedto kadakuada ti libro.

9 Ngem mayawatto ti libro iti ^atao, ket yawatnanto dagiti balikas iti libro, a balikas dagiti nairidep iti katapokan, ken yawatnanto dagitoy a balikas iti ^bsabali;

10 Ngem saanto a mayawat dagiti naserraan a balikas, wenno saanto met mayawat ti libro. Agsipud ta maserraanto ti libro babaen ti bileg ti Dios, ket maitalimengto iti libro ti naserraan a paltiing agingga iti panawen nga inkeddeng ti Apo, tapno mairruardanto; ta kitaenyo, ipalgakda amin a banag manipud iti pannakabukel ti lubong agingga iti kanibusananna.

11 Ket dumteng ti aldaw a mabasanto kadagiti balbalay dagiti balikas iti libro a naserraan; ket mabasadanto babaen ti bileg ni Cristo; ket ^amaipalgakto amin a banag kadagiti annak ti tattao iti ania man a kanito a kaaddana kadagiti annak ti tattao, ken iti kaano man agingga iti kanibusanan ti lubong.

12 Gapuna, iti dayta nga aldaw a pannakayawat ti libro iti tao a nasaokon, mailemmengto ti libro kadagiti mata ti lubong, tapno malaksid kadagiti ^atallo a ^bsaksi awanto ti asino man a makakita iti daytoy, babaen ti pannakabalin ti Dios, malaksid kenkuana a pakayawatan ti libro; ket paneknekandanto ti kinapudno ti libro ken dagiti bambanag a nailanad ditoy.

13 Ket awan ti asino man a mangimutektek, malaksid ti sumagmamano a palubosan ti Dios, a mangipaneknek iti balikasna kadagiti annak ti tattao; ta kinuna ti Apo a Dios a nasken a maisao dagiti balikas dagiti napudno a kasla ^aagtaud kadagiti natay.

14 Gapuna, ituloy ti Apo a Dios nga ipalgak dagiti balikas iti libro; ket maipasdekto ti balikasna babaen iti ngiwat ti kas kaadu a saksi a kas ammona a naimbag; ket ay-ayto pay ti ^amangiwaksi iti balikas ti Dios!

15 Ngem kitaen, mapasamakto nga ibaganto ti Apo a Dios iti pangyawatanna iti libro: Alaem dagitoy balikas a saan a naselioan ket yawatmo ida kadagiti sabali, tapno maipakitana ida kadagiti de adal, a kunana: ^aBasaem daytoy, pangaasim. Ket kunanto ti deadal: Yegyo ditoy ti libro, ket basaekto.

16 Ket ita, ibagadanto daytoy gapu iti dayag ti lubong ken tapno makaawat iti ^agunggona ket saan a para iti dayag ti Dios.

17 Ket kunanto ti tao: Diak maitugot ti libro, gapu ta naselioan.

18 Sa kunanto ti deadal: Saanko mabasa.

19 Gapuna mapasamakto, nga yawatto manen ti Apo a Dios ti libro kenkuana a saan a deadal; ket kunanto ti tao a saan a deadal: Saanak a deadal.

20 Isu a kunanto ti Apo a Dios kenkuana: Saanto a basaen ida ti masirib, ta inlaksidda ida, ket kabaelak nga aramiden ti trabahok; gapuna nasken a basaem dagiti balikas nga itedkonto kenka.

21 ^aSaanmo sagiden dagiti bambanag a naselioan, ta siakto ti mangyeg iti intudingko a panawen; ta ipakitakto kadagiti annak ti tattao a kabaelak nga aramiden ti trabahok.

22 Gapuna, inton mabasamon dagiti balikas nga imbilinko kenka, ken maalam ^adagiti saksi nga inkarik kenka, isunto pay la ti panangiserramto manen iti libro, ket paidulinmonto kaniak, tapno taginayonek dagiti balikas a saanmo pay nabasa, agingga a makitakton a mainugoten iti pagsiribak ti pannakaipalgak amin a banag kadagiti annak ti tattao.

23 Ta kitaen, Siak ti Dios; ken siak ti Dios ^adagiti milagro; ken ipakitak iti lubong a ^bsiak met laeng ti napalabas, ti agdama, ken ti agnanayon; ken saanak nga agtrabaho kadagiti annak ti tattao malaksid no ^cmayannurot iti pammatida.

24 Ket mapasamakto manen a kunanto ti Apo iti mangbasanto iti libro a maited kenkuana:

25 ^aAgsipud ta umasideg kaniak dagitoy a tattao kadagiti ngiwatda, ken ^bdayawendak kadagiti bibigda, ngem yadayoda dagiti puspusoda kaniak, ken gapu ta insuro ti butengda kaniak babaen kadagiti ^calagaden dagiti tattao—

26 Ngarud, isayangkatkonto ti maysa a ^adatdatlag nga aramid kadagitoy a tattao, wen, ti ^bdatdatlag nga aramid ken pagsidsiddaawan, ta maawanto ti kinasirib dagiti masirib ken deadalda, ket mailemmengto ti pannakaawat dagiti nainsiriban.

27 Ket ^aay-ay pay dagiti agpanggep a mangilemmeng iti pammagbagada manipud iti Apo! Ket adda iti sipnget dagiti aramidda; ket kunada: Asino ti makakita kadakami, ken asino ti makaammo kadakami? Ken kunada pay: Pudno, maibilangto a kasla iti pitak ti ^bagdamdamili ti panangbaliktadyo kadagiti bambanag. Ngem kitaen, ipakitakto kadakuada, kinuna ti Apo ti Pangen, nga ammok amin dagiti aramidda. Ta kunanto kadi ti naaramid iti nangaramid, saan kadi nga isu ti nangaramid kaniak? Wenno ti naisakab a banag ti agkuna ti nangisakab, awan ti pannakaawatna?

28 Ngem kitaen, kinuna ti Apo ti Pangen: Ipakitakto kadagiti annak ti tattao a bassit laengen a panawen ket agbalinton ti Lebanon a nabunga a pagtatalonan; ket maibilangto a nabunga a pagtatalonan a kas iti kabakiran.

29 ^aKet itinto dayta nga aldaw mangngegto dagiti tuleng dagiti balikas iti libro, ket makakitanto manipud iti kinalidem ken kinasipnget dagiti mata ti bulsek.

30 Ket ti ^anapakumbaba umadunto met, ken ti ^bragsakda para iti Apo, ken agrag-onto dagiti nakurapay para iti Nasantuan ti Israel.

31 Agsipud ta naipanamnama nga agingga a sibibiag ti Apo makitadanto ti panagbalin dagiti ^apagbutbutngan nga awan mamaayda, ket maalun-onto dagiti manglalais, ket maisinanto amin a mangpadpadaan ti gundaway nga agaramid ti dakes;

32 Ket isuda a ^amamangsalungasing iti tao gapu iti balikas, ket palab-ogannanto ti mangbabalaw iti ^bruangan, ken ^cmangkedked ti nalinteg para iti banag nga awan kaes-eskanna.

33 Ngarud, kinuna ti Apo, a nangsubbot ken ni Abraham, maipanggep iti balay ni Jacob: Saan itan a mabain ni Jacob, wenno uray no bumsag man la koma.

34 Ngem inton ^amakitana dagiti annakna, ti aramid dagiti imak, a nanglikmut kenkuana, pasantuendanto ti naganko, ken pasantuenda ti Nasantuan ni Jacob, ket agbutengdanto iti Dios ti Israel.

35 Isuda a ^anagbiddut iti espiritu ket makaawatto met, ket ^bmakaadalto met iti doktrina dagiti nagdayamudom.